محنت اور روزگار کی وزارت

ای پی ایف او نے 71 واں یوم تاسیس منایا


جناب  بھوپیندر یادو نے ای پی ایف او کو پریشانی سے پاک اور ٹیکنالوجی سے چلنے والی تنظیم بننے پر زور دیا، اس بات پر اطمینان کا اظہار کیا کہ ای پی ایف او اس سال 8.15 فیصدکی شرح سود دے رہا ہے اور پہلے ہی 24 کروڑ سے زیادہ کھاتوں میں سودکی رقم  جمع کر چکا ہے

بہترین کارکردگی کے لیے بھوشیا ندھی ایوارڈز 2023 پیش کیے گئے

Posted On: 01 NOV 2023 5:17PM by PIB Delhi

محنت اور روزگار، ماحولیات، جنگلات اور آب وہوا کے تبدیلی کے مرکزی وزیر جناب بھوپیندر یادو نے آج نئی دہلی کے بھارت منڈپم میں ای پی ایف او کے 71ویں یوم تاسیس کا ورچوئل وسیلے سے افتتاح کیا۔ انہوں نے اس موقع پر سب کو مبارکباد دی۔ جناب رامیشور تیلی، محنت اور روزگار، پیٹرولیم اور قدرتی گیس کی مرکزی وزیر مملکت، محترمہ آرتی آہوجا، محنت اور روزگار میں سکریٹری اور سینٹرل پی ایف کمشنر محترمہ نیلم شامی راؤ  اور ای ایس آئی سی کے ڈائریکٹر جنرل  ڈاکٹر راجندر کمار بھی اس موقع پر موجود تھے۔

https://static.pib.gov.in/WriteReadData/userfiles/image/image0019TMT.jpg

جناب بھوپیندر یادو نے گزشتہ برس میں ای پی ایف او  میں جس طرح  اضافہ ہوا ہے اور جس طرح سے یہ ممبران کی بچت کے اپنے بڑے کارپس کا انتظام کر رہا ہے اس پر خوشی کا اظہار کیا۔ انہوں نے ہر ماہ کی 27 تاریخ کو ضلع سطح پر ہر ای پی ایف او آفس کے ذریعہ منعقد کئے جانے والے ایک آؤٹ ریچ پروگرام 'ندھی آپ کے نکٹ' کی بھی تعریف کی۔ مرکزی وزیر نے یہ بھی بتایا کہ ای پی ایف او نے جموں و کشمیر کے محنت کش طبقے کے لیے ایکٹ کی دفعات کو بڑھا دیا ہے، جو 31 اکتوبر 2019 سے نافذ ہے۔

https://static.pib.gov.in/WriteReadData/userfiles/image/image0020GEZ.jpg

جناب یادو نے ای پی ایف او کو ایک پریشانی سے پاک اور ٹیکنالوجی سے چلنے والی تنظیم بننے کی تلقین کی۔ انہوں نے اس بات پر اطمینان کا اظہار کیا کہ ای پی ایف او اس سال 8.15فیصڈ سود دے رہا ہے اور اس نے پہلے ہی 24 کروڑ سے زیادہ کھاتوں میں سود کی رقم جمع کرادی ہے۔

جناب رامیشور تیلی نے ای پی ایف او کے 71 ویں یوم تاسیس کے موقع پر سب کو مبارکباد دی۔ انہوں نے امپھال، ایٹا نگر، آئزول، دیما پور اور گنگٹوک میں خصوصی ریاستی دفاتر کے ذریعے شمال مشرقی ریاستوں میں اراکین اور بزرگ پنشن یافتگان کے قریب خدمات کی فراہمی کے لیے ای پی ایف او کی طرف سے اٹھائے گئے اقدامات کی بھی ستائش کی۔

https://static.pib.gov.in/WriteReadData/userfiles/image/image003I4MH.jpg

اس موقع پر ریاستی وزیر جناب رامیشور تیلی نے "امرت کال – بہتر کل" نامی ایک نمائش کا افتتاح کیا، جس میں چیٹ بوٹ سمیت ای پی ایف او کی 71 سالہ تاریخ کی نمائش کی گئی ہے اور ایم آئی ایس  3.0 کو بہتر بنایا گیا ہے۔ اس موقع پر ای پی ایف او کی حصولیابیوں کے عنوان سے تنظیم کے 71 سال کے سفر پر ایک دستاویزی فلم بھی دکھائی گئی جس میں سات دہائیوں میں تنظیم کی کامیابیوں کو اجاگر کیا گیا۔

https://static.pib.gov.in/WriteReadData/userfiles/image/image004PC7F.jpg

اس تقریب کو نشان زد کرتے ہوئے، وزیر مملکت نے اسٹیٹ پروفائل کتابچہ -2023 کے دوسرے ایڈیشن، اسٹیبلشمنٹ ای -رپورٹ اور 50 تاریخی فیصلوں کا مجموعہ اور کمیونیکیشن فریم ورک دستاویز، آڈٹ مینوئل، ریکوری مینوئل اور ایگزمشن مینول کی نقاب کشائی کی۔

https://static.pib.gov.in/WriteReadData/userfiles/image/image005QVNG.jpg

وزیرمملکت  نے علاقائی دفتر کی عمارت، بہرام پور، اوڈیشہ کا ورچوئل وسیلے سے سنگ بنیاد رکھا۔ انہوں نے کرناٹک کے ٹمکور میں علاقائی دفتر کی عمارت کا ورچوئل وسیلے سے افتتاح کیا۔ عزت مآب ممبر پارلیمنٹ جناب جی ایس بسواراج، عزت مآب ممبر پارلیمنٹ جناب جی بی جیوتی گنیش، ٹمکور کے عزت مآب جناب ایم ایل اےاس موقع پر موجود تھے۔ وزیر مملکت نے ورچوئل وسیلے سے قدوائی نگر، نئی دہلی میں ہیڈ آفس کی نئی عمارت کا بھی افتتاح کیا۔

https://static.pib.gov.in/WriteReadData/userfiles/image/image006DKZD.jpg

مشن کرمایوگی @ ای پی ایف او ٹریننگ اینڈ کیپیسٹی بلڈنگ پر ایک فلم دکھائی  گئی جس میں ای پی ایف او کے عہدیداروں کی تربیت کے اہم سفر کو دکھایا گیا تھا۔

مذکورہ تقریب میں مختلف دفاتر اور اداروں میں ایوارڈز کی تقسیم بھی کی گئی :-

  • بھویشیہ ندھی ایوارڈ 2023 بہترین علاقائی دفتر (بڑے) کے لیے –آر او کوئمبٹور
  • بھویشیہ ندھی ایوارڈ 2023 برائے بہترین علاقائی دفتر (چھوٹا) – آر اوراجہ مہندرا ورم
  • بھویشیہ ندھی ایوارڈ 2023 بہترین ڈسٹرکٹ آفس – ڈی اوعلی گڑھ کے لیے
  • بھویشیہ ندھی ایوارڈ 2023 بہترین دوردراز کے دفتر –آر او گوہاٹی کے لیے
  • بھویشیہ ندھی ایوارڈ 2023 بہترین زونل آفس کے لیے-زیڈ او ہبلی (کرناٹک-گوا)
  • بھویشیہ ندھی ایوارڈ 2023 برائے شکایات کےازالے کے بندوبست کا بہترین دفتر - آر او احمد آباد
  • پرو ایکٹو سیٹلمنٹ میں بہترین دفتر کے لیے بھویشیہ ندھی ایوارڈ 2023 –آر او کلم
  • بھویشیہ ندھی ایوارڈ 2023 زندگی پرمان میں بہترین کارکردگی کے لیے –آر او  واٹاوا
  • بھویشیہ ندھی ایوارڈ 2023 بہترین این اے این  2.0 مہم کے لیے – آر اوجموں
  • بھویشیہ ندھی سوچھتا ایوارڈ 2023 –آر او بھوپال
  • بھویشیہ ندھی ایوارڈ 2023 بہترین اختراع کے لیے – آر او نوئیڈا
  • بہترین تکنیکی مداخلت کے لیے بھویشیہ ندھی ایوارڈ 2023 - این ڈی سی کی تکنیکی ٹیم
  • بھویشیہ ندھی ایوارڈ 2023 کی صلاحیت سازی میں بہترین کامیابی کے لیے –پی ڈی این اے ایس ایس انڈکشن ٹریننگ ٹیم
  • بھویشیہ ندھی ایوارڈ 2023 ایگزمٹیڈ ٹرسٹ –ایم/ایس زینسر ٹیک لمیٹڈ (پی یو پی یو این -000398)
  • شاندار کھیلوں کی کامیابیوں کے لیے بھویشیہ ندھی ایوارڈ 2023 – زیڈ او چنئی اور پڈوچیری
  • بھویشیہ ندھی ایوارڈ 2023 برائے اسپورٹس پرسن آف دی ایئر - خاتون - محترمہ رادھیکا گپتا،آر او، ایس ایس ایس اے، کاندیوالی ایسٹ
  • بھویشیہ ندھی ایوارڈ 2023 برائے اسپورٹس پرسن آف دی ایئر - مرد – جناب  کلیمنٹ آگسٹین، ایس ایس ایس  اے، آر او کوٹیام
  • بھویشیہ ندھی ایوارڈ 2023 برائے اسپورٹس پرسن آف دی ایئر - مرد – جناب  پی شیوا کمار، ایس ایس ایس اے، آر او چنئی نارتھ

https://static.pib.gov.in/WriteReadData/userfiles/image/image007ILUW.jpg

محنت اور روزگار کی سکریٹری محترمہ آرتی آہوجا نے اس موقع پر اپنی مسرت  کا اظہار کیا اور ایوارڈز جیتنے والوں کو مبارکباد دی۔ انہوں نے ندھی آپ کےنکٹ کے تحت تنظیم کی طرف سے کی جانے والی آؤٹ ریچ سرگرمیوں کی تعریف کی۔ انہوں نےای پی ایف او پر زور دیا کہ وہ محنت اور روزگار کی وزارت کے  دیگر عمودی اداروں کے ساتھ تال میل میں قبولیت، رسائی اور شفافیت  میں مزید گہرا ئی پیدا کرے تاکہ حکومت کے کنورجنس پروگرام کے تحت ایک دوسرے کی صلاحیتوں اور وسائل سے فائدہ اٹھایا جا سکے۔ انہوں نے کہا کہ آج منظر عام پر آنے والے مینوئل (دستورالعمل) سے طریقہ کار کو معیاری بنانے اور تنظیم میں یکسانیت لانے میں مدد ملے گی۔

