گنگا اتسو کے ساتویں ایڈیشن کا اہتمام آج نئی دہلی میں قومی مشن برائے صاف گنگا کے ذریعہ کیا گیا تھا اور اس کا افتتاح آبی وسائل، دریائی ترقی اور گنگا کی بحالی کے محکمے، جل شکتی کی وزارت میں سکریٹری محترمہ دیباشری مکھرجی نے خصوصی سکریٹری اور این ایم سی جی کے ڈائریکٹر جنرل جناب جی اشوک کمار کی موجودگی میں کیا۔  اس تقریب میں این بی ٹی کے تعاون سے گنگا پستک پری کرما پر مبنی نمامی گنگا میگزین، چاچا چودھری کی نئی سیریز اور گنگا کتابچہ کے سفر کے 33 ویں ایڈیشن کا اجرا بھی کیا گیا۔ گنگا پستک پری کرما کے دوسرے ایڈیشن کو بھی آج محترمہ دیباشری مکھرجی اور جناب جی اشوک کمار نے جھنڈی دکھاکر روانہ کیا۔ گنگا پستک پری کرما 7 نومبر 2023 کو گنگوتری سے اپنے 3 ماہ کے طویل سفر کا آغاز کرے گی اور یہ11 جنوری 2024 کو گنگا ساگر پر اپنا سفر ختم کرنے سے پہلے، دریائے گنگا کے کنارے تمام شہروں اور قصبوں سے گزرے گی۔  یہ اترکاشی، رشی کیش، ہری دوار، بجنور، میرٹھ، علی گڑھ، فرخ آباد، کانپور، پریاگ راج، مرزاپور، وارانسی، چھپرا، پٹنہ، بیگوسرائے، سلطان گنج، بھاگلپور، صاحب گنج، بہرام پور، کولکاتہ اور ہلدیہ  سے ہوکر گزرے گی۔

اجتماع سے خطاب کرتے ہوئے محترمہ دیباشری مکھرجی نے اظہار کیا کہ گنگا محض ایک دریا نہیں ہے، بلکہ ایک گہرا جذبہ ہے، جو ہم سب کے ساتھ گونجتا ہے۔ انہوں نے گنگا کی بحالی کی کوششوں میں خاص طور پر نئی نسل کے ساتھ تعاون میں نمایاں پیش رفت دیکھنے پر اپنے اطمینان کا اظہار کیا۔ انھوں نے ملک کے دریاؤں کی ثقافتی اہمیت پر زور دیتے ہوئے غالب اور یمنا کے درمیان خوبصورت تعلق کی طرف توجہ مبذول کروائی۔ انہوں نے زور دے کر کہا کہ دریاؤں کا تحفظ سب کی مشترکہ ذمہ داری ہے۔ انہوں نے اس بات کا اعادہ کیا کہ وزیر اعظم جناب نریندر مودی ہمیشہ اس بات پر زور دیتے ہیں کہ ’پانی ہر ایک کا کاروبار ہے‘۔  انہوں نے ہمارے ملک کی پائیدار ترقی میں پانی کے اہم کردار پر زور دیا ہے۔ اس تناظر میں، انہوں نے ہمارے آبی ذخائر کو آلودہ کرنے والے ٹھوس فضلہ کے مسئلے کو حل کرنے کی اہم ضرورت پر روشنی ڈالی۔ انھوں نے اصرار کیا کہ ہم میں سے ہر ایک کو آگے بڑھنا چاہیے اور اپنے دریاؤں کی حفاظت کرنے میں اپنی حصہ رسدی کرنی چاہیے۔ انہوں نے آبی ذخائر میں سیوریج کے بہاؤ سے نمٹنے کی فوری ضرورت پر زور دیا اور ٹھوس فضلہ کے انتظام کو بہتر بنانے کی وکالت کی۔  انھوں نے خاص طور پر پلاسٹک کے فضلہ کو کنٹرول کرنے پر زور دیا۔

