কেন্দ্রগী এজুকেসন  এন্দ স্কিল দিভেলপমেন্ত এন্দ ওন্ত্রপ্রিন্যোরশিপ মন্ত্রী শ্রী ধরমেন্দ্র প্রধান  অমসুং ওস্ত্রেলিয়াগী মহাক্কা ফম মান্নবা, ইকাই খুম্নরবা জেসন ক্লেয়র, ওস্ত্রেলিয়া সরকারগী এম.পি. গা, ঙসি গান্ধীনগরদা লৈবা GIFT সিতীদা শাগদৌরিবা ৱোলোঙ্গোং অমসুং দীকিন য়ুনিভর্সিতীগী কেম্পসশিংগী মফমশিংদা চৎখি। মখোয়দা কেম্পস অদুগী দিভেলপমেন্তশিং অমসুং তুংগী প্লানশিংগী মতাংদা খঙহনখি।

মন্ত্রীশিং অদুনা আরম্ভ (অহৌবা) থৌরম অমদা শরুক য়াখি, GIFT সিতীদা কেম্পসশিং হাংদোক্লগনি হায়না লাউথোকখি। ভারতকী লৈমাইদা মপাল লৈবাক্কী য়ুনিভর্সিতীশিং হাংদোকপা অসি নেস্নেল এজুকেসন  পোলিসী ২০২০ গী পান্দম মহৈ মশিং তম্বদা ইন্তর্নেস্নেলাইজেসন তৌবা হায়বা অসিগা ইরোইনৈ। ইন্তর্নেস্নেল এজুকেসন  লেন্দস্কেপ্তা য়াম্না খুমাং চাউশিনবা, শক্নাইরবা মীওই কয়া, মন্ত্রীশিং , অমসুং একাদেমিক্কী লুচিংবশিংবু ভারত্তা ওস্ত্রেলিয়ান য়ুনিভর্সিতী হৌদোকপগী আরম্ভদা নুংঙাইবা ফোংদোকখি।

দীকিন য়ুনিভর্সিতী অমসুং য়ুনিভর্সিতী ওফ ৱোলোঙ্গোংগী ভাইস-চান্সেলরশিংনা ভারত অমসুং ওস্ত্রেলিয়াগী মরক্তা লৈনরিবা মরিদা, COVID-19 লাইচৎকী অৱাবা মতমদসু,  হেন্না ফগৎলক্লিবা অসিবু পল্লদুনা লৈবাক অমগা লৈবাক অমগগী পার্তনর্শিপকী কান্নবশিং ফোংদোকখি। মখোয়না ভারত্তা কেম্পস হাংদোকপগা লোয়ননা কোর্সশিং হৌনবগী মতম য়াওনা তুংগী প্লান কয়া খন্নখি।

থৌরম অদুদা ৱা ঙাংবদা, শ্রী প্রধাননা অনৌবা 'আরম্ভ' অদুগীদমক্তা মহৈরোইশিং অমসুং একাদেমিক ফ্রেতর্নিতীদা নুংঙাইবা ফোংদোকখি। মহাক্না হায়খি মদুদি মপাল লৈবাক্কী য়ুনিভর্সিতী কেম্পসশিং ভারতকী য়ুম য়ুমদা ফংদুনা ভারত্তা মহৈ মশিং তম্বদা খুদোং চাহনলগনি অমসুং NEP ২০২০ দা পান্দম থমখিবগুম্না ভাইব্রেন্ত ওইবা, পাক শনবা অমসুং ইনক্লুসিব ওইবা ইদুকেস্নেল ইনভাইরোনমেন্ত অমসু শেম্লগনি।

শ্রী প্রধাননা হায়খি মদুদি GIFT সিতী-খুদোংচাবা কয়া ফংবা মফম- অসিদা য়ুনিভ্ররসিতী অনি হাংদোক্কদৌরিবা অসি মহৈরোই কাংলুপকীদমক্তা 'খুদোল' অমনি। মহাক্না প্রধান মন্ত্রী শ্রী নরেন্দ্র মোদীবু NEP ২০২০ গী খুথাংদগী ভারতকী এজুকেসন বু শেমদোক্নবগী পান্দম থম্বা অমসুং হোৎনরিবশিং অদুগীদমক্তা থাগৎপা ফোংদোকখি। অসিগুম্না হোৎনবা অসিনা মালেমগী মফম কয়াদগী মহৈরোইশিং অমসুং ফেকলতীনা কোলাবোরেৎ তৌরগনি, তম্লগনি অমসুং পুন্না চাউখৎমিন্নরগনি হায়নসু হায়খি।

মসিগী ত্রান্সফোর্মেতিব পোলিসী অসিনা 'ইন্তর্নেস্নেলাইজেসন এত হোম' বু মপুং ওইনা লৌদুনা ইব্রেন্ত ওইবা, পাক শনবা অমসুং ইনক্লুসিব ওইবা ইদুকেস্নেল ইনভাইরোনমেন্ত অমা শেম্ননবগী পান্দম থম্লি হায়না মহাক্না মখা তাখি।

নুংথিলদা, মন্ত্রী অনিমক্না কোনক্লেব 'রিসর্চ দাউলোগঃ ন্যু হোরাইজোন্স ইন রিসর্চ কোলাবোরেসন' অমদা ৱা ঙাংখি। কোনক্লেব অসিগী পান্দমদি রিসর্চ ইকোসিস্তেম অমা ফংননবা নাকল অনিমক্তগী কোলাবোরেসনবু হেন্না চেৎশিনহন্দুনা অনৌবা খুদোংচাবশিং খঙদোকপা অসিনি। কনক্লেব অসিদা ওন্ত্রেলিয়ন দেলিগেসন, মরুওইবা ভারতকী হায়র এজুকেসন অমসুং রিসর্চ ইন্সতিত্যুসনশিংগী মকোক থোংবা মীহুৎশিং, অমসুং অতৈ দিগনিতরী কয়া শরুক য়াখি। শ্রী প্রধান্না 'রিসর্স দাইলোগ'কী মতাংদা ফোংদোকখি, য়ুনিভর্সিতীগী লুচিংবা অমসুং রিসর্চরশিংদা লৈবাক অনিগী ভারত অমসুং ওস্ত্রেলিয়াগী মরক্তা রিসর্চকী মপাং ওইমিন্নবগী খুদোংচাবা শেম্নবা হৌদোকখি। খুন্নাই অসিগী ওইবা কান্নবা কয়া পীনবগীদমক রিসর্চনা মরুওইবা মফম অমা শেমগৎকদবনি, ওস্ত্রেলিয়া অমসুং ভারতনা রিসর্চপু নাকল অনিমক্না চাউখৎপা পুরক্নবা অমসুং মালেমগী থাক্তা হেন্না অফবা পুরক্নবা ফিরেপ লেপ্লি হায়না মহাক্না ফোংদোকখি।

মন্ত্রী অনিনা অমসুং য়ুনিভর্সিতী পার্তনরশিপ, আর এন্দ দি অসিনচিংবদা কান্নবা পীনবগীদমক ইন্দস্ত্রী এজুকেসন পার্তনরশিপকী একাদেমিক অমসুং ইন্দস্ত্রীগী লুচিংবশিংগা উন্নদুনা এজুকেসন ইন্দস্ত্রী কন্নেক্সনগী মপাঙ্গল কনখৎনবা খন্নখি।

*****