مرکزی حکومت کے پنشن یافتگان کی ’زندگی کی آسانی‘ کو بڑھانے کے لیے، پنشن اور پنشن یافتگان کی بہبود کا محکمہ ڈیجیٹل لائف سرٹیفکیٹ (ڈی ایل سی) یعنی جیون پرمان کو بڑے پیمانے پر فروغ دے رہا ہے۔ 2014 میں، بائیو میٹرک آلات کا استعمال کرتے ہوئے ڈی ایل سی جمع کروانا شروع کیا گیا تھا۔ اس کے بعد، محکمے نے ایم ای آئی ٹی وائی اور یو آئی ڈی اے آئی کے ساتھ مل کر آدھار ڈیٹا بیس پر مبنی چہرے کی تصدیق کرنے والی ٹیکنالوجی کا نظام تیار کیا، جس کے تحت کسی بھی اینڈرائیڈ پر مبنی اسمارٹ فون سے ایل سی جمع کرانا ممکن ہے۔ اس سہولت کے مطابق، چہرے کی تصدیق کی تکنیک کے ذریعے کسی شخص کی شناخت قائم کی جاتی ہے اور ڈی ایل سی تیار کیا جاتا ہے۔ نومبر 2021 میں شروع کی گئی اس اہم ٹیکنالوجی نے بیرونی بائیو میٹرک ڈیوائسز پر پنشن یافتگان کا انحصار کم کیا اور اسمارٹ فون پر مبنی ٹیکنالوجی کا فائدہ اٹھاتے ہوئے اس عمل کو عوام کے لیے مزید قابل رسائی اور سستی بنا دیا۔

ڈیجیٹل لائف سرٹیفکیٹ جمع کروانے کے لیے تمام مرکزی حکومت کے پنشن یافتگان کے ساتھ ساتھ پنشن تقسیم کرنے والے حکام کے درمیان ڈی ایل سی/چہرے کی تصدیق کرنے والی ٹیکنالوجی کے استعمال کے لیے بیداری پھیلانے کے مقصد سے، پنشن اور پنشن یافتگان کی بہبود کے محکمے  نے نومبر 2022 کے مہینے میں پورے ملک کے 37 شہروں میں ایک ملک گیر مہم شروع کی۔ ملک سے باہر مرکزی حکومت کے پنشن یافتہ کے 35 لاکھ سے زیادہ ڈی ایل سی کے ساتھ یہ مہم ایک بڑی کامیابی تھی۔ ایک ملک گیر مہم 2.0 اب یکم نومبر سے 30 نومبر 2023 تک ملک بھر کے 100 شہروں میں 500 مقامات پر چلائی جا رہی ہے، جس میں 17 پنشن تقسیم کرنے والے بینکوں، وزارتوں/ محکموں، پنشنرز ویلفیئر ایسوسی ایشنز، یو آئی ڈی ،ایم ای آئی ٹی وائی، وغیرہ کے ساتھ مل کر 50 لاکھ پنشن یافتگان کو ہدف  بنایا جا رہا ہے۔

پنشن اور پنشن یافتگان کی بہبود کا محکمہ دفاتر اور تمام بینک برانچوں/اے ٹی ایم میں اسٹریٹجک طریقے سے لگائے گئے بینرز/پوسٹرز کے ذریعے ڈی ایل سی – چہرے کی تصدیق کی تکنیک کے بارے میں تمام پنشن یافتگان میں بیداری پیدا کرنے کی تمام کوششیں کر رہا ہے۔ تمام بینکوں نے اپنی برانچوں میں کلّی طور پر عملے کی ایک ٹیم بنائی ہے جس نے اپنے اینڈرائیڈ فونز میں مطلوبہ ایپس ڈاؤن لوڈ کی ہیں جو پنشن یافتگان کے لائف سرٹیفکیٹ جمع کرانے کے لیے اس ٹیکنالوجی کو بڑے پیمانے پر استعمال کر رہے ہیں۔ اگر پنشن یافتگان بڑھاپے/ بیماری/ کمزوری کی وجہ سے برانچوں کا دورہ کرنے کے قابل نہیں ہیں، تو بینک کے اہلکار مذکورہ مقصد کے لیے ان کے گھروں/اسپتالوں کا دورہ بھی کر رہے ہیں۔

پنشن یافتگان ویلفیئر انجمنیں اس مہم میں اپنا بھرپور تعاون فراہم کر رہی ہیں۔ ان کے نمائندے پنشن یافتگان کو کیمپ کے قریبی مقامات کا دورہ کرنے اور اپنے ڈی ایل سی جمع کرانے کی ترغیب دے رہے ہیں۔ پنشن اور پنشن یافتگان کی بہبود کے محکمے کے اہلکار بھی ملک بھر میں اہم مقامات کا دورہ کر رہے ہیں تاکہ پنشن یافتگان کو اپنے لائف سرٹیفکیٹ جمع کرانے کے لیے مختلف ڈیجیٹل طریقوں کے استعمال میں مدد فراہم کی جا سکے اور پیش رفت کی بہت قریب سے نگرانی کی جا سکے۔

تمام متعلقہ فریقوں، خاص طور پر بیمار / بہت بوڑھے پنشن یافتگان کے درمیان تمام مقامات پر کافی جوش و خروش دیکھا گیا ہے۔ اس کے نتیجے میں، اس مالی سال میں مہم کے آغاز کے دوسرے ہفتے کے اختتام تک 25 لاکھ سے زیادہ ڈیجیٹل لائف سرٹیفکیٹ تیار کیے جا چکے ہیں، جن میں سے تقریباً 14,500 پنشن یافتگان جن کی عمر 90 سال سے زیادہ ہے اور 1,93,601 پنشن یافتگان 80 سے 90 سال کے زمرے کے درمیان ہیں، اپنے گھر/مقامات/دفاتر/شاخوں سے آرام  کے ساتھ اپنے ڈی ایل سی جمع کروا سکتے ہیں۔ مہاراشٹر اور اتر پردیش ریاستیں اس مہم کی قیادت کر رہی ہیں جہاں ایک ماہ تک جاری رہنے والی مہم کے دوسرے ہفتے ہی کے دوران مجموعی طور پر 6.25 لاکھ ڈی ایل سی تیار کیے گئے ہیں۔

 پنشن اور پنشن یافتگان کی بہبود کا محکمہ اس مہم کو ملک بھر میں کامیاب بنانے کے لیے اپنی تمام تر کوششیں جاری رکھے گا۔

*************

ش ح۔ا ک ۔ را

U-993