নবেম্বর ২,২০২৩দা কর্নাতকাগী বেঙ্গালুরুদা রক্ষ মন্ত্রী শ্রী রাজনাথ সিংহনা নুমিৎ হুম্নিগী ‘ইন্দিয়া মেনুফেকচরিং সো’ হৌদোকখ্রে। সো অসি দিফেন্স মিনিস্ত্রিগী দিফেন্স প্রদক্সন দিপার্তমেন্তগী মতেংগা লোয়ননা লঘু উদোগ ভারতি অমসুং আই.এম.এস ফাউন্দেসন্না পুন্না শীনবনি। থৌরম অসিগী মরুওইবা পান্দমদি ‘মেক ইন ইন্দিয়া, মেক ফোর ৱার্ল্দ’ নি।

হৌদোকপগী থৌরম অদুদা তিনখিবা উদোগকী লুচিংবশিং অমসুং নহা ওইরিবা ওন্ত্রেপ্রেনিউয়রশিংদা ৱা ঙাংবদা রক্ষ মন্ত্রীনা হায়খি লৈবাক অসি চাউখৎপা চাউনা থৌদাং লৌদুনা অপীকপা উদোগশিংনা ভারতকী শেন্মিৎলোনগী য়াংলেন শরুনি। অপীকপা উদোগশিং ভারতকী শেন্মিৎলোনগী মোতোরনি। মোতোরশিং য়াংনা চেল্লিবমখৈ, শেন্মিৎলোনগী গারিশিং য়াংনা চেল্লি। শেন্মিৎলোন লেংদনা থম্বদা অপীকপা উদোগশিংনা মরুওইবা থৌদাং লৌরি।

শ্রী রাজনাথ সিংহনা হায়খি হায়রিবা উদোগশিং অসিনা লৈবাক্কী শেন্মিৎলোন চাউখৎহনবদা মরুওইবা থৌদাং লৌরি। থাদরিবা শেনফমগা চাংদম্নবদা, অপীকপা উদোগশিংনা অচৌবা উদোগশিংদগী থবক ফংবগী খুদোংচাবা হেন্না পীরি। মখোয়না খুন্নাইদা চাং মান্ননা লন-থুমশিং য়েন্থোক্লি। এম.এস.এম.ই কয়া মপান লৈবাকশিংদা ফজনা থাদোক্লি অমসুং মালেমদা খ্বাইদগী চাউবা কম্পেনিশিংগী সপ্লাই চেনগী শরুক অমা ওইরি। লৈবাক অসি চাউখৎহনবদা অচৌবা উদোগশিংনা অচৌবা থৌদাং অমা লৌরবসু, অপীকপা উদোগশিং মীরাইরগা লৈবাক অসি মপুংফানা চাউখৎপা ঙম্লোই।

শ্রী রাজনাথ সিংহনা হায়খি মতম অমদা ভারত অসি ‘সনাগী উচেক’ হায়না কৌনরমখি অমসুং মসিগী অচৌবা মরমদি মীওই কয়া থবক পীবা অপীকপা উদোগশিং খুঙ্গংশিং অমসুং সহরশিংদা লৈরম্বা অসিনা ওইহনবনি। থায়না ভারত্তা অচৌবা উদোগশিং লৈরমদে; অপীকপা উদোগশিং খক্তা লৈরমখি। তেক্সতাইল, আইরন অমসুং জহাজ শাবা অসি মালেম শীনবা থুংনা ভারত মশক খঙনবা উদোগ অহুম্নি। মখোয়না ঐখোয়গী উদোগকী তৌবা ঙম্বশিং উৎখি।

মহাক্না হায়খি অহোংবা লাকপদা চুশিন্নবা ঙম্বা অসি অচৌবা উদোগশিংদগী অপীকপা উদোগশিংনা হেল্লি। অপীকপা উদোগশিংনা চুশিন্নবা ঙম্বা অসিনা অনৌবা থবক পাংথোকপা ঙম্বগী শক্তি হেনগৎলকই। অনৌবা পোৎথোকশিং, থবকশিং অমসুং ললোন-ইতিক্কী নমুনাশিংদা অচৌবা উদোগশিংদগী অপীকপা উদোগশিংনা অনৌবা পাংথোকপা হেল্লি।

