صحت اور خاندانی بہبود کے مرکزی وزیر ڈاکٹر منسکھ منڈاویہ نے آج پرگتی میدان میں42ویں انڈیا انٹرنیشنل ٹریڈ فیئر میں آیوشمان بھَوہ ہیلتھ پویلین کا دورہ کیا۔ اس سال کے تجارتی میلے کا تھیم ’’وسودھیو کٹمبکم، تجارت کے لحاظ سے متحدہ‘‘ہے، جبکہ ہیلتھ پویلین کا تھیم’’آیوشمان بھوَہ‘‘ ہے۔

ڈاکٹر منڈاویہ نے ہیلتھ پویلین کے مختلف اسٹالز اور بوتھوں کا دورہ کیا، جس میں حکومت کے صحت کے اقدامات اور اسکیموں کی نمائش کی گئی ہے، انہوں نے نکڑ ناٹک، کھیلوں، کوئز اور ڈویژن کے نمائندوں کی جانب سے عوام میں بیداری پیدا کرنے کے لیے ان کی کوششوں کی تعریف کی۔

پویلین کے دورے کے دوران انہوں نے صحت کے مختلف بوتھوں اور اسٹالوں پر مختلف انٹریکٹیو سرگرمیوں میں بڑھ چڑھ کر حصہ لیا۔

آیوشمان بھارت ڈیجیٹل مشن بوتھ کا دورہ کرتے ہوئے ڈاکٹر منڈاویہ نے عوام کے لیے فراہم کردہ خدمات اور معلومات پر غور کیا۔ انہوں نے پردھان منتری جن آروگیہ یوجنا کے اسٹال پر مستفیدین کو آیوشمان کارڈ بھی تقسیم کئے۔ یہ کارڈز پسماندہ افراد کو صحت کی دیکھ بھال کے مفت فوائد کی آخری میل تک فراہمی کو یقینی بنانے میں اہم کردار ادا کرتے ہیں۔ مرکزی وزیر صحت نے جن اوشدھی کے اسٹال کا بھی دورہ کیا اور آنے والوں سے بات چیت کی اور ان سے ملک بھر میں پائے جانے والے ان اسٹورز سے جنرک ادویات خریدنے کی اپیل کی۔

ڈاکٹر منڈاویہ نےآدیواسیوں کے اسٹال کا بھی دورہ کیا اور مختلف ریاستوں سے بنے ہوئے کپڑے کو فروغ دینے کے لیے ان کے کام کی تعریف کی۔

صحت اور خاندانی بہبود کی وزارت کی جوائنٹ سکریٹری محترمہ انکتا بندیلا کے ساتھ سینئر سرکاری افسران بھی موجود تھے۔

******

ش ح۔ق ت۔ن ع

U. No.1191