ਸਿੱਖਿਆ ਮੰਤਰਾਲਾ
ਸ਼੍ਰੀ ਧਰਮੇਂਦਰ ਪ੍ਰਧਾਨ ਨੇ ਐੱਨਈਪੀ-2020 ਨੂੰ ਲਾਗੂ ਕਰਨ 'ਤੇ ਪੱਛਮੀ ਜ਼ੋਨ ਦੇ ਵਾਈਸ ਚਾਂਸਲਰਜ਼ ਦੀ ਕਾਨਫਰੰਸ ਨੂੰ ਮੁੱਖ ਮਹਿਮਾਨ ਵਜੋਂ ਸੰਬੋਧਨ ਕੀਤਾ
ਇਹ ਕਾਨਫਰੰਸ ਬਹੁ-ਅਨੁਸ਼ਾਸਨੀ ਸਿੱਖਿਆ, ਮਲਟੀਪਲ ਐਂਟਰੀ-ਐਗਜ਼ਿਟ ਅਤੇ ਬਰਾਬਰ ਮੌਕਿਆਂ ਵਿੱਚ ਸਰਵੋਤਮ ਅਭਿਆਸਾਂ ਨੂੰ ਵਿਕਸਿਤ ਕਰਨ ਲਈ ਰਾਹ ਪੱਧਰਾ ਕਰੇਗੀ - ਸ਼੍ਰੀ ਧਰਮੇਂਦਰ ਪ੍ਰਧਾਨ
Posted On:
26 OCT 2023 4:34PM by PIB Chandigarh
ਕੇਂਦਰੀ ਸਿੱਖਿਆ, ਕੌਸ਼ਲ ਵਿਕਾਸ ਅਤੇ ਉੱਦਮਤਾ ਮੰਤਰੀ ਸ਼੍ਰੀ ਧਰਮੇਂਦਰ ਪ੍ਰਧਾਨ ਨੇ ਰਾਸ਼ਟਰੀ ਸਿੱਖਿਆ ਨੀਤੀ-2020 ਨੂੰ ਲਾਗੂ ਕਰਨ 'ਤੇ ਪੱਛਮੀ ਜ਼ੋਨ ਦੇ ਵਾਈਸ ਚਾਂਸਲਰਜ਼ ਦੀ ਕਾਨਫਰੰਸ ਨੂੰ ਮੁੱਖ ਮਹਿਮਾਨ ਵਜੋਂ ਸੰਬੋਧਨ ਕੀਤਾ। ਗੁਜਰਾਤ ਦੇ ਮੁੱਖ ਮੰਤਰੀ, ਸ਼੍ਰੀ ਭੂਪੇਂਦਰ ਪਟੇਲ; ਗੁਜਰਾਤ ਸਰਕਾਰ ਦੇ ਸਿਹਤ, ਪਰਿਵਾਰ ਭਲਾਈ ਅਤੇ ਮੈਡੀਕਲ ਸਿੱਖਿਆ, ਉੱਚ ਅਤੇ ਤਕਨੀਕੀ ਸਿੱਖਿਆ, ਕਾਨੂੰਨ, ਨਿਆਂ, ਵਿਧਾਨਕ ਅਤੇ ਸੰਸਦੀ ਮਾਮਲੇ, ਸ਼੍ਰੀ ਰੁਸ਼ੀਕੇਸ਼ ਪਟੇਲ; ਗੁਜਰਾਤ ਸਰਕਾਰ ਦੇ ਸੰਸਦੀ ਮਾਮਲਿਆਂ, ਪ੍ਰਾਇਮਰੀ, ਸੈਕੰਡਰੀ ਅਤੇ ਬਾਲਗ ਸਿੱਖਿਆ, ਉੱਚ ਸਿੱਖਿਆ ਦੇ ਰਾਜ ਮੰਤਰੀ, ਸ਼੍ਰੀ ਪ੍ਰਫੁੱਲ ਪੰਸ਼ੇਰੀਆ; ਅਤੇ ਚੇਅਰਮੈਨ ਇਸ ਮੌਕੇ ਹਾਜ਼ਰ ਸਨ।
ਸਮਾਗਮ ਨੂੰ ਸੰਬੋਧਨ ਕਰਦਿਆਂ, ਸ਼੍ਰੀ ਪ੍ਰਧਾਨ ਨੇ ਐੱਨਈਪੀ-2020 ਦੇ ਜ਼ਮੀਨੀ ਅਮਲ ਵਿੱਚ ਤੇਜ਼ੀ ਲਿਆਉਣ ਲਈ ਇਸ ਪਹਿਲੀ ਜ਼ੋਨ-ਪੱਧਰੀ ਕਾਨਫਰੰਸ ਦੇ ਆਯੋਜਨ ਲਈ ਗੁਜਰਾਤ ਸਰਕਾਰ ਅਤੇ ਬੜੌਦਾ ਦੀ ਮਹਾਰਾਜਾ ਸਯਾਜੀਰਾਓ ਯੂਨੀਵਰਸਿਟੀ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਐੱਨਈਪੀ-2020 ਨੂੰ ਲਾਗੂ ਕਰਨ ਲਈ ਵਿਜ਼ਨ, ਰੋਡਮੈਪ ਅਤੇ ਰਣਨੀਤੀਆਂ ਨੂੰ ਸਪੱਸ਼ਟ ਕਰਨ ਦੀ ਇਹ ਯਾਤਰਾ, ਜੋ ਕਿ 2022 ਵਿੱਚ ਕਾਸ਼ੀ ਵਿੱਚ ਗੰਗਾ ਦੇ ਕਿਨਾਰੇ ਸ਼ਿਕਸ਼ਾ ਸਮਾਗਮ ਨਾਲ ਸ਼ੁਰੂ ਹੋਈ ਅਤੇ ਅੱਜ ਨਰਮਦਾ ਪਠਾਰ 'ਤੇ ਆਯੋਜਿਤ ਖੇਤਰੀ ਸੰਮੇਲਨ ਤੱਕ ਪਹੁੰਚ ਗਈ ਹੈ, ਭਾਰਤ ਦਾ ਉੱਜਵਲ ਭਵਿੱਖ ਨਿਰਮਿਤ ਕਰਨ ਵਿੱਚ ਨਿਰਣਾਇਕ ਭੂਮਿਕਾ ਨਿਭਾਏਗੀ।
ਇਸ ਐੱਨਈਪੀ ਦੇ ਪ੍ਰਾਥਮਿਕਤਾ ਵਾਲੇ ਖੇਤਰ ਭਾਰਤੀ ਭਾਸ਼ਾ, ਭਾਰਤੀ ਗਿਆਨ ਪਰੰਪਰਾ, ਕੌਸ਼ਲ, ਰੋਜ਼ਗਾਰ ਅਤੇ ਉੱਦਮਤਾ ਸਿੱਖਿਆ ਹਨ। ਉਨ੍ਹਾ ਨੇ ਭਰੋਸਾ ਪ੍ਰਗਟਾਇਆ ਕਿ ਇਹ ਖੇਤਰੀ ਕਾਨਫਰੰਸ ਇੱਕ ਨਵੀਂ ਸੰਸਕ੍ਰਿਤੀ ਦੇ ਵਿਕਾਸ ਅਤੇ ਬਹੁ-ਅਨੁਸ਼ਾਸਨੀ ਸਿੱਖਿਆ ਦੇ ਸਰਵੋਤਮ ਅਭਿਆਸਾਂ, ਮਲਟੀਪਲ ਐਂਟਰੀ-ਐਗਜ਼ਿਟ ਅਤੇ ਪ੍ਰਭਾਵੀ ਐੱਨਈਪੀ ਲਾਗੂ ਕਰਨ ਦੇ ਮਾਧਿਅਮ ਨਾਲ ਸਾਰਿਆਂ ਲਈ ਬਰਾਬਰੀ ਦੇ ਖੇਤਰ ਲਈ ਰਾਹ ਪੱਧਰਾ ਬਣਾਏਗੀ।
