কমর্স অমসুং ইন্দস্ত্রী মন্ত্রালয়

হিংবদা লাইবা হেনগৎহন্নবা অমসুং ললোন-ইতিক লাইহন্নবা খুদম ওইনা পীবা য়াবা ৱারেপ লৌবদা পি.এম গাতিশক্তিগী থৌদাং কম্মর্স অমসুং ইন্দস্ত্রিগী য়ুনিয়ন মিনিস্তর শ্রী পিয়ুস গোয়ালনা ফোঙদোকখ্রে


লোজিস্তিক্সকী থবকশিং ফগৎনবা কস্তমস ওপরেসন ফজনা পাংথোক্নবা পি.এম গাতিশক্তি পীজিন্নবা উৎনবা ‘পি.এম গাতিশক্তিদা সি.বি.আই.সিগী থৌদাং’ হায়বা হিরমদা ত্রেনিং মোদুল শ্রী গোয়ালনা হৌদোকখ্রে

পি.এম গাতিশক্তি নেসনেল মাস্তর প্লান্দা কেপাসিতি হেনগৎহন্নবা দিজিতেল লার্নিং রিছোর্সশিং শেমগৎনবা দি.পি.আই.আই.তিনা ৱার্কশোপ পাংথোকখ্রে

Posted On: 19 OCT 2023 4:30PM by PIB Imphal

হিংবদা লাইবা হেনগৎহন্নবা অমসুং ললোন-ইতিক লাইহন্নবা খুদম ওইনা পীবা য়াবা ৱারেপ লৌবদা অমসুং মরুওইবা প্রোজেক মশক খঙদোকপদা পি.এম গাতিশক্তিগী থৌদাংগী মতাংদা কম্মর্স অমসুং ইন্দস্ত্রি, কঞ্জুমর এফেয়ার্স, ফুদ অমসুং পব্লিক দিস্ত্রিবিউসন অমসুং তেক্সতাইলগী য়ুনিয়ন মিনিস্তর শ্রী পিয়ুস গোয়ালনা ফোঙদোকখ্রে। কেপাসিতি বিল্দিং কম্মিসন(সিবিসি)গা খুৎশম্নদুনা দিপার্তমেন্ত ফোর প্রোমোসন ওফ ইন্দস্ত্রি এন্দ ইন্তরনেল ত্রেদ(দিপিআইআইতি)না শীন্দুনা ঙরাং পাংথোকখিবা পি.এম গাতিশক্তি নেসনেল মাস্তর প্লান্দা কেপাসিতি হেনগৎহন্নবা দিজিতেল লার্নিং রিছোর্সশিং শেমগৎনবা ৱার্কশোপদা মিনিস্তরনা হায়খি মল্তিমোদাল ইনফ্রাস্ত্রকচর অমসুং লোজিস্তিক্স ফগৎনবা পি.এম গাতিশক্তি পাক-শন্না শীজিন্ননবা দেতাদা য়ুম্ফম ওইবা ত্রেনিং অমসুং কেপাসিতি বিল্দিং অসি য়াম্না মরুওই।

লোজিস্তিক্সকী থবকশিং ফগৎনবা কস্তমস ওপরেসন ফজনা পাংথোক্নবা পি.এম গাতিশক্তি পীজিন্নবা উৎনবা ‘পি.এম গাতিশক্তিদা সি.বি.আই.সিগী থৌদাং’ হায়বা হিরমদা ত্রেনিং মোদুল অমসু শ্রী গোয়ালনা হৌদোকখি। ৱার্কসোপ অদুদা সি.বি.সিগী চিয়ারমেন শ্রী অদিল জাইনুলভাই; স্পিসিএল সেক্রেতরি(লোজিস্তিক্স), দি.পি.আই.আই.তি শ্রীমতি সুমিতা দৌরা অমসুং সি.বি.সিগী মেম্বর শ্রী প্রভিন পর্দেসি শরুক য়াখি।

 

স্পিসিএল সেক্রেতরি(লোজিস্তিক্স),দি.পি.আই.আই.তিনা হায়খি পি.এম গাতিশক্তিগী অওনবশিংনা মিনিস্ত্রিশিং/দিপার্তমেন্তশিং অমসুং রাজ্যশিং/য়ু.তিশিংনা অচৌবা ইনফ্রাস্ত্রকচর প্রোজেকশিং মপুংফানা থৌরাং তৌবা ঙমহল্লে। মীয়ামগী য়াইফনবা পায়খৎপা থবকশিংদা লুপা করোর লাখ ১০গী য়াম্লবা শেনফম অমা থাগনি।

পি.এম গাতিশক্তি ৱাখল্লোনশিং উৎনবা অপুনবা ৱার্কশোপতা শরুক য়াখিবা সি.তি.আইশিং, স্তেৎ এ.তি.আইশিং, সেন্ত্রেল মিনিস্ত্রিশিং অমসুং উদোগকী অখঙ-অহৈশিং সি.বি.সিগী চিয়ারমেন্না থাগৎপা ফোঙদোকখি।

পি.এম গাতিশক্তিগী ৱাখল্লোনশিংগী মতাংদা সরকারগী ওফিসিএলশিংদা চাংনাইনা ত্রেনিং পীবা; মনুংগী মচাকশিং খঙহনবা, ইনফ্রাস্ত্রকচর অমসুং লোজিস্তিক্স চাউখৎহন্নবা অমসুং থৌরাং তৌনবা পি.এম গাতিশক্তি শীজিন্ননবা অখন্নবা ত্রেনিং মোদুলশিং শেম্নবা ৱার্কশোপ অদুনা মীৎয়েং চঙখি। ত্রেনিং মোদুলশিং অদুদা সি.তি.আইশিং অমসুং স্তেৎ এ.তি.আইশিংগী ফাউন্দেসন/ইন্দক্সন/মিদ কেরিয়র মোদুলশিং য়াওরি অমসুং লোজিস্তিক্স সেক্তরদা দেতাদা য়ুম্ফম ওইবা ৱারেপ লৌনবা ওফিসারশিংদা খঙহনখি।

ৱার্কশোপ অদু সেসন অনি থোক্না পাংথোকখি। অহানবা সেসন্দা চাউখৎলবা ভারত অমগীদমক সি.তি.আইশিং অমসুং স্তেৎ এ.তি.আইশিংগী করিকুলমদা পি.এম গাতিশক্তি শীজিন্নবগী মতাংদা খন্ন-নৈনবা অমা পাংথোকখি। অনিশুবা সেসন্দা কাংলুপ মরি থোক্নবা খায়দোক্তুনা সেক্তরগী অখন্নবা ত্রেনিংগী দরকার ওইবশিং অমসুং কোর্সকী মচাক অমসুং থবক ওইনা পাংথোক্নবা ঙাক্লৌগী মতাংদা খন্ন-নৈনবা পাংথোকখি।

ৱার্কশোপতা খন্নখিবা মরুওইবা ৱাফমশিং:

  • পি.এম গাতিশক্তিগী থবক ফগৎহন্নবা ইন্দক্সন-লেবেলদা দম্মি দেতা-বেজ এপ্লিকেসন মোদুলশিং শীজিন্নবা ফংহনবা।
  • সিমুলেসন-বেজ লার্নিংগীদমক ইন্দক্সন লেবশিং লিংখৎপা।
  • ওফিসারশিং ত্রেনিং পীনবা পি.এম গাতিশক্তিগী ফিদমশিং পুনশিন্দুনা দিজিতেল কোর্সশিং শেমগৎপা।
  • হৌজিক সি.তি.আইশিং অমসুং স্তেৎ এ.তি.আইশিংদা লৈরিবা কোর্সশিং IgoT প্লেতফোর্মদা দিজিতেল কোর্সশিংদা ওন্থোকপা।
  • এ.আই, ব্লোকচেন অমসুং অতোপ্পা চাউখৎলবা তেক্নোলোজিশিং শীজিন্নদুনা স্পাসিয়েল ত্রান্সফোর্মেসন প্লানশিং/প্রিদিক্তিব প্লানশিং শেমগৎনবা ত্রেনিং পীনবা খুদোংচাবশিং মশক খঙদোকপা।

সেন্ত্রেল ত্রেনিং ইন্সতিতুৎশিং অমসুং স্তেৎ এদমিনিস্ত্রেতিপ ত্রেনিং ইন্সতিতুৎশিংদা পি.এম গাতিশক্তিগী মতাংদা চাংনাইনা ত্রেনিং পাংথোক্নবা অমসুং কেপাসিতি বিল্দিংগী কোর্সশিং পাংথোক্নবা ‘পি.এম গাতিশক্তি নেসনেল মাস্তর প্লান্দা কেপাসিতি হেনগৎহন্নবা দিজিতেল লার্নিং রিছোর্সশিং শেমগৎনবা’ অপুনবা ৱার্কশোপ অমা ঙরাং দি.পি.আই.আইতি অমসুং সি.বি.সিনা শীন্দুনা পাংথোকখ্রে।

