ମଧ୍ୟପ୍ରଦେଶର ରାଜ୍ୟପାଳ ଶ୍ରୀମାନ ମଙ୍ଗୁଭାଇ ପଟେଲ, ଏଠାକାର ଲୋକପ୍ରିୟ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହ୍ୱାନ, ସିନ୍ଧିୟା ସ୍କୁଲର ନିର୍ଦ୍ଦେଶକ ମଣ୍ଡଳର ଅଧ୍ୟକ୍ଷ ଏବଂ କ୍ୟାବିନେଟରେ ମୋର ସହଯୋଗୀ ଶ୍ରୀ ଜ୍ୟୋତିରାଦିତ୍ୟ ସିନ୍ଧିଆ ଜୀ, ଶ୍ରୀ ନରେନ୍ଦ୍ର ସିଂହ ତୋମର, ଡକ୍ଟର ଜିତେନ୍ଦ୍ର ସିଂହ, ସ୍କୁଲ ମ୍ୟାଜେନମେଣ୍ଟର ସାଥି ଏବଂ ସମସ୍ତ କର୍ମଚାରୀ, ଅଧ୍ୟାପକ ଏବଂ ଅଭିଭାବକଗଣ ଏବଂ ମୋର ପ୍ରିୟ ଯୁବ ସାଥିମାନେ !

ସ୍କିଣ୍ଡିଆ ସ୍କୁଲର ୧୨୫ବର୍ଷ ପୂର୍ତ୍ତି ଉପଲକ୍ଷେ ଆପଣ ସମସ୍ତଙ୍କୁ ବହୁତ -ବହୁତ ଶୁଭେଚ୍ଛା । ମୁଁ ଆପଣ ସମସ୍ତଙ୍କୁ କୃତଜ୍ଞତା ଜଣାଉଛି ଯେ ଆପଣମାନେ ମୋତେ ଏଠାକୁ ଏହି ଗୌରବମୟ ଇତିହାସ ସହିତ ଯୋଡି ହେବାକୁ ସୁଯୋଗ ଦେଇଛନ୍ତି । ଏହି ଇତିହାସ ସିନ୍ଧିୟା ସ୍କୁଲର ମଧ୍ୟ ଅଟେ ଏବଂ ଏହି ଐତିହାସିକ ଗ୍ୱାଲିୟର ସହରର ମଧ୍ୟ ଅଟେ । ଋଷି ଗ୍ୱାଲିପା, ସଙ୍ଗୀତ ସମ୍ରାଟ ତାନସେନ, ଶ୍ରୀମନ୍ତ ମହାଦଜୀ ସିନ୍ଧିୟା ଜୀ, ରାଜମାତା ବିଜୟାରାଜେ ଜୀ, ଅଟଳ ବିହାରୀ ବାଜପେୟୀ ଜୀ ଏବଂ ଓସ୍ତାଦ ଅମଜନ ଅଲ୍ଲୀ ଖାଁ ଙ୍କ ପର୍ଯ୍ୟନ୍ତ, ଗ୍ୱାଲିୟରର ଏହି ମାଟି, ପିଢି ପିଢିକୁ ପ୍ରେରଣା ଦେଉଥିବା ଲୋକମାନଙ୍କୁ ନିର୍ମାଣ କରିଥାଏ ।

ଏହି ମାଟି ନାରୀ ଶକ୍ତି ଏବଂ ବୀରଙ୍ଗନାମାନଙ୍କର ତପୋଭୂମି ଅଟେ । ମହାରାଣୀ ଗଙ୍ଗାବାଈ ଏହି ମାଟିର ନିଜର ଗହଣା ବିକ୍ରିକରି ସ୍ୱରାଜ ଯୁଦ୍ଧର ସେନା ପ୍ରସ୍ତୁତ କରିଥିଲେ । ଏଥିପାଇଁ ଗ୍ୱାଲିୟର ଆସିବା ନିଜ ପାଇଁ ବହୁତ ସୁଖଦ ହୋଇଥାଏ । ଆହୁରି ଦୁଇଟି କାରଣରୁ ଗ୍ୱାଲିୟରରୁ ମୋର ବିଶେଷ ସମ୍ପର୍କ ମଧ୍ୟ ରହିଛି । ପ୍ରଥମତଃ ମୁଁ କାଶ୍ମୀର ସାଂସଦ ଅଟେ ଏବଂ କାଶ୍ମୀର ସେବା କରିବାରେ, ଆମର ସଂସ୍କୃତିର ସଂରକ୍ଷଣରେ, ସିନ୍ଧିୟା ପରିବାର ବହୁତ ବଡ ଭୂମିକା ରହିଛି । ସ୍କିଣ୍ଡିଆ ପରିବାର ଗଙ୍ଗା ତଟରେ ଅନେକ ଘାଟ ନିର୍ମାଣ କରିଛନ୍ତି। ବିଏଚୟୁର ସ୍ଥାପନା ପାଇଁ ଆର୍ଥିକ ସାହାଯ୍ୟ କରିଛନ୍ତି । ଆଜି ଯେଉଁ ଭଳି ଭାବରେ କାଶ୍ମୀର ବିକାଶ ହେଉଛି, ତାହାକୁ ଦେଖି ମହାରାଣୀ ବେଜାବାଇ ଏବଂ ମହାରାଜ ମାଧବ ରାଓ ଜୀଙ୍କୁ ତାଙ୍କର ଆତ୍ମା ଯେଉଁଠି ମଧ୍ୟ ଥିବ, କେତେ ପ୍ରସନ୍ନତା ହେଉଥିବା, ଏହାର ଆମେ କଳ୍ପନା କରିପାରିବା ।

