کوئلے کی وزارت کا مقصد کوئلے کی پیداوار کو بڑھانا اور ملک کی تیزی سے بڑھتی ہوئی معیشت کے لیے کوئلے کی مناسب دستیابی کو یقینی بنانا ہے۔ وزارت کی کوششوں کے نتیجے میں، گزشتہ پانچ برسوں کے دوران کوئلے کی کل کھپت میں درآمدات کا حصہ 26 فیصد سے کم ہو کر 21 فیصد ہو گیا۔ پھر بھی بھارت  بھاری زرمبادلہ کے اخراج کو خرچ کرکے سالانہ 200 ملین ٹن  سے زیادہ کوئلہ درآمد کر رہا ہے۔ پچھلے سال بھارت  نے 3.85 لاکھ کروڑ روپے سے زیادہ  کوئلے کی درآمد پرخرچ کیے تھے۔   بھارت  میں کوئلے کے چوتھے بڑے ذخائر ہیں۔ اس لیے گھریلو  پیداوار کو بڑھانا دانشمندی ہے تاکہ درآمدی انحصار کو کم کیا جا سکے۔

ملک کے کوئلے کے حامل علاقے جنگلات سے بھرپور جغرافیائی علاقوں میں واقع ہیں۔ اگرچہ حکومت ہند جنگلات کے تحفظ اور حفاظت  کے لیے پرعزم ہے، تاہم، معیشت کی ضرورت اور توانائی کی مانگ کو  مدنظر رکھتے ہوئے زیادہ سے زیادہ کوئلے کی کانوں کو سرگرم کرنے کی ضرورت ہے۔ اس کے ساتھ ہی، کوئلہ کی وزارت جنگلات کے تحفظ کے بارے میں گہرا جذبہ رکھتی ہے، اس لیے صرف  کم از کم  مطلوبہ جنگلاتی رقبہ کا رخ موڑ دیا جاتا ہے اور کھوئے ہوئے جنگلاتی رقبے کے لیے دوگنا  معاوضہ دیا جاتا ہے۔

کسی بھی کوئلے کی کان کو چلانے کے لیے، دیگر قانونی منظوریوں کے علاوہ مطلوبہ ماحولیاتی کلیئرنس (ای سی) حاصل کرنا لازمی ہے۔ اگر کوئلے کے بلاک کے کچھ حصے میں جنگلات کی زمین شامل ہے، تو پھر اسے کام کاج میں لانے سے  جنگلاتی تحفظ ایکٹ کے تحت منظوری حاصل کرنی ہوگی۔ کسی بھی منظوری سے پہلے سخت رہنما خطوط، اصول اور اعلیٰ معیارات پرعمل آوری  لازمی ہے۔

 کوئلہ کی وزارت نے ہمیشہ ماحولیات، جنگلات اور آب وہوا کی تبدیلی کی وزارت( ایم او ای ایف سی سی) اور ریاستی حکومتوں کی سفارشات کو مدنظر رکھا ہے۔ ماحولیات، جنگلات اور آب وہوا کی تبدیلی کی وزارت( ایم او ای ایف سی سی ) کی تجاویز کو نظر انداز کرتے ہوئے کوئلے کی کان کی نیلامی تک نہیں کی گئی۔ مثال کے طور پر، لیمرو ہاتھی راہداری کے تحت آنے والی کوئلے کی کانوں کو ڈی نوٹیفائی کرنے کی چھتیس گڑھ حکومت کی درخواست کو قبول کر لیا گیا ہے۔ کول انڈیا لمیٹڈ (سی آئی ایل) کی کوئلہ کانیں بھی تیار نہیں کی جا رہی ہیں اور کیپٹیو کول بلاکس کو بھی نیلامی کے دائرے سے باہر رکھا گیا ہے۔ چھتیس گڑھ حکومت کی درخواست پر ‘لیمرو ہاتھی راہداری’ سے باہر کے علاقوں کو بھی چھوٹ دینے پر غور کیا گیا ہے۔ چھتیس گڑھ کے تقریباً 10 فیصد ریزرو والے 40 نئے کوئلہ بلاکوں  کوئلے کی کانکنی سے باہر رکھنے کا فیصلہ کیا گیا ہے۔ ہسدیو-ارند کول فیلڈ میں پڑنے والی نو کوئلے کی کانوں کو بھی کول بلاکس کی نیلامی کو آنے والے  دور کے لیے باہر رکھا گیا ہے۔ اسی طرح تین لگنائٹ کانوں کو مزید نیلامی کے عمل سے خارج کرنے کی حکومت تمل ناڈو کی درخواست کو بھی قبول کر لیا گیا ہے۔ کوئلہ کی وزارت کے یہ فیصلے واضح طور پر ہماری ذمہ داری کی نشاندہی کرتے ہیں کہ ہم جنگلات کے علاقوں کو نیلامی میں لانے کے صنعت کے مطالبات کے باوجود تحفظ فراہم کریں۔

وزارت اس حقیقت سے آگاہ ہے کہ زیر زمین کوئلے کی کانکنی کو فروغ دینے سے ماحولیات کے تحفظ میں مدد مل سکتی ہے۔ اس کے مطابق زیر زمین کوئلے کی کانکنی کو فروغ دینے کے لیے پالیسی کی منظوری دی گئی ہے۔ مسلسل کان کنوں کی تعیناتی، اونچی دیوار اور لمبی دیوار کے ذریعے ٹیکنالوجی کے استعمال کو فروغ دیا گیا ہے۔ ماحولیات، جنگلات اور آب وہوا کی تبدیلی کی وزارت ( ایم او ای ایف سی سی) نے زیرزمین کانوں کے لیے زرعی جنگلات کی ضرورت سے استثنیٰ کی بھی اجازت دی ہے۔ پرائیویٹ سیکٹر کے ذریعے کانوں کو چلانے میں، زیر زمین کان کنی میں دلچسپی کو راغب کرنے کے لیے ترغیبی التزامات  پر غور کیا جا رہا ہے۔

کوئلہ کی وزارت کی رہنمائی میں، کوئلہ/لگنائٹ  سرکاری  سیکٹر کی کمپنیوں نے پائیدار اور ماحول دوست اقدامات کے لیے قابل ذکر پیش رفت کی ہے۔ قابل ذکر بات یہ ہے کہ انہوں نے مالی سال 2019-2018  سے مالی سال 2024-2023  تک تقریباً 12,358 ہیکٹر رقبے پر 265 لاکھ سے زیادہ پودے لگا کر کامیابی کے ساتھ سبزہ زار میں اضافہ کیا ہے۔ صرف مالی سال 2024-2023  میں ان کمپنیوں نے 2,734 ہیکٹر پر محیط 51 لاکھ پودے لگا کر اپنے ہدف  کو پار کیا۔ انہوں نے گزشتہ پانچ سالوں میں پندرہ ایکو پارکس اور کانکنی کے سیاحتی مقامات بھی تیار کیے ہیں، جن میں سات مقامی سیاحتی سرکٹ میں ضم کیے گئے ہیں اور پائیدار سیاحت اور ماحولیاتی تحفظ کو فروغ دینے کے لیے کوئلے کی کانکنی والے علاقوں میں مزید 19 کے منصوبے ہیں۔ درحقیقت مرکزی سیکٹر کی کمپنیوں کی جانب سے غیر جنگلات سے پاک زمین پر شجر کاری کی گئی، اب اسے مستقبل میں معاوضہ دینے والے جنگلات کے لیے لینڈ بینک کے طور پر استعمال کرنے کی اجازت ہے، اس کے مطابق 2800 ہیکٹر سے زیادہ جنگلاتی اراضی تسلیم شدہ معاوضہ دار جنگلات کے لیے پیش کی گئی ہے۔

وزارت کوئلہ کا مقصد ملک میں کوئلے کی پیداوار کو زیادہ سے زیادہ کرنا ہے لیکن یہ کام  ماحولیات کو ہونے والے سنگین نقصان کی قیمت پر نہیں ہوسکتا ہے۔ ماحول دوست طور طریقوں کو اپناتے ہوئے اور گھنے جنگلاتی رقبے میں آنے والی کانوں کو چھوڑ کر، وزارت کوئلہ نے ماحول کے تحفظ اور ملک میں کوئلے کی پیداوار میں اضافہ کے درمیان صحیح توازن قائم کرتے ہوئے کوئلے کی کانوں کو  مختص کرنےکے لیے ایک شفاف اور منصفانہ عمل اپنایا ہے۔

*************

ش ح۔ م ع۔ رض

U. No. 03