गोंय/मुंबई, 25 नोव्‍हेंबर 2023

बेस्ट डेब्यू फिचर फिल्मा खाला सात पदार्पण फिल्मांक नामांकना  मेळ्ळयात आनी गोंयांत जावपी  54व्या भारतीय आंतरराष्ट्रीय चित्रपट महोत्सवांत ते प्रदर्शीत जातात. इफ्फींतली  ही सर्त, भारतांतल्यान आनी परदेशांतल्या नवोदित चित्रपट निर्मात्यांक आनी तांच्या उत्कृश्ट चित्रपटांक एक माची दिता. इफ्फितलो हो पुरस्कार नवनिर्माण, नवी नदर, आनी सिनेमांतल्या उत्कृश्टतायेची परब मनायता.

ह्या वर्सा आस्पाव जाल्ले चित्रपट अशे आसात:

ऑल्मोस्ट एंटायरली ए स्लायट डिसास्टर: उमुत सुबाशी हाणें दिग्दर्शीत केल्लो, हो तुर्की चित्रपट इस्तांबुलांतल्या चार व्यक्तींच्या समकालीन जिविताचो अभ्यास करता. झेनेप, एक त्रासांत आशिल्लो विद्यार्थी; तुर्कस्तानांतल्या आपल्या फुडाराक पळून वचपाचो यत्न करपी आयशे; मेहमेत, एक असंतुश्ट लग्न जाल्लो अभियंतो; आनी अली, एक बेकार व्यक्ती आपल्या आवय-बापाय वांगडा रावता. आंतरराष्ट्रीय चित्रपट महोत्सव रॉटरडॅम २०२३ वर्सा संवसारीक प्रीमियर जाल्ल्या ह्या चित्रपटांत, नव्या पिळगेक मेळपी उमळशिके वांगडा विनोद कुशळटायेन गुंथला.

लेट मी गो : मॅक्सिम रप्पाज हाणें दिग्दर्शीत केल्लो आनी स्वित्झर्लंडांत घडिल्लो हो चित्रपट, क्लाउडीन ही एक आवय आनी मोगी हांचे भोंवतणी घुंवता. दर मंगळारा क्षणिक दादल्यांक मेळपाक दोंगरी हॉटेलांत वतना, एक शेजारी तीच्या पुताची जतनाय घेता. तातूंतलो एकलो तिचे खातीर आपले रावप वाडोवपाचें थारायता तेन्ना क्लाउडीन घुस्पता आनी तिका दुसऱ्या जिविताचें सपन दिसता. ह्या सिनेमाचो संवसारीक प्रीमियर कान्स 2023 महोत्सवात जाल्लो. 

ओकारिना: आल्बन ज़ोगजानीन दिग्दर्शीत केल्लो आल्बेनियन सिनेमा, ओकारिना चित्रपट हो परिस्थिती सुदारपाची खर आकांक्षा आशिल्ल्यान, नव्या देशांत वचून जिणे पद्दतींत बदल जाल्ल्यान उदयाक येवपी कुटुंबीक प्रस्नांची कथा. शाका आनी सेल्विया आपल्या भविष्याच्या सोदांत आपल्या "नैतिक" भावनेक आव्हान दिवपाची निवड करतात. उरफाटें जियोव्हानीचो अनवळखी वांटो तांणी वेंचून काडिल्लो मार्ग अदमासा भायर व्हरता. पूण सुरवेक तांणी अदमास केल्ले प्रमाण, तांचो प्रवास तेंगशेक पावना.

स्लिप : जेसन यूच्या हांणी दिग्दर्शीत केल्लो दक्षिण कोरियन सिनेमा एक गुरवार बायलेची काणी सांगता, जी आपल्या घोवाच्या अस्वस्थ करपी न्हीद संवयांचो चडांत चड हुस्को करता, निरुपद्रवी न्हीद पूण उपरांत  अस्वस्थ करपी वागणुक परावर्तीत जाता. कान्स  (समीक्षक सप्तक), 2023, टोरोंटो आंतरराष्ट्रीय चित्रपट महोत्सव 2023 आनी मेलबर्न आंतरराष्ट्रीय चित्रपट महोत्सव 2023 हातूंत ह्या सिनेमाचो आस्पाव जालो.

वेन द सिड्लिंग्स ग्रो : तुर्की फिल्म निर्मातो रेगर आझाद काया हाणें दिग्दर्शीत केल्लो हो सिनेमा कोबानेंतल्या हुसेयन आनी ताच्या कुटुंबा भोंवतणी घुंवता, जे धंय  विकून आपलें पोट भरतात. बाजारांतली संद चुकयल्यार एक दीसभर प्रवास घडटा. हेमुदे नांवाच्या भुरग्या कडेन तांचें जिवीत आनी कोबाने झुजाचो तांच्या जिविताचेर आनी समाजाचेर जावपी परिणाम हांतूत गुंथला.

धाई आखर: प्रवीण अरोड़ा हाणें दिग्दर्शीत केल्लो एक हिंदी सिनेमा अमरीक सिंग दीप हाच्या ‘तीरथटन के बाद’ कादंबरीचेर आदारिल्लो आसा. 1980’s च्या दशकांत उत्तराखंडांत घडिल्ल्या ह्या सिनेमांत एका दयाळ लेखका कडल्यान आयील्ल्या पत्रांतल्यान  सुटून, आपलें जिवीत परतून बांदपी हर्षिताचो प्रवास सांगला. घोवाच्या मरणा उपरांत श्रीधराक सांत्वन आनी आदर मेळोवन हर्षिताची ही काणी, पितृसत्ताक समाजांतल्या सामान्यीकरणाचेर उजवाड घालता. बायलांक सशक्तीकरणाचो आकर्शक संदेश आशिल्ली एक मुक्तताय दिवपी शक्त म्हूण मोगाचेर भर दिला.

इराट्टा: हो एक भारतीय सिनेमा. रोहित एम.जी. कृष्णन, ह्या सिनेमांत पुलीस खात्यांत काम करपी एएसआय विनोद हाच्या जुळ्याच्या खूना विशी आसा.  ताका मंत्री येवचे आदीं फारपेट करून जिवेशीं मारलो. डीवायएसपी प्रमोद हाचेर चवकशी करपाचो दबाव येता, विनोदाच्या विक्षिप्त  स्वभाव आनी ताच्या मरणाच्या खऱ्या परिस्थितीचेर प्रस्न उप्रासतात.

54वो इफफी मुखार सरता तसो, उदयाक येवपी प्रतिभेक मान दिवन बेस्ट डेब्यू फिल्म पुरस्काराची घोशणा, फुडल्या कांय दिसांनी जातली. चालू आशिल्ल्या  फिल्म प्रदर्शनांतल्यान फुडले पिळगेच्या दिग्दर्शकांच्या दृश्टीकोनाची झलक मेळटा.

* * *

PIB Mumbai | S.Jan/M.Prabhugaonkar/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai