آج جاری کردہ ای پی ایف او کے عارضی پے رول کے اعداد و شمار پر روشنی ڈالی گئی ہے کہ ای پی ایف او نے ستمبر 2023 کے مہینے میں مجموعی طور پر 17.21 لاکھ ارکان  کا اضافہ کیا ہے۔ پے رول ڈیٹا کا ماہ بہ ماہ موازنہ اگست 2023 کے پچھلے مہینے کے مقابلے میں 21,475 نیٹ ممبروں کا اضافہ ظاہر کرتا ہے۔ پے رول ڈیٹا کا سال کا موازنہ ستمبر 2022 کے پچھلے سال کے مقابلے میں 38,262 نیٹ ممبروں کے اضافے کی عکاسی کرتا ہے۔

اعداد و شمار بتاتے ہیں کہ ستمبر 2023 کے دوران تقریباً 8.92 لاکھ نئے ممبران نے اندراج کیا ہے۔ ان نئے شامل ہونے والے ممبران میں سے، 18-25 سال کی عمر کا گروپ اس مہینے کے دوران شامل کیے گئے کل نئے ممبروں کا 58.92 فیصد ہے۔ اس سے ظاہر ہوتا ہے کہ ملک کے منظم شعبے کی افرادی قوت میں شامل ہونے والے اراکین کی اکثریت نوجوانوں کی ہے، جو زیادہ تر پہلی بار ملازمت کے متلاشی ہیں۔

پے رول کے اعداد و شمار سے پتہ چلتا ہے کہ تقریباً 11.93 لاکھ ممبران ای پی ایف او سے نکل گئے لیکن دوبارہ شامل ہو گئے۔ ان ارکان نے اپنی ملازمتیں تبدیل کیں اور ای پی ایف او کے دائرہ کار میں شامل اداروں میں دوبارہ شامل ہو گئے اور حتمی تصفیہ کے لیے درخواست دینے کے بجائے اپنی جمع شدہ رقم کو منتقل کرنے کا انتخاب کیا، اس طرح اپنے سماجی تحفظ کو بڑھایا۔ پچھلے مہینے کے مقابلے میں، ستمبر 2023 کے مہینے میں 3.64 لاکھ اخراج کے ساتھ باہر نکلنے والوں کی تعداد میں 12.17 فیصد کی کمی واقع ہوئی ہے۔

پے رول کے اعداد و شمار کا صنفی لحاظ سے تجزیہ ظاہر کرتا ہے کہ مہینے کے دوران شامل کیے گئے کل 8.92 لاکھ نئے ممبران میں سے تقریباً 2.26 لاکھ نئی خواتین ممبر ہیں، جو پہلی مرتبہ ای پی ایف او میں شامل ہو رہی ہیں۔ اس کے علاوہ، اسی  ماہ کے دوران  کُل خواتین ممبروں کا اضافہ تقریباً 3.30 لاکھ رہا ہے۔

پے رول کے اعداد و شمار کے ریاستی تجزیہ سے پتہ چلتا ہے کہ 5 ریاستوں مہاراشٹر، تمل ناڈو، کرناٹک، گجرات اور ہریانہ میں خالص ممبروں کا اضافہ سب سے زیادہ ہے۔ یہ ریاستیں تقریباً 57.42 فیصد ممبروں کی تعداد میں اضافہ کرتی ہیں، جس سے اس ماہ کے دوران کل 9.88 لاکھ ممبران کا اضافہ ہوا۔ تمام ریاستوں میں، مہاراشٹر اس  مہینے کے دوران کُل 20.42 فیصد  اراکین کا اضافہ کرکے سب سے آگے ہے۔

صنعت کے لحاظ سے اعداد و شمار کا ماہ بہ ماہ موازنہ شوگر انڈسٹری، کورئیر سروسز، آئرن اینڈ اسٹیل، ہسپتالوں، ٹریول ایجنسیوں وغیرہ میں کام کرنے والے اداروں میں کام کرنے والے ممبران میں نمایاں نمو کو ظاہر کرتا ہے۔ تقریباً 41.46 فیصد ماہرین کی خدمات سے (افرادی قوت فراہم کرنے والے، عام ٹھیکیداروں، حفاظتی خدمات، متفرق سرگرمیاں وغیرہ پر مشتمل) تعلق رکھنے والے  ارکان کا اضافہ ہوا ہے۔

مندرجہ بالا پے رول ڈیٹا عارضی ہے کیونکہ ڈیٹا تیار کرنا ایک مسلسل مشق ہے، کیونکہ ملازمین کے ریکارڈ کو اپ ڈیٹ کرنا ایک مسلسل عمل ہے۔ اس لیے پچھلا ڈیٹا ہر ماہ اپ ڈیٹ ہوتا ہے۔ اپریل-2018 کے مہینے سے، ای پی ایف او ستمبر، 2017 کے بعد کی مدت کا احاطہ کرتے ہوئے پے رول ڈیٹا جاری کر رہا ہے۔ ماہانہ پے رول ڈیٹا میں، آدھار کی توثیق شدہ یونیورسل اکاؤنٹ نمبر (یو اے این) کے ذریعے پہلی بار ای پی ایف او میں شامل ہونے والے اراکین کی گنتی، ای پی ایف او کے احاطے  سے باہر نکلنے والے موجودہ اراکین اور جو لوگ باہر نکلے لیکن دوبارہ ممبر کے طور پر شامل ہو رہے ہیں، ان کی تعداد نیٹ ماہانہ  پے رول  پر پہنچ جاتی ہے۔

۔۔۔۔۔۔۔۔۔۔۔

ش ح۔ ش ت۔ ن ا۔

U- 1194