স্তার্দঅপশিং অমসুং ওন্ত্রেপ্রেনিউয়রশিংগীদমক মোদী সরকারনা সাইন্স, তেক্নোলোজি, ইন্নোবেসনগী লমদা পায়খৎলিবা থবকশিং লৈবাক শীনবা থুংনা মীয়ামদা খঙহন্নবা লম্বী অমা শেম্নবা লৈবাক শীনবা থুংনা লৈরিবা সাইন্তিফিক ওর্গনাইজেসন অমসুং রিছার্স ইন্সতিতুসনশিংদা য়ুনিয়ন মিনিস্তর দোক্তর জিতেন্দ্র সিংহনা খঙহনখ্রে।

য়ুনিয়ন মিনিস্তরনা হায়খি চন্দ্রয়ান-৩ মাইপাক্না থাদা তাখ্রবা মতুংদা, ভারতকী স্পেস এক্সপ্লোরেসন প্রোজেকশিংদা মীয়াম পাম্নরে অমসুং ইহৌ অসি তুংকোইনা লৈহনবা দরকার ওই।

মহাক্না হায়খি কেম্পেন অসিনা হৌখিবা চহি ৯দা প্রধান মন্ত্রী মোদীনা লুচিংবা সরকার মনুংদা দি.এস.তি, সি.এস.আই.আর, ইসরো, দি.আর.দি.ও অমসুং অতোপ্পা সাইন্তিফিক দিপার্তমেন্তশিংনা মাইপাকপ্না পাংথোকখিবা থবকশিং খঙহনবা খক নত্তনা, খোঙচৎ অসিগী শরুক অমা ওইনবা অমসুং মতেং পাংনবা নহারোলশিং ইথিল পীগনি অমসুং পুক্নিং থৌগৎকনি।

ঙসি নিউ দিল্লিদা সাইন্স অমসুং তেক্নোলোজিগী রাজ্য মন্ত্রী(মনিংতম্বা); পি.এম.ও, পর্সোনেল, পব্লিক গ্রিভান্সেস, পেসন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা লুচিংদুনা সাইন্স সেক্রেতরিশিংগী মীফম অমা পাংথোকখি। মীফম অদুদা ভারত সরকারগী প্রিন্সিপাল সাইন্তিফিক এদভাইজর, প্রোফেসার অজয় কুমার সুদ; সেক্রেতরি, দি.এস.তি, প্রোফেসার অভে করনদিকার; সেক্রেতরি, সি.এস.আই.আর দোক্তর এন.কালৈসেলভি; সেক্রেতরি, দি.বি.তি, দোক্তর রাজেস এস.গোখালে; স্পেস দিপার্তমেন্তগী সেক্রেতরি অমসুং ইসরোগী চিয়ারমেন, শ্রী এস. সোমনাথ; এতোমিক ইনর্জি কম্মিসনগী চিয়ারমেন অমসুং এতোমিক ইনর্জি দিপার্তমেন্তগী সেক্রেতরি, দোক্তর অজিৎ কুমার মহান্তি অমসুং অতোপ্পা সেনিয়ার ওফিসারশিং শরুক য়াখি।

সি.এস.আই.আর লেব/ইন্সতিতুসন ৩৭না জনুৱারি ১-সেপ্তেম্বর ২৪,২০২৩গী মরক্তা পাংথোকখিবা সি.এস.আই.আর- এন.আই.এস.পি.আর থৌরম ‘ৱান ৱিক ৱান লেব’ থাগৎলদুনা য়ুনিয়ন মিনিস্তরনা হায়খি  মখোয়গী থোংশিং মহৈরোয়শিং অমসুং মীয়ামদমক হাংদোক্লে অমসুং স্কুলগী মহৈরোয়শিং অনৌবা পুথোকপগী ইথিল ফাওহল্লগনি। দোল্লর ত্রিল্লিয়ন ৫গী ইকোনোমিগী ভারতকী পান্দম ফংনবা অনৌবা তম্বনা মতেং পাংগনি অমসুং প্রধান মন্ত্রী শ্রী নরেন্দ্র মোদীগী অত্মনির্ভর ভারতকী মঙলান মঙফাওনগনি।