ଏବଂ ଯେମିତି ମୁଁ କହିଲି ଦୁଇଟି କାରଣ ଅଛି, ଦ୍ୱିତୀୟ କାରଣରଟି ମଧ୍ୟ କହି ଦେଉଛି । ଗ୍ୱାଲିୟର ସହିତ ଯୋଡି ହେବାର ଦ୍ୱିତୀୟ କାରଣ ମଧ୍ୟ ଅଛି । ଆମର ଜ୍ୟୋତିରାଦିତ୍ୟ ଜୀ ଗୁଜୁରାଟର ଜ୍ୱାଇଁ ଅଟନ୍ତି । ଏହି କାରଣରୁ ମଧ୍ୟ ଗ୍ୱାଲିୟର ସହିତ ମୋର ବନ୍ଧୁତା ରହିଛି । ଆହୁରି ଗୋଟିଏ ସମ୍ପର୍କ ଅଛି, ମୋର ଗାଁ ଗାୟକୱାଡ ଷ୍ଟେଚର ଗାଁ ଥିଲା, ଏବଂ ମୋର ଗାଁରେ ଯେଉଁ ପ୍ରଥମ ପ୍ରାଥମିକ ସ୍କୁଲ ହୋଇଥିଲା ତାହା  ଗାୟକୱାଡ  ପରିବାର ହିଁ କରିଥିଲେ, ଏବଂ ମୋର ସୌଭାଗ୍ୟ ଏହା ଯେ ମାଗଣାରେ ପ୍ରାଥମିକ ଶିକ୍ଷା ଦେଉଥିଲି । ସେଠାରେ ଯେଉଁ ସ୍କୁଲ ଗାୟକୱାଡ ଜୀ ତିଆରି କରିଥିଲେ ।

ସାଥିମାନେ,

ଆମର ଏଠାରେ କୁହାଯାଇଛି -ମନସୈଙ୍କ ବଚସୈଙ୍କ କର୍ମଣେଙ୍କ ମହାତ୍ମାନାମ୍ ।

ଅର୍ଥାତ୍‌, ଜ୍ଞାନି ବ୍ୟକ୍ତି ଯେପରି ମନରେ ଚିନ୍ତା କରିଥାନ୍ତି,ସେହିଭଳି ମଧ୍ୟ କହିଥାନ୍ତି, ଏହା ଏକ କର୍ତ୍ତବ୍ୟ ପରାୟଣ ବ୍ୟକ୍ତିତ୍ୱର ପରିଚୟ ହୋଇଥାଏ । କର୍ତ୍ତବ୍ୟ ନିଷ୍ଠ ବ୍ୟକ୍ତି ତତ୍କାଳୀନ ଲାଭ ପାଇଁ ନୁହେଁ ବରଂ ଆଗାମୀ ପିଢିର ଭବିଷ୍ୟତକୁ ଉଜ୍ଜ୍ୱଳମୟ କରିବା ପାଇଁ କାର୍ଯ୍ୟ କରିଥାଏ । ଗୋଟିଏ ପୁରୁଣା କଥା ମଧ୍ୟ ରହିଛି, ଯଦି ଏକ ବର୍ଷ ପାଇଁ ଚିନ୍ତା କରୁଛନ୍ତି  ତେବେ ଶସ୍ୟ ବୁଣନ୍ତୁ । ଯଦି ଆପଣ ଏକ ଦଶନ୍ଧି ପାଇଁ ଚିନ୍ତା କରୁଛନ୍ତି ତେବେ ଫଳ ହେଉଥିବା ଗଛ ଲଗାନ୍ତୁ, ଏବଂ ଯଦି ଆପଣ ଏକ ଶତାବ୍ଦୀକୁ ନେଇ ଚିନ୍ତା କରୁଛନ୍ତି ତେବେ ଶିକ୍ଷା ସହିତ ଜଡିତ ଅନୁଷ୍ଠାନ ଗଢନ୍ତୁ ।

ମହାରାଜ  ମାଧବ ରାଓ ସ୍କିଣ୍ଡିଆ ପ୍ରଥମ ଜୀ, ତାଙ୍କର ଏହି ଚିନ୍ତାଧାରା ସେ ସମୟରେ ଲାଭ କରି ନ ଥିଲେ ବରଂ ଆଗାମୀ ପିଢିର ଭବିଷ୍ୟତକୁ ଆଲୋକିତ କରିବାର ଥିଲା । ସିନ୍ଧିୟା ସ୍କୁଲ ତାଙ୍କର ଏହି ଦୂରଦର୍ଶୀ ଚିନ୍ତାଧାରାକୁ ପରିଣାମ ଦେବାର ଥିଲା, ସେ ଜାଣିଥିଲେ ଯେ ମାନବ ସଂସାଧନର ଶକ୍ତି କ’ଣ ହୋଇଥାଏ ? ବହୁତ କମ୍ ଲୋକଙ୍କୁ ଜଣାଥିବ ଯେ ମାଧୋ ରାଓଙ୍କ ଦ୍ୱାରା ସ୍ଥାପିତ ଭାରତୀୟ ପରିବହନ କମ୍ପାନୀ ଏବେ ବି ଦିଲ୍ଲୀ ଡିଟିସି ନାମରେ କାର୍ଯ୍ୟ କରୁଛି । ଭବିଷ୍ୟତ ପିଢି ପାଇଁ ଜଳ ସଂରକ୍ଷଣ ଉପରେ ମଧ୍ୟ ସେ ଗୁରୁତ୍ୱାରୋପ କରିଥିଲେ । ସେ ସମୟରେ ସେ ଜଳ ଓ ଜଳସେଚନ ପାଇଁ ଏକ ଗୁରୁତ୍ୱପୂର୍ଣ୍ଣ ବ୍ୟବସ୍ଥା ତିଆରି କରିଥିଲେ । ୧୫୦ବର୍ଷ ପରେ ମଧ୍ୟ, ‘ହର୍ସି ଡ୍ୟାମ’ ଏସିଆର ସବୁଠାରୁ ବଡ ମାଟି ବନ୍ଧ । ଏହି ଡ୍ୟାମ ଏବେ ମଧ୍ୟ ଲୋକଙ୍କର ସେବା କରୁଛି । ମାଧୋ ରାଓଙ୍କ ବ୍ୟକ୍ତିତ୍ୱ ଆମ ସମସ୍ତଙ୍କୁ ବୁଦ୍ଧିମୟ ଶିକ୍ଷା ପ୍ରଦାନ କରିଥାଏ । ଶିକ୍ଷା ହେଉ, କ୍ୟାରିୟର ହେଉ, ଜୀବନ ହେଉ କି ରାଜନୀତି, ଦୀର୍ଘମିଆଦି ଦୃଷ୍ଟି କୋଣରୁ କାମ କରିବା ନିହାତି ଜରୁରୀ ।  ସର୍ଟ କଟ୍ ଆପଣଙ୍କୁ ତୁରନ୍ତ ଲାଭ ଦେଇପାରେ । କିନ୍ତୁ ଯେଉଁମାନେ ସମାଜ କିମ୍ବା ରାଜନୀତିରେ ତୁରନ୍ତ ସ୍ୱାର୍ଥ ପାଇଁ କାମ କରନ୍ତି ସେମାନେ ସମାଜ ଓ ଦେଶକୁ କ୍ଷତି ପହଞ୍ଚାଇଥାନ୍ତି ।

ସାଥିମାନେ

୨୦୧୪ରେ ଯେତେବେଳେ ଦେଶ ମୋତେ ପ୍ରଧାନମନ୍ତ୍ରୀ ଦାୟିତ୍ବ ଦେଇଥିଲା, ସେତେବେଳେ ମୋ ସାମ୍ନାରେ ଦୁଇଟି ବିକଳ୍ପ ଥିଲା। ହୁଏତ କେବଳ ତତ୍କାଳ ଲାଭ ପାଇଁ କାମ କରନ୍ତୁ କିମ୍ବା ଏକ ଦୀର୍ଘମିଆଦୀ ଆଭିମୁଖ୍ୟ ଗ୍ରହଣ କରନ୍ତୁ। ଆମେ ୨ ବର୍ଷ, ୫ ବର୍ଷ, ୮ ବର୍ଷ, ୧୦ ବର୍ଷ, ୧୫ ବର୍ଷ ଏବଂ ୨୦ ବର୍ଷ ଭିନ୍ନ ଭିନ୍ନ ଟାଇମ୍ ବ୍ୟାଣ୍ଡ୍ ସହ କାମ କରିବାକୁ ସ୍ଥିର କରିଥିଲୁ। ଆଜି ଆମ ସରକାର ୧୦ ବର୍ଷ ଧରି କ୍ଷମତାରେ ରହିଛି। ଏହି ୧୦ ବର୍ଷ ମଧ୍ୟରେ ଦୀର୍ଘମିଆଦୀ ଯୋଜନା ନେଇ ଦେଶ ଯେଉଁ ନିଷ୍ପତ୍ତି ନେଇଛି ତାହା ଅଭୂତପୂର୍ବ। ଅନେକ ବିଚାରାଧୀନ ନିଷ୍ପତ୍ତିର ବୋଝରୁ ଆମେ ଦେଶକୁ ମୁକ୍ତ କରିଛୁ। ଦୀର୍ଘ ୬୦ ବର୍ଷ ଧରି ଜମ୍ମୁ-କଶ୍ମୀରରୁ ଧାରା ୩୭୦ ଉଚ୍ଛେଦ ପାଇଁ ଦାବି ହେଉଥିଲା। ଆମ ସରକାର ଏହା କରିଛନ୍ତି। ଦୀର୍ଘ ୪୦ ବର୍ଷ ଧରି ପୂର୍ବତନ ସୈନିକମାନଙ୍କୁ ଓ୍ଵାନ୍ ରାଙ୍କ୍ ଓ୍ଵାନ୍ ପେନସନ ପ୍ରଦାନ ପାଇଁ ଦାବି ହୋଇ ଆସୁଥିଲା। ଆମ ସରକାର ଏହି ଦାବି ପୂରଣ କରିଛନ୍ତି। ଦୀର୍ଘ ୪୦ ବର୍ଷ ଧରି ଜିଏସଟି ଲାଗୁ କରିବାକୁ ଦାବି ହେଉଥିଲା । ଏହି କାମ ମଧ୍ୟ ଆମ ସରକାର କରିଛନ୍ତି।

ଦଶନ୍ଧି ଧରି ମୁସଲମାନ ମହିଳାମାନେ ତିନି ତଲାକ୍ ବିରୋଧରେ ଆଇନ ଆଣିବାକୁ ଦାବି କରୁଥିଲେ। ଆମ ସରକାର ସମୟରେ ତିନି ତଲାକ୍ ବିରୋଧରେ ଆଇନ ମଧ୍ୟ ପ୍ରଣୟନ କରାଯାଇଥିଲା। ଆପଣ ଦେଖିଥିବେ କିଛି ସପ୍ତାହ ତଳେ ଲୋକସଭା ଓ ବିଧାନସଭାରେ ମହିଳାଙ୍କ ପାଇଁ ସଂରକ୍ଷଣ ପାଇଁ ଆଇନ କରାଯାଇଛି। ଏହା ମଧ୍ୟ ଦଶନ୍ଧି ଧରି ଅଟକି ରହିଥିଲା। ନାରୀ ଶକ୍ତି ବନ୍ଦନ ଅଧିନିୟମ ମଧ୍ୟ ଆମ ସରକାର ପ୍ରଣୟନ କରିଥିଲେ ।

