প্রধান মন্ত্রী শ্রী নরেন্দ্র মোদীনা ওক্তোবর 31দা নেস্নেল য়ুনিতী দেগী থৌরমদা কর্তব্য পথদা লৈবাক অসিগী নহাশিংগীদমক ‘মেরা য়ুবা ভারত (মাই ভারত)’ প্লেতফোর্ম হৌদোকখ্রে। প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা 2023গী ওক্তোবর 11দা মরুওইবা ৱারেপ অমা লৌদুনা ‘মেরা য়ুবা ভারত (মাই ভারত)’ হায়না মিংথোনবা ওতোনোমস বোদী অমা লিংখৎনবগীদমক অয়াবা পীখি।

ভিজন:

‘মেরা য়ুবা ভারত (মাই ভারত)’ অসি য়ুথ দিবলপমেন্ত অমসুং নহাশিংনা লুচিংবা দিবলপমেন্তগীদমক পাইভোতেল, তেক্নোলোজী-দ্রাইবন ফেসিলিতেতর অমগুম মিৎয়েং থম্লি, মদুগী পান্দমদি সরকারগী অপুনবা স্পেক্ত্রমদা নহাশিংবু মখোয়গী এস্পিরেসনশিং মংফাওহন্নবা অমসুং “বিকসিত ভারত” (চাউখৎপা ভারত) শেমগৎপদা থৌদাং য়াহন্নবগীদমক শক্তি লৈহন্দুনা মান্নবা খুদোংচাবা ফংহনবনি।

মসিনা ঐখোয়গী লৈবাক্কী নহাশিংবু প্রোগ্রামশিং, মেন্তরশিং অমসুং মখোয়গী লোকেল কম্যুনিতীশিংগা লোয়ননা লংদায় য়াওদনা শম্নহনবা ঙম্নবা ফ্রেমৱার্ক অমগী মীৎয়েং থম্লি। এঙ্গেজমেন্ত অসি লোকেল ইসুশিং মখোয়বু মমুৎ তানা খংহনবা অমসুং কন্সত্রক্তিব সোলুসনশিংদা থৌদাং য়ানবা মখোয়বু শক্তি লৈহনবদা দিজাইন তৌরি।

‘মেরা য়ুবা ভারত (মাই ভারত)’ কী মরমদা:

ওতোনোমস বোদী অমা ওইরিবা মেরা য়ুবা ভারত (মাই ভারত)না নেস্নেল য়ুথ পোলিসীদা পীরিবা ‘য়ুথ’কী ৱাহন্থোক্কা মতুং ইন্না চহি 15-29গী চহি কাংলুপ্তা লৈরিবা নহাশিংদা কানহল্লগনি। বেনেফিসরীশিংগী চহি 10-19গী কাংলুপ্পা লৈবা ওইগনি।

মেরা য়ুবা ভারত (মাই ভারত) অসি ‘ফিজিতেল প্লেতফোর্ম’ (ফিজিকেল + দিজিতেল)নি, মসিদা ফিজিকেল এক্তিবিতীগা লোয়ননা দিজিতেল্লী কনেক্ত তৌনবা তাঞ্জা অমা পীরি।

অসিগুম্বা বোদী অমগী মথৌ তাবা:

• অমৃৎ কালদা নহাশিংগী থৌদাং: ভারতকী নহাশিং লৈবাক্কী তুংলমচৎ শেম্বদা মরুওইবা থৌদাং লৌগদবনি, অখন্ননা ভারতকী নিং তম্বগী 75 শুবা পাইভোতেল জঙ্কচরদা, মরমদি লৈবাক অসি 2047 ফাওবদা হায়বদি মথংগী চহি 25দা অমৃত ভারত অমা শেমগৎপদা অওনবা গাউখৎপগী খোংচৎ অমদা চংশিল্লি।
• তোভান তোঙানবা মফমশিংগী নহাশিংবু সিঙ্গল প্লেতফোর্ম অমদা পুরক্নবগীদমক ফ্রেমৱার্ক শেমগৎপা: ভিজন 2047গীদমক অদুগুম্লবা ফ্রেমৱার্ক মথৌ তাই মদুদি খুঙ্গংগী নহাশিং, শহরগী নহাশিং অমসুং রুরবান নহাশিংবু সিঙ্গল প্লেতফোর্ম অমদা পুরকপা ঙম্নবা। সরকারগী হৌজিক লৈরিবা স্কিমশিং ঐখোয়গী সমাজদা খুঙ্গংগী মথৌতাবশিং নিংথিজনা খংবগা লোয়ননা হৌখিবা চহি 50দা তোঙান-তোঙানবা মতমদা শেমখি অমসুং হৌদোকখি। হৌজিক রুরেল, অর্বান অমসুং রুরবান নহাশিংহু কমন প্লেতফোর্ম অমদা পুন্সিনগদবা ফ্রেমৱার্ক অমা শেমগৎপা মথৌ তারে। মেরা য়ুবা ভারতনা অসিগুম্বা ফ্রেমৱার্ক অমা শেমগৎপদা মতেং ওইগনি।  
• হৌজিক্কী নহাশিংগা লোয়ননা এঙ্গেজ তৌনবগীদমক অনৌবা কন্তেম্পোরেরী তেক্নোলোজী-লেদ প্লেতফোর্ম অমা শেমগৎপা: ঙসিগী রেপিদ কমুনিকেসন্না করেক্তরাইজ তৌরিবা, সোসিয়েল মেদিয়াগী প্রিভিলেন্স, অমসুং অনৌবা দিজিতেল তুলশিং অমসুং কত্তিং-এদজ তেক্নোলোজীশিং ইমর্জ তৌরিবা খোংজেল য়াংবা মালেমদা তেক্নোলোজী-দ্রাইবন প্লেতফোর্ম অমনা নহাশিংবু প্রোগ্রামশিংদা কনেক্ত তৌবা য়াই মদুনা মখোয়বু মখোয়গী কেপেবিলিতীশিং হেনগৎহনবদা অমসুং কমুনিতী এক্তিবিতীশিংগা লোয়ননা মখোয়বু শম্নহনবদসু মতেং ওইগনি।
• ফিজিতেল ইকোসিস্তেম অমা শেমগৎতুনা এসেসিবিলিতী ফংহনবা: মেরা য়ুবা ভারত প্লেতফোর্মনা ফিজিতেল ইকোসিস্তেম অমা শেমগৎকনি অমসুং হনাশিংবু কম্যুনিতী ত্রান্সফোর্মেসনগীদমক কেতালিস্ত ওইরক্নবা শক্তি লৈহনগনি। মখোয়না “য়ুবা সেতু”গুম মথৌ তৌদুনা সরকারবু নাগরিকশিংগা লিঙ্ক তৌগনি। হন্দক্তা, য়ুথ এফিয়ার্স বিভাগকী ৱেব পোর্তেল yuva.gov.in না “মেরী মাতী মেরা দেশ” কৌবা নেস্নেল ৱাইদ প্রোগ্রাম অমা হোস্ত তৌখি মদুদা নহা মিলিয়ন 50না শরুক য়াখি অমসুং ভারত পুম্বগী অমৃত বাতিকা শেমগৎনবা উ চারা মিলিয়ন 23 থাবদা মতেং পাংখি। মেরা য়ুবা ভারতনা লংদাই য়াওদবা নেতৱার্ক অমদা নহা ওইরিবা মাওই মিলিয়ন কয়া কনেক্ত তৌরিবা অদুগুম্বা ফিজিতেল ইকোসিস্তেম অমা শেমগৎপা অমসুং লেংদনা থম্বদা মতেং ওইগনি।

ওবজেক্তিবশিং:

মেরা য়ুবা ভারত (মাই ভারত)কী প্রাইমারী ওবজেক্তিবতি নহাশিংগী খুমাং চাউশিনবদা মসিবু দেদিকেতেদ গবর্নমেন্ত প্লেতফোর্ম অমা শেমগৎপনি।

মসিগী ওবজেক্তিবশিংদা মনুং চল্লিবশিংদি:

• নহাশিংদা লিদরশিপ দিবলপমেন্ত
  • আইসোলেতেদ ফিজিকেল ইন্তরেক্সনদগী প্রোগ্রামেতিক স্কিলসদা ওন্থোক্তুনা এক্সপরিয়েন্সিয়েল লর্নিংগী থোংদা লিদরশিপ স্কিলস হেনগৎহনবা
  • নহাশিংবু সোসিয়েল ইনোবেতরশিং অমসুং কম্যুনিতীগী লুচিংবশিং ওইহন্নবা মখোয়দা ইনভেস্ত তৌবা

• নহাশিংগী এস্পিরেসনশিং অমসুং কম্যুনিতীগী মথৌতাবশিংগী মরক্তা হেন্না ফবা এলাইনমেন্ত  
• হৌজিক লৈরিবা প্রোগ্রামশিংগী কনভর্জেন্সকী খুত্থাংদা ইফিসেন্সী হেনগৎপা

• নহা ওইরিবা মীওইশিং অমসুং মন্ত্রালয়শিংগীদমক ৱান-স্তোপ শোপ অমগুম মথৌ তৌবা
• সেন্ত্রেলাইজ য়ুথ দেতাবেজ অমা শেমগৎপা
• য়ুথ গবর্নমেন্ত ইনিসিয়েতিবশিং অমসুং নহাশিংগা লোয়ননা এঙ্গেজ তৌরিবা অদুগুম্লবা অতোপ্পা স্তেকহোল্দরশিংগী এক্তিবিতীশিং কনেক্ত তৌনবা তু-ৱে কম্যুনিকেসন ইমপ্রুব তৌবা
• ফিজিকেল অমসুং দিজিতেল এক্সপরিয়েন্সশিংগী ব্লেন্দ অমা ওইবা ফিজিতেল ইকোসিস্তেম অমা শেমগৎতুনা এসেসিবিলিতী ফংহনবা।

****