য়ুনিয়ন মিনিস্তরনা হায়খি চহি খুদিংগী থৱায় য়াওবা মহৈরোয়শিং চাংদম্না হেনগৎলকপা মরম্না চহি খুদিংগী সাইন্তিফিক তেম্পর অমা শেম্বদা ইন্সপাইয়র স্কিম্না মতেং পাংলি। ভারতনা নিংতম্বা চহি ৭৫ মপুংফারকপদা নবেম্বর ২০২১দা অহানবা ওইনা নহা ওইরিবা ইন্নোবেতরশিংগী মেন্তরশিপ প্রোগ্রাম হৌদোক্লে।

ইন্সপাইয়র এৱার্দস-মনাক অসি ভারত সরকারনা মাংজিল থারিবা থৌরম অমনি অমসুং মসি ভারত সরকারগী সাইন্স অমসুং তেক্নোলোজি দিপার্তমেন্ত অমসুং নেসনেল ইন্নোবেসন ফাউন্দেসন(এন আই এফ)-ইন্দিয়ানা পুন্না পায়খৎপনি। ইন্সপাইয়র স্কিম্না চহি ১০-৩২ কাংলুপকী মহৈরোয়শিং কোনশিল্লি। নেচরেল অমসুং বেসিক সাইন্সশিংদা শীনফম অমা ওইনা চৎনবা হৌজিক ফাওবদা হায়র সেকেন্দরি মহৈরোয় লাখ ১.৩ হেন্না ইন্সপাইয়র স্কোলারশিপ পীখ্রে।

দোক্তর জিতেন্দ্র সিংহনবা হায়খি উদোগ-মহৈলোয়শঙ শম্নবা পুক্নিং থৌগৎনবা তোঙান-তোঙানবা য়ুনিভর্সিতিশিং/ইন্সতিতুৎশিং অমসুং অতোপ্পা মহৈলোয়শঙশিংদা রিছার্সকী থবকশিংগী খুৎলায়শিং ফগৎহন্নবা ইনফ্রস্ত্রকচরগা মরী লৈনবা স্কিমশিং হায়বদি ফিস্ত, পি.য়ু.আর.এস.ই, এস.এ.আই.এফ অসিনচিংবা দি.এস.তিনা শৌগৎলি। চাউখৎলবা ভারত অমা ওইনবা মথং চহি ২৫গী অমৃত কালদা হিরম কয়াদা অনৌবা সাইন্সকী খ্বাইদগী চাউখৎলবা লেবোরেতোরিশিং লৈবাক অসিদা লিংখৎনবা প্রধান মন্ত্রীনা মঙ মঙলি।

পান্দম অসিগী মাইকৈদা থবক তৌরদুনা, লৈবাক অসিদা রিছার্স ইন্সতিতুসনশিং শানবা সরকারনা শেন য়াম্না থাদরে। ফিস্ত প্রোগ্রামগী মখাদা, তোঙান-তোঙানবা এস.তি.ই.এম দিপার্তমেন্তশিংদা লুপা করোর ৩,১৩১গী বজেৎ অমদা সাইন্তিফিক ইনফ্রাস্ত্রকচর শেমগৎনবা দি.এস.তিনা দিপার্তজমেন্ত অমসুং পি.জি কলেজ ৩,০৭৪ মতেং পাংখ্রে।

দোক্তর জিতেন্দ্রনা হায়খি অৱাংবা থাক্কী রিছার্স অমসুং দিবলপমেন্তগী থবকশিং পাংথোক্নবা হৌজিক ফাওবদা লৈবাক শীনবা থুংনা লৈরিবা য়ুনিভর্সতিশিংদা লুপা করোর ৯৫০গী ইনফ্রাস্ত্রকচর গ্রান্তশিং পীখ্রে।

ঐখোয়গী য়ুনিভর্সিতিশিং মালেমগী থাক্তা চাংদম্নবা ঙম্নবা ঐখোয়গী অখঙ-অহৈশিং/সাইন্তিস্তশিংদা অৱাংবা থাক্কী রিছার্সকী খুৎলায়শিং ফংহন্নবা প্রোমোসন ওফ য়ুনিভর্সিতি রিছার্স এন্দ সাইন্তিফিক এক্সলেন্স(পি য়ু আর এস ই)না লৈবাক শীনবা থুংনা লৈরিবা য়ুনিভর্সিতিশিং শৌগৎলি। হৌজিক লৈরিবা এনালাইতিকেল ইন্সত্রুমেন্তেসন ফেলিসিতিস(এ আই এফ) মথৌ পাংথোকপা হেনগৎহন্নবা অমুক শেমজিন্নবা/ফগৎহন্নবা শেন্থং পীনবা সুপ্রিম কৌবা অনৌবা স্কিম অমসু হৌদোক্লে।

