প্রধান মন্ত্রী, শ্রী নরেন্দ্র মোদীনা লুচিংদুনা অচৌবা ফুদ ইভেন্ত অমা ওইরিবা ‘ৱর্ল্দ ফুদ ইন্দিয়া 2023’গী অনিশুবা মীফম হৌদোকপগী থৌরম অমা ঙসি, নই দিল্লীগী প্রগতী মৈদান্দা লৈবা ভারত মন্দপমদা পাংথোকখ্রে। থৌরম হৌদোকপগী ঙসি থৌরম অসিদা, প্রধান মন্ত্রীনা হেল্ফ হেল্প গ্রুপ (SHG)কী মেম্বর লাখ অমা হেনবগী মফমদা সীদ কেপিতেল এসিস্তেন্স য়েন্থোকখি অমসুং থৌওং অসিমক্না কাংলুপশিং অসিদা শৌগৎলিবা অসিবুসু হেন্না মপাঙ্গল লৈহনখি। প্রধান মন্ত্রী মোদীনা থৌরম অসিদা উৎলিবা একজিবিসন্সু য়েংখি।

থৌরম অসিগী মপুং ওইবা পান্দমদি ভারতপু ‘মালেমগী ফুদ বাস্কেত’ অমা ওইনা লান্থোকপা অমসুং ইং 2023বু মালেমগী মিল্লেতকী চহি ওইনা নুংঙাইবা ফোংদোকপনি। প্রধান মন্ত্রীনা মহাক্কী ৱারোলদা থৌরম অসিদা উৎলিবা তেক্নোলোজী অমসুং স্তার্তঅপ পেভিলিয়নগা লোয়ননা চিঞ্জাকশিংবু থাগৎপা ফোংদোক্লদুনা তেক্নোলোজী অমসুং থোং-থাকপদা হৈ-শিংবগী অপুনবনা তুংগী মতমগী শেন্মিৎলোনগী মওং শেমগনি হায়নসু মিৎয়েং চঙখি। প্রধান মন্ত্রী মোদীনা ঙসিগী হোংবা নাইবা মালেমসিদা ফুদ সেক্যুরিতীগী অথুবা মতমদা মিৎয়েং চঙফম থোক্লিবা ৱাফমদা মীয়ামগী পুক্নিং চীংশিনখিবগা লোয়ননা হীরম অসিগা মরী লৈননা, ৱর্ল্দ ফুদ ইন্দিয়া 2023না মরু ওইরিবা অসিগী মতাংদা ৱাফম খরা থমখি।

প্রধান মন্ত্রীনা ৱর্ল্দ ফুদ ইন্দিয়াগী ফলশিং অসিনা ভারতকী ফুদ প্রোসেসিং সেক্তরবু ‘সনরাই সেক্তর’ ওইনা শকখঙবগী অচৌবা খুদম অমনি হায়খি। হৌখিবা চহি 9 অসিদা প্রধান মন্ত্রীনা সেক্তর অসিনা লুপা করোর 50,000 হেনবগী ফোরেন দাইরেক্ত ইনভেস্তমেন্ত লাকহনখি মসিগী মরম সরকারগী প্রো-ইন্দস্ত্রী অমসুং প্রো-ফার্মর পোলিসীশিংনা ওইরি। ফুদ প্রোসেসিং সেক্তরদা লৈরিবা PLI স্কিমগী মতাংদা পল্লদুনা প্রধান মন্ত্রীনা হায়খি মদুদি ইন্দস্ত্রী অইদা অনৌবা প্লেয়রশিংদা চাউনা তেংবাং পীরি। মহাক্না হায়খি লুপা করোর 50,000 হেনবগী চাউরাকপা ইনভেস্তমেন্তগা লোয়ননা পোস্ত-হর্বেস্ত ইনফ্রাস্ত্রকচরগীদমক এগ্রি-ফন্দ ফন্দগী মখাদা প্রোজেক্ত লিশিং কয়া পাইখৎলি অমরোমদা ফিশরীজ অমসুং এনিমেল হসবেন্দ্রী সেক্তরদা প্রোসেসিং ইনফ্রাস্ত্রকচর অসিদা লুপা করোর লিশিং কয়াগী ইনভেস্তমেন্ত তৌরি।