লাল বহাদরু শাস্ত্রি নেসনেল একাদেমি ওফ এদমিনিস্ত্রেসন, নেসনেল একাদেমি ওফ ইন্দিয়ান রেলৱেজ; মহারাস্ত্রা রিমোত সেন্সিং এপ্লিকেসন সেন্তর, হরিয়ানা ইন্সতিতুৎ ওফ পব্লিক এদমিনিস্ত্রেসন, মরী লৈনবা মিনিস্ত্রিশিং/দিপার্তমেন্ত অমসুং সি.বি.সিনা শকখঙলবা এজেন্সিশিংগী মীহুৎশিং ৱার্কশোপ অদুদা শরুক য়াখি।

জিলা অমসুং ব্লোক থাক্তদা শেন-থুম অমসুং খুন্নাইগী ইনফ্রাস্ত্রকচরগী থৌরাং তৌনবা মখা তানা পি.এম গাতিশক্তি অসি এস্পিরেসনেল ব্লোক প্রোগ্রামদা পুনশিল্লে। সি.তি.আইশিং অমসুং এ.তি.আইশিংনা রিছোর্স সেন্তরশিং ওইনা থবক তৌগনি অমসুং মফম অমা চাউখৎনবা থৌরাং তৌবদা পি.এম গাতিশক্তি এম.এন.পি মপুংফানা শীজিন্নগনি।

নেসনেল লোজিস্তিক্স পোলিসগী লোজিস্তিক্স হুমেন রিছোর্স শেমগৎনবা অমসুং কেপাসিতি বিল্দিংগীদমক ৱার্কশোপ অসি পাংথোকপনি। অতোপ্পা থবকশিংদা মখাদা পীরি:

  • হৌজিক চৎথরিবা করিকুলমদা পি.এম গাতিশক্তি হাপচিন্নবা সি.আই.আইশিং অমসুং স্তেৎ এ.তি.আইশিং ৱাখল তাহন্নবা সি.আই.আইশিং অমসুং স্তেৎ এ.তি.আইশিংগা লোয়ননা ওগস্ত ৪, ২০২৩দা ৱেবিনার অমা পাংথোকখ্রে। হৌজিক ফাওবদা সি.তি.আই ১৭ অমসুং স্তেৎ এ.আই.আই ১৯ নোদেল  ওফিসারশিং হাপখ্রে।
  • লোজিস্তিক্সতা কেপাসিতি বিল্দিংগী মতাংদা দি.পি.আই.আই.তি অমসুং গাতি শক্তি বিশ্ববিদ্যলয়গী মরক্তা এম.ও.য়ু অমা ওক্তোবর ৪,২০২৩দা খুৎয়েক পীনখ্রে।

ওক্তোবর ১৩,২০২৩দগী পি.এম গাতিশক্তি হেক হৌদোকপদগী, ভারত সরকারগী মিনিস্ত্রি ৩৯ অমসুং রাজ্য/য়ু.তি ৩৬ পি.এম গাতিশক্তি প্লেতফোর্মদা য়াওরে। শিংথানিঙাই ওইরবা থবকশিং পাংথোকখ্রে অমসুং জাতি অমসুং মালেমগী তোঙান-তোঙানবা ফোরমশিংদা উৎখ্রে। উৎখিবশিংগী মনুংদা কেবারিদা ৩শুবা ত্রেদ এন্দ ইনভেস্তেমেন্ত ৱার্কিং গ্রুপতা ত্রেদ ইনফ্রাস্ত্রকচরগী জি-২০ সেমিনার, বি-২০, রিজনেল কোওপরেসন আমসুং জর্জিয়াদা ইন্তেগ্রেসন কনফরেন্সতা একজিবিসন অমসুং লৈবাক শীনবা থুংনা রিজনেল ৱার্কশোপ ৫ য়াওরি। মসিগী মাঙজিল থাবা থবক অসি নেপাল, জপান অমসুং ভিয়েতনাম য়াওনা লৈবাক কয়াগী পুক্নিং চিংশিল্লে। সেন্ত্রেল মিনিস্ত্রিশিং অমসুং রাজ্যশিং/য়ু.তিশি অনিমক্না পি.এম গাতিশক্তি মাইপাকপশিংগী ৱারিশিংগী ‘পি.এম গাতিশক্তিগী খোমজিনবা লাইরিক’ অমা ফোঙখ্রে।

***



(Release ID: 1969519) Visitor Counter : 64