দোক্তর জিতেন্দ্রনা হায়খি লৈবাক অসিদা সাইন্সকী লমদা থিজিনবা অমসুং অনৌবা পুথোকপগী থবকশিং মপাঙ্গল কনখৎহন্দুনা নহারোলশিংদা সাইন্সকী ৱাখল্লোন হেন্না চেনহন্নবা প্রধান মন্ত্রী মোদীগী মখাদা সরকারনা থবক কয়া পায়খৎলে। মসি বাইওতেক্নোলোজি দিপার্তমেন্তনা মতেং পীবা লৈবাক অসিগী জিলা খুদিংমক্তা স্তার কলেজ লৈহন্নবা ভারত শীনবা থুংনা পায়খৎপা স্কিম অমনি।

দি.বি.তি স্তার কলেজ স্কিমগী মখাদা লৈবাক শীনবা থুংনা লৈরিবা অন্দরগ্রেজুয়েত কলেজ ২৭৮কী মহৈরোয় লাখ ১.৫ হেন্না কোনশিল্লে। মসিদা খুঙ্গংদা লৈবা কলেজ ৫৫ অমসুং এস্পিরেসনেল দিস্ত্রিকশিংদা লৈবা কলেজ ১৫ য়াওরি।

দোক্তর জিতেন্দ্র সিংহনা হায়খি প্রধান মন্ত্রী মোদীগী লমজিং মখাদা হৌজিক ভারত অনৌবা তেক্নোলোজিশিংগী মমাই চুম্লি। গ্রিনহাওস গ্যাসশিং থাদোকপা হন্থহন্নবা ঐখোয়গী পান্দম ফংনবা লম্বীদা অমসুং ২০৭০ ফাওবদা নেত জিরো ফংনবা লম্বীদা ঐখোয় চৎলি। ইলেক্ত্রিক গারিশিং, নুংশিৎ অমসুং নুমিৎকী ইনর্জি য়াওনা নন-কনভেন্সনেল ইনর্জি শীজিন্নবদা ঙসি ভারত মাঙজিল থারে অমসুং মালেমদা অহানবা হায়দ্রোজেন্না চেনবা বস ভারত্তা শারে। মাঙজিল থাদুনা পুনবা মালেমগী লৈবাকশিংনা ঐখোয়দা য়েংলক্লি।

মিনিস্তরনা হায়খি গ্লোবেল ইন্নোবেতিপ ইন্দেক্সতা ২০১৫দা ৮১শুবা মফমদা লৈরম্বদগী, মালেমগী লৈবাক ১৩২গী মনুংদা ২০২২দা ৪০শুবা মফমদা হাইগৎলক্লে, স্তার্দঅপশিং, য়ুনিকোর্নশিং, সাইন্তিফিক ওইবা চেফোঙশিং অমসুং পি.ঐচ.দিশিং পীবা ৩শুবা রেঙ্কতা লৈরি অমসুং চহি খর অসিদা সাইন্স অমসুং তেক্নোলোজিগী লমদা ভারত মমাঙদা অমুক্তা ওইখিদ্রিবা মওংদা খুমাংচাউশিল্লে। কোবিদ লাইচৎ মনুংদা ভারতনা মশাগী মীওইশিং কনবা খক নত্তনা তিকাশিং পীদুনা মালেমগী লৈবাকশিংগী মতেং পাংখি অমসুং মালেমদা অহানবা দি.এন.এ ভেক্সিন ফংহনখি।

মিনিস্তরনা হায়খি হৌখিবা চহি খর অসিদা ভারত সরকারনা মরুওইবা থৌরমশিং হায়বদি নেসনেল মিসন ওন ইন্তরদিসিপ্লিনরি সাইবর ফিজিকেল সিস্তেমস(আই সি পি এস); ক্বান্তম কম্পুতিং অমসুং কম্মুনিকেসন; নেসনেল মিসন ওফ সুপরকম্পুতিং, ইলেক্ত্রিক্কী গারি, গ্রিন হায়দ্রোজেন হৌদোক্লে। ঐখোয়গী চন্দ্রায়ন মিসন্না অহানবা ওইনা থাদা ঈশিং ফংবগী খুদম পুথোকখি অমসুং অদিত্যা-এল ১ সোলার মিসন নুপী দিরেক্ত অমনা লমজিংলি। স্পেস রিছার্স অমসুং সাইন্স অমসুং তেক্নোলোজিগী লমদা ভারতকী থবকশিংগী চহিচা অমা ওইনবা প্রধান মন্ত্রী নরেন্দ্র মোদীনা খুদোংচাবশিং পীরি। জি-২০ মীফম মতুংদা প্রধান মন্ত্রী মোদী মালেমদা খ্বাইদগী মরুওইবা লুচিংবা ওইরে।

