ہندوستان اور امریکہ کے درمیان 14 نومبر 2023 کو سان فرانسسکو میں ہند- امریکہ تجارتی بات چیت کے فریم ورک کے تحت "انوویشن ہینڈ شیک کے ذریعے اختراعی ماحولیاتی نظام کو بڑھانا" پر مفاہمت کی ایک یادداشت (ایم او یو) پر دستخط ہوئے۔ جون 2023 میں وزیر اعظم کے تاریخی سرکاری سرکاری دورے کے دوران رہنماؤں کے مشترکہ بیان میں "انوویشن ہینڈ شیک" کے قیام کا اعلان کیا گیاتھا۔

سان فرانسسکو میں "انوویشن ہینڈ شیک: یو ایس – انڈیا انٹرپرینیورشپ پارٹنرشپ" کے عنوان سے کِک آف انڈسٹری گول میز پر ایم او یو پر دستخط کیے گئے۔ اس تقریب میں، یو ایس انڈیا بزنس کونسل (یو ایس آئی بی سی) اور کنفیڈریشن آف انڈین انڈسٹری (سی آئی آئی) کی مشترکہ میزبانی اور نیشنل ایسوسی ایشن آف سافٹ ویئر اینڈ سروس کمپنیز(این اے ایس ایس سی او ایم) اور اسٹارٹ اپ انڈیا کے تعاون سے آئی سی ٹی کمپنیوں کے سی ای اوز، وینچر کیپیٹل فرموں سے،ایگزیکٹوز اور اہم وابھرتی ہوئی ٹیکنالوجی کی صورت میں اسٹارٹ اپس کے بانیوں نے اس بات پر تبادلہ ٔخیال کیا کہ یو ایس انڈیا ٹیکنالوجی تعاون کو کیسے بڑھایا جائے۔

مفاہمت نامے پر دستخط دونوں فریقوں کے متحرک اسٹارٹ اپ ماحولیاتی نظام کو جوڑنے، تعاون کے لیے مخصوص ریگولیٹری رکاوٹوں کو دور کرنے، اسٹارٹ اپ فنڈ ریزنگ کے لیے معلومات اور بہترین طریقوں کا اشتراک کرنے اور جدت اور ملازمت میں اضافے کو فروغ دینے کے مقصد کے ساتھ دستخط کیے گئے ہیں، خاص طور پر اہم اور ابھرتی ہوئی ٹیکنالوجیز (سی ای ٹی) میں بھارت اور امریکہ میں اہم اور ابھرتی ہوئی ٹیکنالوجی(آئی سی ای ٹی) کے لیے پہل میں جیسا کہ شناخت کی گئی ہے، کس طرح انہیں شامل کیا جائے۔

ایم او یو گہری ٹیک سیکٹرز میں اسٹارٹ اپ ایکو سسٹم کو مضبوط بنانے اور کریٹیکل اینڈ ایمرجنگ ٹیکنالوجیز(سی ای ٹی) میں تعاون کو فروغ دینے کے مشترکہ عزم کا اشارہ کرتا ہے۔ یہ اقتصادی سرگرمیوں پر مثبت اثر ڈالنے، سرمایہ کاری کو راغب کرنے اور روزگار پیدا کرنے کے لیے تیار ہے، خاص طور پر سی ای ٹی کے شعبوں میں کام کرنے والے اسٹارٹ اپس میں۔ تعاون کے دائرہ کار میں ہندوستان- یو ایس انوویشن ہینڈ شیک ایونٹس کا ایک سلسلہ شامل ہوگا، بشمول ہیکاتھون اور "اوپن انوویشن" پروگرام، معلومات کا تبادلہ اور دیگر سرگرمیاں۔

اس اعلان نے 2024 کے اوائل میں ہندوستان اور ریاستہائے متحدہ میں ہونے والے مستقبل کے دو انوویشن ہینڈ شیک ایونٹس کی بنیاد رکھی، جس میں ایک سرمایہ کاری فورم شامل ہے جس کا مقصد امریکی اور ہندوستانی اسٹارٹ اپ کمپنیوں کو اپنے اختراعی خیالات اور مصنوعات کو مارکیٹ میں لے جانے میں مدد کرنا ہے اور ایک "ہیکاتھون" سلیکن ویلی میں جہاں امریکی اور ہندوستانی اسٹارٹ اپ عالمی اقتصادی چیلنجوں سے نمٹنے میں مدد کے لیےخیالات اور ٹیکنالوجی پیش کریں گے۔

یہ اہم قدم جدت کو فروغ دینے، مواقع پیدا کرنے اور ابھرتی ہوئی ٹیکنالوجیز کے متحرک میدان میں باہمی ترقی کو فروغ دینے کے لیے دونوں ممالک کے عزم کی نشاندہی کرتا ہے۔ "انوویشن ہینڈ شیک" امریکہ اور ہندوستان کے درمیان تعاون کے ایک نئے دور کا آغاز کرتا ہے۔

کمرشیل ڈائیلاگ (سی ڈی) ہندوستان اور امریکہ کے درمیان وزارتی سطح پر ایک تعاون پر مبنی اقدام ہے جس کا مقصد کاروباری برادریوں کے درمیان تعلقات کو گہرا کرنے کے لیے باقاعدہ بات چیت کی سہولت فراہم کرنا ہے، جس میں تجارت کو آسان بنانے اور اقتصادی شعبوں کی وسیع رینج میں سرمایہ کاری کے مواقع کو زیادہ سے زیادہ کرنے کے لیے نجی شعبے کی میٹنگوں کے ساتھ مل کر منعقد ہونے والی حکومت سے حکومت کی باقاعدہ میٹنگیں شامل ہیں۔

پانچواں ہندوستان-امریکہ تجارتی مکالمہ 10 مارچ 2023 کو 8 سے 10 مارچ کے درمیان امریکی وزیر تجارت جینا ریمنڈو کے دورہ کے دوران ہوا۔ میٹنگ میں کمرشیل ڈائیلاگ کو سپلائی چین کی لچک، آب و ہوا اور صاف ٹیکنالوجی کے تعاون، جامع ڈیجیٹل معیشت کو آگے بڑھانے، اور خاص طور پر ایس ایم ایز اور اسٹارٹ اپس کے لیے وبائی امراض کے بعد کی اقتصادی بحالی میں سہولت فراہم کرنے پر اسٹریٹجک توجہ کے ساتھ دوبارہ شروع کیا گیا۔

اس میں کمرشیل ڈائیلاگ کے تحت ٹیلنٹ، انوویشن اور انکلوسیو گروتھ (ٹی آئی آئی جی)  پر ایک نئے ورکنگ گروپ کا آغاز شامل ہے۔ یہ نوٹ کیا گیا کہ یہ ورکنگ گروپ آئی سی ای ٹی کے اہداف کے لیے کام کرنے والے اسٹارٹ اپس کی کوششوں کی بھی حمایت کرے گا، خاص طور پر تعاون کے لیے مخصوص ریگولیٹری رکاوٹوں کی نشاندہی کرنے اور مشترکہ سرگرمیوں کے لیے مخصوص آئیڈیاز کے ذریعے اسٹارٹ اپس پر توجہ مرکوز کرتے ہوئے ہمارے اختراعی ماحولیاتی نظام کے درمیان زیادہ سے زیادہ رابطے کو فروغ دینے میں یہ ورکنگ گروپ تعاون دے گا۔

******

 

ش ح ۔ ج ق ۔ج ا

U. No.1024

(Release ID: 1977039) Visitor Counter : 146