ماہی پروری، مویشی پروری اور ڈیری کے مرکزی وزیر جناب پرشوتم روپالا منگل کو گجرات سائنس سٹی، احمد آباد میں بڑے پیمانے پر دو روزہ عالمی ماہی پوروی کانفرنس انڈیا 2023 کا افتتاح کریں گے۔ 'سیلیبریٹنگ فشریز اینڈ ایکوا کلچر ویلتھ' کے موضوع کے تحت اس کانفرنس کا مقصد اہم اسٹیک ہولڈروں کو نتیجہ خیز بات چیت، مارکیٹ كو داخلی طور پر سمجھنے اور نیٹ ورکنگ کے لیے ایک پلیٹ فارم پر یكجا کرنا ہے۔ گجرات کے وزیر اعلیٰ بھوپیندر بھائی پٹیل، ریاستی وزیر برائے ماہی پروری، مویشی پروری اور ڈیری، اطلاعات و نشریات ڈاکٹر ایل مروگن اور ریاستی وزیر ماہی پروری، مویشی پروری اور ڈیری ڈاکٹر سنجیو کمار بالیان، تقریباً 10 ممالک کے اعلیٰ سطحی وفود، بین الاقوامی تنظیموں، ماہی پروری كی انجمنوں كے سطح کے وفود، ماہی گیر اور دیگر معززین افتتاحی تقریب میں شرکت کریں گے۔

گجرات کے وزیر زراعت، مویشی پروری، ماہی پروری اور گایوں کی افزائش کے وزیر جناب راگھوجی بھائی پٹیل، مرکزی ماہی پروری سکریٹری ڈاکٹر ابھی لکش لیکھی اور اقوام متحدہ کے فوڈ اینڈ ایگریکلچر آرگنائزیشن (ایف اے او) کے ہندوستان کے سربراہ جناب تاکایوکی ہاگیوارا اس موقع پر خطاب کریں گے۔ محکمہ ماہی پروری کے جوائنٹ سکریٹری جناب ساگر مہرا اور محترمہ نیتو کماری  بالترتیب خطبہ استقبالیہ اور شکریہ كی تحریك پیش کریں گے۔

گجرات کے ماہی پروری کے شعبے میں ایک اہم پیشرفت میں، اس موقع پر ریاست کی ان لینڈ ریزروائر لیزنگ پالیسی کا آغاز کیا جائے گا۔ افتتاحی اجلاس میں اسٹیٹ فش آف گجرات كا باقاعدہ اعلان كیا جاءے گا۔ گروپ ایکسیڈنٹ انشورنس اسکیم کلیم چیک، کے سی سی کارڈ، جہازوں کے رابطے کے لیے ٹرانسپونڈر اور فائدہ اٹھانے والوں میں سپورٹ سسٹم کی تقسیم عمل میں آءے گی۔ اسی كے ساتھ ایک کتابچہ ’اسٹیٹ فشز آف انڈیا‘ اور ماہی پروری کے اعداد و شمار پر ایک ہینڈ بک کا اجراء بھی ہوگا۔ اس موقع پر ماہی گیری کے عالمی دن کے حوالے سے ایوارڈ بھی تقسیم کیے جائیں گے۔

مرکزی وزیر کی قیادت میں بین الاقوامی گول میز كانفرنس

کانفرنس کی سب سے بڑی جھلکیوں میں سے ایک بین الاقوامی گول میز کانفرنس  کی صدارت مرکزی وزیر جناب پرشوتم روپالا كریں گے۔ 

اس اعلیٰ سطحی مکالمے میں جس میں مختلف اقوام اور مختلف بین الاقوامی ایجنسیوں کے نمائندے حصہ لے رہے ہیں، موسمیاتی بحران سمیت متعدد اہم چیلنجوں کے درمیان اس شعبے کو برقرار رکھنے کے لیے بین الاقوامی تعاون کی کوششوں پر توجہ مرکوز كی جاءے گی۔

مونیک ٹران کونسلر برائے زرعی امور، فرانس کی نمائندگی کر رہے ہیں؛ ناروے سے کرسٹیان روڈریگو ویلڈیس کارٹر اور آرتی بھاٹیہ کمار؛ ڈاکٹر رچرڈ نیل، آسٹریلوی ہائی کمیشن سے فرسٹ سیکرٹری (زراعت)؛ روس سے مراتوف سرگئی، اڈیاتولین الیاس اور شگوشینا انا؛ ویگنر اینٹونس، برازیل کے سفارت خانے کے تجارتی فروغ کے شعبے کے سربراہ؛ مسٹر دیمیتریاوسلووانو، وزیر اور سفیر، یونان؛ بورجا ویلاسکو ٹوڈوری، کونسلر، اسپین؛ میلانیا فلپس، کونسلر (زراعت)، نیوزی لینڈ اور پیٹر ہوبوانی، نائب سفیر، زمبابوے اس موقع پر شرکت کریں گے۔ تقریباً 50 ہندوستانی مشنوں کے بھی غیر روایتی طور پر شامل ہونے کی امید ہے۔

