تعلیم اور ہنرمندی کی ترقی اور انٹرپرینیورشپ کے مرکزی وزیر  جناب دھرمیندر پردھان نے آج نئی دہلی میں منعقدہ دوسری وائس آف گلوبل ساؤتھ سربراہ کانفرنس  میں وزرائے تعلیم کے اجلاس کی صدارت کی۔ سربراہی اجلاس، ’سب کی ترقی کے لیے، سب کے اعتماد کے ساتھ‘ کے موضوع کے تحت کام کیا گیا، خاص طور پر تعلیم کے میدان میں اہم مسائل پر توجہ دی گئی۔ وزرائے تعلیم نے ’انسانی وسائل کو مستقبل کے لیے تیار کرنے‘ کے موضوع پر تبادلہ خیال کیا۔

عالم جنوب  کے 14 ممالک کے وزراء نیز معززین - بوٹسوانا، برونئی دارالسلام، جارجیا، تیونس، ایران، لاؤ پی ڈی آر، ملاوی، میانمار، جمہوریہ پالاؤ، جمہوری جمہوریہ ساؤ ٹومی اور پرنسیپ، البانیہ، ملائیشیا، زمبابوے، کیمرون - نے شرکت کی۔  اور ورچوئل طور پر  اجلاس  میں اور اپنی بصیرت کا اشتراک کیا۔

  جناب دھرمیندر پردھان نے اپنے ابتدائی کلمات میں شرکت کرنے والے وزراء کا خیرمقدم کیا اور وزیر اعظم جناب نریندر مودی کی قیادت میں عالم جنوب  کی آواز کو چیمپئن بنانے کے ہندوستان کے عزم کا اعادہ کیا۔

جی 20 وزیر تعلیم کی میٹنگ میں ان مسائل پر بات چیت کی قیادت کرنے میں ہندوستان کے اہم کردار کو اجاگر کرتے ہوئے، جناب پردھان نے ایک لچکدار، مساوی، جامع، اور پائیدار تعلیم اور ہنر مندی کے ماحولیاتی نظام کی ترقی میں، باہمی تعاون کی کوششوں کی اہمیت پر زور دیا۔ جی20 نئی دہلی کے رہنماؤں کے اعلامیہ میں انسانی سرمائے کی ترقی میں سرمایہ کاری کی اہمیت کو تسلیم کیا گیا ہے۔

جناب پردھان نے شرکت کرنے والے وزراء کو بتایا کہ کس طرح ہندوستان کی قومی تعلیمی پالیسی (این ای پی) 2020 کو، وزیر اعظم جناب نریندر مودی کی قیادت میں نافذ کیا جا رہا ہے۔ یہ ہندوستان کے سیکھنے اور ہنر مندی کے منظر نامے میں مجموعی تبدیلی لا رہی ہے۔ انہوں نے یہ بھی واضح کیا کہ  این ای پی ایک فلسفیانہ دستاویز کے طور پر ابھرتی ہوئی معیشتوں کے لیے جامع حکمت عملی اور منظم پالیسیاں بنانے کے لیے ایک سانچے کے طور پر کام کر سکتی ہے۔ مشترکہ خواہشات کی اہمیت پر زور دیتے ہوئے، جناب پردھان نے تعلیم اور ہنر کی ترقی کے جڑواں ستونوں کا فائدہ اٹھاتے ہوئے مشترکہ حکمت عملیوں پر زور دیا۔

دیگر وزراء نے اپنے خطاب میں کامیابی کی کہانیاں، درپیش چیلنجوں اور ان سے نمٹنے کی حکمت عملی شراکت کی۔ انہوں نے واضح طور پر عالم جنوب کے ممالک کے درمیان تعلیم اور ہنر مندی کے شعبوں میں تعاون کو مضبوط بنانے کے لیے ہندوستان کی کوششوں کی تعریف کی۔

شریک ممالک کے وزرائے تعلیم نے، معیاری تعلیم کے ذریعے قابل رسائی، مساوی، جامع اور پائیدار مستقبل کے لیے مل کر کام کرنے کی ضرورت پر اتفاق کیا۔ انسانی سرمائے کی ترقی میں سرمایہ کاری کی اہمیت پر روشنی ڈالتے ہوئے اور عالمی مہارت کی تقسیم کو دور کرنے کے لیے، وزراء نے صنعت کے تقاضوں کے مطابق مستقبل کے لیے تیار افرادی قوت پیدا کرنے کے لیے ،ہنر مندی، ری اسکلنگ اور اپ اسکلنگ کے مواقع فراہم کرنے کی ضرورت سے اتفاق کیا۔