ମୋ ପାଖରେ କାମର ଏତେ ଲମ୍ବା ତାଲିକା ଅଛି ଯେ ଏଥିପାଇଁ ସାରା ରାତି ବିତିଯିବ । ମୁଁ ଏହି ଗୁରୁତ୍ୱପୂର୍ଣ୍ଣ ନିଷ୍ପତ୍ତିଗୁଡ଼ିକ ବିଷୟରେ ଏଥିପାଇଁ କହିଥିଲି....କାରଣ ଯଦି ଆମ ସରକାର ଏହି ନିଷ୍ପତ୍ତି ନ ନେଇଥାନ୍ତେ, ତେବେ କିଏ କ୍ଷତି ସହିଥାନ୍ତା? ଯଦି ଆମେ ଏହା ନ କରିଥାନ୍ତେ, ତେବେ ଟ୍ରାନ୍ସଫର କିପରି ହୋଇଥାନ୍ତା ? ଏହା ଆପଣଙ୍କ ପିଢ଼ି ଉପରେ ପଡିଥାନ୍ତା? ତେଣୁ ମୁଁ ମଧ୍ୟ ଆପଣଙ୍କ ପିଢ଼ି ପାଇଁ ବୋଝ ହାଲୁକା କରିଦେଲି ଏବଂ ମୋର ପ୍ରୟାସ ଏହା ଯେ ଆଜିର ଯୁବପିଢ଼ି ମାନଙ୍କ ପାଇଁ ଦେଶରେ ବହୁତ କିଛି ସକାରାତ୍ମକ ପରିବେଶ ସୃଷ୍ଟି ହେଉ, ଏକ ଏମିତି ପରିବେଶ ଯେଉଁଠାରେ ଆପଣଙ୍କ ପିଢ଼ିର ସୁଯୋଗର ଅଭାବ ନାହିଁ, ଏପରି ଏକ ପରିବେଶ ଯେଉଁଠାରେ ଭାରତର ଯୁବକମାନେ ବଡ଼ ସ୍ୱପ୍ନ ଦେଖନ୍ତି ଏବଂ ସେହି ସ୍ୱପ୍ନକୁ ସାକାର କରନ୍ତି । ବଡ଼ ସ୍ୱପ୍ନ ଦେଖନ୍ତୁ ଓ ବଡ଼ ସଫଳତା ପାଇବେ। ମୁଁ ଆପଣଙ୍କୁ ଏହା କହୁଛି କାରଣ ସ୍କିଣ୍ଡିଆ ସ୍କୁଲର ୧୫୦ ବର୍ଷ ପୂରଣ ହେଲେ ଦେଶ ମଧ୍ୟ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟରେ ପହଞ୍ଚିବ । ଏହା ଭାରତର ସ୍ୱାଧୀନତାର ୧୦୦ ବର୍ଷ ପୂର୍ତ୍ତି ହେବ ।

ଆଗାମୀ ୨୫ ବର୍ଷ ମଧ୍ୟରେ ଦେଶକୁ ବିକଶିତ କରିବାକୁ ଆମେ ସଂକଳ୍ପ ନେଇଛୁ। ଆଉ ଏହା ଆପଣଙ୍କ ଦ୍ୱାରା କରିବାକୁ ପଡିବ, ଭାରତର ଯୁବପିଢ଼ିଙ୍କୁ ଏହା କରିବାକୁ ପଡିବ । ମୋର ବିଶ୍ୱାସ ତୁମ ଉପରେ, ମୋର ବିଶ୍ୱାସ ଯୁବବର୍ଗଙ୍କ ଉପରେ ଏବଂ ମୋର ବିଶ୍ୱାସ ଯୁବବର୍ଗଙ୍କ ସାମର୍ଥ୍ୟ ଉପରେ ରହିଛି । ଏବଂ ମୁଁ ଆଶା କରୁଛି ଯେ ଆପଣମାନେ ଏହି ସ୍ୱପ୍ନକୁ ସ୍ମରଣ କରି, ସ୍ୱପ୍ନକୁ ସଂକଳ୍ପରେ ପରିଣତ କରି କାର୍ଯ୍ୟ କରିବେ ଏବଂ ସଂକଳ୍ପ ହାସଲ ନ ହେବା ପର୍ଯ୍ୟନ୍ତ ଅଟକିବେ ନାହିଁ ।

ଆଗାମୀ ୨୫ ବର୍ଷ ଆପଣଙ୍କ ଜୀବନ ପାଇଁ ଯାହା ଜରୁରୀ, ସେତିକି ଭାରତ ପାଇଁ ମଧ୍ୟ ଗୁରୁତ୍ୱପୂର୍ଣ୍ଣ । ସିନ୍ଧିଆ ସ୍କୁଲର ପ୍ରତ୍ୟେକ ଛାତ୍ରଙ୍କର ଏହି ପ୍ରତିବଦ୍ଧତା ରହିବା ଉଚିତ୍ -ମୁଁ ଏକ ବିକଶିତ ଭାରତ ନିର୍ମାଣ କରିବି । ସାଥିମାନେ, ଆପଣ ଏହା କରିବେ କି ନାହିଁ? ମୁଁ ପ୍ରତ୍ୟେକ ପ୍ରୟାସରେ ଜାତି ପାଇଁ  ପ୍ରଥମ ଚିନ୍ତା କରିବା ସହିତ କାର୍ଯ୍ୟ କରିବି । ମୁଁ ଉଦ୍ଭାବନ କରିବି, ମୁଁ ଅନୁସନ୍ଧାନ କରିବି, ମୁଁ ବୃତ୍ତିଗତ ଦୁନିଆରେ ରହେ କିମ୍ବା ଯେକୌଣସି ସ୍ଥାନରେ ରହେ, ମୁଁ ଭାରତକୁ ବିକଶିତ କରିବି ତାପରେ ରହିବି ।

ଏବଂ ସାଥିମାନେ,

ସ୍କିଣ୍ଡିଆ ସ୍କୁଲ ଉପରେ ମୋର ଆତ୍ମ ବିଶ୍ୱାସ କାହିଁକି ଆପଣ ଜାଣନ୍ତି କି? ଏହାର କାରଣ ହେଉଛି ମୁଁ  ଆପଣଙ୍କ ବିଦ୍ୟାଳୟର କିଛି ଆଲୁମିନିଙ୍କୁ ଅତି ନିକଟରୁ ଜାଣିଛି । ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ରାଷ୍ଟ୍ରମନ୍ତ୍ରୀ ଜିତେନ୍ଦ୍ର ସିଂହ ମଞ୍ଚରେ ବସିଛନ୍ତି। ସେ ମଧ୍ୟ ଆପଣଙ୍କ ବିଦ୍ୟାଳୟରେ ପଢିଛନ୍ତି। ରେଡିଓରେ ଯାହାଙ୍କର ସ୍ୱର ଶୁଣି ଆମେ ମନମୁଗ୍ଧ ହୋଇ ଯାଉଥିଲୁ ।  ଅମିନ ସାୟାନୀ ଜୀ, ଲେଫ୍ଟନାଣ୍ଟ ଜେନେରାଲ ମୋତି ଦର ଜୀ, ବର୍ତ୍ତମାନ ଏଠାରେ ଯିଏ ଏକ ଚମତ୍କାର ଉପସ୍ଥାପନା ଦେଇଥିଲେ, ଏବଂ ମିତ ବ୍ରଦର୍ସ ଏବଂ ହୁଡ ହୁଡ ଦବଙ୍ଗ ସଲମାନ ଖାନ ଏବଂ ମୋର ବନ୍ଧୁ ନୀତିନ ମୁକେଶ ଜୀ ଏଠାରେ ବସିଛନ୍ତି । ସିନ୍ଧିଆ ସ୍କୁଲରେ ଛାତ୍ରଛାତ୍ରୀଙ୍କର କାନଭାସ୍ ଏତେ ବିଶାଳ ଯେ ଏଥିରେ ଆମେ ଏଥିରେ ସମସ୍ତ ପ୍ରକାରର ରଙ୍ଗ ଦେଖାଯାଇଥାଏ।

ମୋର ଯୁବ ସାଥିମାନେ,   ବିଷ୍ଣୁ ପୁରାଣରେ ଲେଖାଯାଇଛି,

ଗାୟାନ୍ତି ଦେବାଃ: କିଲ ଗୀତିକାନ୍ତି, ଧନ୍ୟାସ୍ତୁ ତେ ଭାରତ ଭୂମିଭାଗେଃ

ଏହାର ଅର୍ଥ ହେଉଛି ଭାରତର ଏହି ଭୂମିରେ ଜନ୍ମ ଗ୍ରହଣ କରିଥିବା ଲୋକମାନଙ୍କ ପାଇଁ ମଧ୍ୟ  ଦେବତାମାନେ ପ୍ରଶଂସା ଗାନ କରିଥାନ୍ତି । ସେମାନେ ନିଜେ ଦେବତାମାନଙ୍କ ଅପେକ୍ଷା ସୌଭାଗ୍ୟଶାଳୀ  ଅଟନ୍ତି । ଆଜି ଭାରତ ସଫଳତାର ଯେଉଁ ଶୀର୍ଷରେ ରହିଛି ତାହା ଅଭୂତପୂର୍ବ ବିଶ୍ୱରେ ଭାରତର ପ୍ରଭାବ ଛାଇ ହୋଇ ରହିଛି । ଅଗଷ୍ଟ ୨୩ ରେ ଭାରତ ଚନ୍ଦ୍ରମା ସେଠାରେ ପହଞ୍ଚିଥିଲା, ଯେଉଁଠାରେ ଅନ୍ୟ କୌଣସି ଦେଶ ପହଞ୍ଚି ପାରି ନ ଥିଲା । ବର୍ତ୍ତମାନ ଜି-୨୦ ଶିଖର ସମ୍ମିଳନୀରେ ଆପଣ ଦେଖିଲେ ଯେ ଭାରତ ଯେ ସଫଳତାର ପତାକା ଉଡାଇଛନ୍ତି । ଆଜି ଭାରତ ହେଉଛି ବିଶ୍ୱର ଦ୍ରୁତ ଅଭିବୃଦ୍ଧିଶୀଳ ବୃହତ୍ ଅର୍ଥନୀତି।  ଆଜି ଭାରତ ବିଶ୍ଵରେ ଫିନଟେକ୍ ଗ୍ରହଣ ହାରରେ ଏକ ନମ୍ବର ସ୍ଥାନରେ ଅଛି । ଆଜି ଭାରତ ବିଶ୍ୱରେ ରିୟଲ ଟାଇମ ଡିଜିଟାଲ କାରବାର କରିବାରେ ଏକ ନମ୍ବର ସ୍ଥାନରେ ଅଛି । ଆଜି ଭାରତ ସ୍ମାର୍ଟଫୋନ୍ ଡାଟା ଗ୍ରାହକଙ୍କ କ୍ଷେତ୍ରରେ ମଧ୍ୟ  ଏକ ନମ୍ବର ସ୍ଥାନରେ ଅଛି।

ଇଣ୍ଟରନେଟ୍ ବ୍ୟବହାରକାରୀଙ୍କ ଦୃଷ୍ଟିରୁ ଆଜି ଭାରତ ବିଶ୍ୱର ଦ୍ବିତୀୟ ବୃହତ୍ତମ ଦେଶ। ଆଜି ଭାରତ ହେଉଛି ବିଶ୍ୱର ଦ୍ୱିତୀୟ ବୃହତ୍ତମ ମୋବାଇଲ ଉତ୍ପାଦନକରୀ । ଆଜି ଭାରତରେ ବିଶ୍ୱର ତୃତୀୟ ବୃହତ୍ତମ ଷ୍ଟାର୍ଟଅପ୍ ଇକୋସିଷ୍ଟମ ରହିଛି। ଆଜି ଭାରତ ହେଉଛି ବିଶ୍ୱର ତୃତୀୟ ବୃହତ୍ତମ ଶକ୍ତି ଉପଭୋକ୍ତା । ଆଜି ଭାରତ, ମହାକାଶରେ ନିଜର ସ୍ପେସ୍ ଷ୍ଟେସନ ପ୍ରତିଷ୍ଠା ପାଇଁ ପ୍ରସ୍ତୁତି  କରୁଛି । ଆଜି ସକାଳେ ଆପଣ ଯେ ଗଗନଯାନର ସଫଳ ପରୀକ୍ଷଣ ଏବଂ 'କ୍ରୁ ଏସ୍କେପ୍ ସିଷ୍ଟମ୍'ର ସଫଳ ପରୀକ୍ଷଣ ଦେଖିଥିବେ। ଗ୍ୱାଲିୟରରେ ଏତେ ବଡ଼ ବାୟୁସେନା ଘାଟି ରହିଛି... ଆପଣ ଆକାଶରେ ତେଜସ ଉଡ଼ାଣ ଦେଖିଥିବେ । ଆପଣ ସମୁଦ୍ରରେ ଆଇଏନଏସ ବିକ୍ରାନ୍ତଙ୍କ ଗର୍ଜନ ଶୁଣିନାହାଁନ୍ତି କି? ଆଜି ଭାରତ ପାଇଁ କିଛି ବି ଅସମ୍ଭବ ନୁହେଁ। ଭାରତର ବଢୁଥିବା ଦକ୍ଷତା ପ୍ରତ୍ୟେକ କ୍ଷେତ୍ରରେ ଆପଣଙ୍କ ପାଇଁ ନୂତନ ସମ୍ଭାବନା ସୃଷ୍ଟି କରୁଛି ।

