কেন্দ্রগী গৃহ অমসুং কোওপরেসন মন্ত্রী, শ্রী অমিত শাহনা ঙসি হরিয়ানাগী রোহতক্তা ব্রহ্মলীন মহন্ত শ্রী চান্দনাথ য়োগীজী মীতম মাইখুম হাংদোকপগী থৌরমদা অমসুং দেশমেলাগী থৌরমদা অথোইবা মীথুংলেন ওইনা শরুক য়াখ্রে। কেন্দ্রগী মন্ত্রী শ্রী ভুপেন্দ্র য়াদব য়াওনা দিগনিতরী কয়ানা থৌরম অসিদা শরুক য়াখ্রে।

মহাক্কী ৱারোল পীবদা শ্রী অমিত শাহনা হায়খি মদুদু মহন্ত চান্দনাথজীগী মীতম মাইখুম হাংদোকপগী থৌরম অসিদা ইকাই খুম্নবা উৎনবা লৈবাক শিনবা থুংবদগী সন্ত কয়ানা মফম অসিদা লাক্লি। মহাক্না হায়খি মহন্ত শ্রী চান্দনাথ য়োগীজীনা প্রধান মন্ত্রী শ্রী নরেন্দ্র মোদী খক্তনা লৈবাক অসিগী য়াইফনবা ওইথোক্লমদবা থবকশিং পাঙথোকপা ঙমগনি হায়না থাজখি।

কেন্দ্রগী গৃহ অমসুং কোওপরেসন মন্ত্রীনা হায়খি ভারত অসি লাইনীংগী কাংলুপ কয়া লৈবা লমদম অমনি অমসুং চহিচা কয়াদগী ঋশিশংনা তপস্য তৌদুনা লাকখি অমসুং তাইবাংপালগী অরোনবা কয়া খঙহনি। মহাক্না মখা তারদুনা হায়খি নাথ লাইনীংগী কংলুপ অসিনা ঐখোয়গী হিন্দুগী কাংলুপশিংগী মরক্তা অখন্নবা মফম অমা কনখি। মহাক্না মখা তারদুনা হায় ভগৱান শিব মশামক্না নাথ লাইনীং কাংলুপ অসি হৌদোক্লমখি। শ্রী শাহনা হায়খি নাথ কাংলুপকী নাথ 9গী চৎনবীদা বাবা মস্তনাথতগী বাবা বালকনাথজীগুম্বা সন্ত কয়াআ খুন্নাইগী শেবা তৌবগী দাইমেন্সন কয়া শেম্নবা থবক তৌখি মরম অসিনা ঙসি কাংলুপ পুম্মক্তা মথ অসিগীদমক ইকাই খুম্নবগী ৱাখল্লোন অমা পোক্নরি। মথ অসিনা হেল্থ অমসুং এজুকেসনগী লমদা মরু ওইবা ইন্সতিত্যুসন কয়া শাবদা শরুক তমখি, অমরোমদা য়জ্ঞ হৌদোক্লমখি। শ্রী শাহনা হায়খি মদুদি কোবিদ লাইচৎ মনুংদসু মথ অসিনা মাং থানা থোরক্তুনা মফম অসিদা য়জ্ঞ লেপ্পা লৈতনা পাঙথোকখি। মহাক্না হায়খি শেবা তৌবগী চৎনবী অসি নিপানশুবা চহিচাদগী মফম অসিদা চত্থদুনা লাকখি অমসুং হৌজিক বালকনাথজীনা মখা চত্থরি।

 শ্রী অমিত শাহনা হায়খি নীংতম্বা ফংলবা মতুং অহানবা ওইনা ভারতকী শান্নরোয়শিংনা এসিয়ন গেম্সতা মেদল 100 হেন্না লৌবা ঙমখি, মসি লৈবাক পুম্বগী অমসুং মরু ওইনা হরিয়ানাগী ওইনা য়াম্না চাউথোকচনীংঙাই অমসুং নুংঙাইবা ৱাফম অমনি। শ্রী শাহনা হায়খি মদুদি তোকিও ওলিম্পিক্স, পেরালিম্পিক্স, কম্মনৱেল্থ গেম্স নত্ত্রগা ৱর্ল্দ চেম্পিয়নশিপ কম্পিতিসনশিং ওইরবসু 2014দগী হৌদুনা কম্পিতিসন খুদিংমক্তা ভারতকী শান্নরোয়শিংগী পরফোর্মেন্সতা ফগৎলকখি। মহাক্না হায়খি প্রধান মন্ত্রী মোদীনা খুঙ্গংদগী হৌরগা জাতিগী থাক ফাওবা তেলেন্তশিং থীদোকপা, ত্রেনিংগী শিল-লাংবা, মখোয়গী শেল-থুম অমসুং হকচাং ফনবা মচি ওইবা চীঞ্জাক পীজবা, শান্নরোয়শিংগী সেলেক্সন ত্রান্সপরেন্সী লৈবা মওংদা পাঙথোকপা অসিগুম্বা স্পোর্তস্তা খোঙথাংশিং লৌখৎখি। মসিগী মথক্তা প্রধান মন্ত্রীনা হৌদোকখিবা খেলো ইন্দিয়াগুম্বা প্রোগ্রামশিংনা গেম চেঞ্জর অমা ওইখি। মহাক্না হায়খি প্রধান মন্ত্রী মোদীজীনা লৈবাক অসিনা নীংতম্বগী চহি চামা শুরকপগী পালন তৌবা মতমদা লম খুদিংমক্তা তৌবগুম্না ভারতনা স্পোর্তস্তসু মালেমগী মকোক্ত লৈনবা লৈবাক অসিদা ইনফ্রাস্ত্রকচর শেমগৎখি।

