نائب صدر جمہوریہ ہند اور راجیہ سبھا کے چیئرمین جناب جگدیپ دھنکھڑ نے آج نئی دہلی کے یشو بھومی میں نویں جی 20 پارلیمانی اسپیکر سربراہ اجلاس (پی 20) کے موقع پر شریک ممالک کے مندوبین کے لیے ظہرانے کا اہتمام کیا۔

ظہرانے میں جی 20 ممالک کے وفد کے مقررین اور سربراہان نے شرکت کی جنہوں نے 9 اجلاسوں میں شرکت کی تھی۔وہ پی 20 سربراہ اجلاس اور پارلیمانی فورم ، جس کی میزبانی پارلیمنٹ نے بین پارلیمانی یونین (آئی پی یو) کے تعاون سے نئی دہلی میں 12 سے 14 اکتوبر ، 2023  کے دوران کی۔

نائب صدر جمہوریہ نے آئی پی یو کے صدر عزت مآب جناب دوارٹے پچیکو سے بھی گفت و شنید کی جنہوں نے یشوبھومی میں ان سے ملاقات کی۔ تبادلہ خیال میں بین  پارلیمانی تعاون کی اہمیت اور پارلیمنٹیرینز کو عصر حاضر سے متعلق وسیع تر امور پر تبادلہ خیال کے لیے ایک پلیٹ فارم فراہم کرنے میں آئی پی یو کے کردار پر توجہ مرکوز کی گئی۔

­نائب صدر جمہوریہ نے پارلیمانی فورم اور پی 20 سربراہ اجلاس کے موقع پر ان سے ملاقات کرنے والے پارلیمانی وفود کا بھی استقبال کیا۔

اس سے ایک دن پہلے 13 اکتوبر کو جناب دھنکھڑ نے قومی اسمبلی کے اسپیکر جناب نعمان کرتلموس اور روس کے اسپیکر کی قیادت میں ترکیہ  کے پی-20 پارلیمانی وفد کا استقبال کیا تھا، جس کی قیادت روس کی وفاقی اسمبلی کی فیڈریشن کونسل کی اسپیکر محترمہ ویلینٹینا مٹوینکو نے کی تھی۔

نائب صدر جمہوریہ نے دونوں ممالک کے رہنماؤں کے ساتھ تفصیلی تبادلہ خیال کیا۔ دونوں رہنماؤں نے بھارت اور ان کے متعلقہ ممالک کے درمیان تاریخی ، ثقافتی اور عوامی سطح پر گرمجوش رابطے پر روشنی ڈالی اور دونوں ممالک کے مابین گہرے پارلیمانی تبادلوں کی اہمیت پر بھی زور دیا۔

اس سے قبل 12 اکتوبر کو نائب صدر نے سینیٹ کے صدر سینیٹر سو لائنز اور ایوان نمائندگان کے اسپیکر عزت مآب ملٹن ڈک پر مشتمل آسٹریلوی پارلیمانی وفد کا بھی استقبال کیا تھا۔ سلطنت عمان کی مجلس عوامی کونسل کے چیئرمین عزت مآب شیخ عبدالمالک الخلیلی نے بھی اسی دن نائب صدر جمہوریہ ہند سے اپ راشٹرپتی نواس میں ملاقات کی۔

دونوں ممالک کے عوام کے درمیان تعلقات کو مزید مستحکم کرنے کے لیے پارلیمانی تبادلوں میں اضافہ اور دونوں ممالک کے درمیان دیرینہ دوستانہ تعلقات دونوں شعبوں کا مرکزی نقطہ تھا۔

***

(ش ح – ع ا – ع ر)

U. No. 10817