ଆପଣ ଚିନ୍ତା କରନ୍ତୁ, ୨୦୧୪ ମସିହା ପୂର୍ବରୁ ଆମ ଦେଶରେ କିଛି ଶହ ଷ୍ଟାର୍ଟଅପ୍ ଥିଲା। ଆଜି ଭାରତରେ ଷ୍ଟାର୍ଟଅପ୍ ସଂଖ୍ୟା ପ୍ରାୟ ଏକ ଲକ୍ଷରେ ପହଞ୍ଚିଛି। ବିଗତ କିଛି ବର୍ଷ ମଧ୍ୟରେ ଭାରତ ୧୦୦ରୁ ଅଧିକ ୟୁନିକର୍ଣ୍ଣ ଉତ୍ପାଦନ କରିଛି। ଆପଣ ମଧ୍ୟ ଜାଣନ୍ତି ୟୁନିକର୍ଣ୍ଣର ଅର୍ଥ କ'ଣ... ଅତିକମରେ ୮ ହଜାରେ କୋଟି ଟଙ୍କାର କମ୍ପାନୀ । ଏପରିକି ସ୍କିଣ୍ଡିଆ ସ୍କୁଲର ଛାତ୍ରଛାତ୍ରୀମାନେ ଏଠାରୁ ସ୍ନାତକ ହାସଲ କରିବା ପରେ ସେମାନଙ୍କ ବିଦ୍ୟାଳୟରୁ ଯିବା ପରେ ୟୁନିକର୍ଣ୍ଣ ତିଆରି କରିବେ, ନିଜ ସ୍କୁଲ ଏବଂ ଦେଶର ନାମ ଆଲୋକିତ  କରିବେ ।  

'ଦୁନିଆ ହେଉଛି ତୁମର ଓୟେଷ୍ଟର!!!' ଏବଂ ସରକାର ଭାବରେ ଆମେ ଆପଣଙ୍କ ପାଇଁ ନୂତନ କ୍ଷେତ୍ର ମଧ୍ୟ ଖୋଲି ଦେଇଛୁ। ପୂର୍ବେ କେବଳ ସରକାର ଉପଗ୍ରହ ତିଆରି କରୁଥିଲେ କିମ୍ବା ବିଦେଶରୁ ଆମଦାନୀ କରୁଥିଲେ। ଆମେ ସ୍ପେସ ସେକ୍ଟରକୁ ଆପଣଙ୍କ ଭଳି ଯୁବ ଗୋଷ୍ଠୀମାନଙ୍କ ପାଇଁ ମଧ୍ୟ ଖୋଲିଦେଉଛୁ । ପୂର୍ବରୁ ପ୍ରତିରକ୍ଷା ଉପକରଣ କେବଳ ସରକାର ତିଆରି କରୁଥିଲେ କିମ୍ବା ବିଦେଶରୁ ଆମଦାନୀ ହେଉଥିଲା । ଆମେ ମଧ୍ୟ ପ୍ରତିରକ୍ଷା କ୍ଷେତ୍ରକୁ ମଧ୍ୟ ଆପଣମାନଙ୍କ ଭଳି ଯୁବକ ମାନଙ୍କ ପାଇଁ ଖୋଲିଦେଉଛୁ । ଏମିତି ଅନେକ କ୍ଷେତ୍ର ଅଛି, ବର୍ତ୍ତମାନ ଭାରତରେ ଆପଣଙ୍କ ପାଇଁ ତିଆରି ହେଉଛି ।  

ଆପଣଙ୍କୁ 'ମେକ୍ ଇନ୍ ଇଣ୍ଡିଆ' ସଂକଳ୍ପ ଆଗକୁ ବଢାଇବାକୁ ହେବ । ଆପଣଙ୍କୁ 'ଆତ୍ମନିର୍ଭର ଭାରତ'ର ସଂକଳ୍ପକୁ ଆଗେଇ ନେବାକୁ ପଡ଼ିବ। ମୋର ଆଉ ଏକ ମନ୍ତ୍ର ମନେ ରଖିବେ, ସର୍ବଦା ବାକ୍ସ ବାହାରେ ଚିନ୍ତା କରନ୍ତୁ । ଯେମିତି ଜ୍ୟୋତିରାଦିତ୍ୟ ସିଂହ ଜୀଙ୍କ ପିତା, ଆମ ମାଧବରାଓ ସ୍କିଣ୍ଡିଆ ଜୀ ଯେତେବେଳେ ରେଳମନ୍ତ୍ରୀ ଥିବା ସେତେବେଳେ ଶତାବ୍ଦୀ ଟ୍ରେନ୍ ଚଳାଚଳ ଆରମ୍ଭ କରିଥିଲେ। ଆଗାମୀ ତିନି ଦଶନ୍ଧି ପର୍ଯ୍ୟନ୍ତ ଭାରତରେ ଏଭଳି କୌଣସି ଅତ୍ୟାଧୁନିକ ଟ୍ରେନ୍ ଚଳାଚଳ ଆରମ୍ଭ ହୋଇ ନାହିଁ । ବର୍ତ୍ତମାନ ବନ୍ଦେ ଭାରତର ମଧ୍ୟ ଶୋଭା ଏବଂ ଗତକାଲି  ନମୋ ଭାରତର ଗତି ମଧ୍ୟ ଆପଣଦେଖିଛନ୍ତି ।