ان کے خطاب کا ایک اور مرکزی موضوع پانی کا تحفظ تھا، کیونکہ انھوں نے دریاؤں کی بحالی میں اس کے اہم کردار پر روشنی ڈالی۔ انہوں نے اجتماعی کارروائی اور تعاون پر زور دیا۔ یہ بتاتے ہوئے کہ پانی کا تحفظ اور دریا کی بحالی بنیادی ذمہ داریاں ہیں جن میں ہم سب شریک ہیں۔ انہوں نے دریا کی بحالی کے عظیم مقصد میں جن آندولن (عوامی تحریک) کے اہم کردار پر زور دیا۔

خصوصی سکریٹری اور ڈائریکٹر جنرل، این ایم سی جی نے حاضرین کا پرتپاک استقبال کیا اور ہندوستان میں گنگا کی گہری اہمیت پر زور دیا۔ جناب کمار نے بتایا کہ گنگا کو 2008 میں ہندوستان کا قومی دریا قرار دیا گیا تھا، جس کی وجہ سے قومی گنگا ڈے کا قیام عمل میں آیا۔ انہوں نے مزید بتایا کہ کس طرح ہر سال یہ مبارک دن خوشی کی تقریبات اور سرگرمیوں میں بچوں سمیت مختلف فریقین کو متحد کرتا ہے۔ جناب کمار نے ڈاکٹر امبیڈکر بین الاقوامی مرکز کی اہمیت پر روشنی ڈالی، جہاں ’’بارش پکڑو‘‘ مہم کا آغاز وزیر اعظم نے کیا تھا، جس کے دوران انہوں نے ملک کے کونے کونے سے تعلق رکھنے والے سرپنچوں سے خطاب کیا تھا اور اس بات پر زور دیا تھا کہ گنگا ہمارے مشترکہ ورثے میں اہم کردار ادا کرتی ہے۔

جناب کمار نے 14 دسمبر 2022 کو کینیڈا کے شہر مونٹریال میں حیاتیاتی تنوع کے کنونشن (سی بی ڈی) کے فریقین کی 15ویں کانفرنس کے دوران، قدرتی دنیا کی بحالی کے لیے وقف 10 عالمی بحالی پرچم برداروں میں سے ایک کے طور پر، اقوام متحدہ کی طرف سے نمامی گنگا کو دی گئی قابل ذکر پہچان کو اجاگر کیا۔  جناب کمار نے کہا کہ یہ اعزاز ہماری قوم اور قومی مشن برائے کلین گنگا کے لیے بے حد فخر کا باعث ہے۔ انہوں نے بتایا کہ گنگا اتسو 2023 بھی گنگا کے طاس میں مختلف ضلعی گنگا کمیٹیوں کے ذریعہ منایا گیا۔ حالیہ برسوں میں، نمامی گنگے نے گنگا سے متعلق سرگرمیوں کو غیر مرکوز کرنے کے  لیے ضلع گنگا کمیٹیوں کے ساتھ باقاعدگی سے میٹنگیں منعقد کرنے کی وکالت کی ہے، جو ایک اہم کامیابی ہے۔ انہوں نے واضح کیا کہ یہ ملاقاتیں لوگوں کے ساتھ گہرے تعلق کو فروغ دینے، گنگا پرہاریوں، ضلع پروجیکٹ افسران، گنگا دوت وغیرہ کے ذریعے لوگوں کی شرکت میں مثبت قدموں کی راہ ہموار کرنے میں اہم کردار ادا کرتی ہیں۔

