امور داخلہ کی وزارت

مرکزی وزیر داخلہ اور تعاون کے وزیر جناب امت شاہ نے سکھ برادری کے لیے مودی حکومت کے بے مثال کام کے لیے دہلی سکھ گوردوارہ پربندھک کمیٹی کے ذریعہ منعقدہ اعزازی تقریب سے خطاب کیا


سکھ گوروؤں نے انسانیت کے لیے بے مثال قربانیاں دی ہیں

ملک کے وزیر اعظم جناب نریندر مودی نے گورو تیغ بہادر جی کی یاد میں یہ تہوار اسی مقام پر منانے کا فیصلہ کیا ہے جہاں گورو تیغ بہادر جی کی شہادت کا اعلان کیا گیا تھا

جب پنتھ کے لیے جان قربان کرنے کی بات آتی ہے تو ایک سچا سکھ کبھی پیچھے مڑ کر نہیں دیکھتا، سکھوں نے آزادی حاصل کرنے سے لے کر ملک کی حفاظت تک سب سے زیادہ قربانیاں دی ہیں

 گورو گرنتھ صاحب میں تمام اچھی تعلیمات موجود ہیں اور تمام مذاہب کی مساوات کا گورو گرنتھ صاحب سے بڑھ کر بڑا پیغام کوئی نہیں ہوسکتا

کوئی مہذب شخص 1984 کے فسادات کو نہیں بھول سکتا، جس میں سیاسی محرکات پر مبنی وحشیانہ قتل عام ہوا تھا

وزیر اعظم جناب نریندر مودی نے ایک ایس آئی ٹی تشکیل دی اور 300 معاملوں کو دوبارہ کھول دیا ، جس کے نتیجے میں قصورواروں

کو قید کی سزا سنائی گئی

اتنے سالوں کے بعد ، پہلی بار وزیر اعظم مودی نے متاثرین کے 3328کنبوں کو پانچ پانچ لاکھ روپے دیئے ہیں

مودی حکومت نے پاکستان جیسے پڑوسی ممالک میں تشدد کا نشانہ بننے والے سکھ بہنوں اور بھائیوں کو ’شہریت ترمیمی قانون‘ کے تحت شہریت دینے کا راستہ کھول دیا ہے

وزیر اعظم جناب نریندر مودی کی قیادت میں افغانستان میں گزشتہ 9 سالوں میں کئی اہم اقدامات کیے گئے ہیں جن میں گورو تیغ بہادر جی کا 400 واں پرکاش پرو، گورو نانک دیو جی کا 550 واں پرکاش پرو، گورو گوبند سنگھ جی کا 350 واں پرکاش پرو، لنگر پر جی ایس ٹی سے استثنیٰ، کرتارپور صاحب کوریڈور کی تعمیر اور سکھ یاتریوں کو پاکستان جانے کی سہولیات فراہم کرنا شامل ہیں

Posted On: 13 OCT 2023 5:19PM by PIB Delhi

 مرکزی وزیر داخلہ اور وزیر تعاون جناب امت شاہ نے دہلی سکھ گوردوارہ پربندھک کمیٹی کی جانب سے سکھ برادری کے لیے مودی حکومت کے بے مثال کاموں کے لیے منعقدہ اعزازی تقریب سے خطاب کیا۔

جناب امت شاہ نے کہا کہ سکھ برادری کے علاوہ شاید ہی کوئی اور کمیونٹی ہوگی جس میں 10 نسلوں سے حملہ آوروں کی ناانصافی کے خلاف جدوجہد اور قربانی کی اتنی طویل روایت ہوگی۔ انھوں نے کہا کہ پوری دنیا میں کوئی بھی سکھ گوروؤں کی انسانیت اور ملک کے لیے دی گئی قربانیوں کا مقابلہ نہیں کرسکتا ہے۔ جناب شاہ نے کہا کہ ہم نویں گورو تیغ بہادر جی کی قربانی کو کبھی نہیں بھول سکتے۔ کشمیر میں اورنگ زیب کے مظالم کا سامنا کرنے والے کشمیری پنڈتوں کی درخواست پر گورو تیغ بہادر جی پیدل وہاں پہنچے اور عظیم قربانی دی۔ انھوں نے کہا کہ جب وزیر اعظم جناب نریندر مودی نے گورو تیغ بہادر جی کی یاد میں ایک تہوار منانے کا فیصلہ کیا تھا تو اس کے لیے اسی جگہ کا انتخاب کیا گیا تھا جہاں گورو تیغ بہادر جی کی شہادت کا اعلان کیا گیا تھا۔ اسی دیوار پر ان کی تعریف میں الفاظ لکھے گئے تھے اور لال قلعہ میں ہی تقریب منعقد کی گئی تھی۔

مرکزی وزیر داخلہ نے کہا کہ جب دنیا کا ہر مذہب اپنے اپنے نظریات کے لیے جنگ لڑ رہا تھا تو اس وقت گورو نانک دیو جی سے لے کر دسویں گورو تک سبھی نے دنیا کو تمام مذاہب کی مساوات کا پیغام دیا جس پر پوری دنیا آج تک عمل پیرا ہے اور یہ پورے بھارت کے لیے فخر کی بات ہے۔ انھوں نے کہا کہ سکھ برادری مذہب اور مل کر کام کرتے ہوئے آگے بڑھی ہے۔ انھوں نے کہا کہ جب مذہب کے لیے اپنی جان قربان کرنے کی بات آتی ہے تو ایک سچا سکھ کبھی پیچھے مڑ کر نہیں دیکھتا اور سکھوں نے آزادی سے لے کر ملک کی حفاظت تک سب سے زیادہ قربانیاں دی ہیں۔ انھوں نے کہا کہ ملک سکھ گوروؤں کی تعلیمات اور قربانیوں کو کبھی نہیں بھول سکتا۔