কেন্দ্রগী গৃহ মন্ত্রীনা হায়, প্রধান মন্ত্রী শ্রী নরেন্দ্র মোদীনা হন্দক্ত ভারত্তা পাংথোকখিবা G20 কনফরেন্সতা মালেম পুম্বনা য়েৎনবা লৈতনা পাস তৌখিবা দিল্লী দিক্লেরেসন পুথোকখি। মহাক্না হায়, প্রধান মন্ত্রী নরেন্দ্র মোদীনা লুচিংবা সরকার অসিনা লাক্কদৌরিবা চহিশিংদা লৈবাক অসিগী শেন্মিৎলোন্দা শাহৌ পীগদবা অসিগুম্বা ৱারেপ কয়ামরুম লৌখ্রে হায়না মহাক্না ফোঙদোকখি। শ্রী শাহনা হায় হৌখিবা চহি 9 অসিদা প্রধান মন্ত্রী শ্রী নরেন্দ্র মোদীনা লৈবাক অসিগী কলচরেল হেরিতেজ কয়ামরুম নৌনা শেমগৎখ্রে। ইংকুমজা 2019 প্রধান মন্ত্রী শ্রী নরেন্দ্র মোদীনা আয়োধ্যদা রাম তেম্পলগী উরেপ উয়ুং তমখি, মসিগী চাউরবা লাইশঙ অসিদা ঐখোয়না থম্বা রাম লালা অদু ঐখোয় ময়াম্না উবা ফংলগনি।

শ্রী অমিত শাহনা হায়, হৌখিবা চহি 9 অসিদা প্রধান মন্ত্রী শ্রী নরেন্দ্র মোদীনা কাশি বিশ্বানাথ কোরিদোর, উজেন্দা মহাকাল কোরিদোর শাবগী থবকশিং, কেদর্নাথ অমসুং বদ্রিনাথধাম শেমগৎপগী থবকশিং, কর্তারপুর কোরিদোর শাবগী থবক অমসুং কশ্মিরগী শর্দাপীথ নৌনা শেমগৎপগী থবকশিং পাইখৎখি। হৌখিবা চহি 9 অসি ভারতকী নাৎকী অনৌবা মপোক অমা পোকপগী চহি 9 নি হায়না লৌবা য়াই হায়না মহাক্না ফোঙদোকখি। প্রধান মন্ত্রী নরেন্দ্র মোদীনা মালেম পুম্বগী মমাংদা য়োগ অমসুং অয়ুর্বেদকী ভারতকী হেরিতেল অসিবু মশক তাক্তুনা মাংলোমদা পুশিল্লি হায়না শ্রী শাহনা ফোঙদোকখি। মসিগা লোয়ননা প্রধান মন্ত্রী নরেন্দ্র মোদীনা কাশি তমিল শঙ্গম, কাশি তেলুগু শঙ্গম অমসুং কাশি শৌরাস্ত্র শঙ্গমগী খুত্থাংদা খা অমসুং অৱাং অসি শম্নহনখ্রে। শ্রী নরেন্দ্র মোদীনা নাৎকী চৎনবীগা লোয়ননা অনৌবা পার্লিয়ামেন্ত বিল্দিংদা চোলগী নিংথৌরেলগী সিম্বল ওইরিবা ধর্ম দন্দসেঙ্গোল খিনখিবা অসিনা লৈবাক পুম্বগী নাৎ অমসুং লাইনীং লাইশোলগী ইহৌ অসিদা অনৌবা ইনোৎ অআ হাপলি হায়না মহাক্না ফোঙদোকখি। 

*****