রক্ষ মন্ত্রী শ্রী রাজনাথ সিংহনা হায়খি জাতিগী মপা মহাত্মা গান্ধীনা অচৌবা উদোগশিংগী মহুত্তা অপীকপা উদোগশিংনা হেন্না পুক্নিং থৌগৎখি। অপীকপা উদোগশিংনা লমদম অমগী মীওইশিংগা হেন্না শম্নবা অসিনা মসি ওইহনবনি। মখোয়গী পোৎথোক অসি মশিং য়ামদ্রবসু, মখোয়না লমদম অমগী দরকার ওইবা য়েংলবা ফজনা পুথোকপা ঙম্মী। লুপা করোর কয়াগী তর্নওভর অমা লৈরিবা অচৌবা উদোগশিং মতম অমদা অপীকপা উদোগশিং ওইরমখি, মখোয়গী মরুওইবা অদু মমি তারি। অপীকপা উদোগশিং অসি উদোগ চাউখৎলকপগী নহানি; শক্তি য়াম্না লে, অনৌবা থবক পাংথোকপা ঙম্বগী থৌনা লৈ। অপীকপা উদোগশিংদা পুক্নিং চঙবা অসি অচৌবা উদোগকশিংগী মরুওইবা মীরাইবা নত্তে। অনিগী মরক্তা লৈনরিবা মরী অসি, মখোয়গী শেন্দোং ফংনবা অনিমক অমনা অমগী মখা পোল্লি।

লনাই উদোগশিং মশা খক্তগী খল্লগা থবক তৌই হায়না মীওই কাংলুপ খরনা থাজরিবা অসিগী মতাংদা শ্রী রাজনাথ সিংহনা হায়খি শেন্মিৎলোনগী ৱাহন্থোক মশক খঙবা দরকার ওই, মশা খক্তগী খনবা অমসুং শেন্দোংগী খনবা অনিগী মরক্তা চাউনা খেন্নবা লৈরি। লনাই উদোগকশিংগী শেন্দোংশিং ভারতকী ইমুং করোর কয়ানা ফংলি, মসিনা মরম ওইদুনা লৈবাক অসিগী শেন্মিৎলোন হিংলিবনি। করিগুম্বা লনাই উদোগনা শেন্দোং ফংনবা থবক তৌদ্রবদি, মখোয়না শেন্মিৎলোন্দা মতেং পাংবা ঙম্লোই। শেন্দোং হায়বসি মশাগীতা খনবা নত্তে, শেন্দোং হায়বসি ফংফম থোকপা কান্নবনি।

শ্রী রাজনাথ সিংহনা হায়খি অপীকপা উদোগশিংদা সরকারনা মতেং পাংবা হায়বসি য়াম্না মরুওই অমসুং মখোয়গী য়াইফনবা ৱারেপ কয়া লৌরে। ৱারেপশিংগী মনুংদা ২০১৫দা হৌদোকখিবা মুদ্রা য়োজননা এম.এস.এম.ইশিংদা গরেন্তি য়াওদনা লোন পীরে। কোবিদ-১৯ লাইচৎ মনুংদা এম.এস.এম.ইশিংদা সরকারনা লুপা করোর কয়াগী অহেনবা শেন্থং পীখি।

মহাক্না হায়খি দিফেন্স সেক্তরদা অমুক্তা ওইখিদ্রিবা মওংদা থবক কয়া পায়খৎলে। ঐখোয়গী সরকারনা অহানবা ওইনা মপান লৈবাকশিংদগী খুৎলায়শিং লৈবদা অথিংবা থমখি। ঐখোয়না লৈবাক অসিদা শাজনবা লিস্ত মঙা শেমখি,মসিগী মখাদা খুৎলায় ৫০৯ মশক খঙদোকখি, মখোয় হৌজিক ভারত্তা শারে। দিফেন্স পব্লিক সেক্তর অন্দরতেক্কিংস(দি পি এস য়ু) গীদমক লৈবাক অসিদা পুথোকচনবা লিস্ত মরি শেম্লে, মসিগী মখাদা পোৎলম ৪,৬৬৬ মশক খঙদোক্তুনা লৈবাক অসিদা শাগনি। ঐখোয়গী লৈবাক্কী উদোগশিংগী দরকার ওইবশিং ফংহন্নবা, ঐখোয়না দিফেন্স কেপিতেল একুইজিসন বজেতকী চাদা ৭৫ খাক্তুনা থম্লে, মসিনা লমদম অসিগী কম্পেনিশিংদগী লুপা করোর লাখ ১ রোমগী শেনফম লৈগনি। হায়রিবা থবকশিং অসিনা ঐখোয়গী এম.এস.এম.ইশিং মপাঙ্গল কনখৎহনগনি অমসুং মখোয় অত্মনির্ভর ওইহনগনি।