ସାଥିମାନେ,

ଏଠାକୁ ଆସିବା ପୂର୍ବରୁ ମୁଁ ସିନ୍ଧିଆ ସ୍କୁଲର ବିଭିନ୍ନ ଗୃହର ନାମ ଦେଖୁଥିଲି ଏବଂ ଜ୍ୟୋତିରାଦିତ୍ୟ ଜୀ ମୋତେ ବୁଝାଉଥିଲେ । ସ୍ଵରାଜ ସହିତ ଜଡ଼ିତ ନାମ ଗୁଡ଼ିକ ଆପଣଙ୍କ ପାଇଁ ଏକ ବଡ଼ ପ୍ରେରଣା। ଶିବାଜୀ ହାଉସ୍... ମହାଦଜୀ ହାଉସ୍, ରାଣୋଜୀ ହାଉସ୍, ଦତ୍ତଜୀ ହାଉସ୍, କନରଖେଡ ହାଉସ୍, ନିମାଜୀ ହାଉସ୍, ମାଧବ ହାଉସ୍, ଏକ ଉପାୟରେ, ସାତ ଜଣ ଋଷିଙ୍କ ଶକ୍ତି  ଆପଣଙ୍କ ପାଖରେ ଅଛି ଏବଂ ମୁଁ ଭାବୁଛି ଯେ ନବରାତ୍ରୀର ଏହି ପବିତ୍ର ଅବସରରେ, ମୁଁ ଆପଣ ସମସ୍ତଙ୍କୁ ନଅଟି କାର୍ଯ୍ୟ ଦେବି କାରଣ ଏହା ଏକ ବିଦ୍ୟାଳୟ କାର୍ଯ୍ୟକ୍ରମ, ଏବଂ ଯଦି ଆପଣ ହୋମୱାର୍କ ଦିଅନ୍ତି ନାହିଁ, ତେବେ ଏହା ସମ୍ପୂର୍ଣ୍ଣ ନୁହେଁ । ତେଣୁ ଆଜି ମୁଁ ଆପଣଙ୍କୁ ନଅଟି କାର୍ଯ୍ୟ ଦେବାକୁ ଚାହୁଁଛି, ଆପଣମାନଙ୍କୁ ମନେ ରହିବ କି? ଭାଇମାନେ, ଆପଣମାନଙ୍କର ସ୍ୱର କାହିଁକି ଦବିଗଲା? କାରଣ କ’ଣ ଆପଣ ଏହାକୁ ମନେ ରଖିବେ, ଆପଣ ଏଥିପାଇଁ ଏକ ସଂକଳ୍ପ ନେବେ କି? ଏହାକୁ ପୂରଣ କରିବା ପାଇଁ ଆପଣ ସାରା ଜୀବନ କାମ କରିବେ କି ?

ପ୍ରଥମ - ଆପଣମାନେ ସମସ୍ତେ ଏଠାରେ ଜଳ ସଂରକ୍ଷଣ ଉପରେ ବହୁତ କାମ କରୁଛନ୍ତି । ଜଳ ସୁରକ୍ଷା ଏକବିଂଶ ଶତାବ୍ଦୀର ବହୁତ ବଡ ଆହ୍ୱାନ । ଏଥିପାଇଁ  ସଚେତନତା ସୃଷ୍ଟି ପାଇଁ ଅଭିଯାନ ଚଳାନ୍ତୁ।

ଦ୍ବିତୀୟ - ସ୍କିଣ୍ଡିଆ ସ୍କୁଲରେ ଗାଁକୁ ପୋଷ୍ୟ ଭାବେ ଗ୍ରହଣ କରିବାର ପରମ୍ପରା ରହିଛି। ଆପଣମାନେ ଅନ୍ୟ କୌଣସି ଗାଁ  ଲୋକଙ୍କୁ ଡିଜିଟାଲ କାରବାର ସମ୍ପର୍କରେ ଜଣ।ନ୍ତୁ ।

ତୃତୀୟ- ସ୍ୱଚ୍ଛତାର ମିଶନ । ମଧ୍ୟପ୍ରଦେଶର ଇନ୍ଦୋର ସ୍ୱଚ୍ଛତାରେ ଏକ ନମ୍ବର ହୋଇପାରେ, ତେବେ ଗ୍ୱାଲିୟର କାହିଁକି ନୁହେଁ? ସ୍ୱଚ୍ଛତା କ୍ଷେତ୍ରରେ ନିଜ ସହରକୁ ଏକ ନମ୍ବର କରିବାର ଚ୍ୟାଲେଞ୍ଜ ଗ୍ରହଣ କରନ୍ତୁ ।

ଚତୁର୍ଥ - ଭୋକାଲ୍ ଫର୍ ଲୋକାଲ... ଯଥାସମ୍ଭବ, ସ୍ଥାନୀୟ ଉତ୍ପାଦକୁ ପ୍ରୋତ୍ସାହନ ଦିଅନ୍ତୁ, ମେଡ୍ ଇନ୍ ଇଣ୍ଡିଆ ଉତ୍ପାଦ ବ୍ୟବହାର କରନ୍ତୁ।

ପଞ୍ଚମ - ପ୍ରଥମେ ଭାରତ ଭ୍ରମଣ... ଯଥାସମ୍ଭବ ନିଜ ଦେଶକୁ ଦେଖନ୍ତୁ, ପ୍ରଥମେ ନିଜ ଦେଶକୁ ଦେଖନ୍ତୁ ନିଜ ଦେଶର ଭ୍ରମଣ କରନ୍ତୁ ଏବଂ ତା'ପରେ ବିଦେଶ ଆଡକୁ ଭ୍ରମଣରେ ଯାଆନ୍ତୁ ।

ଷଷ୍ଠ- ପ୍ରାକୃତିକ ଚାଷ ପାଇଁ କୃଷକମାନଙ୍କ ମଧ୍ୟରେ ସଚେତନତା ସୃଷ୍ଟି କରନ୍ତୁ। ଏହି ଧରିତ୍ରୀ ମାତାଙ୍କୁ ବଞ୍ଚାଇବା ପାଇଁ ଏହା ଏକ ବହୁତ ବଡ ଅଭିଯାନ ।

ସପ୍ତମ - ମିଲେଟ–'ଶ୍ରୀ ଅନ୍ନ'- ନିଜ ଜୀବନରେ ଅର୍ନ୍ତଭୁକ୍ତ କରନ୍ତୁ ଏବଂ ଏହାକୁ ଭଲ ଭାବରେ ଏହାର ପ୍ରଚାର ପ୍ରସାର କରନ୍ତୁ । ଆପଣ ଜାଣନ୍ତି, ଏହା ଏକ ସୁପରଫୁଡ୍ ।

