ওক্তোবর 11-13, 2023 ফাওবা কম্পিতিসন কম্মিসন ওফ ইন্দিয়না (CCI)না শিন্দুনা পাঙথোখখিবা 8^শুবা BRICS ইন্তর্নেস্নেল কম্পিতিসন কনফরেন্স 2023 (BRICS ICC 2023) ঙসি নই দিল্লীদা লোইশিনখ্রে। কনফরেন্স অসিদা BRICS কম্পিতিসন ওথোরিতীশিংগী মকোকশিং, প্রেক্তিস্নরশিং, কম্পিতিসন পোলিসী এক্সপর্তশিং, ইন্তর্নেস্নেল ওর্গনাইজেসনশিংগী মীহুৎশিং অমসুং BRICS অমসুং নন-BRICS লৈবাকশিংদগী অতোপ্পা স্তেকহোল্দরশিং য়াওনা দেলিগেৎ 600 হেনবনা শরুক য়াখি।

কনফরেন্স অসিদা হৌদোকপগী সেসন অমসুং লোইশিনবগী থৌরমগী মথক্তা প্লেনরী সেসন অহুম অমসুং ব্রেকআউৎ সেসন মরি য়াওখি। প্লেনরী সেসন্দা BRICS জোইন্ত দোক্যুমেন্তস, নেনিএন্সী প্রোগ্রাম এন্দ দিজিতেল ইকনোমী রিপোর্তশিং ফোঙখি অমসুং খন্ন-নৈনখি। অতোপ্পা প্লেনরী অমসুং ব্রেকআউৎ সেসনশিংদা BRICS অমসুং অতোপ্পা জুরিসদিক্সনশিংদগী স্পীকরশিংগী মরক্তা কম্পিতিসন লো অমসুং পোলিসীগা মরী লৈনবা অনৌবা অমসুং থোরক্লিবা ইস্যু মখল কয়াদা ৱাখল্লোনশিং ফোঙদোক্নখি। জোইন্ত স্তেৎমেন্ত অসি BRICS কম্পিতিসন ওথোরিতীশিংগী মকোকশিংনা খুৎয়েক পীনখি, এনফোর্সমেন্ত কেপাবিলিতীশিং মপাঙ্গল কনখৎহনবা অমসুং BRICS জুরিসদিক্সন মনুংদা ফিয়র কম্পিতিসন প্রেক্তিসশিং থৌগৎনবা মখা তানা ই-পাউ, এক্সপরিয়েন্স অমসুং খ্বাইদগী ফবা প্রেক্তিসশিং শিয়র তৌবা মরু ওই হায়বা অসি মসিদা য়াওখি।

লৌশিনবগী থৌরমদা লোইশিনবগী ৱারোল পীরদুনা কোর্পোরেৎ এফিয়র্সকী মন্ত্রালয়গী সেক্রেতরী, দা. মোনোজ গোবিলনা হায়খি মদুদি BRICS মেম্বর স্তেৎ অমমমদা মাগী তোপ-তোপ্পা লিগেল ত্রেদিসনশিং, ইকনোমিক স্ত্রকচরশিং অমসুং রিগ্যুলেতরী প্রোসেসশিং লৈজৈ। ওইথোকপা য়াবা, প্রেক্তিকেল ওইবা অমসুং কান্নবা মওংদা খ্বাইদগী ফবা প্রেক্তিসশিং একচেঞ্জ তৌবা অমসুং রিগ্যুলেতরী স্তেন্দর্দশিংগী এলাইনমেন্ত তৌবা য়াহন্নবা কম্পিতিসন লো অমসুং পোলিসীদা অপুনবা খোঙথাং লৌখৎকনি।

দিজিতেল মার্কেৎশিংগী মতাংদা দা. গোবিলনা হায়খি মদুদি নেৎৱার্ক ইফেক্তশিং অমসুং দেতা এক্সেস অসিনা এন্ত্রী তৌবদা অচৌবা অপনবা ওইদুনা অচৌবা শীংনবা অমা থেংনহল্লিবা দিজিতেল মার্কেৎশিংদা ফিয়র কম্পিতিসন লৈহনগদবনি। কম্পিতিসন ওথোরিতীশিংনা মোনোপোলিস্তিক প্রেক্তিসশিং ঙাকথোকপগা লোয়ননা ইন্নোবেসন থৌগৎলিবা অফবা খোঙথাংশিং পাইখৎপা মথৌ তাই। হীরম অসিদা মহাক্না ভারত্তা স্তেন্দং কম্মিতি ওফ দি পার্লিয়ামেন্তনা ‘এন্তি-কম্পিতিতিব প্রেক্তিস বাই বিগ তেক কম্পনীজ’ হায়বা সবজেক্ত অসি য়েংশিনখি অমসুং ফিয়র, ত্রান্সপরেন্ত অমসুং কন্তেস্তেবল দিজিতেল ইকোসিস্তেম লৈহন্নবা দিজিতেল কম্পিতিসন এক্ত অমা থম্নবা রিকম্মেন্দ তৌখি। মসিগী মতুং তারকপদা ভারত সরকারনা কম্পিতিসন এক্ত, 2002গী হৌজিক লৈরিবা প্রোবিজনশিং অসিনা দিজিতেল ইকনোমীদগী লাক্লিবা শীংনবশিং অসি লাকশিন্নবা অমসুং দিজিতেল মার্কেৎশিংগীদমক এক্স-এন্তি রিগ্যুলেতরী মেকানিজম অমগী মথৌ তাবা একজামিসন তৌনবা মতিক চাব্রা হায়বা য়েংশিন্নবা কম্মিতি ওন দিজিতেল কম্পিতিসন লো অমা শেমখ্রে।