শ্রী রাজনাথ সিংহনা হায়খি স্তার্দ-অপশিং অমসুং ইন্নোবেতরশিংগী খুৎথাংদা দিফেন্স মেনুফেকচরিংদা অনৌবা ৱাখল্লোনশিং কৌনবা দিফেন্স এক্সলেন্স ইনিসিয়েতিপ (iDEX) হৌদোকখি। দিফেন্স সেক্তরদা স্তার্দ-অপশিং মতেং পাংনবা, লুপা করোর ১.৫দগী লুপা করোর ১০ ফাওবা দরকার ওইবা প্রোজেকশিং মতেং পাংনবা iDEX প্রাইম হৌদোক্লে।

মহাক্না হায়খি লঘু উদোগ ভারতনা সরকার অমসুং উদোগকী মরক্তা থোং অমা ওইরি। ইন্সতিতুসন অমা ওইনা, লঘু উদোগ ভারতিনা অপীকপা উদোগশিংগী খুদোংচাদবশিং সরকারনা খঙহনগনি। ঐখোয়না অথুবা মতমদা পাম্বৈশিং পুথোক্কনি। মসি অতোপ্পা মরুওইবা থবক অমনি। সরকার অমসুং খু্ন্নাইনা উদোগশিংদগী করিগুম্বা থাজবা খর থম্লি। উদোগকী এসোসিএসন অমা ওইনা, অনিংবশিং অদু থুংহন্নবা মসিনা থবক তৌগদবনি। বেলেন্স সিত অমসুং শেন্দোং অমসুং মাংবগী ৱাফমশিংগা লোয়ননা উদোগশিংনা লৈবাক্কীদমক চপ মান্নবা থৌদাংশু লৌরি। অদোম্না অফবা মগুন লৈবা পোৎথোকশিং পুথোক্লি। মহৌশাগী অকোয়বগী ফিবম ৱাখলদা থমদুনা, মৈখু থাংদবা তেক্নোলোজিশিং শীজিন্নবা পুক্নিং থৌগৎকদবনি।

শ্রী রাজনাথ সিংহনা হায়খি লঘু উদোগ ভারতকী খুৎথাংদা লৈবাক অসিগী অপীকপা উদোগশিং চাউখৎলক্লি। উদোগশিংনা থবক কন্না শুদুনা অমসুং কৎথোক্তুনা থবক তৌরবদি, ভারত মশাগী ওক্নবা পুথোকচবা ঙমগনি অমসুং তুংদা মালেমগী মেনুফেকচরিংগী মফম অমা ওইরক্কনি।

থৌরম অদুদা শরুক য়াখিবশিংগী মনুংদা এম.পি দোক্তর সধানসু ত্রিবেদি অমসুং শ্রী তেজাশ্বি সুর্য়া, ভারত ফোর্জ লিমিতেৎকী চিয়ারমেন অমসুং মেনেজিং দিরেক্তর শ্রী বাবা কলয়ানি অমসুং এল এন্দ তিগী ইজুকিউতিপ ভাইস প্রসিদেন্ত শ্রী অরুন রামচান্দনি য়াওখি।

৬শুবা ‘ইন্দিয়া মেনুফেকচরিং সো’না এরোস্পেস, দিফেন্স ইঞ্জিনিয়ারিং, ওতোমেসন, রোবোতিক্স অমসুং দ্রোগুম্বা তোঙান-তোঙানবা হিরমশিংদা একজিবিতরশিংনা মখোয়গী তেক্নোলোজিশিং, খুৎলায়শিং অমসুং আর অমসুং দি উৎনবা মফম অমা পীগনি। মসিনা খ্বাইদগী ফবা ৱাখল্লোনশিং, খ্বাইদগী ফবা তেক্নোলোজিশিং অমসুং খ্বাইদগী ফবা থবকশিং ললোন-ইতিক অমসুং লৌশিং পীথোক-পীশিনগী খুদোংচাবশিং শরুক য়ারিবশিংদা পীগনি।

****