কিংবদন্তী অভিনেত্ৰী মাধুৰী দীক্ষিতলৈ এক গৌৰৱময় শ্ৰদ্ধা জ্ঞাপন কৰি ভাৰতৰ ৫৪ সংখ্যক আন্তঃৰাষ্ট্ৰীয় চলচ্চিত্ৰ মহোৎসৱত তেওঁক 'ভাৰতীয় চলচ্চিত্ৰলৈ আগবঢ়োৱা অৱদানৰ বাবে বিশেষ স্বীকৃতি' বঁটাৰে সন্মানিত কৰা হয়। চাৰিটা উল্লেখযোগ্য দশকজুৰি এক সুন্দৰ কেৰিয়াৰৰ জৰিয়তে, মাধুৰী দীক্ষিতে ভাৰতীয় চলচ্চিত্ৰ উদ্যোগত এক অমলিন ছাপ ৰাখিছে। কেন্দ্ৰীয় তথ্য আৰু সম্প্ৰচাৰ আৰু যুৱ পৰিক্ৰমা আৰু ক্ৰীড়া মন্ত্ৰী শ্ৰী অনুৰাগ সিং ঠাকুৰৰ লগতে তথ্য আৰু সম্প্ৰচাৰ মন্ত্ৰী ড০ এল মুৰুগান আৰু গোৱাৰ মুখ্যমন্ত্ৰী প্ৰমোদ সাৱন্তে আজি গোৱাৰ পানাজীত অনুষ্ঠিত ৫৪ সংখ্যক আইএফএফআইৰ উদ্বোধনী অনুষ্ঠানত এই বঁটা ঘোষণা কৰে।

কেন্দ্ৰীয় তথ্য আৰু সম্প্ৰচাৰ আৰু যুৱ পৰিক্ৰমা আৰু ক্ৰীড়া মন্ত্ৰী শ্ৰী অনুৰাগ সিং ঠাকুৰে এক্সত পোষ্ট কৰি কয়, "বহু বছৰ জুৰি এগৰাকী আইকন হৈ থকা, মাধুৰী দীক্ষিতে চাৰিটা অবিশ্বাস্য দশকধৰি অতুলনীয় প্ৰতিভাৰে আমাৰ চিনেমাসমূহক আকৰ্ষণীয় কৰি ৰাখিছে"।

বিভিন্ন চৰিত্ৰক জীৱিত কৰাৰ তেখেতৰ সামৰ্থ্যই বিভিন্ন প্ৰজন্মৰ দৰ্শকক আকৰ্ষিত কৰিছে। 'ভাৰতীয় চলচ্চিত্ৰলৈ অৱদানৰ বাবে বিশেষ স্বীকৃতি' বঁটা মাধুৰী দীক্ষিতৰ ব্যতিক্ৰমী সাফল্য আৰু ভাৰতীয় চলচ্চিত্ৰৰ ওপৰত তেওঁৰ স্থায়ী প্ৰভাৱৰ প্ৰমাণ হিচাপে উন্মোচিত হৈছে। ১৯৮০, ৯০ আৰু ২০০০ দশকৰ আৰম্ভণিৰ হিন্দী চলচ্চিত্ৰৰ মুখ্য অভিনেত্ৰী মাধুৰী দীক্ষিতে ছয়টা ফিল্মফেয়াৰ বঁটা লাভ কৰিছিল আৰু অভিলেখ চৈধ্যবাৰ শ্ৰেষ্ঠ অভিনেত্ৰীৰ ফিল্মফেয়াৰ বঁটাৰ বাবে মনোনীত হৈছিল। দীক্ষিতে 'আবোধ (১৯৮৪)ৰ যোগেদি চলচ্চিত্ৰজগতত আত্মপ্ৰকাশ কৰিছিল আৰু তেজাবৰ (১৯৮৮) জৰিয়তে ব্যাপক ৰাজহুৱা স্বীকৃতি লাভ কৰিছিল। ২০১৪ চনত তেওঁ ভাৰতত ইউনিচেফৰ গুডউইল এম্বেচেডৰ হিচাপে নিযুক্ত কৰা হৈছিল।

* * *

PIB Team IFFI | NU