কমর্স অমসুং ইন্দস্ত্রী মন্ত্রালয়

গবর্নমেন্ত ই-মার্কেতপ্লেসনা শেনবা চহি 2023-24গী থা নিপান্দগী তাথবা মতমদা লুপা করোর লাখ 2গী মশক থোক্লবা গ্রোস মর্চেন্দাইস ভেল্যু ফংবা ঙমখ্রে


GeMনা হৌজিক চৎলিবা শেনবা চহিসিদা নোংমদা লুপা করোর 850 হেন্না য়ৌদুনা নোংমগী ওইবা GMVগী চাংচত্তা মশক থোক্না শাহৌ লৌখ্রে

Posted On: 13 NOV 2023 4:03PM by PIB Imphal

মশক থোক্লবা মায় পাকপা অমা ওইনা, গবর্নমেন্ত ই-মার্কেতপ্লস (GeM)না হৌজিক চৎলিবা শেনবা চহি 2023-24গী থা নিপান্দগী তাথবা মতমদা লুপা করোর লাখ 2 হেন্দুনা মশক থোক্লবা গ্রোস মর্চেন্দাইস ভেল্যু ফংবা ঙমখ্রে অমসুং মসিনা মমাংগী ফিস্কেল চহি (2022-23)গী অরৈবদা ফংখিবা অপুনবা GMVদগীসু হেনখি। GeMনা হৌজিক চৎলিবা শেনবা চহিসিদা নোংমদা লুপা করোর 850 হেন্না য়ৌদুনা নোংমগী ওইবা GMVগী চাংচত্তা মশক থোক্না শাহৌ লৌবসু ঙমখি।

হৌজিক্কী ফিস্কেল চহিসিদা ফংলিবা নীংশিংনিংঙাই ওইরবা GMV অসিদা শরুক তমখিবা মশিং থীঙমদ্রবা কন্ত্রিব্যুতর কয়াগী মরক্তগী সেন্ত্রেল পব্লিক সেক্তর ইন্তর্প্রাইস (CPSE)শিং য়াওনা সেন্ত্রেল এন্তাইতীশিংনা য়াখিবা থৌদাংশিংদি তসেংনা মশক থোকপা অমা ওইখি, অমসুং মখোয়না অপুনবা ফিগরসিদা য়াম্লবা 83%গী শরুক তমখি।

মসিদা নত্তনা, লেমহৌরিবা 17%গী শরুক তম্লিবা রাজ্য সরকারনা থৱাই য়াওনা শরুক য়াবগী মতৌনা পব্লিক প্রোক্যুর্মেন্তকী মতাংদা লৈবাক পুম্বনা GeMবু য়ারে হায়বা ৱাফমসু ময়েক শেংহনখি। উত্তর প্রদেশ, গুজরাত, মহারাস্ত্র, দিল্লী, মধ্য প্রদেশ, জম্মু অমসুং কশ্মির, ওরিশা, বিহার, অসম, উত্তরাখন্দগুম্বা রাজ্যশিংনা হৌজিক্কী ফিস্কেল চহিসিদা প্রোক্যুর্মেন্ত ওর্দর মশিং য়াম্না পীখি।

কেন্দ্র অমসুং রাজ্য সরকারগী মরক্তা নীংথিজনা তেংবাংনবগী মতৌনা কাঙলোন চুম্না তেংবাংবগী মতৌগী খুদম অমা ওইরি, অমসুং GeMবু মায় পাকপগী অৱাংবা থাক্তা পুখৎলি।

GeMনা সর্ভিস সেক্তরগী মাইকৈদা পাকথোক চাউথোক্লিবা অসিনা মখোয়বু পুম্নমক্না শিজিন্নহনবগী থৌওংগী খোঙজেল য়াঙখৎহনখি। মমাংগী চহি 3দা শাহৌ চাওনা লৌখিবা অসিগা লোয়নবা GeMগী মায় পাকপগী খোঙচৎ মনুংসিদা সরভিস সেগমেন্তকী ওর্দর ভেল্যু মশক থোক্না হেনগৎখিবা অসিনা পথাপ অসিগী খ্বাইদগী মশক থোকপা থৌওং ওইরি। শেনবা চহি 21-22দা ওইরম্বা 23%দগী হৌজিক্কী শেনবা চহিদা চাউরাক্না 46%দা হেনগৎলিবা অসিগা লোয়ননা, প্লেতফোর্ম অসিদা পাংথোকপা ত্রাঞ্জেক্সনশিংগী অপুনবা ওর্দর ভেল্যুদা সর্ভিস সেক্তরনা শরুক তম্বগী চাংসু য়াম্না মশক থোক্না হেনগৎখি।

মসিগুম্বা মশক থোকপা মায় পাকপা অসিনা প্লেতফোর্ম অসিনা খোঙজেল য়াঙনা শাহৌ লৌরিবা অসিবু তাকপদা নত্তনা ভারত শিনবা থুংবগী পব্লিক প্রোক্যুর্মেন্তকী থৌওংদা অওনবা পুরকপদা মসিনা লৌরিবা মরু ওইবা থৌদাংশিংসু ময়েক শেংনা তাক্লি। GeMনা মমাংদা অমুক্তা পাংথোকখিদ্রিবা মওংদা শাহৌ লৌরিবা অসিদি মখোয়না পব্লিক প্রোক্যুর্মেন্তকী থৌওংদা নুং-পান ফাওনা উনবা অমসুং মথৌ নিংথীনা পাংথোক্নবা মখোয়না খোঙফম চেৎলিবা অসিনা ঙমহনবনি। পুম্নমক অসিনা মরম ওইরগা, সরকারগী এজেন্সীশিংনা য়াম্লবা পোত্থোক অমসুং সেবা কয়াবু মওং মরিল চুম্না অমসুং শেল য়াম্না চঙদবা মওংদা লৈবা অমসুং শিজিন্নবগী খুদোংচাবা ফংলিবনি।