প্রধান মন্ত্রী মোদীনা ভারতকী ফুদ প্রোসেসিং ইন্দস্ত্রীদা খোঙজেল য়াংনা চাউখৎলক্লিবা অসিগীদমক সরকারগী লেপ্পা লৈতনা অমসুং থৱায় য়াওনা খোঙথাংশিং পাইখৎখিববু থাগৎখি। ভারত্তা অহানবা ওইনা এগ্রি-এক্সপোর্ত পোলিসী শেমখিবা, লৈবাক শিনবা থুংবদা লোজিস্তিক্স অমসুং ইনফ্রাস্ত্রকচর শেমগৎপা, গ্লোবেল মার্কেৎশিংগা জিলাশিংগা শম্নহল্লিবা জিলা থাক্কী হব শেমখিবা, মেগা ফুদ পার্কশিংগী মশিং হেনগৎহনবা অমসুং ভারতকী ফুদ প্রোসেসিং কেপাসিতী হেনগৎহনখিবগী মতাংদা মহাক্না পনখি। প্রধান মন্ত্রীনা অহানবা ওইনা ভারত্তগী এক্সপোর্ত তৌরিবা লৌউ-শিংউগী পোত্থোকশিংগী খুদমশিং পীখি অমসুং হিমাচল প্রদেশতগী শীং অমুবা, জম্মু অমসুং কাশ্মিরদগী দ্রেগন ফ্রুত, মধ্য প্রদেশতগী সোয়া মিল্ক পাউদর, লদাখতগী কর্কিতচু শেম, পঞ্জাবতগী কেবেন্দিশ লফোই, জম্মুদগী গুচ্চি শেংগুম, অমসুং কর্নতকাদগী খোহী অহিংবা অসি পনখি।

ভারত্তা লৈরিবা নুপীনা লমজিংবা চাউখৎ-থৌরাংগী লম্বেল অসিগী মরু ওইবগী মতাংদা প্রধান মন্ত্রীনা পল্লদুনা নুপীশিংনা ফুদ প্রোসেসিং ইন্দস্ত্রীদা শরুক তম্লিবা অসিবুসু মহাক্না পনখি। কোত্তেজ ইন্দস্ত্রী অমসুং নুপীশিংগী সেল্ফ হেল্প গ্রুপশিংবু খুমাং চাউশিলহন্নবা হোৎনরিবা অমসুং থৌরম অসিদা নুপী লাখ অমা হেনবগী মফমদা সীদ কেপিতেল য়েন্থোকপগী থৌওং অসিবুসু মহাক্না মীয়ামদা পাউদমখি।

প্রধান মন্ত্রীনা ভারতকী মশিং য়াম্লবা চিঞ্জাক্কী মখল অমসুং কলচরেল দাইবর্সিতীগী মতাংদা ফোংদোক্লদুনা সস্তেনেবল ওইবা ফুদ হেবিতকা আয়ুর্বেদগা মরী লৈনরিবা অসিগী মরু ওইবশিংসু মীয়ামদা তাকখি। গ্লোবেল ফুদ সেক্যুরিতী লৈহন্নবগীদমক্তা ফুদ প্রোসেসিং ইন্দস্ত্রীনা হৌজিক্কী মতমদা পাংথোকফম থোকপা থৌওং অমদি থাইনগী মতমগী লৌশিংগী কান্নবা লৌদুনা থবক্তা ওন্থোকপা হায়বসিনি হায়না মহাক্না হায়খি। শ্রী মোদীনা ইং 2023বু মালেমগী মিল্লেতকী চহি হায়না শকখঙখি অমসুং মালেমদা মিল্লেত শিজিন্নবা হেনগৎহন্নবা ৱারি শাবা খুদিংবুসু পুক্নিং থৌগৎখি।

