মাইক্রো, স্মোল অমসুং মিদিয়ম ইন্তর্প্রাইস (MSME) মন্ত্রালয়না ওন্তোপ্রিনর্শিপ কলচরবু খুমাং চাউশিলহন্নবা অমসুং নেস্নেল SC-ST হবকা লোয়ননা মন্ত্রালয় অসিগী অতোপ্পা স্কিমশিংগী মতাংদা মতাংদা খঙহন্নবগীদমক্তা মেঘালয়গী শিল্লোংদা মেগা কনক্লেব অমা ঙসি পাংথোকখ্রে।

MSME মন্ত্রালয়গী সেক্রেতরী, শ্রী S.C.L. দাস অমসুং মেঘালয় ইন্দস্ত্রীএল দিভেলপমেন্ত কোর্পোরেসন লিমিতেদ (MIDC)গী চেয়রমেন, শ্রী জেম্স PK সাংমাসু অতোপ্পা সেনিয়র ওফিসিএলশিংগা লোয়ননা শরুক য়াখি। থৌরম অসিদা মেঘালয়দা লৈবা ওন্তোপ্রিনর ওইবা পাম্বা অমসুং হৌজিক ওইরিবা SC-STগী চাউরাকপা মীওই 600না শরুক য়াখি।

শ্রী জেম্স PK সাংমানা থৌরম অসিদা ৱা ঙাঙবদা, কনক্লেব অসিনা রাজ্যসিগী SC-ST ওন্তোপ্রিনর্শিংদা মখোয়গী ইন্তর্প্রাইসশিংবু পাকথোক চাউথোকহনবগা লোয়ননা ভারতপু USD ত্রিলিয়ন 5কী শেন্মিৎলোন ওইহনবদা মতৌ করম্না তেংবাংগনি হায়বা ৱাফম থমখি। পান্দম অসি ফংনবগীদমক্তা, মেঘালয় সরকারনা USD বিলিয়ন 30 তেংবাংবা হায়বা পান্দমগী মতাংদসু পাউদমখি। রাজ্যসিদা সরকারগী স্কিম অমসুং পোলিসীগী মতাংদা লৌশিং পীগদবা মসিগুম্বা কনক্লেব অমবু শিল্লোংদা শিনবগীদমক্তা মহাক্না MSME মন্ত্রালয়বু থাগৎখি।

শ্রী S.C.L. দাসনা কনক্লেব অসিদা ৱা ঙাঙবদা, MSME সেক্তরনা GDP অমসুং অপুনবা এক্সপোর্তকী হীরমদা তেংবাংদুনা ভারতকী শেন্মিৎলোন্দা মশক থোকপা থৌদাং য়ারিবা অসিগী মতাংদা পাউদমখি। MSMEনা থবক মশিং য়াম্না পীবতা নত্তনা খুঙ্গং অমসুং চাউখত্তবা মফমশিংদা ইন্দস্ত্রী পুরকপদসু তেংবাংলি হায়না মহাক্না হায়খি। মহাক্না ওন্তোপ্রিনর্শিপকী কান্নবশিংদা মিৎয়েং চঙলদুনা, কনক্লেব অসিদা শরুক য়ারিবা মেঘালয়গী নহাশিংনা ওন্তোপ্রিনর্শিপ্পু মশাগী প্রোফেসন ওইনা লৌদুনা কঞ্জ্যুমর অমখক ওইবগী মহুত্তা প্রদ্যুসর অমসু ওইনবা হোৎনসি হায়বা ৱাফম থমখি। MSME সেক্তরবু মপাঙ্গল হাপ্নবগীদমক্তা লৈরিবা ভারত সরকারগী স্কিম কয়াগী মতিক কয়াদা মহাক্না মিৎয়েং চঙখি, অমসুং রাজ্যসিগী SC/ST ওন্তোপ্রিনরশিংনা কনক্লেব অসিগী খুত্থাংদা ইন্নোভেতিব ওইবা ৱাখল্লোন, কারবারগী খুদোংচাবা কয়া খঙদোক্কনি অমসুং স্কিমশিং অসিগী মপুং ফাবা কান্নবসু লৌগনি হায়না মহাক্না হায়খি।

MSME মন্ত্রালয়গী জোইন্ত সেক্রেতরী, শুকুমারী মর্সী ইপাওনা মন্ত্রালয়গী অতোপ্পা মরু উইবা স্কিম কয়াগা লোয়ননা, SC/ST ওন্তোপ্রিনর্শিংগী ওইবা নেস্নেল SC-ST হব স্কিমগী মখাদা পায়খৎলিবা খোঙথাং কয়াগী মতাংদা পাউদমখি। দাঃ ইশিতা গঙ্গুলী ত্রিপাথীনা মন্ত্রালয়না NER মফমদা মিৎয়েং চঙলিবা অসিগী মতাংদা প্রজেন্তেসন অমা লান্থোকখি। ইকায় খুম্ননীংঙাই ওইরবা প্রধান মন্ত্রীনা হন্দক্তা হৌদোকখিবা “পি.এম. বিশ্বকর্মা” স্কিমগী মতাংদসু মহাক্না ৱাফম থমখি।

ওন্তোপ্রিনর ওইনীংবা অমসুং হৌজিক ওইরবা SC-ST মীওইশিংগীদমক্তা ইন্তররেক্তিব প্লেতফোর্ম পীবা ওইনা CPSE, বেঙ্ক অমসুং লেন্দিং ইন্সতিত্যুসনশিংগা লোয়নবা অখন্নবা তেক্নিকেল সেসন অমসু পাংথোকখি। পাৱরগ্রিদ, NEEPCO, FCI, IOCL অমসুং হিন্দুস্তান স্তীল ৱর্ক্স কনস্ত্রক্সনগুম্বা CPSEশিংনা মখোয়গী ভেন্দর লৌবগী থৌওংগী প্রজেন্তেসন পীখিবগা লোয়ননা SC-STনা মপু ওইবা MSEশিংদগী মখোয়না লৌবা য়াবা প্রদক্ত/সর্ভিসকী অকুপ্পা মরোলসু শেয়র তৌখি। থৌরম অসিদা SIDBI, কনারা বেঙ্ক, HDFC বেঙ্ক, মেঘালয়া রুরেল বেঙ্ক, ইন্দইন্দ বেঙ্ক, IFDCনচিংবা শেল-থুমগা মরী লৈনবা ইন্সতিত্যুসন কয়াসু শরুক য়াখি অমসুং মখোয়শিং অসিনা MSME সেক্তরগা মরী লৈনবা লেন্দিং স্কিম কয়াগী মতাংদা পাউদমখি। NSFDC অমসুং GeMগুম্বা সরকারগী অতোপ্পা বোদীশিংসু থৌরম অসিদা শরুক য়াখি অমসুং MSMEগা মরী লৈনবা মখোয়গী স্কিমশিংগী মতাংদা পাউদমখি। থৌরম অসিদা পি.এম. বিস্বকর্মদা মিং চন্নবা CSC শিল্লোংগী ফেসিলিতেসন দেস্ক য়াওখি; SC/ST MSE পার্তিসিপেন্তশিংনা মফমসিমক্তদা রেজিস্ত্রেসন তৌবদা তেংবাংনবা UDYAM রেজিস্ত্রেসনগী খুদোংচাবসু লৈখি।

***