10سے زائد ممالک کے اعلیٰ سطح کے سفارتی وفود نے اپنی شرکت کی تصدیق کی ہے اور وہ روایتی طور پر کانفرنس میں شرکت کریں گے۔ اس کے علاوہ تقریباً 50 دیگر غیر ملکی سفارت کاروں کے اس اجلاس میں غیر روایتی طور پر شامل ہونے کی توقع ہے۔ اسی طرح ایشیائی ترقیاتی بینک (اے ڈی بی)، اقوام متحدہ کی خوراک اور زراعت کی تنظیم (ایف اے او)، جی آءی زیڈ، بے آف بنگال انٹر گورمینٹل پروگرام (بی او بی پی- آءی جی او) اور میرین اسٹیورڈ شپ کونسل (ایم ایس سی) سمیت تقریباً 10 معروف بین الاقوامی ادارے بھی عالمی اجلاس میں شرکت کریں گے۔ ریاست کے ماہی گیری کے وزراء، مختلف ممالک کے سفیروں، ماہی گیری کے عالمی سائنسدانوں، پالیسی سازوں، ماہی گیر برادریوں اور سرمایہ کاری بینکروں سمیت معززین اور اسٹیک ہولڈروں کی ایک متنوع صف اس کانفرنس میں شرکت کرے گی۔

نمائش

کانفرنسمیں 210 سے زیادہ قومی اور بین الاقوامی نمائش کنندگان کا احاطہ کیا جا رہا ہے۔ ان میں نءی صنعتیں، ایکسپورٹر، فشریز ایسوسی ایشنز اور پروسیسنگ انڈسٹریز شامل ہیں۔ اس میں ان کی مصنوعات، ٹیکنالوجی، کامیابی کی کہانیاں، اور اختراعی حل پیش کءے  جاءیں گے۔ یہ صنعتوں، نءی صنعتوں، ایسوسی ایشنوں، کوآپریٹیو اداروں، سیلف ہیلپ گروپوں اور چھوٹے درمیانے ماہی گیری کے اداروں کو ایک پلیٹ فارم پر یكجا ہونے اور ماہی پروری میں اپنی مصنوعات اور خدمات کی نمائش کرنے کا ایک منفرد موقع فراہم كیا جاءے گا۔

تقریب میں تکنیکی اجلاس شامل ہوں گے۔ ان میں متسیہ منتھن، قومی اور بین الاقوامی ماہرین کے ساتھ تکنیکی بات چیت کی؛ صنعت کے اسٹیک ہولڈروں اور پالیسی سازوں کے درمیان بات چیت کے لیے صنعت کا رابطہ؛ حکومت سے حکومت (جی ٹو جی)، بزنس ٹو گورنمنٹ (بی ٹو جی) اور بزنس ٹو بزنس (بی ٹو بی) دو طرفہ ملاقاتیں شامل ہوں گی؛ نمائش میں ماہی گیری اور آبی زراعت کی جدید ٹیکنالوجیز کی نمائش کی جا رہی ہے۔ ماہی گیری کے شعبے میں 10 تبدیلی کے اقدامات کو خصوصی طور پر دکھانے کے لیے ایک خصوصی پویلین قائم کیا جائے گا۔

کانفرنس میں 5,000 سے زائد ویزیٹر شرکت کریں گے۔ ان میں ماہی گیروں، مچھلیوں کے کاشتکاروں، مچھلی فروشوں، غیر ملکی مندوبین، سرمایہ کاروں، مقامی کمیونٹیز اور فشریز کوآپریٹیو اور فشریز اسٹارٹ اپ کے نمائندوں كی شمولیت ہو گی۔ دو روزہ میگا ایونٹ میں بین الاقوامی رہنما، ٹیکنالوجی کے سرمایہ کار، تحقیق اور ترقی کے ادارے، سازوسامان کے مینوفیکچرر، ایکسپورٹ کونسلز، فشریز ایسوسی ایشنز، مالیاتی ادارے، ماہی گیری کی صنعت کی بین الاقوامی تنظیمیں، اور ایکوا کلچر فارماسیوٹیکل اور نیوٹراسیوٹیکلز بھی كانفرنس میں شرکت کریں گے۔ دیگر ریاستوں کے علاوہ گجرات کے مختلف علاقوں سے 4000 سے زائد ماہی گیروں کی شرکت متوقع ہے۔

***

ش ح۔ ع س۔ ک ا