লৈবাকপোকপা নুমিত্তা অহমেদবাদকী গুজরাত সাইন্স সিতিদা ফিসরিজ, এনিমেল হসবেন্দরি অমসুং দাইরিয়িংগী য়ুনিয়ন মিনিস্তর শ্রী পর্সোত্তম রুপালানা নুমিৎ নিনিগী অচৌবা থৌরম অমা, গ্লোবেল ফিসরিজ কনফরেন্স ইন্দিয়া ২০২৩ হৌদোক্কনি। “ সেলেব্রেতিং ফিসরিজ এন্দ এক্বাকলচর ৱেল্থ” হায়বা থিমদা কান্নবা ৱারেপশিং লৌনবা, কৈথেল অমসুং নেতৱার্কিং মফম অমদা পুন্নবা মরুওইবা মরী লৈনবশিং পুনশিন্নবা কনফরেন্স অসিনা পান্দম থম্লি। হৌদোকপগী থৌরমদা গুজরাতকী চীফ মিনিস্তর শ্রী ভুপেন্দ্রভাই পতেল, ফিসরিজ, এনিমেল হসবেন্দরি অমসুং দাইরিয়িং অমসুং ইনফোর্মেসন অমসুং ব্রোদকাস্তিংগী রাজ্য মন্ত্রী দোক্তর এল মুরুগান অমসুং ফিসরিজ, এনিমেল হসবেন্দরি অমসুং দাইরিয়িংগী রাজ্য মন্ত্রী দোক্তর সঞ্জিব কুমার বালয়ান, লৈবাক ১০ রোমগী অৱাংবা থাক্কী মীহুৎশিং, মালেমগী লুপশিং মীহুৎ কাংবু, ফিসরিজ এসোসিএসনশিং, ঙামীশিং অমসুং অতোপ্পা শক্নাইরবশিং শরুক য়াগনি।

থৌরম অদুদা গুজরাগকী এগ্রিকলচর, এনিমেল হসবেন্দরি, ফিসরিজ অমসুং কাউ-ব্রিদিংগী মিনিস্তর শ্রী রঘাবজিভাই পতেল, য়ুনিয়ন ফিসরিজ সেক্রেতরি দোক্তর অভিলাক্ষ লিখি অমসুং য়ু.এনগী  ফুদ এন্দ এগ্রিকলচর ওর্গনাইজেসনগী ইন্দিয়া হেদ তাকায়ুকি হাগিৱারানা ৱা ঙাংগনি। ফিসরিজ দিপার্তমেন্তশিংগী জোইন্ত সেক্রেতরিশিং শ্রী সাগর মেহরা অমসুং নীতু কুমারিনা মথংশীৎনা তরাম্না ওকপগী ৱারোল অমসুং থাগৎ ৱাহৈ পীগনি।

গুজরাত্তা ঙা য়োকপগী থবক্তা অচৌবা অহোংবা অমা লাকপা ওইনা, থৌরম অদুদা রাজ্য অদুগী ইনলেন্দ রিজার্বর লিসিং পোলিসি হৌদোক্কনি। হৌদোকপগী হৌরমদা গুজরাতকী স্তেৎ ফিস ওফিসিএল ওইনা লাউথোকপা; গ্রুপ একসিদেন্ত ইন্সুরেন্স স্কিম ক্লেম চেকশিং, কে.সি.সি কার্দশিং, ভেসেল কম্মুনিকেসন অমসুং সপোর্ত সিস্তেমগী ত্রান্সপোন্দরশিং য়েন্থোকপা; ‘স্তেৎ ফিসেস ওফ ইন্দিয়া’ কৌবা লাইরিমচা অমা অমসুং ফিসরিজ স্তেতিস্তিক্সকী হেন্দবুক অমা ফোঙবা উবা ফংগনি। থৌরম অদুদা মালেমগী ফিসরিজ নুমিৎকী মনাশিং য়েন্থোক্কনি।

য়ুনিয়ন মিনিস্তরনা লুচিংবা ইন্তরনেসনেল রাউন্দ তেবল

কনফরেন্স অসিগী মরুওইবা শক্তম অমনা য়ুনিয়ন মিনস্তর শ্রী পর্সোত্তাম রুপালানা লুচিংবা মালেমগী রাউন্দ তেবল কনফরেন্স অমা পাংথোক্কদবা অসিনি। অইং-অশাগী খল হোংলকপা য়াওনা মরুওইবা খুদোংচাদবশিং মরক্তা সেক্তর অসি তুংকোইনা হিংনবা মালেমগী থাক্তা মতেং পাংননবা তোঙান-তোঙানবা লৈবাকশিং অমসুং মালেমগী এজেন্সিশিংগী মীহুৎশিংনা শরুক য়াদুনা অৱাংবা থাক্কী ৱারি শানবা পাংথোক্কনি। থৌরম অদুদা কাউন্সেল্লর ফো এগ্রিকলচরেল এফেয়ার্স, ফ্রান্সকী মোনিক ত্রান; নোর্ৱেগী খৃস্তিয়ান রোদ্রিগো বালদেস কার্তর অমসুং আর্তি ভাতিয়া কুমার; অস্ত্রেলিয়া হায় কম্মিসনগী ফার্স্ত সেক্রেতরি(এগ্রিকলচর) দোক্তর রিচার্দ নিয়াওল; রুসিয়াগী মুরাতোভ সের্গে, অদিয়াতুলিনলিয়াস অমসুং সাগুসিনা অন্না; ব্রাজিল এম্বেসিগী ত্রেদ প্রোমোসনগী হেদ ৱাগ্নর অনতুনিস; গ্রিসকী মিনিস্তর অমসুং এম্বেসেদর দিমিত্রিয়োস আইয়ানৌ; স্পেনগী কাউন্সেল্লর বোর্জা ভেলাসকো তুদুরি; নিউ জিলেন্দগী কাউন্সেল্লর(এগ্রিকলচর) মেলানি ফিল্লিপস অমসুং জিমবাবৱেগী দিপুতি এম্বেসেদর পেতর হোবৱানি শরুক য়াগনি। ভর্চুএল ওইনা ইন্দিয়ান মিসন ৫০ হেন্না শরুক য়ারবা য়ারি।

