ভারত-তাঞ্জানিয়া মরীবু মপাঙ্গল হেন্না কনখৎহনবদা মরু ওইবা থৌদাং লৌবা, ইকোনোমিক দিপ্লোমেসী খুমাং চাউশিলহনবা অমসুং রিজনেল ইন্তিগ্রেসন অমসুং মলতিলেতরিলজমগী থৌওংশিং মায় পাক্না পাংথোকপা ঙম্বগীদমক্তা তাঞ্জানিয়াগী অহানবা নুপী রাস্ত্রপতি, ঐচ.ই. সমিয়া সুলুহু হসনগী মফমদা জৱাহর্লাল নেহরু য়ুনিভর্সিতীনা ওনোরেরী দোক্তরেৎ (ওনোরিস কোজা) পীখ্রে।

এজুকেসন অমসুং স্কিল দিভেলপমেন্ত অমদি ওন্তোপ্রিনরশিপকী কেন্দ্র মন্ত্রী, শ্রী ধর্মেন্দ্র প্রধান; এক্সতর্নেল এফিয়র্স মন্ত্রী, দাঃ এস. জয়শঙ্কর; অমসুং এজুকেসনগী রাজ্য মন্ত্রী, শ্রীমতি অন্নপুর্না দেবীনা থৌরম অসিদা শরুক য়াখি। JNUগী চান্সেল্লর, শ্রী কনৱাল সিবাল, JNUগী ভাইস চান্সেল্লর, প্রোফঃ সান্তিশ্রী ধুলিপুদি পন্দিত, তাঞ্জানিয়াগী দেলিগেসন, অফ্রিকাগী মিসন 15গী মকোক থোংবশিং, দিগ্নিতরী, এজুকেস্নিস্ত, ভারত্তা মহৈ তম্লিবা তাঞ্জানিয়াগী মহৈরোই অমসুং মন্ত্রালয়গী সেনিয়র ওফিসিএলশিংসু থৌরম অসিদা শরুক য়াখি।

ঐচ.ই. দাঃ সমিয়া সুলুহু হসন্না থৌরম অসিদা ৱা ঙাঙবদা মহাক্না হাইদ্রবাদকী NIRDদগী ফংখিবা ITEC ত্রেনিংনা খুদম ওইনা পীরদুনা মশাবু “ভারতকী এজুকেসনগী মহৈ” অমনি হায়খি। মসিগুম্বা ইকায় খুম্নবগী মতৌবু ফোরেন য়ুনভর্সিতী অমনা মহাক্কী মফমদা অহানবা ওইনা উৎপা ওইবনা, মহাক্কী মফমদা উৎলিবা মসিগুম্বা শকখঙবগী মতৌনা মহাকপু নুংঙাইবা ফাওহনখি।

লমদমসিগী লম্মিৎ তুম্মিৎ ফজবখক্কী নত্তনা, মীয়ামগী পুকচেল চাওবা অমসুং থৌজাল লৈবনা ভারতপু “ইনক্রেদিবল ইন্দিয়া” ওইহল্লিবনি হায়না মহাক্না হায়খি। ভারত অসিদি সমুদ্র তোর্বান্না খাইদোকপা ইমুং অমগী মীওইনি, স্ত্রেতজিক ওইবা খোঙালোই অমনি, থাজবা য়াবা খোঙলোই অমনি অমসুং কুমজা খুদিংগী মরুপ অমনি হায়না মহাক্না মখা তাখি। ভারতনা গ্লোবেল সাউথকী পান্দম অমসুং চাউখৎলক্লিবা লৈবাকশিংগী মফমদা থম্মোই শেংনা অমসুং থাজনীংঙাই ওইবা মরুপ অমগুম্না লেপ্লি হায়না মহাক্না ফোংদোকখি। ভারতনা মলতিলেতরেলিজমগী মরু ওইববু ঙাক্তুনা থমদুনা কৈথেলদগী খুন্নাইনা হেন্না লুনা লৌবগী মতৌবু (শেন্দোংদগী মীয়াম্না হেন্না লুনা লৌবা) মহাক্না থাগৎপা ফোংদোকখি।  

মহাক্কী মফমদা ওনোরেরী দোক্তরেৎ পীবগীদমক্তা মহাক্না মমিং লৈরবা ইন্সতিত্যুসন অসিগী মফমদা থম্মোই শেংনা ইকায় খুম্নবগা লোয়ননা থাগৎখি। মহাক্না ওনোরিস কোজা লৌরিবসি মহাক্কী থবকশিংগী মহৈ অমনি খল্লগা লৌবা নত্তে, তৌবতবু, হোৎনবা কনবা, ৱাখল চেৎপা অমসুং ইশাগী ওইজবা থাদোকপনা চাউখৎ থৌরাং পুরকপগী মশিং থীঙমদ্রবা মতিক কয়া লৈ হায়বা তাক্নবগীদমক্তা লৌবনি হায়না মহাক্না ফোংদোকখি। ইন্দো-অফ্রিকা পার্ত্নরশিপ্না অমত্তা ওইনা পুনশিনবা য়াবা অতোপ্পা হীরম অমদি কাঙলোন চুম্বা অমসুং গ্রীন ইনর্জী ত্রাঞ্জিসনগী অশেংবা লানফমদনি হায়না মহাক্না হায়খি। ভারতকী মহাও, ঈশৈ-নোংমাই, ফিল্ম য়াওনা ভারতকী নীংথিরবা মওং-মতৌশিংবু মহাক্না য়াম্না পামজৈ হায়না য়াম্না থৱাই নুংঙাইবা মওংদা মহাক্না পাউদমখি।