انہوں نے واضح کیا کہ یوگا  کے بین الاقوامی دن میں کم از کم 5 لاکھ لوگوں کی شرکت دیکھی گئی، جس نے نمامی گنگے مشن کے لیے زبردست حمایت کا مظاہرہ کیا۔ انھوں نے کہا کہ ہماری کوششیں انجینئرنگ پر مبنی مشن سے نکلی ہیں، جس میں سیوریج ٹریٹمنٹ پلانٹس کی تعمیر ارتھ گنگا ماڈل پر توجہ مرکوز کی گئی ہے، جس میں کمیونٹی کی شمولیت، تعلیمی سرگرمیوں اور مقامی لوگوں کے لیے ذریعہ معاش پیدا کرنے پر زور دیا گیا ہے۔  انہوں نے کہا کہ  یہ مثالی تبدیلی انتہائی انجینئرنگ پر مبنی پروگرام سے ایک ایسی تبدیلی کی طرف اشارہ کرتی ہے جو روزگار پیدا کرنے کے مواقع والے لوگوں کے ساتھ دریا کے رابطے کو ترجیح دیتا ہے۔

انہوں نے واضح کیا کہ دریائے گنگا میں، اور اس کی معاون ندیوں میں ڈولفنز کی آبادی میں قابل ذکر اضافہ ہوا ہے۔ این ایم سی جی نے بین الاقوامی تنظیموں کے ساتھ بھی مضبوط شراکت داری قائم کی ہے، جو کہ این ایم سی جی کو دریائے گنگا کے لیے ایک متحرک ماحولیاتی نظام میں تبدیل کرنے کی ایک باہمی کوشش ہے۔ دریا کے کنارے وقف خواتین رضاکاروں کے ایک گروپ کی طرف سے ادا کیے گئے اہم کردار پر روشنی ڈالتے ہوئے، انہوں نے بتایا کہ وہ کس طرح صاف گنگا کے پیغام کو پھیلانے میں اہم کردار ادا کر رہی ہیں۔ جناب کمار نے دلّی ہاٹ-جلج پروجیکٹ کی طرف توجہ مبذول کروائی، جو کہ گنگا طاس میں رہنے والی ان خواتین کی طرف سے تیار کردہ مصنوعات کی نمائش کرتا ہے، جو معاشی استحکام میں معاون ہے۔ جناب کمار نے اس بات پر زور دیا کہ این ایم سی جی بنیادی طور پر گنگا کی معاون ندیوں پر توجہ مرکوز کرنے کے اپنے عزم میں ثابت قدم ہے، خاص طور پر ہنڈن، کالی ندی اور دریائے یمنا پر خاص زور دیا گیا ہے۔ انہوں نے منفرد پہل ریور سٹیز الائنس میں ممبر شہروں کی حالیہ توسیع پر روشنی ڈالی۔

گنگا اتسو 2023 کا آغاز شمع روشن کرنے کی رسم اور نمامی گنگا ترانے سے ہوا۔ تقریب میں معروف فنکار اجے پرسنا کی طرف سے بانسری کے سر پیش کئے گئے، جس نے سامعین کو مسحور کردیا۔ سامعین مختلف طرح کی شاہکار پرفارمنس سے مسحور ہوگئے، جس میں بھرتانڈے گروپ کی طرف سے پیش کیا گیا پرفتن ’’یمونا گانا‘‘، راگ نرتیہ کلا منچ کے رقص کے ذریعے پیش کیا گیا اتر پردیش کا ایک روایتی لوک رقص، اور جناب جیت پارمانک کے ذریعہ ’’نمامی گنگے‘‘ گانے کی ایک پرکشش نئی پیش کش شامل تھی۔ جشن کے ایک حصے کے طور پر، لوگوں اور دریاؤں کے درمیان گہرے تعلق کو فروغ دینے کے ساتھ ساتھ دریا کی بحالی کے بارے میں بیداری پیدا کرنے کے لیے مختلف سرگرمیوں کا انعقاد کیا گیا۔ گنگا اتسو 2023 موسیقی، رقص، علم، ثقافت اور مکالمے کا ایک متحرک امتزاج تھا۔ گنگا اتسو 2023، پنڈت سدھارتا بنرجی کے مسحورکن میوزک کی دلکش پرفارمنس کے ساتھ اختتام پذیر ہوا۔

******

ش  ح۔ ا ع ۔ م ر

U-NO. 685