0 3

گوا، 23 نومبر 2023

افی 54 کے حصے کے طور پر انٹرنیشنل فلم فیسٹیول آف انڈیا (افی)، گوا کی کلا اکیڈمی میں آج عالمی اسٹیج پر بھارتی دستاویزی فلم پر کارتیکی گونزالیس، آر وی رمانی، مریم چانڈی میناچیری، سائی ابھیشیک اور نیلوتپال مجمدار کی ماسٹر کلاس سیشن کا انعقاد ہوا۔

دستاویزی فلموں کے بارے میں موڈریٹر انشول چترویدی کے ساتھ ایک دلچسپ گفتگو میں ، دستاویزی فلم سازوں نے دستاویزی فلم سازی کے جوہر اور چیلنجوں پر روشن اور قابل قدر نقطہ نظر شیئر کیا۔ بھارتی دستاویزی فلموں نے عالمی سطح پر پہچان حاصل کی ہے ، معروف بین الاقوامی فلم فیسٹیولوں میں نامزدگیاں اور تعریفیں حاصل کی ہیں۔

کارتک گونزلویس، ایک مشہور دستاویزی فلم ساز، جو اپنی متاثر کن کہانی سنانے اور متنوع ثقافتی منظرنامے کی کھوج کے لیے مشہور ہیں، نے کہا کہ حقائق پر مبنی کہانیاں حقیقت میں اپنی سچائی تلاش کرتی ہیں، جس سے سیکھنے اور تبدیلی کے ایک خوشحال سفر کو فروغ ملتا ہے۔ انھوں نے کہا، ’’دستاویزی فلموں کے لیے ایک معاون ایکو سسٹم کو فروغ دینے میں تعاون کلیدی اہمیت کا حامل ہے۔‘‘

آر وی رمانی، ایک تجربہ کار فلم ساز، جو اپنے سنیما کے کام میں اپنی فنکارانہ گہرائی اور سماجی مطابقت کے لیے جانے جاتے ہیں، نے کہا، ’’دستاویزی فلم سازی کا بنیادی جوہر حقائق پر مبنی کہانیوں کو مستند طور پر پیش کرنے میں مضمر ہے۔‘‘انھوں نے مزید کہا کہ ’’آمدنی ثانوی حیثیت رکھتی ہے۔‘‘

مریم چنڈی میناچیری، ایک دور اندیش ہدایت کار اور پروڈیوسر، جو اپنے سفر کی عکاسی کرتے ہوئے، زبردست دستاویزی فلموں کے ذریعے ناقابل بیان کہانیاں بیان کرنے کے لیے مشہور ہیں، نے کہا ’’ دستاویزی کہانی نویسوں کے لیے جذبہ ہی سب کچھ ہے۔ اس کے باوجود، فنڈنگ اور ٹھوس سامعین کی حمایت – مین اسٹریم میڈیا کی طرح – خواہشمند تخلیق کاروں کے لیے اہم ہے۔‘‘

سائی ابھیشیک، جو دستاویزی میدان میں ایک اہم نام ہیں، نے متاثر کن سنیما کہانیوں کے ذریعے ثقافتوں اور برادریوں کو متحد کرتے ہوئے بھارت کے پرامید دستاویزی منظر نامے پر روشنی ڈالتے ہوئے کہا، ’’پرجوش ناظرین موجود ہیں، لیکن مین اسٹریم سنیما کے مقابلے میں ایک مضبوط ایکو سسٹم کی کمی ہے۔ انھوں نے اس بات پر زور دیا کہ فلم کلب اور ڈسٹری بیوشن چینلز جیسے سپورٹ سسٹم اہم ہیں۔‘‘

سماجی باریکیوں اور انسانی تجربات کی دلکش تصویر کشی کے لیے مشہور دستاویزی فلم ساز نیلوتپال مجومدار نے کہا، ’’دستاویزی فلم سازی کہانی کو افسانے سے آزاد کرتی ہے، زندگی کے ساتھ مکالمے کو فروغ دیتی ہے اور یہ مشترکہ انسانی تجربات کے ذریعے جڑنے کے بارے میں ہے۔‘‘

اس موقع پر وزارت اطلاعات و نشریات کے ڈائریکٹر (فلم) جناب آرمسٹرانگ پامے نے بتایا کہ وزارت اطلاعات و نشریات ستیہ جیت رے فلم اینڈ ٹیلی وژن انسٹی ٹیوٹ، کولکاتا (ایس آر ایف ٹی آئی) اور فلم اینڈ ٹیکنالوجی انسٹی ٹیوٹ آف انڈیا، پونے میں دستاویزی فلم سازی میں مختصر مدتی کورس شروع کرے گی۔ انھوں نے دوردرشن پر دستاویزی فلموں کی نمائش کے لیے ایک ٹائم سلاٹ مختص کرنے کا بھی اعلان کیا ، جس کی شروعات قومی ایوارڈ یافتہ کاموں سے ہوگی۔ جناب پامے نے مزید بتایا کہ فلم پروڈکشن اور کو پروڈکشن کے لیے این ایف ڈی سی کے ذریعے افی فلم بازار میں اس سال سے 20 کروڑ روپے کا فنڈ دستیاب کرایا گیا ہے۔

***

(ش ح – ع ا – ع ر)

U. No. 1345