নিতি আয়োগনা নই দিল্লীগী হোতেল তাজ মহলদা হয়েং নবেম্বর ৬, ২০২৩দা (নিংথৌকাবা) “ইনক্লুজিব ত্রেদ ফোর প্রোস্পেরিতী” হায়রিবা থীম অসিদা নোংমগী ওইবা ৱর্কসোপ অমা পাঙথোক্কদৌরি‍। ৱর্কসোপ অসি G20 নই দিল্লী লীদর্স দিক্লারেসন্দা (NDLD) খন্নখিবা তোঙান তোঙানবা থীমশিংগী মতাঙদা পাঙথোক্লিবা ১০ ফীদর থীমেতিক ৱর্কসোপশিংগী মনুং চন্না পাঙথোকপনি‍।

ৱর্কসোপ অসিনা খুমাঙ চাওশিন্নবা অমদি নুংঙাই য়াইফবা পুরক্নবগীদমক ইনক্লুজিব ত্রেদকী লমদা দোমেস্তিক আউতরীচ হেনগৎহন্নবা অমদি পাকথোক চাউথোকহন্নবা, মপু ওইবা অমদি ফংলকপা মহৈ থবক ওইনা পাঙথোকপগী মতাঙদা খন্ননবা হীরমশিং অসিগী অখঙ অহৈশিং, থিঙ্ক তেঙ্ককী মীহুৎশিং, একাদমিক অমদি অতৈ স্তেকহোল্দরশিংগী ফম্পাক অমা ওইনা মথৌ তৌগনি‍। ৱর্কসোপ অসিদা গ্লোবেল ভেল্যু চেন (GVCs) মেপ্পিং তৌবা; পুম্নমক কোনশিনবা, তুং কোইগদবা, অমদি হান্নগী ফীভমদা হঞ্জিল্লকপা ঙমগদবা GVC শিং শেমগৎপা; ইনক্লুজিব ত্রেদ; নন-তারিফ মীজরশিংদা (NTM) অরোন অথুপ লৈহন্দবা; ত্রেদ ফাইনান্স; মার্কেৎ এক্সেস; দিস্ত্রিক্তশিংদগী মপান্দা পোৎ থাদোকপগী থৌওং য়োকখৎপা; MSME অমদি অতৈশিং পুনশিন্বদা মতেঙ পাংবা হায়রিবা হীরমশিং অসিদা মচা খায়না খন্নগনি‍।

খরন্নগদৌরিবা অসি মখাদা পীরিবা চাউরাকপা হীরমশিং অসিগী মখাদা খন্নগদবনি:

১.       গ্লোবেল ভেল্যু চেন GVCs) মেপ্পিং তৌবা: সেসন অসিনা ভেল্যু চেন অমদি ইনোভেসন মথক কাখৎহন্নবগী পাম্বৈ অমদি লম্বীশিং, প্রদক্সন, ত্রেদ অমদি ইনভেস্তমেন্ত GVC শিংগী মনুংদা পুনশিনবা অমদি পুম্নমক কোনশিনবা, তুং কোইগদবা অমসুং হান্নগী ফীভমদা হঞ্জিল্লকপা ঙমগদবা GVC শিংগী মতাঙদা মীৎয়েঙ থমগনি‍।

২.       খুমাঙ চাওশিন্নবগীদমক ইনক্লুজিব ত্রেদ শেমগৎপা: খন্ন-নৈনগদৌরিবা অসি চাওখৎলক্লিবা লৈবাকশিং, মরুওইনা LDCs শিংবু মতিং হাপ্নবা “এদ ফোর ত্রেদ”, নন-তারিফ মীজরশিংদা ত্রান্সপেরেন্সী করম্না য়োকখৎকনি অমদি ঙাক্লৌ পীগদবা অমসুং চাং নাইগদবা ত্রেদ অমদি এনভাইরনমেন্ত থৌরাংশিং কমদৌনা পা্য়খৎকনি হায়বগী মতাঙদাখন্নগনি‍।

৩.       ইনক্লুজিব ত্রেদ পুরকপদা থেংনরিবা শিংনবশিং: MSMEশিং পুনশিনবা, ত্রেদ দাইভর্সিফিকেসন অমদি কৈথেল পাকথোক চাউথোকহনবদা মতেঙ পাংবা, দিস্ত্রিক্তশিংদগী এক্সপোর্ত য়োকখৎপা অমদি সর্ভিস এক্সপোর্ত খোঙজেল য়াংখৎহনবা‍।

তেন ফীদর থীমেতিক ৱর্কসোপশিং নবেম্বর ১, ২০২৩ দগী নবেম্বর ৯, ২০২৩ ফাওবা পাঙথোক্লি‍। ৱর্কসোপশিং অসিদা য়াওরিবা হীরমশিংদি G20 দগী G21, দেতা ফোর দিভেলপমেন্ত, তুরিজম, দিজিতেল পব্লিক ইনফ্রাস্ত্রকচর, সস্তেনেবল দিভেলপমেন্ত, পান্দমশিং, লল্লোন ইতিক, ইন্দিয়ন দিভেলপমেন্ত মোদেল, নুপীনা লমজিংবা দিভেলপমেন্ত, মল্তিলেতরেল দিভেলপমেন্ত বেঙ্কশিংদা অওনবা পুরকপা অমদি ক্লাইমেৎ ফাইনান্স অমসুং গ্রীন দিভেলপমেন্তনি‍।

*****