جناب امت شاہ نے کہا کہ گورو نانک دیو جی نے دنیا کے کئی ممالک میں تمام مذاہب کی مساوات کا پیغام پھیلایا۔ انھوں نے کہا کہ گورو نانک دیو جی نے بھی بغیر کسی ذاتی مفاد کے پوری دنیا میں محبت کا پیغام پھیلایا۔ جناب شاہ نے کہا کہ گورو گرنتھ صاحب میں تمام اچھی تعلیمات کو اپنایا گیا ہے اور تمام مذاہب کی مساوات کا گورو گرنتھ صاحب سے بڑا کوئی پیغام نہیں ہوسکتا۔

مرکزی وزیر داخلہ اور تعاون کے وزیر نے کہا کہ وزیر اعظم جناب نریندر مودی نے خواتین کی قیادت والی ترقی کے لیے ریاستوں کی مقننہ اور پارلیمنٹ میں خواتین کے لیے 33 فیصد ریزرویشن فراہم کیا ہے۔ جناب شاہ نے کہا کہ خواتین کو بااختیار بنانے کی روایت برسوں پہلے سکھوں کے پنتھ میں ماتا کھیوی کے لنگر کی تعلیمات سے شروع ہوئی تھی۔ انھوں نے مزید کہا کہ تاریخ گواہ ہے کہ سکھ برادری کی خواتین نے جدوجہد آزادی کے ساتھ ساتھ ملک کی ترقی میں بھی اہم کردار ادا کیا ہے۔ انھوں نے کہا کہ چاہے بھارت کی آزادی کی جدوجہد ہو، مغلوں اور انگریزوں کے خلاف لڑائی ہو، تقسیم کی ہولناکی ہو، یا آزادی کے بعد ملک کی سرحدوں کو محفوظ بنانا ہو، سکھ برادری ہمیشہ سب سے آگے رہی ہے۔ ہماری جدوجہد آزادی کی تاریخ بہادر سکھوں کی قربانیوں سے بھری پڑی ہے اور ملک کی آزادی کے بعد سکھوں نے قومی سلامتی کے لیے سب سے زیادہ قربانیاں دی ہیں۔

جناب امت شاہ نے کہا کہ وزیر اعظم جناب نریندر مودی کی قیادت میں گزشتہ 9 سالوں میں کئی اہم اقدامات کیے گئے ہیں جیسے گورو تیغ بہادر جی کا 400 واں پرکاش پرو، گورو نانک دیو جی کا 550 واں پرکاش پرو، گورو گوبند سنگھ جی کا 350 واں پرکاش پرو، لنگر پر جی ایس ٹی سے استثنیٰ، کرتارپور صاحب کوریڈور کی تعمیر، سلطان پور لودھی کو ورثہ شہر بنانا، برطانوی یونیورسٹی میں گورو نانک دیو جی کے نام پر چیئر قائم کرنا اور سکھ یاتریوں کو پاکستان کے سفر کی سہولیات فراہم کرنا۔ انھوں نے کہا کہ کوئی بھی مہذب شخص 1984 کے فسادات کو نہیں بھول سکتا اور اس طرح کے گھناؤنے قتل سیاسی محرکات پر مبنی ہیں۔ جناب شاہ نے کہا کہ 2014 میں مودی حکومت کے قیام تک کسی کو گرفتار نہیں کیا گیا تھا اور نہ ہی کسی نے جیل میں ایک دن گزارا تھا۔ انھوں نے کہا کہ تحقیقاتی کمیشن بنائے گئے لیکن ان سے کبھی کوئی ٹھوس نتائج سامنے نہیں آئے۔ جناب شاہ نے کہا کہ وزیر اعظم جناب نریندر مودی نے ایک ایس آئی ٹی تشکیل دی اور 300 معاملوں کو دوبارہ کھولا جس کے نتیجے میں قصورواروں کو قید کی سزا دی گئی۔ انھوں نے کہا کہ مقدمات اب بھی جاری ہیں اور مودی حکومت متاثرین کے لیے انصاف کو یقینی بنائے گی۔ انھوں نے کہا کہ یہ جناب مودی ہی تھے جنہوں نے متاثرین کے کنبوں کو پانچ پانچ لاکھ روپے کی مالی امداد فراہم کی اور جلیانوالہ باغ میموریل کو اس کی سابقہ شان میں بحال کیا۔ جناب شاہ مودی حکومت نے پاکستان، افغانستان جیسے پڑوسی ممالک میں تشدد کا نشانہ بننے والے سکھ بہنوں اور بھائیوں کو ’شہریت ترمیمی قانون‘کے تحت شہریت دینے کا راستہ کھول دیا۔

مرکزی وزیر داخلہ نے کہا کہ وزیر اعظم جناب نریندر مودی بہت خوش قسمت ہیں کہ گوروؤں کے آشیرباد سے انھیں گورو صاحبان کی خدمت کرنے کا موقع ملا ہے۔ انھوں نے کہا کہ سماج اور انسانیت کے لیے سکھ برادری اور سکھ گوروؤں کی شراکت کو ہزاروں سالوں میں بھی واپس نہیں کیا جاسکتا ہے۔

**

(ش ح – ع ا – ع ر)

U. No. 10792



(Release ID: 1967502) Visitor Counter : 108