কমর্স অমসুং ইন্দস্ত্রী মন্ত্রালয়
DPIITনা ‘দ্রম অমসুং তিন’গী ক্বালিতী কন্ত্রোল ওর্দর থোকখ্রে
Posted On:
23 OCT 2023 1:20PM by PIB Imphal
কম্মর্স উমসুং ইন্দস্ত্রী মন্ত্রালয়গী দিপার্তমেন্ত ফোর প্রোমোসন ওফ ইন্দস্ত্রী অমসুং ইনত্ররনেল ত্রেদ (DPIIT)না ব্যুরো ওফ ইন্দিয়ন স্তেন্দর্দ (BIS) অমসুং অতোপ্পা স্তেকহোলদরশিংগা খন্ন-নৈনদুনা ক্বালিতী কন্ত্রোল ওর্দর (QCO) থোক্নবগীদমক্তা মরু ওইবা পোত্থোকশিং মশক খঙদোক্লি। মসিনা মরম ওইরগা প্রদক্ত স্তেন্দর্দ 318 মনুং চনবা অনৌবা QCO 60 শেম্বা হৌহনখ্রে। মসিগী মনুংদা দ্রম অমসুং তিনগী স্তেন্দর্দ 7 য়াওরি।
দ্রম অমসুং তিনশিং অসিদি মকুপ নত্ত্রগা সেমি সোলিদ/মহি পেক্কিং তৌবদা শিজিন্নবা সিলিন্দরগী মওং চেনবা কন্তেনর অমনি। দ্রমশিং অসিদি মহি, সেমি-সোলিদ অমসুং পাউদরশিং থম্নবা অমসুং পুথোক পুশিন তৌনবা অয়াম্বা মতমদা শিজিন্নৈ। তিন হায়বসিনা মকুপ, সেমি সোলিদ নত্ত্রগা মহিগী মওংদা লৈবা চিঞ্জাক্কী পোৎলমশিংবু পেক তৌনবগীদমক্তা শিজিন্নবা তিন-কোতেদ শীত মেতলগী কন্তেনর অমনি। দ্রম অমসুং তিন অসি তোক্সিক, মৈ য়াম্না থুনা চাকপা অমসুং খুদোংথীবা পোৎলম মখল কয়া থম্নবা অমসুং পুথোক পুশিন তৌবদা অয়াম্বা মতমদা শিজিন্নৈ। মখোয়শিং অসি ৱেস্ত মেনেজমেন্ত, হেল্থকেয়র অমসুং ফুদ সর্ভিসনচিংবা য়াওনা মখল কয়াগী ইন্দস্ত্রীশিংদা পাক শন্না শিজিন্নৈ। মরম অদুনা, অয়ুবা, পোৎ য়ানশিন্নবা অমসুং মৈনা চাক্তুনা মাঙবদগী কন্নবগীদমক্তা দ্রম অমসুং তিন অসি অফবা ক্বালিতীগী ওইবগী মথৌ য়াম্না তাই।
DPIITনা ওক্তোবর 20, 2023দা দ্রম অমসুং তিন (ক্বালিতী কন্ত্রোল) ওর্দর, 2023 থোকখ্রে, অমসুং মদুগী মনুং চনবশিং মখাদা পীরিঃ
মথং মনাও
|
ইন্দিয়ন স্তেন্দর্দ (IS)
|
ইন্দিয়ন স্তেন্দর্দকী তাইতল
|
1
|
13997:2014
|
দ্রম, লার্জ ওপন তোপ
|
2
|
1783 (পার্ত 1) :2014
|
দ্রম্স লার্জ, ফিক্স এন্দ – গ্রেদ A দ্রম
|
3
|
1783 (পার্ত 2) :2014
|
দ্রম্স লার্জ, ফিক্স এন্দ – গ্রেদ B দ্রম
|
4
|
2552:1989
|
স্তীল দ্রম (গাল্বানাইজ অমসুং অন-গাল্বানাইজ)
|
5
|
3575:1993
|
বিতুমেন দ্রম
|
6
|
916:2000
|
সোলিদ প্রদক্তকী স্ক্বার তিন
|
7
|
10325:2000
|
স্ক্বার তিন – ঘী, বানস্পতি, চানবা থাউ অমসুং বেকরীদা হাপ্নবগীদমক্তা কিলো নত্ত্রগা লিতর 15গী
|
প্রধান মন্ত্রী, শ্রী নরেন্দ্র মোদীনা ক্বালিতী লৈবা পোত্থোক পুথোকপদা মিৎয়েং চঙবগী মরু ওইবা ফোংদোক্লদুনা অসুম্না হায়খি, “ঐখোয়গী মীয়ামগী তৌবা ঙম্বগী মতিক অমসুং লৈবাক্কী মিংচৎ অসিনা মরম ওইরগা, ভারতকী তোপ ক্বালিতীগী পোত্থোকশিংনা মফম কয়াদা পাক শন্না শন্দোক্কনি। মালেমগী নুংঙাই য়াইফবদা মশক থোক্না মতেং পাংগদৌরিবা আত্মানির্ভর ভারতকী অশেংবা ইথিলদা তসেংনা ইকায় খুম্নবগী মতৌ অমসু মসিনা ওইরিবনি”।
