0 4

ইন্তরনেসনেল ফিল্ম ফেস্তিবেল ওফ ইন্দিয়া(ইফফি)গী মরুওইবা শরুক অমা ওইরিবা ইন্দিয়ান পেনোরামাগীদমক খল্লবা ফিচর ফিল্ম ২৫ অমসুং নন-ফিচর ফিল্ম ২০ লাউথোক্লে। খল্লবা ফিল্মশিং নবেম্বর ২০-নবেম্বর ২৮,২০২৩ ফাওবা গৱাদা পাংথোক্কদৌরিবা ৫৪শুবা ইফফিদা উৎকনি।

ভারত সরকারগী ইনফোর্মেসন অমসুং ব্রোদকাস্তিং মিনিস্ত্রিগী নেসনেল ফিল্ম দিবলপমেন্ত কোওপরেসন্না শীনবা ইন্দিয়ান পেনোরামাগী পান্দমদি ইন্দিয়ান পেনোরামাগী চৎন-কাংলোনশিং অমসুং ফিবমশিংগা মরী লৈনবা অফবা মগুন লৈবা ফজবা ফিচর ফিল্মশিং অমসুং নন-ফিচর ফিল্মশিং খনবনি।

ভারতকী তোঙান-তোঙানবা মফমশিংদগী ফিল্মগী শক্নাইরবশিংনা শেম্বা জুরিশিংনা ইন্দিয়ান পেনোরামাগী ফিল্মশিং খল্লি।  ফিচর ফিল্মশিংগী জুরি মেম্বর ১২ অমসুং নন-ফিচর ফিল্মশিংগী জুরি মেম্বর ৬ মখোয় মখোয়গী চিয়ারপর্সনশিংনা লুচিংলি। মখোয়গী লনাই হৈথোই-শিংথোইবা শীজিন্নদুনা শক্নাইরবা জুরি পেনেলশিংনা অমতা ওইনা য়ানদুনা মরী লৈনবা কাংলুপশিংদা ইন্দিয়ান পেনোরামাগী ফিল্মশিং খনবনি।

ফিচর ফিল্মশিং

মেম্বর ১২না শাবা ফিচর ফিল্ম জুরি অসি মমিং লৈরবা দিরেক্তর, এক্তর অমসুং প্রদুসর শ্রী দোক্তর তি.এস. নাগাভরনানা চিয়ারপর্সন ওইরি। ফিচর জুরি অসিদা ফিল্মগা মরী লৈনবা শীনফমশিংগী মীওইশিং অমসুং তোঙান-তোঙানবা মমিং লৈরবা ফিল্মশিং দিরক্সন পীখ্রবা অমসুং পুথোকখ্রবা মখাগী মেম্বরশিং অসি য়াওরি:

1.   শ্রী এ. কার্তিক রাজা; সিনেমাতোগ্রাফর

2.   শ্রী অঞ্জন বোস; ফিল্ম দিরেক্তর অমসুং প্রদুসর

3.   শ্রীমতি দোক্তর ইরানি সমান্তা; ফিল্ম প্রদুসর অমসুং পাউমী

4.   শ্রী কে.পি ব্যাসন; ফিল্ম প্রদুসর, দিরেক্তর অমসুং স্কৃনরাইতর

5.   শ্রী কামলেস মিশ্রা; ফিল্ম দিরেক্তর অমসুং স্ক্রিপরাইতর

6.   শ্রী কিরন গান্তি; ফিল্ম ইদিতর অমসুং দিরেক্তর

7.   শ্রী মিলিন্দ লিলি; ফিল্ম দিরেক্তর অমসুং প্রদুসর

8.   শ্রী প্রদিপ কুরবাহ; ফিল্ম দিরেক্তর

9.   রামা বিজ; এক্তর

10.  শ্রী রোমী মৈতৈ; ফিল্ম দিরেক্তর

11.  শ্রী সঞ্জয় জাধব; ফিল্ম দিরেক্তর অমসুং সেনিমাতোগ্রাফর

12.  শ্রী বিজয় পান্দে; ফিল্ম দিরেক্তর অমসুং ইদিতর

ভারতকী ফিচর ফিল্ম ৪৯৮কী মনুংদগী ৫৪শুবা ইফফিগী ইন্দিয়ান পেনোরামা সেক্সন্দা উৎনবা ফিচর ফিল্ম ২৫ খনবনি। মখাগী ফিচর ফিল্মশিং অসিদা ভারতকী ফিল্ম উদোগকী তোঙান-তোঙানবা খেন্নবশিং অমসুং মহাওশিং মমি তারি।

ইন্দিয়ান পেনোরামা ২০২৩দা উৎনবা খল্লবা ফিচর ফিল্ম ২৫গী মমিং মখাদা পীরি:

অনন্দ একারসিনা দিরেক্সন পীবা ফিল্ম আত্তাম(মলায়ালম)না ইন্দিয়ান পেনোরামা ২০২৩গী  ফিচর ফিল্ম সেক্সনগী হৌদোকপগী ফিল্ম ওইনবা ফিচর ফিল্ম জুরিনা খল্লে।

নন-ফিচর ফিল্মশিং

মেম্বর ৬না শাবা নন-ফিচর ফিল্ম জুরি অসি শক্নাইরবা দোকুমেন্তরি ফিল্ম দিরেক্তর শ্রী অর্বিন্দ সিনহানা লুচিংলি। নন- ফিচর জুরি অসিদা ফিল্মগা মরী লৈনবা শীনফমশিংগী মীওইশিং অমসুং তোঙান-তোঙানবা মমিং লৈরবা ফিল্মশিং দিরক্সন পীখ্রবা অমসুং পুথোকখ্রবা মখাগী মেম্বরশিং অসি য়াওরি:

1.   শ্রী অর্বিন্দ পান্দে; ফিল্ম দিরেক্তর অমসুং অইবা

2.   শ্রী বোববী ৱাহেংবম; ফিল্ম দিরেক্তর অমসুং প্রদুসর

3.   শ্রী দিপ ভুয়ান; ফিল্ম দিরেক্তর

4.   শ্রী কামলেস উদাসি; ফিল্ম দিরেক্তর অমসুং প্রদুসর

5.   পাউসালি গাঙ্গুলি; এনিমেতর, ফিল্ম দিরেক্তর অমসুং স্কৃনরাইতর

6.   শ্রী বরুন কুরতকোতি; ফিল্ম দিরেক্তর

ভারতকী নন-ফিচর ফিল্ম ২৩৯ কী মনুংদগী ৫৪শুবা ইফফিগী ইন্দিয়ান পেনোরামা সেক্সন্দা উৎনবা নন-ফিচর ফিল্ম ২০ খনবনি। নৌনা খোঙদারক্লিবা অমসুং মমিং লৈরবা ফিল্ম মেকরশিংগী দোকুমেন্ত তৌবা, থিজিনবা, নুংঙাইহনবা ঙম্বগী শক্তি অমসুং হৌজিক্কী ভারতকী গুনশিং নন-ফিচর ফিল্মশিংগী পেকেজ অসিনা খুদম ওইরি।

ইন্দিয়ান পেনোরামা ২০২৩দা উৎনবা খল্লবা নন-ফিচর ফিল্ম ২০গী মমিং মখাদা পীরি:

লোংজম মীনা দেবীনা দিরক্সন পীবা ‘অন্দ্রো দ্রিমস’(মনিপুরি)নাইন্দিয়ান পেনোরামা ২০২৩গী  নন-ফিচর ফিল্ম সেক্সনগী হৌদোকপগী ফিল্ম ওইনবা নন-ফিচর ফিল্ম জুরিনা খল্লে।

সেনিমাগী কলাগী মতেংগা লোয়ননা ইনাকখুল্লবা ভারতকী নাৎ অমসুং চৎনবীশিং য়াওনা ভারতকী ফিল্মশিং য়োকখৎনবা ইন্তরনেসনেল ফিল্ম ফেস্তিবেল ওফ ইন্দিয়াগী শরুক অমা ওইনা ১৯৭৮তগী ইন্দিয়ান পেনোরামা হৌদোকখি। মসি হেক হৌদোকপদগী, চহি অমগী ভারতকী খ্বাইদগী ফবা ফিল্মশিং উৎনবা ইন্দিয়ান পেনোরামানা মপুংফানা কৎথোকখ্রে। ফিল্মগী কলা য়োকখৎনবা পান্দম অমগা লোয়ননা, ইন্দিয়ান পেনোরামা সেক্সনগী খল্লবা ফিল্মশিং, ভারত অমসুং মপান লৈবাকশিংদা পাংথোকপা ইন্তরনেসনেল ফিল্ম ফেস্তিবেলশিং, লৈবাক অনিগী মরক্তা পাংথোকপা কলচরেল একচেঞ্জ প্রোগ্রামশিংগী মখাদা পাংথোকপা ইন্দিয়ান ফিল্ম ৱিকস অমসুং মপান্দা লৈবাকশিংদা পাংথোকপা অখন্নবা ভারতকী ফিল্মশিংগী ফেস্তিবেলশিং অমসুং ভারত্তা পাংথোকপা অখন্নবা ইন্দিয়ান পেনোরামা ফেস্তিবেলশিংদা উৎকনি।

*****