மத்திய வர்த்தகம் மற்றும் தொழில்துறை அமைச்சகத்தின் , தொழில் மற்றும் உள்நாட்டு வர்த்தக மேம்பாட்டுத் துறை (டிபிஐஐடி), இந்திய தர நிர்ணய நிறுவனம் (பிஐஎஸ்) மற்றும் பங்குதாரர்களுடன் கலந்தாலோசித்து தரக் கட்டுப்பாட்டு ஆணையை (கியூசிஓ) அறிவிப்பதற்கான முக்கிய தயாரிப்புகளை அடையாளம் கண்டு வருகிறது. இது 318 தயாரிப்பு தரங்களை உள்ளடக்கிய 60 க்கும் மேற்பட்ட புதிய கியூ.சி.ஓக்களின் வளர்ச்சிக்கு வழிவகுத்தது. இது டிரம்ஸ் மற்றும் டின்களின் 7 தரங்களை உள்ளடக்கியது.

டிரம் என்பது தூள் அல்லது அரை திட அல்லது திரவத்தை பேக்கிங் செய்யப் பயன்படுத்தப்படும் உருளை வடிவ கொள்கலன் ஆகும். டிரம்கள் பொதுவாக திரவங்கள், அரை-திடப்பொருட்கள் மற்றும் தூள்களின் போக்குவரத்து மற்றும் சேமிப்பிற்குப் பயன்படுத்தப்படுகின்றன. தகரம் என்பது தகரம் பூசப்பட்ட தாள் உலோகத்தின் கொள்கலன் ஆகும், இது குறிப்பாக தூள் அல்லது அரை திட அல்லது திரவ வடிவத்தில் உணவுப் பொருட்களை பேக் செய்யப் பயன்படுகிறது. டிரம்கள் மற்றும் டின்கள் அடிப்படையில் பல்வேறு வகையான நச்சு, எளிதில் தீப்பற்றக்கூடிய மற்றும் ஆபத்தான பொருட்களை சேமிக்கவும் கொண்டு செல்லவும் பயன்படுத்தப்படுகின்றன. கழிவு மேலாண்மை, சுகாதாரம் மற்றும் உணவு சேவைகள் உள்ளிட்ட தொழில்களில் அவை பரவலாகப் பயன்படுத்தப்படுகின்றன. எனவே, எந்த வகையான கசிவுகள், கலப்படம் மற்றும் தீ சேதம் போன்றவற்றைப் பாதுகாக்க டிரம்ஸ் மற்றும் டின்கள் நல்ல தரமானதாக இருக்க வேண்டியது அவசியம்.

டிபிஐஐடி,  அக்டோபர் 20 அன்று டிரம்ஸ் மற்றும் டின்களுக்கான தரக் கட்டுப்பாடு உத்தரவு, 2023 ஐ அறிவித்துள்ளது.

தரமான பொருட்களை தயாரிப்பதன் முக்கியத்துவத்தை வலியுறுத்திய பிரதமர் திரு. நரேந்திர மோடி, "நமது மக்களின் திறன் மற்றும் நாட்டின் நம்பகத்தன்மையுடன், உயர் தரமான இந்திய தயாரிப்புகள் நீண்ட தூரம் பயணிக்கும்’’ என்று கூறியுள்ளார்.

இதன் தொடர்ச்சியாக, பிஐஎஸ், தொழில்துறை மற்றும் பிற பங்குதாரர்களுடன் இணைந்து டிபிஐஐடி தனது கட்டுப்பாட்டின் கீழ் உள்ள தொழில் துறைகளுக்கு நாட்டில் ஒரு தரக் கட்டுப்பாட்டு முறையை நிறுவும் பணி முறையில் உள்ளது. கியூ.சி.ஓ.க்கள் நாட்டின் உற்பத்தி தரத்தை மேம்படுத்துவதோடு மட்டுமல்லாமல், 'மேட் இன் இந்தியா' தயாரிப்புகளின் பிராண்ட் மற்றும் மதிப்பையும் அதிகரிக்கும். இந்த முன்முயற்சிகள், வளர்ச்சி சோதனை ஆய்வகங்கள், தயாரிப்பு கையேடுகள், சோதனை ஆய்வகங்களின் அங்கீகாரம் போன்றவற்றுடன் இணைந்து இந்தியாவில் ஒரு தரமான சுற்றுச்சூழல் அமைப்பை உருவாக்க உதவும்.

மேலும் விவரங்களுக்கு இந்த ஆங்கில செய்திக் குறிப்பை காணவும் https://pib.gov.in/PressReleasePage.aspx?PRID=1970007

----

ANU/AD/PKV/KPG