কেন্দ্রগী রেলৱে, কমুনিকেসনস, ইলেক্ত্রোনিক্স অমসুং ইনফোর্মেসন তেক্নোলোজী মন্ত্রী, ভারত সরকার, শ্রী অশ্বিনি বৈষ্ণবনা জম্মু অমসুং কাশ্মিরগী উপরাজ্যপাল মনোজ সিনহা, অসামগী মুখ্যমন্ত্রী শ্রী হিমন্তা বিস্ব সরমা অমসুং ত্রিপুরাগী মুখ্যমন্ত্রী প্রোফেসর (দা.) মনিক সাহগা লোয়ননা ঙসি ভিদিও কনফরেন্সিংগী থোংদা ত্রেন নম্বর 15617/15618 দুল্লাবচের্রা-গুৱাহাতি ত্রাই ৱীকলী ত্রেন, ত্রেন নম্বর 07688/07687 অগর্তলা - সবরুম দেমু ত্রেন, ত্রেন নম্বর 12514/12515 গুৱাহাতি - সিকন্দরাবাদ এক্সপ্রেস সিলচর (অসাম) ফাওবা এক্সতেন্দ তৌবা, ত্রেন নম্বর 12519/12520 কামখ্য –লোকমান্য তিলক এক্সপ্রেস অগরতলা (ত্রিপুরা) ফাওবা এক্সতেন্দ তৌবগী ফ্লেগ ওফ তৌখ্রে। জম্মু অমসুং কাশ্মিরদা বদগাম – বনিহাল ত্রেনদা অনৌবা বিস্তাদোম কোচসু ফ্লেগ ওফ তৌখি। ফ্লেগ ওফ থৌরম মনুংদা শক্নাইরবা কয়াসু ভিদিও কন্ফরেন্সিংগী থোংদা কনেক্ত তৌখি।

থৌরম অদুদা ৱা ঙাংলদুনা শ্রী অশ্বিনি বৈষ্ণবনা হায়খি, “হৌখিবা চহি মাপলদা, অৱাং নোংপোক রাজ্যশিং অমসুং জম্মু কাশ্মিরদা অহোংবা কয়া অমা লাক্লে অমসুং অহোংবা অসি গ্রাউন্দদা ময়েক শেংনা উবা ফংলি। প্রধান মন্ত্রীনা অৱাং নোংপোক লমদমদা 60রক হেন্না লাকখ্রে মদু মহাক্কী মমাংদা ভারতকী প্রধান মন্ত্রীশিংগী খোংচৎতগী হেল্লি। আর্তিকল 370 লৌথোক্লবা মতুং জম্মু অমসুং কাশ্মিরগী দিবলপমেন্ত খোংজেল য়াংখৎলে। হন্দক্তা, জম্মু অমসুং কাশ্মির রাজ্যদা G20 মীফমশিং পাংথোকখি। রেলৱেদসু, রিজন অনিমক অসিদা তোঙান তোঙানবা দিবলপমেন্ত প্রোজেক্তশিং পায়খৎপগী থবক চত্থরি। রেলৱেনা অৱাং নোংপোক্কীদমক লুপা করোর 10,269গী চহিগী বজেত এলোত তৌরে, মদু মমাংদা লুপা করোর 2122 ওইখি। অৱাং নোংপোক রাজ্যশিংদা রেলৱেগী  প্রোজেক্তশিং খোংজেল য়াংনা চত্থরি। অৱাং নোংপোক্কীদমক বন্দে ভারত ত্রেন অনিসু থৌরাং তোরে। জম্মু অমসুং কাশ্মিরদা, চেনাব থোং, অঞ্জি থোংদা দিবলপমেন্তকী থবক মপুং ফানা লোইশিল্লে, শরুক খরা নত্তনা তনেলশিং মপুং ফানা লোইশিল্লে। রেলৱেনা অৱাং নোংপোক রাজ্যশিংগী ওবরওল ত্রান্সফোর্মেসনগীদমক থবক তৌরি।”

থৌরম অদুদা ৱা ঙাংলদুনা জম্মু অমসুং কাশ্মিরগী উপরাজ্যপাল মনোজ সিনহানা হায়খি, “বনিহাল অমসুং বদগামগী মরক্তা বিস্তাদোম কোচ অসি য়ুনিয়ন তেরিতোরী অসিগী দিবলপমেন্তদা রোলৱেগী অচৌবা খোংথাং অমনি। নিংথিজনা দিজাইন তৌরবা বিস্তাদোমনা মশিং য়াম্লবা লমকোইবশিংগী পুক্নিং চিংশিল্লগনি।” মহাক্না হায়খি মদুদি হন্দক্কী মতম খরদা তুরিজমদা অচৌবা ইনোৎ ফংলে অমসুং হৌজিক অনৌবা কোচনা লমদম অসিগী দিবলপমেন্তদা মখা তানা পুক্নিং থৌগৎলগনি।