اس موقع پر ای پی ایف او  کی سنٹرل پروویڈنٹ فنڈ کمشنر محترمہ نیلم شامی راؤ، نے وہاں موجود تمام معزز شخصیات کا خیرمقدم کیا جنہوں نے ای پی ایف او کے 71 ویں یوم تاسیس میں شرکت کی اور انہوں نے سبھی کو مبارکبادبھی دی۔

سنٹرل بورڈ آف ٹرسٹیز، ای پی ایف کی 234 ویں میٹنگ بھی 31 اکتوبر کو نئی دہلی میں محنت اور روزگار, ماحولیات، جنگلات اورآب وہوا کی تبدیلی کے مرکزی وزیر جناب بھوپیندر یادو کی صدارت میں اور جناب  رامیشور تیلی کی نائب سربراہی میں منعقد ہوئی، جس میں مرکزی وزیر مملکت برائے محنت اور روزگار، پٹرولیم اور قدرتی گیس ،کوچیئرمین شپ محترمہ آرتی آہوجا، سکریٹری لیبر اینڈ ایمپلائمنٹ اور ممبر سکریٹری محترمہ نیلم شامی راؤ، سینٹرل پی ایف کمشنر بھی موجود تھیں۔

A15A7497.JPG

مذکورہ اجلاس کے دوران درج ذیل فیصلے کیے گئے:-

  1. بورڈ نے سال23-2022 کے لیے ملازمین کے پروویڈنٹ فنڈ سے متعلق تنظیم(ای پی ایف او) کے کام کاج پر 70 ویں سالانہ رپورٹ کو منظوری دی اور اسے پارلیمنٹ میں پیش کرنے کی حکومت سے سفارش کی۔
  2. بورڈ نے 13 اداروں کی استثنیٰ کی تجویز اورای پی ایف اورایم پی ایکٹ 1952 کے سیکشن 17 (4) کے تحت 06 اداروں کی چھوٹ کی منسوخی کی تجویز کو مناسب حکومت کے حوالے کرنے کی منظوری دی۔
  3. بورڈ نےای پی ایف او کےایچ آر کے مختلف مسائل پر نوٹس لیا۔
  4. بورڈ نے انفارمیشن سروسز ڈویژنز کے پروگرامر، اسسٹنٹ ڈائریکٹر (آئی ایس)، ڈپٹی ڈائریکٹر (آئی ایس)، جوائنٹ ڈائریکٹر (آئی ایس) اور ڈائریکٹر (آئی ایس) کے لیے ٹیکنیکل کاڈرس کی بھرتی کے قواعد میں ترامیم کی منظوری دی، جس سے ڈیپوٹیشن، بھرتی اور پروموشن کی گنجائش پیدا ہو گئی ہے۔
  5. بورڈ نےای پی ایف اسکیم 1952 کے پیراگراف 26(6) کے تحت مشترکہ درخواستیں حاصل کرنے کے عمل کوبھی منظوری دی۔
  6. بورڈ نے پروجیکٹ رپورٹ اور نیکسٹ-جین سیکورٹی آپریشن سینٹر کے آپریشنلائزیشن کی منظوری دی۔
  7. بورڈ نے کمیونیکیشن فریم ورک دستاویز کو منظوری دی جوای پی ایف او کے اندر اور اس کے متعلقہ فریقوں کے ساتھ معلومات کی موثر اور بروقت ترسیل میں مدد کرے گا۔
  8. بورڈ نے ڈرافٹ آڈٹ مینول کو منظوری دی جو آڈٹ کے طریقہ کار کو معیاری بنانے، ملازمین کے لیے تربیتی وسائل فراہم کرنے، فیصلہ سازی میں سہولت فراہم کرنے اور ای پی ایف او میں آڈٹ کی معلومات کو مستحکم کرنے میں مدد کرے گا۔
  9. بورڈ نے ریکوری مینول کے مسودے کی منظوری دی جو بحالی کے طریقہ کار کو معیاری بنانے، تربیتی وسیلہ کے طور پر کام کرنے، فیصلہ سازی کے لیے ایک حوالہ فراہم کرنے اور ریکوری کی معلومات کو مستحکم کرنے میں مدد کرے گا۔
  10. بورڈ نے مستثنیٰ دستی کے مسودے کی منظوری دی جو طریقہ کار کو ہموار کرنے، تربیت اور معلومات کو مستحکم کرنے اور بہت سی دیگر کئی چیزوں کے بارے میں فیصلہ سازی میں مدد کرے گا۔

 

 

****

ش ح۔  ش م۔ ج ا

Urdu No. 591

                          



(Release ID: 1974070) Visitor Counter : 71