1 4

गोंय/मुंबई, 24 नोव्‍हेंबर 2023

गोंयांत सुरू आशिल्ल्या 54व्या भारतीय आंतरराष्ट्रीय चित्रपट महोत्सवांत जाल्ल्या ‘75 क्रिएटिव्ह माइंड्स ऑफ टुमॉरो’ (सीएमओटी) सर्तींत गोंयच्या दर्यादेगेवेले ताजेपण दिवपी आनी विचार करपासारको लघुपट ‘ओड’ हाका आयज उत्कृश्ट चित्रपट पुरस्कार फावो जालो.

जैतीवंत जाल्ल्यांक परबीं दितना म्हायती आनी वितरावणी मंत्रालयाचे संयुक्त सचीव (फिल्म), एनएफडीसीचे वेवस्थापकीय संचालक, श्री. प्रिथुल कुमार हांणी भारताक संवसारीक पांवड्यार व्हरपी फिल्म निर्मितींत, खऱ्या आशयाची वळख करपाचें म्हत्व उक्तायलें. "भारतभरांतल्या तरणाट्या सृजनशील मनशां खातीर सीएमओटी हें सगळ्यांत बरें प्लॅटफॉर्म आसा, जे बऱ्या आशयाचे चित्रपट तयार करपाक प्रेरीत करतले, अशेंय तांणी सांगलें.

ह्या संदर्भात उलयतना 75  सीएमओटीच्या जूरी वांगड्यांतलो एक दिग्दर्शक शूजीत सरकार हाणी सांगलें की, सेल्फ रेट्रोस्पेक्टीव्ह, आशा, निदर्शना आदी सगळ्या भावनांक जुळोवन, ‘द मिशन लायफ’ ह्या विशयाचेर 48 वरां भितर लघुपट तयार करप म्हणल्यार अविश्वसनीय गजाल आसा.

सर्तींतल्या सगळ्या चित्रपटांच्या पंगड वांगड्यांक परबीं दितना, शूजीत सरकारान सांगलें, की सगळे चित्रपट खऱ्यांनीच प्रासंगीक आनी विचार करपासारके आसात आनी पर्यावरणाची राखण आनी सांबाळ करपाच्या खूब म्हत्वाच्या विशयाचेर आदारीत आसात. ताणें म्हळे, की “तुमी सगळेच जैतीवंत जाल्यात”.

जूरी वांगडी आनी शॉर्ट्स टीव्हीचे सीईओ कार्टर पिल्चर हांणी सांगले, की तरणाट्या सृजनशील मनांक तांची प्रतिभा दाखोवपा खातीर, सीएमओटी सारकी माची दिवपाची संकल्पना अदभूत आसा.

फिल्म चॅलेंजाचो एक भाग म्हूण 75 सीएमओटीत भाग घेवप्यांक पांच पंगडांनी विभागून ‘मिशन लायफ’ ह्या विशयाचेर 48 वरां भितर लघुपट तयार करपाक सांगिल्ले.

एनएफडीसीन शॉर्ट्स इंटरनॅशनल कंपनीच्या भागीदारींत ही सर्त आखली.  संवसारीक सिने मास्टरांनी क्युरेट केल्ल्यो कार्यशाळा आनी मास्टरक्लास सत्रांकय सीएमओटींतले लोक, वाटेकार जाल्ले. 

केंद्रीय म्हायती आनी वितरावणी मंत्री, श्री. अनुराग सिंग ठाकुर हांच्या विचारांतल्यान तयार जाल्ल्या ह्या उपक्रमांत, चित्रपट निर्मितीच्या वेगवेगळ्या वेवसायांतल्या तरणट्याच्या सृजनशील प्रतिभेक उर्बा  दिवपाचो हेत आसा. ‘आजादी का अमृत महोत्सव’ उत्सवाचो एक भाग म्हूण भारताच्या स्वातंत्र्याचें 75वें वर्स मनोवपा खातीर, 2021 वर्सा सुरू केल्ल्या ह्या उपक्रमाचे हे तिसरे वर्स.

ओड विशीं: मार्सेलीन हो नुस्तेकार, पार्किंगाची सुवात सोदपाच्या यत्नांत, आपली बोट शाराच्या मदीं व्हरता.  दर्यादेगेर सुवात ना आनी तांका पार्क करपाक जागो ना अशी कागाळ तो करता. दर्याची पातळी वाडप आनी दर्यादेगांचेर जावपी भौशिक बांदकामांक लागून, गोंयची दर्यादेग  फाटीं सरत आसा, ह्या प्रस्नाचेर ह्या चित्रपटांत भर दिला.

* * *

PIB Mumbai | S.Jan/M.Prabhugaonkar/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai