गोंय, 21 नोव्हेंबर 2023

 

“1979 सावन हांव इफफीत इंडियन पॅनोरमाचो भाग आसा, आनी णव फीचर फिल्मा आयिल्ली, तेन्नाच्यान जावपी उदरगतीचो साक्षी जावन आसां. पॅनोरमा, राष्ट्राच्या संस्कृतीक विविधतायेचें आनी दृश्य साक्षरता वाडीचे प्रतीक आसा. एक सिनेमा मोगी म्हूण, म्हजेखातीर हो प्रवास भारतीय सिनेमाच्या परिदृश्याचो आनी समाजीक परिवर्तनाचो एक अमूल्य अभ्यास जाला,” अशें इंडियन पॅनोरमा फिचर फिल्म्साचे जूरी अध्यक्ष, डॉ. टी. एस. नागभरणा हाणी आयज, गोंयात 54व्या आंतरराष्ट्रीय चित्रपट महोत्सवांत घेतिल्ले पत्रकार परिशदेत सांगले. 

अध्यक्षान सांगलें, की फिल्मां फकत दोन प्रकारची आसतात – बरी आनी वायट. “बरो सिनेमा म्हणल्यार काळजाक स्पर्श करपी, दोन फावटीं विचार करपाक लावपी आनी मरमेरेन याद उरपी असो आसता,” अशेंय अध्यक्षान सांगलें.

निवड प्रक्रियेविशीं  स्पश्ट करतना अध्यक्षान सांगलें, की पुराय जूरीन “सिनेमा भास” आनी सिनेमाच्या काळजाचेर म्हळ्यार विषयाचेर आदारून चित्रपटांचें  विश्लेशण केलां. ताणें म्हणलें “बरी गजाल आसूं वा नासूं, फिल्म निर्माते म्हणून आमचे दरेकल्याचे नदरेन विविधताय आसप सामान्य आसा. तरी लेगीत सिनेमाचें काळीज - ताची भास आनी सार - समजून घेवपांत सगळें आयले. आमच्या मतभेदां मदीं आमच्यांतल्या खंयच्याच जुरीन एकामेकांच्या समजुतीचेर प्रस्नचिन्न उबें केलें ना.”

चित्रपटात आशय आनी कुशळटाय हें म्हत्वाचें मिश्रण म्हणून भर दितना, आमी एकठांयपणान अभिमान आनी जापसालदारकीर घेतात. समर्पणाच्या प्रवासा सारकेंच चित्रपट निर्मितींत तयारेची गरज आसता- एक तपस. सध्या ‘आरारिरारो’ सारकिल्या चित्रपटांनी उदाहरण दिल्ली नदर, अर्थपूर्ण संलग्नताये खातीर मनशाच्या काय घटकांचेर भर दिवप गरजेचें आसा, अशें तांणी मुखार सांगलें.

भारतीय उण्या बजेटाच्या चित्रपटांक संवसारीक पांवड्यार पावपा विशीं मत उक्तायतना जूरीन सांगलें, की चित्रपटाच्या बजेटाक उणें म्हत्व आसा; आशय, भावना, नैतीक आनी सुंदरतेचेर चित्रपट चड निंबून आसता. आमचो हेत मार्केटिंग न्हय, तर नैतीक आनी भावनीक नदरेन भारतीय चित्रपट आंतरराष्ट्रीय मंचाचेर सादर करप आसा, जो सार्वत्रिकपणान मनशाच्या काळजाक स्पर्श करतलो. 

तेरा वांगडी आशिल्ल्या फीचर फिल्म जूरीचें अध्यक्ष डॉ. टी.एस. नागभरणा आसात. ते १० राष्ट्रीय पुरस्कार आनी १८ राज्य पुरस्कार मेळोवपी कन्नड भाशेतले एक नामनेचे चित्रपट दिग्दर्शक, नट, निर्माते आसात. फीचर फिल्म्स जूरीचे वांगडी मुखार दिल्लेप्रमाणं आसात :

1. डॉ टी.एस. नागभरणा (अध्यक्ष) 

2. श्री ए कार्तिक राजा

3. श्री अंजन बोस

4. डॉ. इतिराणी समंता

5. श्री के. पी. व्यासन 

6. श्री कमलेश मिश्रा

7. श्री किरण गांती

8. श्री मिलिंद लेले

9. श्री प्रदीप कुरबाह

10. श्रीमती रमा विज

11. श्री रोमी मेइतेई

12. श्री संजय जाधव

13. श्री विजय पांडे

डिजिटल/व्हिडियो फॉर्मेटांत आनी 70 मिनटां वयर फिचर फिल्म वा फिक्शन म्हणून काडिल्ले खंयचेय भारतीय भाशेंत तयार केल्ले फिल्म, हे फीचर फिल्म विभागा खातीर पात्र आसा.

संवाद कार्यवळीविशी जाणून घेवपाखातीर लिंक :-   https://www.youtube.com/watch?v=cXW1uwVWfYE

 

जुरीविशी अदिक म्हायतीखातीर लिंक :- https://iffigoa.org/indian-panorama-jury/en

फीचर फिल्मां विशीं अदिक म्हायतीखातीर लिंक :-  

https://iffigoa.org/indian-panorama-feature-2023/official-selections-features/en

 

* * *

PIB Mumbai | S.Jan/M.Prabhugaonkar/D.Rane

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa

(रिलीज़ आईडी: 1978683) आगंतुक पटल : 143