गोंय/मुंबई, 21 नोव्‍हेंबर 2023

54व्या इफफींत गोंयचे मुखेलमंत्री,डॉ. प्रमोद सावंत हांच्या हस्तुकी सीबीसी प्रदर्शनाचें उक्तावण जालें. अंदूंच्या सीबीसी प्रदर्शनांत अत्याधुनीक तंत्रगिन्यान आनी प्रगत तकनिकेचो वापर करून भारतीय चित्रपट मुखार आसात. पणजेच्या कला अकादेमींत केंद्रीय म्हायती आनी वितरावणी ब्युरो (आय अँड बी) हांणी डिजिटल प्रदर्शन घडोवन हाडला.

केंद्रीय मंत्री, श्री अनुराग सिंग ठाकुर हांणी ह्या प्रदर्शनाक भेट दिवन तोखणाय केली. अशा प्रदर्शनांचें म्हत्व उक्तायतना तांणी सांगलें, ह्या प्रदर्शनांतल्यान सगळ्यांक इतिहास, नवे तंत्रगिन्यान आनी व्हीएफएक्स सारकिले नवे तंत्र पळोवंक मेळटा आनी व्हर्च्युअल रियलिटीचो वापर करपाक मेळटा. ताणें फुडें सांगलें, सिनेमा मोगीं खातीर एक्सप्लोर, एक्सपिरियंस आनी एज्युकेट करपाकक ही योग्य सुवात आसा.  

It is important to see the history and the new technology. New interventions from VFX to new virtual reality can take you deep into the history and good cinema which was made at the time of Raja Harishchandra. It's a good place to explore, experience and educate cinema lovers… pic.twitter.com/NZgAzDok2A

— PIB India (@PIB_India) November 21, 2023

ह्या प्रदर्शनाचो मुखेल विशय भारतीय सिनेमाचेर आदारीत आसा, जंय सिनेमाची वेगवेगळी  आंगा दाखयल्यात, जशे की बायलां सशक्तीकरण, समाजीकरण आनी वागणूक बदलाचेर आदारिल्लो सिनेमा, महात्मा गांधीची विचारसरणी, प्रेरणा दिवपी तरणाटे, राष्ट्रीय सुरक्षा, विज्ञान आनी तंत्रज्ञान, राष्ट्रीय एकात्मता आनी सामुदायिक सुसंवाद, आनी हेरां मदीं प्रादेशिक भासो आनी संस्कृताय.

सिनेमा मोगींक परस्पर संवादात्मक प्रदर्शनांवरवीं सिनेमा विशीं शिकपाक मेळपी, हें प्रदर्शन एक अंतर्दृष्टी आनी आकर्शक अशे दोनूय अणभव दितात. ऑगमेंटेड रियलिटी, व्हर्च्युअल रियलिटी, डिजिटल पझल, इमर्सिव रूम, डिजिटल फ्लिपबुक आदी वेगवेगळ्या तंत्रगिन्यानाचो उपेग करून भेट दिवप्यांचो अणभव वाडयता.

देशभक्ती विशयाचेर आदारिल्ल्या स्वातंत्र्या पयलींच्या गितांचोय विभाग आसा. गितां फुडले तरेन आसतात:

1. वतन से चला है वतन का सिपाही (चाँद 1944)

2. ये देश हमारा प्यारा (हमजोली 1946)

3. ए हिंद के सपूतो जागो हुआ सवेरा, ( कोशिश 1943)

4. ए वतन मेरे वतन तुझ पे मेरी जान निसार (गुलामी 1945)

5. माता माता भारत माता (एचडी) - तकदीर (1943) गीत - नरगिस - मोतीलाल - चंद्र मोहन

6. (1943)  दूर हटो ऐ दुनिया वालो - किस्मत पुराय गीत

7. चलो सिपाही, करो सफाइ (ब्रह्मचारी 1938)

8. चल चल रे नौजवान (बंधन 1940)

9. हम पंछी है आझाद (नसीब 1945)

10.1937 - दुनिया ना माने - शांता आप्टे

11.भारत प्यारा देश हमारा (मुस्कराहट_1943)

12. है धन्य तू भारत नारी (भारत की बेटी 1936)

ह्या प्रदर्शना भितर एक मनोरंजक खाशेलपण म्हणल्यार एल्फिनस्टोन पिक्चर पॅलेस मूवी थिएटराचो अणभव. उल्लेख करपासारकें म्हणल्यार कोलकाताचो एल्फिन्स्टोन पिक्चर पॅलेस हो भारताचो पयलो सिनेमा हॉल आशिल्लो. ह्या प्रदर्शनांत तंत्रगिन्यानाचो आस्पाव केला आनी भोंवडेकारांक मंत्रमुग्ध करपाचें आनी मोहित करपी आसा. प्रधानमंत्री श्री. नरेंद्र मोदी हांचे वांगडा सेल्फी खातीर एआर बूथ, 360 डिग्री रोबोटीक आर्म, थ्री सायड लेड वॉल लेगीत आसात.

सांजवेळार दोन लेजर शो आनी सिनेमाच्या विशयाचेर आदारिल्लो प्रोजेक्शन मॅपिंग शो आयोजीत करतले. प्रदर्शनांत सगळ्यांखातीर प्रवेश फुकट आसा.

तशेंच उक्तावण सुवाळ्याक ईएसजीची सीईओ, अंकिता मिश्रा आनी वेस्ट झोन पीआयबीच्यो महासंचालक, मोनीदीपा मुखर्जी हाजीर आशिल्यो.

* * *

PIB Mumbai | S.Jan/M.Prabhugaonkar/D.Rane

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa