مویشی پروری اور ڈیری  محکمے کے سکریٹری  نے خصوصی مہم  3.0 کی تیاریوں کا جائزہ لیا اور ملک کو کچرے سے پاک اور صاف وشفاف بنانے کے لئے  وزارت کے افسران  اور  ادارے کے سربراہوں کو سووچھتا کا حلف دلایا ۔

مویشی پروری اور ڈیری کے محکمے نے وزارت کے اندر اور اس سے منسلک  ،  ماتحت  اور ملک بھر میں واقع  خود مختار اداروں  میں  خصوصی  سووچھتا مہم  3.0 چلائی ۔ یہ مہم  15ستمبر سے 30ستمبر  2023 کے دوران  تیاری مرحلے کے طورپر چلائی گئی ۔ اس کے دوران  نمٹارے   اور صاف صفائی کے  اہداف  طے کئے گئے ۔ مہم  کا نفاذی مرحلہ  2 اکتوبر سے 31 اکتوبر  2023 کےدوران  شروع  ہوا ،جس کے دوران زیر التوا معاملوں  کو کم کرنے  ،  جگہ کا انتظام اور دفاتر میں  کام کرنے کے  تجربے کو  بڑھانے پر خصوصی  توجہ دی گئی ۔

خصوصی  مہم کی تیاری  مرحلے کے دوران  محکمے نے دوسرے اداروں کے ساتھ صاف صفائی کے لئے پورے ملک میں  289 مقامات کی نشاندہی کی  ۔ اس کے علاوہ   وزارت نے  زیرالتوا  36 ممبران  پارلیمنٹ کے حوالہ جات ،  ایک عد دپارلیمانی یقینی دہانی ،  ایک عد د پی ایم او حوالہ اور تمام  عوامی شکایات   کو دور کرنے اور ان کے نمٹارے کی غرض سے   نشانزد کیا ۔اس کے علاوہ   تقریباََ 12556 کاغذی فائلوں   اور 104 ای –فائلوں کو  بھی جائزے کے لئے  شناخت  کیا گیا۔  8595 کاغذی فائلوں کو مہم کے دوران کم کیا گیا جبکہ تمام شناخت شدہ ای –فائلوں کو بند کردیا گیا ۔

انتظامی اصلاحات اور عوامی شکایت کے محکمے کے ذریعہ   تیار کئے گئے ایس سی ڈی پی ایم پورٹل پر روزانہ کی پیش رفت  کی نگرانی کے بعد  انہیں  اپ لوڈ کیا گیا۔ تمام متعلقہ ،  ماتحت  اور خود مختار اداروں نے   اس مہم میں  پورے  جوش وخروش کے ساتھ حصہ لیا اور اس کی وجہ سے ہی اس مدت کے دوران محکمے کے ذریعہ  طے شدہ  اہداف کو حاصل کرلیا گیا۔

********

  ش ح۔ ج ق ۔رم

U-593