ਉਨ੍ਹਾਂ ਨੇ ਇਸ ਗੱਲ ‘ਤੇ ਖੁਸ਼ੀ ਜ਼ਾਹਰ ਕੀਤੀ ਕਿ ਇਹ ਖੇਤਰੀ ਕਾਨਫਰੰਸ ਐੱਨਈਪੀ ਦੇ ਕਈ ਪ੍ਰਾਥਮਿਕਤਾ ਵਾਲੇ ਖੇਤਰਾਂ, ਵਿਸ਼ੇਸ਼ ਤੌਰ ‘ਤੇ ਸਿੱਖਿਆ ਦੀ ਗੁਣਵੱਤਾ, ਸਿੱਖਿਆ ਵਿੱਚ ਸਕਿੱਲ ਪ੍ਰਦਾਨ ਕਰਨ ਦਾ ਈਕੋਸਿਸਟਮ, ਖੋਜ, ਸਿੱਖਿਆ ਵਿੱਚ ਨਵੀਨਤਾ ਅਤੇ ਉੱਦਮਤਾ, ਭਾਰਤੀ ਗਿਆਨ ਪਰੰਪਰਾ ਅਤੇ ਅੰਤਰਰਾਸ਼ਟਰੀਕਰਣ ਵਰਗੇ ਖੇਤਰਾਂ 'ਤੇ ਵਿਚਾਰ ਕਰ ਰਿਹਾ ਹੈ । ਉਨ੍ਹਾਂ ਨੇ ਉਮੀਦ ਜਤਾਈ ਕਿ ਇੱਥੋਂ ਨਿਕਲਣ ਵਾਲੇ ਦ੍ਰਿਸ਼ਟੀਕੋਣ, ਵਿਚਾਰਾਂ ਅਤੇ ਰੋਡਮੈਪ ਨੂੰ ਸਰਵੋਤਮ ਅਭਿਆਸਾਂ ਅਤੇ ਕੇਸ ਅਧਿਐਨਾਂ ਦੇ ਸੰਗ੍ਰਹਿ ਵਿੱਚ ਬਦਲਿਆ ਜਾਵੇਗਾ ਅਤੇ ਐੱਨਈਪੀ ਲਾਗੂ ਕਰਨ ਵਿੱਚ ਇੱਕ ਸਮਾਨ ਦ੍ਰਿਸ਼ਟੀਕੋਣ ਲਿਆਉਣ ਲਈ ਕਾਲਜ ਪੱਧਰ 'ਤੇ ਮੁਹੱਈਆ ਕਰਵਾਇਆ ਜਾਵੇਗਾ।
ਕਾਨਫਰੰਸ ਦੌਰਾਨ ਕਈ ਤਕਨੀਕੀ ਸੈਸ਼ਨ ਆਯੋਜਿਤ ਕੀਤੇ ਗਏ। ਇਹਨਾਂ ਸੈਸ਼ਨਾਂ ਵਿੱਚ, ਮਿਆਰੀ ਸਿੱਖਿਆ ਅਤੇ ਪ੍ਰਸ਼ਾਸਨ - ਉੱਚ ਸਿੱਖਿਆ ਤੱਕ ਪਹੁੰਚ; ਸਮਾਜਿਕ-ਆਰਥਿਕ ਤੌਰ 'ਤੇ ਪਛੜੇ ਸਮੂਹਾਂ (ਐੱਸਈਡੀਜੀਸ) ਲਈ ਸਮਾਨ ਅਤੇ ਸਮਾਵੇਸ਼ੀ ਸਿੱਖਿਆ ਦੇ ਮੁੱਦੇ; ਸਿੱਖਿਆ ਅਤੇ ਭਵਿੱਖ ਦੇ ਕਰਮਚਾਰੀਆਂ ਨੂੰ ਕੌਸ਼ਲ ਪ੍ਰਦਾਨ ਕਰਨ ਦਰਮਿਆਨ ਤਾਲਮੇਲ; ਕੌਸ਼ਲ, ਉਦਯੋਗ ਦੇ ਸੰਪਰਕ ਅਤੇ ਰੋਜ਼ਗਾਰਯੋਗਤਾ ਦੇ ਏਕੀਕਰਣ ਦੁਆਰਾ ਸੰਪੂਰਨ ਸਿੱਖਿਆ; ਨਵੀਨਤਾ ਅਤੇ ਉੱਦਮਤਾ; ਖੋਜ ਅਤੇ ਵਿਕਾਸ; ਸਿੱਖਿਆ ਦਾ ਅੰਤਰਰਾਸ਼ਟਰੀਕਰਣ; ਅਤੇ ਭਾਰਤੀ ਗਿਆਨ ਪ੍ਰਣਾਲੀਆਂ ਆਦਿ 'ਤੇ ਪੈਨਲ ਚਰਚਾਵਾਂ ਸ਼ਾਮਲ ਹਨ ।
ਇਸ ਪ੍ਰੋਗਰਾਮ ਵਿੱਚ ਯੂਜੀਸੀ ਦੇ ਪ੍ਰੋ. ਐੱਮ. ਜਗਦੀਸ਼ ਕੁਮਾਰ; ਏਆਈਸੀਟੀਈ ਦੇ ਚੇਅਰਮੈਨ ਪ੍ਰੋਫੈਸਰ ਟੀ.ਜੀ. ਸੀਤਾਰਾਮ; ਮਹਾਰਾਜਾ ਸਯਾਜੀਰਾਓ ਯੂਨੀਵਰਸਿਟੀ ਆਵ੍ ਬੜੌਦਾ ਦੇ ਵਾਈਸ ਚਾਂਸਲਰ ਪ੍ਰੋ. ਵਿਜੇ ਕੁਮਾਰ ਸ੍ਰੀਵਾਸਤਵ; ਡਾ: ਹਸਮੁਖ ਆਧੀਆ; ਹੋਰ ਪਤਵੰਤੇ, ਵਾਈਸ ਚਾਂਸਲਰ ਅਤੇ ਉੱਘੇ ਸਿੱਖਿਆ ਸ਼ਾਸਤਰੀ ਹਾਜ਼ਰ ਸਨ।
ਬਾਅਦ ਵਿੱਚ, ਸ਼੍ਰੀ ਪ੍ਰਧਾਨ ਨੇ ਕੇਵੜੀਆ ਵਿੱਚ ਆਈਕੌਨਿਕ ਸਟੈਚੂ ਆਵ੍ ਯੂਨਿਟੀ ਦਾ ਦੌਰਾ ਕੀਤਾ ਅਤੇ ਇਸ ਨੂੰ ਗੌਰਵ, ਏਕਤਾ, ਸ਼ਾਂਤੀ ਅਤੇ ਸ਼ੁਕਰਗੁਜ਼ਾਰੀ ਦਾ ਪ੍ਰਤੀਕ ਦੱਸਿਆ। ਉਨ੍ਹਾਂ ਨੇ ਕਿਹਾ, 'ਭਾਰਤ ਦੇ ਲੋਹ ਪੁਰਸ਼' ਅਤੇ ਉਨ੍ਹਾਂ ਦੀ ਰਾਜਨੀਤਕ ਸੂਝ-ਬੂਝ ਨੂੰ ਸਮਰਪਿਤ ਵਿਸ਼ਵ ਦਾ ਸਭ ਤੋਂ ਉੱਚਾ ਸਮਾਰਕ ਸਟੈਚੂ ਆਵ੍ ਯੂਨਿਟੀ, ਸਾਰੇ ਯਾਤਰਾ ਉਤਸ਼ਾਹੀਆਂ ਦੇ ਲਈ ਜ਼ਰੂਰ ਦੇਖਣ ਵਾਲੀ ਥਾਂ ਹੈ।
***
ਐੱਸਐੱਸ/ਏਕੇ
(Release ID: 1971948)
Visitor Counter : 50