అక్టోబ‌ర్ 09, 2023 వ‌ర‌కు ప్ర‌త్య‌క్ష ప‌న్ను వ‌సూళ్ళ తాత్కాలిక గ‌ణాంకాలు రూ. 11.07 ల‌క్ష‌ల కోట్ల‌ స్థూల వ‌సూళ్ళ‌తో స్థిర‌మైన వృద్ధిని న‌మోదు చేయ‌డాన్ని కొన‌సాగిస్తున్నాయి. గ‌త ఏడాది ఇదే కాలానికి సంబంధించిన స్థూల వ‌సూళ్ళ‌కంటే ఇది 17.95% ఎక్కువ‌.
ప్ర‌త్య‌క్ష ప‌న్ను వ‌సూళ్ళు, తిరిగి చెల్లింపుల నిక‌రం రూ. 9.57 ల‌క్ష‌ల కోట్లు. ఇది గ‌త ఏడాది ఇదే కాలంలో చేసిన నిక‌ర వ‌సూళ్ళ కంటే 21.82% ఎక్కువ‌. ఆర్ధిక సంవ‌త్స‌రం 2023-24కు ప్ర‌త్య‌క్ష ప‌న్నుల మొత్తం బ‌డ్జెట్ అంచ‌నాల‌లో ఈ వ‌సూళ్ళు 52.50%గా ఉంది.  
స్థూల రాబ‌డి వ‌సూళ్ళ ప‌రంగా కార్పొరేట్ ఆదాయ‌పు ప‌న్ను (సిఐటి), వ్య‌క్తిగ‌త ఆదాయ‌పు ప‌న్ను (పిఐటి) వృద్ధి రేటు విష‌యానికి వ‌స్తే, సిఐటి వృద్ధి రేటు 7.30% కాగా, పిఐటి వృద్ధి రేటు 29.53% (పిఐటి మాత్ర‌మే)/ (ఎస్‌టిటితో స‌హా పిఐటి) 29.08%గా ఉంది. 
వాప‌సులు స‌ర్దుబాటు చేసిన త‌ర్వాత‌, సిఐటి సేక‌ర‌ణ‌ల‌లో నిక‌ర వృద్ధి 12.39% కాగా, పిఐటి సేక‌ర‌ణ‌ల‌లో 32.51% (పిఐటి మాత్ర‌మే)/ 31.85% (ఎస్‌టిటి స‌హా పిఐటి) గా ఉంది. 
ఏప్రిల్ 1, 2023 నుంచి 09 అక్టోబ‌ర్ 2023 వ‌ర‌కు రూ. 1.50 ల‌క్ష‌ల కోట్ల వాప‌సు మొత్తం విడుద‌ల చేయ‌డం జ‌రిగింది. 

***