মহাক্না হায়খি ঙসিগী মালেম অসি ভারতনা লুচিংনবা থৌরাং তৌদুনা লৈরে। য়ু.এন্না মালেমগী য়োগ নুমিৎ লাউথোকপা অমসুং মালেমগী মিল্লেতশিংগী চহি লাউথোকপা অসি ঐখোয়গী ফিবম ফগৎলকপগী খুদম্নি। হৌজিক অসি ভারতমচা খুদিংম হৌগৎনবা অমসুং খুদোংচাবা লৌনবা মতমনি। মে ২০২২দা শন্দোকখিবা প্রধান মন্ত্রীগী মন কি বাত থৌরম পল্লদুনা মিনিস্তরনা হায়খি ভারতকী স্তার্দঅপকী থবকশিং অসি অচৌবা সহরশিং খক্তা লৈবা নত্তে, স্তার্দঅপশিংগী চাদা ৫০ তয়র-২ অমসুং তয়র-৩ সহরশিংদা লৈরি।

মহাক্না হায়খি হৌজিক এগ্রিতেক স্তার্দঅপ ৩,০০০ হেন্না লৈরে অমসুং এরোমা মিসন অমসুং লাভেন্দর থাবদা য়াম্না মাইপাক্লে অমসুং মখোয়গী মনুংদা খরদি অৱাংবা থাক্কী মহৈ-মশিং তম্বা নত্তে, অদুবু থবকশিং অনৌবা ঙাক্তনি। ২০১৪দা স্পেস সেক্তরদা স্তার্দঅপ ৪ খক লৈরমখি, হৌজিক স্পেস স্তার্দঅপ ১৫০ হেন্না লৈরে, মখোয়গী মনুংদা খরদি লুপা করোর চা কয়া লৈরে। পুম্নমক অসি স্তার্দঅপ পোলিসি, নেসনেল ইজুকেসন পোলিসি,২০২০, স্পেস সেক্তর, দ্রোনগী নিয়মশিং শেমদোকপা, অনৌবা জিওস্পাসিএল থৌশিল, নেসনেল রিছার্স ফাউন্দেসন য়াওনা প্রধান মন্ত্রী নরেন্দ্র মোদীনা অওনবা কয়া পুরকপদগী পাংথোকপা ঙমখিবনি।

দোক্তর জিতেন্দ্র সিংহনা হায়খি ভারতকী নহারোলশিং অমসুং মহৈরোয়শিংদা অনৌবা শীনফম অমসুং ওন্ত্রেপ্রেনিউয়রশিপকী খুদোংচাবশিং পীনবা প্রধান মন্ত্রী মোদীনা অনৌবা নেসনেল ইজুকেসন পোলিসি পায়খৎলে অমসুং স্তার্দঅপ ইকোসিস্তেমশিং ফগৎহল্লে। লৈবাক অসিগী নহারোলশিং সরকারগী থবক নত্তবা অতোপ্পা হিরমশিংদা থবক ফংনবা খুদোংচাবা কয়া পীনবা হৌখিবা চহি ৯ অসিদা প্রধান মন্ত্রী মোদীনা লুচিংবা সরকারনা স্তার্দ-অপশিং, মুদ্রা স্কিম অমসুং প্রধান মন্ত্রী শ্বানিধি পায়খৎলে।

মীফম মনুংদা, জনুৱারি ১৭-২৪,২০২৪দা এন.সি.আর বাইওতেক সাইন্স ক্লস্তর, ফরিদবাদতা পাংথোক্কদৌরিবা ৯শুবা ইন্দিয়া ইন্তরনেসনেল সাইন্স ফেস্তিবেল-২০২৪গী শেম-শারিবশিং য়ুনিয়ন মিনিস্তরনা হন্না য়েংশিনখি।

****