ଅଷ୍ଟମ- ଫିଟନେସ, ଯୋଗ ହେଉ କି କ୍ରୀଡ଼ା, ଏହାକୁ ନିଜ ଜୀବନର ଅବିଚ୍ଛେଦ୍ୟ ଅଙ୍ଗ କରନ୍ତୁ। ଆଜି  ବହୁମୁଖୀ କ୍ରୀଡ଼ା କମ୍ପ୍ଲେକ୍ସର ମୂଳଦୁଆ ମଧ୍ୟ ରଖାଯାଇଥିଲା। ଏହାର ମଧ୍ୟ ସମ୍ପୃର୍ଣ୍ଣ ଲାଭ ନିଅନ୍ତୁ । 

ଏବଂ ନବମ - ଅତି କମରେ ଗୋଟିଏ ଗରିବ ପରିବାରର ହାତ ଧରି ରଖନ୍ତୁ । ଯେପର୍ଯ୍ୟନ୍ତ ଦେଶରେ ଜଣେ ଏମିତି କେହି ବ୍ୟକ୍ତି ନାହାନ୍ତି ଯାହାଙ୍କ ପାଖରେ ଗ୍ୟାସ୍ ସଂଯୋଗ, ବ୍ୟାଙ୍କ ଆକାଉଣ୍ଟ, ପକ୍କା ଘର କିମ୍ବା ଆୟୁଷ୍ମାନ କାର୍ଡ ନାହିଁ। ଆମେ ଆରାମରେ ବସିବୁ ନାହିଁ । ଭାରତରୁ ଦାରିଦ୍ର୍ୟ ଦୂରୀ କରିବା ଅତ୍ୟନ୍ତ ଜରୁରୀ । ଏହି ମାର୍ଗକୁ ଅନୁସରଣ କରି ମାତ୍ର ୫ ବର୍ଷରେ ୧୩.୫ କୋଟିରୁ ଅଧିକ ଲୋକ ଦାରିଦ୍ର୍ୟରୁ ମୁକୁଳିଛନ୍ତି। ଏହି ମାର୍ଗରେ ଚାଲିବା ଦ୍ୱାରା ଭାରତ ଦାରିଦ୍ର୍ୟ ଦୂର କରି ବିକଶିତ ହେବ ।

ସାଥିମାନେ,

ଆଜିର ଭାରତ ଏକ ମେଗା ସ୍କେଲରେ ସବୁକିଛି କରୁଛି । ତେଣୁ ଆପଣଙ୍କର ଭବିଷ୍ୟତ ବିଷୟକୁ ଆପଣ ଛୋଟ ଭାବିବା ଉଚିତ ନୁହେଁ । ଆପଣଙ୍କର ଉଭୟ ସ୍ୱପ୍ନ ଏବଂ ସଂକଳ୍ପ ବଡ଼ ହେବା ଉଚିତ୍ । ଏବଂ ମୁଁ ଆପଣଙ୍କୁ ଏହା କହିବାକୁ ଚାହେଁ, ଆପଣଙ୍କର ସ୍ୱପ୍ନ ହେଉଛି ମୋର ସଂକଳ୍ପ | ଆପଣ ଆପଣଙ୍କର ଚିନ୍ତାଧାରା, ନମୋ ଆପରେ ମଧ୍ୟ ଆପଣଙ୍କର ଧାରଣା ମଧ୍ୟ ଜାଣିପାରିବେ। ଏବଂ ବର୍ତ୍ତମାନ ମୁଁ ମଧ୍ୟ ହ୍ୱାଟସଆପରେ ଅଛି,  ଆପଣ ସେଠାରେ ମଧ୍ୟ ମୋ ସହିତ ସଂଯୋଗ  କରିପାରିବେ । ଯଦି ଆପଣ ଚାହିଁବେ, ତେବେ ଆପଣ ଆପଣଙ୍କର ରହସ୍ୟ ମଧ୍ୟ ବାଣ୍ଟି ପାରିବେ ଏବଂ ମୁଁ ପ୍ରତିଜ୍ଞା କରୁଛି ମୁଁ କାହାକୁ କହିବି ନାହିଁ ।

ସାଥିମାନେ,

ଜୀବନ ଏମିତି ହସିବ ଏବଂ ଥଟ୍ଟା କରିବା ସହିତ  ଚାଲିବା ଉଚିତ୍ । ଆପଣ ଖୁସି ରୁହନ୍ତୁ ଓ ସୁସ୍ଥ ରୁହନ୍ତୁ। ମୋର ଆପଣ ସମସ୍ତଙ୍କ ଉପରେ ପୂର୍ଣ୍ଣ ବିଶ୍ୱାସ ରହିଛି । ମନେରଖନ୍ତୁ, ସିନ୍ଧିଆ ସ୍କୁଲ କେବଳ ଏକ ଅନୁଷ୍ଠାନ ନୁହେଁ ବରଂ ଏକ ଐତିହ୍ୟ ଅଟେ।  ଏହା କେବଳ ସ୍ୱାଧୀନତା ପୂର୍ବରୁ ନୁହେଁ, ବରଂ ସ୍ୱାଧୀନତା ପରେ ମଧ୍ୟ ମହାରାଜା ମାଧୋ ରାଓଙ୍କ ସଂକଳ୍ପକୁ ଆଗକୁ ନେଇଛି। ବର୍ତ୍ତମାନ, ଏହାର ପତାକା ଆପଣଙ୍କ ହାତରେ ଅଛି। କିଛି ସମୟ ପୂର୍ବରୁ ସମ୍ମାନିତ ହୋଇଥିବା ଯୁବକମାନଙ୍କୁ ମୁଁ ଅଭିନନ୍ଦନ ଜଣାଉଛି । ପୁଣି ଥରେ ଭଲ ଭବିଷ୍ୟତ ପାଇଁ ସିନ୍ଧିଆ ସ୍କୁଲ ଏବଂ ସମସ୍ତ ଯୁବ ବନ୍ଧୁମାନଙ୍କୁ ଉନ୍ନତ ଭବିଷ୍ୟତ ପାଇଁ ଅନେକ ଅନେକ ଶୁଭେଚ୍ଛା ।

ଆପଣଙ୍କ ସମସ୍ତଙ୍କୁ ବହୁତ ବହୁତ ଧନ୍ୟବାଦ । ନମସ୍କାର!

*****

NS/SLP