Ka Cabinet Committee on Economic Affairs, ba la khlieh da u Myntri Rangbah Duh, u Narendra Modi ka la mynjur ia ka jingkyntiew ia ki Minimum Support Price (MSP) na ka bynta ki jingthung Rabi na ka bynta ka samoi pyniaid iew 2024-25.

Ka Sorkar ka la kyntiew ia ka MSP na ka bynta ki jingthung Rabi na ka bynta ka samoi pyniaid iew 2024-25, ban pynthikna ka jingioh ia ka dor kaba biang ia kine ki mar rep. Ka jingkyntiew MSP kaba heh tam ka dei ia ki lentil (masur) kaba long T.425 shi quintal ba la bud da ki rapeseed & mustard ha ka dor T.200 shi quintal. Na ka bynta u kew bad safflower, la mynjur ia ka jingkyntiew ka MSP sha ka T.150 shi quintal. Ka jingkyntiew ia u kew barley ka long T.115 shi quintal bad T.105 shi quintal ia u shana.

Ki Minimum Support Price ia baroh ki jingthung Rabi na ka bynta ka samoi pyniaid iew 2024-25

(T. Shi quintal)

* Kane ka mut ka dor ba kynthup lang ia baroh ki jinglut jingsep kum ka jingsiew bai nongbylla, bai pyndonkam ia ki muid / ki kor, ka bai wai jaka, ka jinglut jingsep na ka bynta ki symbai, ki dawai sboh, ki bai pynpoi um, ka jingjulor ki tiar ba pyndonkam ha ka rep ka riang bad ki jingshna, ka sut halor ka bai seng, ka bai diesel / petrol haba pyndonkam ia ki pump bad kiwei kiwei ki kor, kiwei kiwei ki jinglut jingsep bad ka jingkhein ia ka bai bylla haba trei hi da ki bahaiing.

Ka jingkyntiew ia ka MSP na ka bynta ki mar rep Rabi na ka bynta ka samoi pyniaid iew 2024-25 ka long katkum ka Mang Tyngka 2018-19 jong ka Sorkar Pdeng ha kaba la pynbna ia ka jingbuh ia ka MSP kaba kumno kumno 1.5 shah jong ka All-India weighted average Cost of Production. Ka jingantad ia ka jingiapher jong ka All-India weighted average Cost of Production ka long 102% ia u kew, 98% ia u rapeseed & mustard; 89% ia u lentil; 60% ia u shana; 60% ia u kew barley; bad 52% ia u safflower. Kane ka jingkyntiew ia ka MSP ia ki mar rep rabi kan pynthikna ka jingioh ki nongrep ia ki dor kiba biang bad kan kyntiew ia ka jingpyniar ia ki jait jingthung.

Ka Sorkar ka dang kyntiew ia ka jingpyniar ia ki mar rep sha ki oilseed, pulse bad shree anna/ki krai ban don ka jingshngain ha ki mar bam, kyntiew ia ka jingioh jong ki nongrep, bad pynduna ia ka jingshalan mar nabar ri. Ha ryngkat ka polisi kaba iadei bad ki dor, ka Sorkar ka la shim katto katne tylli ki sienjam kum ka National Food Security Mission (NFSM), Pradhan Mantri Krishi Sinchayee Yojana (PMKSY), bad ka National Mission on Oilseeds and Oil Palm (NMOOP) da ka jingthmu ban ai jingkyrshan pisa, ki symbai kiba bha bad ban pynshlur ia ki nongrep ba kin thung ia ki oilseed bad ki shana dai.

Shuh shuh, ban pyniar ia ki jingmyntoi jong ka skhim Kisan Credit Card (KCC) sha baroh ki nongrep ha ka ri, ka Sorkar ka la sdang ia ka Kisan Rin Portal (KRP), KCC Ghar Ghar Abhiyaan, bad ka Weather Information Network Data Systems (WINDS) khnang ban ioh ai jingtip ha ka por kaba biang shaphang ki jingkylla ka suinbneng khnang ba ki nongrep kin lah ban shim ia ki rai kiba iahap bad ki mar rep jong ki. Kine ki sienjam ki thmu ban pynkylla ia ka kam rep, kyntiew ia ka jingioh bynta ha ki kam pisa, kyntiew ia ka jingpyndonkam ia ki jingtip bad kyntiew ia ka jingim jong ki nongrep ha kylleng ka ri.

*****