স্বচ্ছতাগীদমক ত্রাইবেল এফিয়ার্স মন্ত্রালয়গী স্পিসিয়েল কেম্পেন 3.0 মপুংফানা চত্থরি। কেম্পেন অসিনা মরুওইনা মীৎয়েং থম্বদা পব্লিক গ্রিভান্সেস দিস্পোজ তৌবা, পার্লিয়ামেন্তকী মেম্বরশিংদগী রিফরেন্স, স্বচ্ছতা অভিয়ান, ফাইলশিং লৌথোকপা অসিনচিংবা য়াওরি। কেম্পেনগী তোঙান তোঙানবা এক্তিবিতীশিংগীদমক তার্গেৎশিং মশক খংদোক্নবা কেম্পেনগী প্রিপরেতরী ফেজ 2023গী সেপ্তেম্বর 15দগী হৌখি। মরুওইবা কেম্পেন 2023গী ওক্তোবর 2দগী হৌখি অমসুং 2023গী ওক্তোবর 31 ফাওবা চত্থগনি।

হৌজিক ফাওবদা আউতদোর কেম্পেন অনি পাংথোকখ্রে। ফিজিকেল ফাইল 1070 রিভ্যু তৌখ্রে অমসুং ফাইল 352 লৌথোকখ্রে, ই-ফাইল 723 রিভ্যুগীদমক মশক খংদোক্লে অমসুং ই-ফইল 103 থিংজিনখ্রে, MPsদগী রিফরেন্স 7, পার্লিয়ামেন্ত এসুরেন্স 3, রাজ্য সরকার রিফরেন্স 2, পব্লিক গ্রিভান্সেস 121, PMO রিফরেন্স 1, পব্লিক গ্রিভান্সেস অপিল 19 দিস্পোজ তৌখ্রে অমসুং অতোপ্পা এক্তিবিতীশিং য়াওনা 100 sq.m. স্পেস হাংহনখ্রে।

তার্গেৎ পুম্নমক মশক খংদোক্লে অমসুং কেম্পেন মতম মনুংদা ত্রাইবেল এফিয়ার্স মন্ত্রালয়না মদু ফংনবগীদমক হোৎনরি। কেম্পেনগী প্রোগ্রেস মোমিতর তৌরি অমসুং দিপার্তমেন্ত ওফ এদমিনিস্ত্রেতিব রিফোর্মস অমসুং পব্লিক গ্রিভান্সেসনা হোস্ত তৌবা SCPDM  পোর্তেলদা অপদেতশিং অপলোদ তৌরি। ওতোনোমস বোদীশিং/সবওর্দিনেৎ ওফিস পুম্নমক্না স্বচ্ছতা অভিয়ান চত্থনবগীদমক থবায় য়াওনা শরুক য়ারি অমসুং পন্দুনা লৈরিবশিং হন্থহল্লি।

মসুবু মায় পাকহন্নবগীদমক মন্ত্রালয়গী ওফিসিয়েলশিং অমসুং স্তেকহোল্দরশিংনা ওফিস অমসুং মসিগী প্রিমিসেসতা লুনানবা অকোইবগী ফিভম ফংহন্নবগীদমক স্বচ্ছতা অভিয়ান শরুক য়ারি। মীয়ামগী মরক্তা স্পিসিয়েল কেম্পেন 3.0গী মতাংদা এৱার্নেস শাগৎনবগীদমক সোসিয়েল মেদিয়া প্লেৎফোর্মদা স্বচ্ছতা অভিয়ান উৎলি।  

ত্রাইবেল এফিয়ার্স মন্ত্রালয় অসি স্পিসিয়েল কেম্পেনগা মরী লৈনবা পান্দমশিং মপুং ফাহন্নবা অমসুং মদু ফংনবগীদমক ৱাফম থম্লি। ইনিসিয়েতিব অসিগীদমক মায়কৈ অসিদা লেপ্পা লৈতনা হোৎনরি।

*****