నవంబర్ 13 నుండి 16, 2023 వరకు ఆసియా మరియు పసిఫిక్ డబ్ల్యూఓఏహెచ్‌  (వరల్డ్ ఆర్గనైజేషన్ ఫర్ యానిమల్ హెల్త్) ప్రాంతీయ కమిషన్ 33వ కాన్ఫరెన్స్‌ను భారతదేశం నిర్వహించింది. ఈ 4-రోజుల ఈవెంట్‌ను డిపార్ట్‌మెంట్ ఆఫ్ యానిమల్ హస్బెండరీ & డెయిరీ, ఎంఓఎఫ్‌ఏహెచ్‌డి న్యూఢిల్లీలో నిర్వహించింది.

కేంద్ర మత్స్య, పశుసంవర్ధక, పాడిపరిశ్రమ శాఖ మంత్రి శ్రీ పర్షోత్తం రూపాలా ఈరోజు జరిగిన ఈ కార్యక్రమంలో ప్రసంగించారు. మంత్రి తన ప్రసంగంలో భారతీయ సంప్రదాయం మరియు సంస్కృతి యొక్క గొప్ప అంశాలలో జంతు సంక్షేమం యొక్క లోతైన ప్రాముఖ్యతను హైలైట్ చేసారు. ఇది అన్ని జీవుల పరస్పర అనుసంధానానికి ఉదాహరణ అని తెలిపారు.

"వసుధైవ కుటుంబం" అనే భావనను ఆయన ప్రతిధ్వనించారు. అంటే ప్రపంచం ఒక కుటుంబం, మానవులు, జంతువులు మరియు పర్యావరణం మధ్య సామరస్యపూర్వక సహజీవనం మరియు పరస్పర అనుసంధానం యొక్క ప్రాముఖ్యతను నొక్కి చెబుతుంది. జంతువుల సంక్షేమం భారతీయ సంస్కృతిక నీతిలో అంతర్భాగమని, ఇది గ్లోబల్ వన్ హెల్త్ ఉద్యమం యొక్క ఆధునిక భావనతో సజావుగా సమలేఖనం చేయబడిందని చెప్పారు. మానవ, జంతువు మరియు పర్యావరణ ఆరోగ్యం యొక్క పరస్పర మరియు సామూహిక ప్రయత్నాల యొక్క ప్రాముఖ్యతను నొక్కి చెప్పారు.

మే 2023లో పారిస్‌లో జరిగిన డబ్ల్యుఓఏహెచ్‌ ప్రతినిధుల ప్రపంచ అసెంబ్లీ 90వ సాధారణ సెషన్‌లో ఈ ఈవెంట్‌ను నిర్వహించాలని నిర్ణయం తీసుకున్నారు. నవంబర్ 13, 2023న ప్రారంభ సెషన్‌కు మత్స్య, పశుసంవర్థక శాఖ, డెయిరీ శాఖ సహాయమంత్రి డాక్టర్ సంజీవ్ కుమార్ బల్యాన్ ఎంఓఎస్‌ (ఎఫ్‌ఏహెచ్‌డి) సహాయ మంత్రి డాక్టర్‌ .ఎల్‌. మురుగన్‌ మరియు ఇతర ప్రముఖుల సమక్షంలో పశుసంవర్ధక మరియు పాడిపరిశ్రమ శాఖ కార్యదర్శి  శ్రీమతి అల్కా ఉపాధ్యాయ మరియు డబ్ల్యూఓఏహెచ్‌లోని భారతీయ ప్రతినిధి మొత్తం సెషన్‌లకు చైర్‌పర్సన్‌గా ఎన్నికయ్యారు. వన్ హెల్త్, జీ20 పాండమిక్ ఫండ్, డిసీజ్ సర్వైలెన్స్ మరియు ఎర్లీ వారింగ్ సిస్టమ్, నేషనల్ డిజిటల్ లైవ్‌స్టాక్ మిషన్ మరియు భారతదేశ  పశువుల ఆరోగ్య పరిస్థితిపై వాటి ప్రభావాన్ని ఆమె ఇటీవలి కార్యక్రమాలను హైలైట్ చేశారు.