লৈবাক ১০ হেনবগী অৱাংবা থাক্কী দিপ্লোমেতকী মীহুৎ কাংবু হকথেংননা কনফরেন্স অসিদা শরুক য়াগনি। মসিগী মথক্তা অতোপ্পা মপান লৈবাক্কী দিপ্লোমেত ৫০ রোম ভর্চুএল ওইনা শরুক য়াগনি। এসিয়ান দিবলপমেন্ত বেঙ্ক, ফুদ এন্দ এগ্রিকলচর ওর্গনাইজেসন, গিজ, বে ওফ বেঙ্গল ইন্তর-গভর্নমেন্তেল প্রোগ্রাম(বি ও বি পি-আই জি ও) অমসুং মেরিন স্তেৱার্দশিপ কাউন্সিল(এম এস সি) য়াওনা মালেমগী মমিং লৈরবা লুপ ১০ কনফরেন্স অসিদা শরুক য়াগনি। রাজ্যশিংগী ফিসরিজ মিনিস্তরশিং, তোঙান-তোঙানবা লৈবাকশিংগী এম্বেসেদরশিং মালেমগী ফিসরিজগী সাইন্তিস্তশিং, থৌশিল শেম্বশিং, ঙামীশিং অমসুং ইনভেস্তমেন্ত বেঙ্করশিং মীফম অসিদা শরুক য়াগনি।

একজিবিসন

কনফরেন্স অসিদা জাতি অমসুং মালেমগী একজিবিতর ২১০ হেন্না, স্তার্দ-অপশিং, এক্সপোর্তরশিং, ফিসরিজ এসোসিএসনশিং অমসুং প্রোসেসিং ইন্দস্ত্রিশিং শরুক য়াগনি। মসিদা মখোয়গী পোৎথোকশিং, তেক্নোলোজি, মাইপাকপগী ৱারিশিং অমসুং অনৌবা পাম্বৈশিং উৎকনি। কনফরেন্স অসিনা ইন্তরপ্রাইজশিং, স্তার্দঅপশিং, এসোসিএসনশিং, কো-ওপরেতিপশিং, হেল্ফ হেল্প গ্রুপশিং অমসুং স্মোল-মেদিয়ম ফিসরিজ ইন্তরপ্রাইজশিং মফম অমদা পুন্নবা অমসুং মখোয়গী পোৎথোকশিং অমসুং ফিসরিজগী থবকশিং উৎনবা অখন্নবা খুদোংচাবা অমা পীগনি।

থৌরম অদুদা লৈবাক অসিগী অমসুং মালেমগী অখঙ-অহৈশিংগা লোয়ননা তেক্নিকেলগী খন্ন-নৈনবা, মাতস্য মন্থন, উদোগকী মরী লৈনবশিং অমসুং থৌশিল শেম্বশিংগী মরক্তা খন্ন-নৈনবা, গভর্নমেন্ত তু গভর্নমেন্ত( G2G), বিজিনেস তু গভর্নমেন্ত (B2G) অমসুং বিজিনেস তু বিজিনেস(B2B) নাকল অনিগী মীফমশিং, ঙা য়োকপা অমসুং এক্বাকলচরগী তেক্নোলোজিশিং উৎপা য়াওনা থৌরম কয়া লৈগনি। ঙা য়োকপগী লমদা অওনবা পুরকখিবা থবক ১০ উৎনবা অখন্নবা পেভিলিয়ন অমা হাংদোক্কনি।

ঙামীশিং, মীয়াম, ঙা য়োনবা মীওইশিং, মপান লৈবাকশিংগী মীহুৎ কাংবু, ইনভেস্তরশিং, মফম অদুগী মীওইশিং ফিসরিজ কোওপরেতিপশিংগী মীহুৎশিং অমসুং ফিসরিজ স্তার্দঅপশিং য়াওনা মীওই ৫০০০ হেন্না কনফরেন্স অদু য়েংগনি। নুমিৎ নিনিগী অচৌবা থৌরম অদুদা মালেমগী লুচিংবশিং, তেক্নোলোজি ইনভেস্তরশিং, রিছার্স অমসুং দিবলপমেন্ত ইন্সতিতুসনশিং, মালেমগী ফিসরিজ ইন্দস্ত্রি ওর্গনাইজেসনশিং, এক্বাকলচর ফার্মাসিউতিকেলস অমসুং নিউত্রাসিউতিকেলশিং শরুক য়াগনি। গুজরাতকী তোঙান-তোঙানবা মফমশিং অমসুং অতোপ্পা রাজ্যশিংদগী লাকপা ঙামী ৪০০০ হেন্না শরুক য়ারবা য়ারি।

****