চপ মান্নবা ইথিল অসিগী তুং ইন্দুনা, DPIITনা BIS, ইন্দস্ত্রী অমসুং অতোপ্পা স্তেকহোলদরশিংগা খুৎশম্নদুনা মখোয়গী মখাদা লৈবা লৈবাক্কী ইন্দস্ত্রীগী সেক্তরশিংগী ওইবা কন্ত্রোল রেজিম অমা শেম্নবা মিসন মোদতা থবক পায়খৎলি। QCOশিং অসিনা লৈবাক্কী মেন্যুফেকচরিং ক্বালিতী স্তেন্দর্দ হেন্না ফগৎহনবতা নত্তনা ‘মেদ ইন ইন্দিয়া’ পরদক্তশিংগী ব্রান্দ অমসুং ভেল্যুসু হেনগৎহনগনি। তেস্তিং লেব, প্রদক্ত মেনুএল শেমগৎপা, তেস্ত লেব এক্রেদিতেসন তৌবগী থবকশিংগা লোয়ননা মসিগী খোঙথাংশিং অসিনা ভারত্তা ক্বালিতী ইকোসীস্তেম অমা শেমগৎপদা তেংবাংগনি।
পোত্থোক অমা হেক্তগী ওইনা শেম্লিবা স্তেন্দর্দ অসি কেন্দ্র সরকারনা BIS কনফোর্মিতী এসেসমেন্ত রেগ্যুলেসন, 2018গী স্কিম-IIগী মখাদা লৈবা স্কিম-I অমসুং কম্পলসরী রেজিস্ত্রেসন ওর্দর (CRO)গী ক্বালিতী কন্ত্রোল ওর্দর (QCO)গী নোতিফিকেসনগী খুত্থাংদা থোকপা ওর্দর নত্ত্রবদি মশানা পাম্না ইঞ্জগদবনি। QCO নোতিফাই তৌবগী পান্দম অসিদি লৈবাক অসিদা শাবা পোত্থোকশিংগী ক্বালিতী হেনগৎহনবা, স্তেন্দর্দ নেম্বা পোত্থোকশিং ইম্পোর্ত তৌবদা অথিংবা থম্বা, মীওইবা, শা-ঙা নত্ত্রগা পাম্বী ঙাক শেনবা অমসুং ইনভাইরনমেন্ত তেক্ত কায়দনা থম্নবগীদমক্তা কঙলোন কায়বা ত্রেদ প্রেক্তিস থিংবনি।
QCO অসি ই-গেজেত থোকখিবা নুমিত্তগী থা তরুক্কী মতুংদগী চৎনবা হৌগনি। লৈবাক্কী স্মোল/মাইক্রো ইন্দস্ত্রী ঙাক-শেন্নবা, QCO, ইজ ওফ দুইং বিজনেস নীংথিনা চৎনহন্নবগীদমক্তা স্মোল/মাইক্রো ইন্দস্ত্রীশিংগীদমক্তা তাইম্লাইন কোমথোক্লি; স্মোল ইন্দস্ত্রীশিংদা অহেনবা থা অহুম অমসুং মাইক্রো ইন্দস্ত্রীশিংদা থা তরুক্কী মতম পীরি। মসিগী মথক্তা, মকুপ, মপং নত্ত্রগা মহি হাপ্পা দ্রম অমসুং তিন ভারত্তা ইম্পোর্ত তৌবদা একজেম্পসন খরসু পীরি।
QCO চৎনহল্লবা মতুংদা নন-BIS পোত্থোক শাবা, থম্বা অমসুং য়োনবা অসি BIS এক্ত, 2016গী মখাদা অথিংবা থম্লগনি। BIS এক্ত অসিবু থওইদবা মতমদা য়ামদ্রবদা চহি অনি ফাওবগী ফাদোক নত্ত্রগা অহানবা ওফেন্সকীদমক্তা য়ামদ্রবদা লুপা লাখ 2গী পেনালতী ফংগনি। অনিশুবা অমসুং মখা তারকপা ওফেন্সকী ওইনা, ফাইন অসি য়ামদ্রবদা লুপা লাখ 5 ফাওবা অমসুং পোত্থোক্কী মমলগী শরুক তরা ফাওবা হেনগৎকনি।
পোত্থোকশিং অসিগী QCO চৎনহনবা অসি কস্তমরশিংগী তেক্ত কায়দবা খক্কী নত্তনা মসিনা লৈবাক্কী মেন্যুফেকচরিং ক্বালিতী স্তেন্দর্দ হেনগৎহনগনি অমসুং স্তেন্দর্দ নেম্বা পোত্থোকশিংবু ভারত্তা ইম্পোর্ত তৌবদসু অথিংবা থমগনি। তেস্তিং লেব, প্রদক্ত মেনুএল শেমগৎপা, তেস্ত লেব এক্রেদিতেসন তৌবগী থবকশিংগা লোয়ননা মসিগী খোঙথাংশিং অসিনা ভারত্তা ক্বালিতী ইকোসীস্তেম অমা শেমগৎপদা তেংবাংগনি। মথক্তা পনখ্রিবা খোঙথাংশিং অসিগা লোয়ননা, ভারত সরকারনা অফবা ক্বালিতীগী ৱর্ল্দ ক্লাস পোত্থোক কয়া ভারত্তা শাবগী পান্দম থম্লি, অমসুং মসিনা ‘আত্মানির্ভর ভারত’ অমা শেম্বা হায়রিবা প্রধান মন্ত্রীগী মঙলানবুসু মঙফাওনহনগনি।
দ্রম অমসুং তিন (ক্বালিতী কন্ত্রোল) ওর্দর, 2023 অসি মসিদা য়েংবা য়াগনি।
***
(Release ID: 1970063)
Visitor Counter : 83