পোর্তেল অসিনা সর্ভিস কেতগরী চাউরাক্না 312 অমসুং প্রদক্ত কেতগরী 11,800 হেল্লবা মখল য়াম্লবা কেতলোগ উৎলি, সরকারগী বাইয়রশিংগী থাক খুদিংদা লৈবা তঙাই ফদবশিংবু চুননা পীবা ঙম্লি। অপুনবা ওইনা, GeMনা হেক হৌদোকপদগী, GMVগী ভেল্যুনা লুপা করোর লাখ 5.93 হেনখ্রে, মসিদা স্তেকহোলদরশিংনা নীংথিনা শৌগৎলকখি। GeMদা পাংথোকপা অপুনবা ত্রাঞ্জেক্সনগী মশিংসু করোর 1.8 হেনখ্রে।

লোয়ননা, GeMনা ইনক্লুসিবিতী অমসুং এসেসিবিলিতীগী মাইকৈদা খোঙফম চেৎলিবা অসিনা মখোয়গী মিৎয়েং শানবা পান্দমগী খুদম অমা ওইরি। পঞ্চায়তকী থাক্তা প্রোক্যুর্মেন্ত তৌহনবগী পান্দমগা লোয়ননা প্লেতফোর্ম অসিগা ই-গ্রাম স্বরাজকা মওং-মরিল চুম্না পুনশিন্নরিবা অসিনা মখোয়গী খোঙফম চেৎপগী মতৌবু তাকপখক্তা নত্তনা এদমিনিস্ত্রেসনগী গ্রাস রুতকী থাক্তা অপীবা মমলবু মুন্না খন্নদুনা তাহনবগা লোয়ননা লাস্ত-মাইল সেল্লরশিংগা কন্নেক্ত তৌবা ঙমবগী মপাঙ্গল অসিবুসু উৎলি। মসিগুম্বা নীংথিরবা থবকশিং অসিনা GeMগী শাফু হেনগৎহল্লি, ভারতকী প্রোক্যুর্মেন্ত লেন্দস্কেপ্তা অচৌবা ইথিল অমা লৈ লৈরে হায়বসু উৎলি।

মার্কেতপ্লেস মনুংদা ইনক্লুসিবিতী অমসুং দাইবর্সিতী লৈহন্নবা GeMনা হোৎনরিবা মখল কয়াগী থৌওংশিংনা অসিনা মখোয়গী মায় পাকপগী অতোপ্পা মরম অমসু ওইরি। প্লেতফোর্ম অসিনা স্মোল অমসুং মীদিয়ম ইন্তর্প্রাইস, নুপী ওন্তোপ্রিনর, স্তার্তঅপ, অমসুং আর্তিসানগী তোপ-তোপ্পা মগুন অমসুং অকক্নবশিংদা মরু ওইনা মিৎয়েং চঙলি। মখোয়গী পোলিসীশিং অসিদি চাউবা-পীকপা, মমিং চৎপা-চত্তবা নাইদনা, ফর্ম খুদিংদা কারবারগী খ্বাইদগী চুনবা খুদোংচাবা পীনবা পান্দম থম্লি। মসিগী মখা পোন্না, প্লেতফোর্ম অসিগী খুত্থাংদা ত্রাঞ্জেক্ত তৌখিবা অপুনবা ওর্দরগী চাউরাকপা 49%দি MSEশিংগী শরুক্নি হায়রিবনি। শুপ্নগী থা 7গী মনুংদা, MSE 45,000 হেনবনা GeMদা সেল্লর/সর্ভিস প্রোভাইদর ওইনা রেজিস্তর তৌরকখি।

GeMগী মায় পাকপগী মরু ওইবা মরম অমদি মখোয়না শেল তুংশিনবা ঙমহল্লিবা অসিনি, মখোয়না ইং 2016দগী হৌজিক ফাওবদা, সরকারগী মফমদা করোর 45,000 হেন্না কনবা ঙমহনখ্রে। ইকোনোমিক সর্ভে 2021-22গী মতুং ইন্না, পোত্থোক 22গী মনুংদা 10গী ওইনা য়েংলুবদা, GeMদা পীবা মমল অসিনা অতোপ্পা ওনলাইন প্লেতফোর্মশিংদগী 9.5% হেন্না তাথৈ। GeMগী অওনবা নাইবা খোঙচৎ অসিনা নুং-পান ফাওনা উবা, মথৌ নীংথিনা পাংথোকপা অমসুং ইনক্লুসিবিতীগী খুদম অমা ওইরি, অমসুং মসিদা মখোয়গী খ্বাইদগী ফবা তেক্নোলোজী অমসুং ইন্নোভেসন্না শাফু পীরি।

GeMনা লেপ্তনা চাউখৎলক্লিবা অসিগা লোয়ননা, মখোয়না ভারত সরকারগী দিজিতেল ত্রান্সফোর্মেসন অমসুং ‘মেক ইন ইন্দিয়া’ খোঙথাংগী কোর্নরস্তোন ওইরি, অমসুং লমদমসিদা শাজবা পোত্থোক অমসুং শেবা শিজিন্নহন্নবা মীয়ামগী পুক্নিংসু থৌগৎলি অমসুং খুমাংসু চাউশিনহল্লি।

***



(Release ID: 1976770) Visitor Counter : 52