ভারতকী কম্পিতিসন এক্ত অসিদা হন্দক্তা অমেন্দমেন্তশিং তৌখিবা অদুগী মতাংদা দা. গোবিলনা হায়খি মদুদি সেত্তলমেন্ত অমসুং কম্মিৎমেন্তশিংগীদমক প্রোবিজনশিং শেম্বনা কম্পনীশিংদা কোওপরেতিব ওইন এন্তিত্রস্তকী হীরমশিং ৱারোইশিন পুরক্নবা, লিগেলগী খুদোংচাদবশিং অমসুং কমপ্লায়েন্স কোস্ত হন্থহন্নবা খুদোংচাবা পীরগনি। মর্জর নোতিফিসকেসনগীদমক ভেল্যু থ্রেসহোল্দশিং দীল ইমপ্লিমেন্ত তৌদুনা চাউনা ইকনোমিক ইম্পেক্ত পীবা মর্জর অমসুং এক্বিজিসনশিং তৌবা অদু স্ক্রুতিনী তৌগনি, মসিনা এন্তিকম্পিতিতিব প্রেক্তিসশিংদগী ঙাকশেনগনু অমরোমদনা ইনভেস্তমেন্ত অমসুং ইকনোমিক এক্তিবিতীশিংদা মতেং পাংগনি হায়না মহাক্না মখা তাখি।

CCIগী চিয়রমেন, শ্রীমতি রবনীত কোরনা মহাক্কী ৱারোল পীরদুনা হায় মদুদি কনফরেন্স অসিনা কম্পিতিসন ওথোরিতীশিংগী মাংদা লৈরিবা শীংনবা অমসুং খুদোংচাবা কয়া অসি হেন্না নীংথিনা খঙনবগী লম্বী য়াৎলি। সেসনশিং অসিনা কম্পিতিতিব লেন্দস্কেপতা দিজিতেলাইজেসন তৌবগী অচৌবা ইমপ্লিকেসনশিং, কম্পিতিসন পোলিসীনা ইন্নোবেসন য়োকখৎপদা লৌরিবা থৌদাং অমসুং অচৌবা ইকনোমিক গ্রোথ লৈহন্নবা মানা মরু ওইনা শরুক তম্মিবশিং কোনশিল্লিবা লম কয়াদা খন্ন-নৈনখি। কল্লেক্তিব শিয়রিংনা মুন্না খঙবদা মতেং পাংবা খক্তা নত্তনা BRICS লৈবাকশিংগী মরক্তা কোওপরেসন অমসুং কোল্লাবোরেসনশিং য়োকখৎপদা মরু ওইবা থৌদাং লৌরি। BRICS কম্পিতিসন ওথোরিতীশিংনা খুৎয়েক পীখিবা জোইন্ত স্তেৎমেন্তগী মতাংদা মহাক্না মসিনা ঐখোয়গী রিজনশিংদা কম্পিতিসন-দ্রিবন গ্রোথ অমসুং সোসিও-ইকনোমিক প্রোগ্রেস লৈহন্নবা মাইকৈদা স্ত্রেতেজিক ওইনা থবক পাইখৎকনি।

লোইশিনবগী থৌরমদা BRICS কম্পিতিসন ওথোরিতীশিংগী মকোকশিংনা ৱা ঙাংখি। মখোয়না হায়খি BRICS ICC 2023 কনফরেন্স অসিনা কম্পিতিসন এজেন্সীশিংনা মায়োক্নরিবা মতম অসিগী সমস্যাশিং কোকহন্নবা কান্নরবা ফম্পাক অমা ফংহল্লি। ঙসিগী গ্লোবেলাইজ অমসুং ইন্তরকন্নেক্তেদ ওইবা মালেম অসিদা মখোয়না কম্পিতিসন লো অমসুং পোলিসীগী লমদা BRICS লৈবাকশিংগী মরক্তা নীংথিনা কোওপরেসন পীনবা মথৌ তাই হায়না ফোঙদোক্নখি।

কম্পিতিসন কম্মিসন ওফ ইন্দিয়াগী মেম্বর শ্রী দীপক অনুরাগনা থাগৎ ৱাহৈশিং ফোঙদোক্তুনা খা অফ্রিকাদা 2025দা পাঙথোক্কদবা 9শুবা BRICS ইন্তর্নেস্নেল কম্পিতিসন কনফরেন্সকী বেতন খুৎশিন্নদুনা থৌরম অসি লোইশিনখি।

*****