ত্রিপুরাগী মুখ্যমন্ত্রী প্রোফেসর (দা.) মনিক সাহনা হায়খি, “রাজ্যদা রেল কনেক্তিবিতী হেনগৎহনবগীদমক ঐখোয়না প্রধান মন্ত্রী অমসুং রেলৱে মিনিস্তরবু থাগৎচরি। মসিনা মনুং হুঞ্জিনবা মফমশিংদা কনেক্তিবিতী হেনগৎহল্লগনি অমসুং রাজ্যদা ত্রেদ অমসুং তুরিজমদা ইনোৎ পীরগনি।”

থৌরম অদুদা ৱা ঙাংলদুনা অসামগী মুখ্যমন্ত্রী শ্রী হিমন্তা বিস্ব সরমানা হায়খি, “প্রধান মন্ত্রীনা ওফিস পায়রবা মতুংদগী জম্মু অমসুং কাশ্মির অমসুং অৱাং নোংপোক রাজ্যশিংগী দিবলপমেন্তদা পুক্নিং চংলি। মসি মরুওইবা নুমিৎ অমনি মদুদি হৌজিক অসামদা ত্রেন অমবু এক্সতেন্দ তৌদুনা বরাক ভেল্লী ফাওবা য়ৌহল্লে, ত্রেন অমনা অগরতলা ফাওবা এক্সতেন্দ তৌরে, দুলাবচের্রাগী মনুং হুঞ্জিনবা মফমদা ত্রেন অমা হৌদোক্লে। ইনিসিয়েতিব অসিগীদমক ঐহাক্না প্রধান মন্ত্রী অমসুং রেলৱে মন্ত্রীবু থাগৎচরি।”

ত্রেন নম্বর 12514/12515 গুৱাহাতি-সিকন্দরাবাদ এক্সপ্রেস (চয়োলগী) সিলচর (অসাম) ফাওবা এক্সতেন্দ তৌবনা বরাক ভেল্লী (সিলচর) অমসুং সিকন্দরাবাদগী মরক্তা দাইরেক্ত কনেক্তিবিতী লৈহল্লগনি। মসিনা লৱার অসাম অমসুং বরাক ভেল্লীগা তাইনবা মফমশিংগী মীয়ামদা কানহল্লগনি। ত্রেনগী রেগুলর সর্বিস 21.10.2023 (থাংজ)দগী সিকন্দরাবাদতগী হৌগনি।

ত্রেন নম্বর 15617/15618 দুল্লাবচের্রা-গুৱাহাতি ত্রাই ৱীকলী ত্রেন (গুৱাহাতিদগী লমথাবা – নিংথৌকাবা, য়ুমশকৈশা, থাংজ অমসুং দুল্লাবচের্রাদগী লমথাবা – লৈবাকপোকপা, শগোলশেল অমসুং নোংমাইজিং) হৌদোকপনা দুল্লাবচের্রাগী মনুংহুঞ্জিনবা মফম অমসুং গুৱাহাতিগী মরক্তা দাইরেক্ত কনেক্তিবিতী ফংহন্দুনা দুল্লাবচের্রাগী মহৈরোইশিং, বিজিনেস তৌরিবশিং অমসুং ত্রেদরশিং কানবা ফংহল্লগনি।

ত্রেন নম্বর 12519/12520 কামখ্য – লোকমান্য তিলক এক্সপ্রেস (হপ্তাগী) অগরতলা (ত্রিপুরা) ফাওবা এক্সতেন্দ তৌবনা ত্রিপুরাগী কোনুং অমসুং মুম্বাইগী মরক্তা দাইরেক্ত ত্রেন সর্বিস লৈহল্লগনি। মসিনা লমদম অসিদা লৈরিবা মীওইশিং, ত্রেদরশিং অমসুং লায়েংনবগীদমক মুম্বাইদা চৎপা ত্রিপুরাদা লৈরিবা অনাবশিংদা কানবা ফংহল্লগনি। অগরতলা ফাওবা ত্রেনগী রেগুলর সর্বিস লোকমান্য তিলক তর্মিনসতগী 22.10.2023 (নোংমাইজিং)দগী হৌগনি।

ত্রেন নম্বর 07688/07687 অগরতলা - সবরুম দেমু ত্রেন হৌদোকপনা রাজ্যগী মনুং হুঞ্জিনবা মফমশিংগী মীয়ামদা কানবা ফংহল্লগনি অমসুং রাজ্যগী কোনুং অগরতলাগা কনেক্তিবিতী হেনগৎহল্লগনি। মসিনা রাজ্যদা তুরিজমসু চাউখৎহল্লগনি।

ত্রেন নম্বর 04688/04687 বদগাম-বনিহাল ত্রেনদা বিস্তাদোম কোচ হৌদোকপনা রাজ্যদা তুরিজম হেনগৎলগনি অমসুং পেসেঞ্জরশিংদা নিংশিংনিঙাই ওইরবা খোংচৎকী এক্সপরিয়েন্স ফংহল্লগনি।

***