24 సభ్య దేశాల నుండి ప్రతినిధులు, చీఫ్ వెటర్నరీ అధికారులు మరియు నిపుణులు, ప్రాంతీయ మరియు అంతర్జాతీయ సంస్థల నుండి సీనియర్ అధికారులు మరియు ప్రాంతంలోని ప్రైవేట్ రంగం మరియు ప్రైవేట్ పశువైద్య సంస్థల ప్రతినిధులు భౌతికంగా పాల్గొన్నారు, ఇతరులు వర్చువల్‌గా పాల్గొన్నారు. కార్యక్రమంలో పాల్గొన్న ప్రముఖులలో డా. మోనిక్ ఎలోయిట్, డబ్ల్యుఓఏహెచ్‌ డైరెక్టర్ జనరల్; డా. బాక్సు హువాంగ్, డెలిగేట్ చైనా & ప్రెసిడెంట్, డబ్ల్యూఓఏహెచ్‌ రీజినల్ కమిషన్ ఆఫ్ ఆసియా అండ్ పసిఫిక్; డా. అభిజిత్ మిత్ర, పశుసంవర్ధక కమిషనర్  మరియు డా. హిరోఫుమి కుగిటా, ఆసియా మరియు పసిఫిక్, జపాన్ కోసం డబ్ల్యూఓఏహెచ్‌ ప్రాంతీయ ప్రతినిధులు పాల్గొన్నారు.

ప్రపంచ మరియు ప్రాంతీయ సంస్థల ప్రతినిధులు మరియు ప్రతినిధులు బర్డ్ ఫ్లూ/ఏవియన్ ఇన్ఫ్లుఎంజా, రాబిస్, ఎఫ్‌ఎండి, ఏఎస్‌ఎఫ్‌, ఎల్‌ఎస్‌డి వంటి జంతు ఆరోగ్య సమస్యలపై చర్చించారు. ఈ వ్యాధుల సరిహద్దులు లేని స్వభావం కారణంగా సహకార ప్రాంతీయ విధానం యొక్క అవసరాన్ని గుర్తించారు. వన్యప్రాణుల సంరక్షణతో సహా పశువైద్య సేవలు, ప్రజారోగ్యం మరియు పర్యావరణ ఆరోగ్యంతో కూడిన సమాచార భాగస్వామ్యం మరియు బహుళ-రంగాల సమన్వయ యంత్రాంగాలను ఏర్పాటు చేయడం యొక్క ప్రాముఖ్యతను నొక్కి చెప్పడం, చర్చలు బలమైన విధానం మరియు చట్టపరమైన ఫ్రేమ్‌వర్క్‌ల ఆవశ్యకతను నొక్కిచెప్పాయి. సమర్థవంతమైన సమన్వయానికి సమానమైన ఆర్థిక మరియు వనరుల కేటాయింపులు అవసరమని అంగీకరిస్తూ, టీకాలు, వ్యాధుల, సమర్థ ప్రయోగశాలలు మరియు నైపుణ్యం కలిగిన వెటర్నరీ వర్క్‌ఫోర్స్ వంటి నివారణ చర్యలపై సమావేశం దృష్టి సారించింది.

ఇండోనేషియా ఆసియా మరియు పసిఫిక్ కోసం 34వ డబ్ల్యుఓఏహెచ్‌ ప్రాంతీయ సమావేశాన్ని నిర్వహించేందుకు సుముఖత వ్యక్తం చేసింది. ఆసియా పసిఫిక్ ప్రాంతీయ కమీషన్ డబ్ల్యూఓఏహెచ్‌ ప్రెసిడెంట్ డా. బాక్సు హువాంగ్ వాల్యూ సెషన్ సందర్భంగా కృతజ్ఞతలు తెలిపారు.

***