শ্রী মোদীনা G-20 দিল্লী দিক্লারেসনগী মতাংদা পাউদম্লদুনা সস্তেনেবল ওইবা লৌউ-শিংউ, ফুদ সেক্যুরিতী অমসুং ন্যুত্রিসন সেক্যুরিতীদা মিৎয়েং চঙখি। ফুদ প্রোসেসিং ইন্দস্ত্রীগী পার্ত্নর খুদিংগী থৌদাংশিংদা মহাক্না মিৎয়েং চঙলদুনা মখোয়না তেক্নোলোজী শিজিন্নদুনা লৌ-লোক্লবা মতুংদা পোত্থোক মাঙবগী মতৌবু হন্থহন্নবা হোৎনবীয়ু হায়না থমখি। প্রধান মন্ত্রীনা থৌরম অসিনা লোইশিল্লকপদা পুরক্কদবা ৱারোইশিন অসিনা মালেমগী ওইনা সস্তেনেবল অমসুং ফুদ সেক্যুর ওইবা তুংগী মতম অমা পুরক্নবা লম্বী অমা শোইদনা য়াৎকনি হায়বগী থাজবা লৈ হায়না ফোংদোকখি।

কেন্দ্রগী মন্ত্রী, শ্রী পিয়ুশ গোয়ল, শ্রী পাশুপতি কুমার পারস, শ্রী গিরিরাজ সিংহ, শ্রী পর্শোত্তম রুপালা অমসুং শ্রী প্রহলাদ সিংহ পতেলসু ঙসিগী থৌরমসিদা শরুক য়াখি।

ৱর্ল্দ ফুদ ইন্দিয়া 2023গী অহানবা নুমিত অসিদা চাউরাক্না লুপা করোর 17,990গী অপুনবা ইনভেস্তমেন্ত ওইগদবা মেমোরেন্দম ওফ অন্দর্স্তেন্দিং  (MoU) 16কী খুৎয়েকশিং ফুদ প্রোসেসিং ইন্দস্ত্রী মন্ত্রালয় (MoFPI) অমসুং ইন্দস্ত্রীগী তোঙান-তোঙানবা ইন্তাইতীশিংগী মরক্তা পীনখি। MoU অসিদা শরুক য়ারিবশিংগী মনুংদা কম্পেনী কয়াগা লোয়ননা মোন্দেলেজ, কেল্লোগ, ITC, ইন্নোবেব, নেদস্পাইস, অনন্দা, জেনেরেল মিল্স, অমসুং অব ইনবেবকুম্বা মশক নাইবা কম্পেনীশিং য়াওরি।

ভারত সরকারগী ফুদ প্রোসেসিং ইনদস্ত্রী মন্ত্রালয়না ৱর্ল্দ ফুদ ইন্দিয়া 2023 হৌদোকপা নুমিত্তা রাউন্দতেবল দিসকসন অমসু শিন লাঙখি। থৌরম অসিবু ফুদ প্রোসেসিং ইনদস্ত্রী মন্ত্রালয়গী কেন্দ্র মন্ত্রী, শ্রী পাশুপতি কুমার পারস; কম্মর্স অমসুং ইন্দস্ত্রী, কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং তেক্সতাইলগী কেন্দ্র মন্ত্রী, শ্রী পিয়ুশ গোয়লনা পুন্না লুচিংমিন্নখি। রাউন্দতেবল অসিনা সরকারগী সেনিয়র ওফিসিএল অমসুং ফুদ প্রোসেসিং অমদি মরী লৈনবা সেক্তরশিংদা থবক তোউরিবা মকোক থোংবা কম্পেনী 70 হেনবগী CEOশিংবু অমত্তা ওইনা পুরকখি। রাউন্দতেবল অসিদা খন্ন-নৈনখিবশিং অদুনা অয়াম্বনা কারবার তৌবদা লাইহনবা, ইনভেস্তমেন্ত অমসুং সোর্সিং তৌবগী অপাম্বা লৈবা, অমসুং ভারতকী ফুদ প্রোসেসিং সেক্তরগী মনুংগী ভেল্যু চেন্দা লৈরিবা অহাঙবশিংগা মরী লৈননা ইন্দস্ত্রীগী ওইবা নুংগী ৱাফমশিং খোমজিনবগুম্বা হীরমশিংদা মরু ওইবা মিৎয়েং চঙখি। ফুদ স্ত্রীত নত্তনা মপুং ওইবা থৌরম অসিদি এন্ত্রী ফী অমত্তা য়াওদনা চঙবা য়াগনি। 

***