تعلیم کے وزراء نے تکنیکی بنیادی ڈھانچے میں حائل رکاوٹوں کو دور کرتے ہوئے تمام سیکھنے والوں کے لیے ڈیجیٹل تقسیم پر قابو پانے کے لیے ،مشترکہ عزم کا اعادہ کیا اور ٹیکنالوجی کے ماحولیاتی نظام اور سیکھنے کے وسائل کو تیار کرنے کے لیے اجتماعی طور پر کام کیا۔ اس میں مقامی زبانوں میں کم لاگت  والی اور آسان رسائی شامل ہیں۔ انہوں نے تعلیم کو فروغ دینے میں دنیا بھر کے تمام اساتذہ اور تعلیمی عملے کے مرکزی کردار پر زور دیا اور ایک ایسے ماحول کو فروغ دینے کی ضرورت پر زور دیا جس میں صلاحیت سازی اور تبادلہ پروگرام شامل ہیں جو اساتذہ اور عملہ کو اپنے پیشے میں ترقی کرنے کے قابل بنائے۔

وزراء نے معیاری تدریس، آموزش اور ہنر مندی کو فروغ دینے کے ساتھ ساتھ تعلیمی اداروں کے درمیان تعلیمی تعاون کو فروغ دینے کے علاوہ طلباء اور اساتذہ کے تبادلے کے پروگراموں کی حوصلہ افزائی کے لیے باہمی تعاون پر مبنی حل، اختراعات، بہترین طریقوں کے اشتراک کی حوصلہ افزائی کرنے پر اتفاق کیا۔

ساتھی وزراء کی ان کے قیمتی خیالات کی تعریف کرتے ہوئے، جناب پردھان نے اعتماد کا اظہار کیا کہ اجتماعی کوششوں سے، جنوب-جنوب تعاون مضبوط سے مضبوط تر ہوگا۔ انہوں نے مزید کہا کہ ہندوستان عالمی فلاح و بہبود، مساوی عالمی نظام اور ایک روشن عالمی مستقبل کے لیے ’سب کی ترقی کے لیے، سب کے اعتماد کے ساتھ‘ کام کرے گا۔

یہ سربراہی اجلاس جنوری 2023 میں افتتاحی وائس آف گلوبل ساؤتھ سربراہ کانفرنس کے دوران رکھی گئی بنیاد پر استوار ہے، جس میں عالم جنوب کے 125 ممالک کی آوازوں اور مقاصد کو متحد کرنے پر توجہ مرکوز کی گئی ہے، جو خاص طور پر تعلیم اور مہارت کی ترقی میں ترقی پذیر دنیا کی اہم ترجیحات کو حل کرنے کے لیے ہندوستان کے عزم کی عکاسی کرتی ہے۔

دوسری وائس آف گلوبل ساؤتھ سربراہ کانفرنس کا مقصد مختلف جی20 اجلاسوں کے نتائج کو شراکت کرنے، پچھلی سربراہی اجلاس سے پیدا ہونے والی رفتار کو برقرار رکھنے، اور جامع اور مساوی بین الاقوامی ترقی کے لیے مشترکہ خواہشات کو حاصل کرنے کے طریقوں پر تبادلہ خیال کرنے کے لیے ایک پلیٹ فارم کے طور پر کام کرنا ہے۔ بات چیت میں ڈیجیٹل تقسیم کو ختم کرنے اور زندگی، تکنیکی اور پیشہ ورانہ مہارتوں کو فروغ دینے میں تعاون کو مضبوط بنانے کے لیے ڈیجیٹل ٹیکنالوجیوں کے استعمال پر بھی توجہ دی جائے گی۔ توقع ہے کہ سربراہی اجلاس کے نتائج 22 نومبر 2023 کو ہندوستان کی میزبانی میں ہونے والی آئندہ جی20 ورچوئل سربراہ کانفرنس میں ہونے والی بات چیت سے آگاہ کریں گے۔

سربراہی اجلاس کے دوران 8 وزارتی اجلاس ہیں۔ سربراہی اجلاس، جس کا موضوع ہے ’ایک ساتھ، سب کی ترقی کے لیے، ہر کسی کے اعتماد کے ساتھ‘، ہندوستان کی صدارت کے دوران، مختلف جی20 میٹنگوں میں حاصل کیے گئے کلیدی نتائج کو عالم جنوب کے ممالک کے ساتھ شراکت کرنے پر توجہ مرکوز کرے گا۔دوسرے وی او جی ایس ایس میں عالم جنوب کے اراکین کی طرف سے سامنے آنے والے اہم خیالات اور تجاویز کو بھی اگلی جی-20 ورچوئل سربراہ کانفرنس کے دوران مطلع کیا جائے گا، جس کی میزبانی بھارت 22 نومبر 2023 کو کرے گا۔

*************

ش ح۔ا ع ۔ را

U-1120