শ্রী ধর্মেন্দ্র প্রধান্না ঐচ.ই. দাঃ সমিয়া সুলুহু হসনবু মহাক্কী মফমদা ইকায় খুম্নবা উৎলিবা অসিগীদমক্তা থাগৎপা ফোংদোকখি। থৌওং অসিমক্না ভারত অমসুং তাঞ্জানিয়াগী মরক্তা মতম কয়াদগী লৈরক্লবা বাইলেতরেল কোওপরেসনবু মপাঙ্গল হেন্না লৈহন্নবা মহাক্না য়াখিবা থৌদাংশিংবু শকখঙবনি। অফ্রিকাগী য়ুনিয়নবু G20গী শরুক অমা ওইহন্নবগীদমক্তা লেপ্তনা হোৎনবগীদমক্তা মহাক্না প্রধান মন্ত্রী, শ্রী নরেন্দ্র মোদীবুসু থাগৎখি। শ্রী প্রধান্না মহাক্কী ৱারোলদা জাঞ্জিবারদা IIT অমা হেক্তগী খ্বাইদগী অহানবা ওফশোর কেম্পস অমা লিংখৎলিবা অসিদা নুংঙাইবা ফোংদোক্লদুনা নবেম্বরগী অঙনবদা কেম্পস অসি শঙ্গানবা থৌরাং তৌরি হায়না ফোংদোকখি। ইন্সতিত্যুত অসিনা লৈবাক অনি অমসুং মহাদেশ অনিসিগী মরক্তা এজুকেসনগী লমদা তেংবাংনবগী মশক থোকপা খুদম অমা ওইরগনি, মসিনা তাঞ্জানিয়া অমসুং অফ্রিকাগী অতোপ্পা লৈবাক্কী মহৈরোইশিংগী মফমদা মালেমগী থাক্তা লৈবা ইঞ্জিনিয়রিং অমসুং তেক্নোলোজীগী মহৈ তম্বগী খুদোংচাবা ফংহনগনি হায়না মহাক্না মখা তাখি।

গ্লোবেল সাউথকী অপাম্বশিং, মরু ওইনা, এজুকেসন অমসুং হ্যুমেন রিসোর্স দিভেলপমেন্তপু হেন্না পাকথোক চাউথোকহনবদা ভারতকী অফ্রিকাগী মরু খোঙলোই ওইরিবা তাঞ্জানিয়াগী মতেংগী মথৌ য়াম্না তাগনি হায়না মহাক্না হায়খি। স্কিলদা মিৎয়েং চঙবা অমসুং মার্কেতকা চুনবা হাইয়র এজুকেসনশিংবু লৈবাক অনিগী নহাশিংগী মফমদা তানদুনা পীরগনি হায়না মহাক্না মখা তাখি।

ভারত্তা ইন্সতিত্যুসন 55,000, মহৈরোই মিলিয়ন 42 অমসুং ওজা মিলিয়ন 1.6 লৈদুনা ভারতকী নাক্তা মতিক লৈবা হাইয়র এজুকেসনগী পথাপ অমা লৈ, মসিমকসু মিৎয়েং শানবা NEP 2020গা লোয়ননা মপাঙ্গল হেন্না হাপ্পগী মথৌ তারি হায়না মন্ত্রীনা হায়খি। এজুকেসন সীস্তেমগীদমক্তা দিজিতেল পব্লিক ইনফ্রাস্ত্রকচর শেম্বগী মতাংদসু খোঙজেল য়াঙনা চঙশিল্লি হায়না মহাক্না হায়খি।

থৌরম অসিদা ৱা ঙাঙবদা, দাঃ এস. জয়শঙ্করনা ঐচ.ই. দাঃ সমিয়া সুলুহু হসনগী মফমদা এজুকেসনগী ইকায় খুম্নবগী মতৌ উৎপনা মহাক্কা ভারতকা মতম শাংবদগী লৈনরক্লিবা মরীবু শকখঙলি হায়খি। লৈবাক অনিগী বাইলেতরেল মরীদা এজুকেসন অমসুং কেপাসিতী বিলদিং তৌবা হায়বসি য়াম্না মরু ওই হায়না মহাক্না মখা তাখি। ITEC প্রোগ্রামগী মখাদা, তাঞ্জানিয়াগী মীওই 5000 হেনববু ভারতকী এজুকেস্নেল ইন্সতিত্যুসনশিংদা ত্রেন তৌখ্রে হায়না মহাক্না অহেনবা ওইনা পনখি।

IITগী অহানবা ওফশোর কেম্পস হাংদোকপগী মতাংদা তাঞ্জানিয়ানা খ্বাইদগী চুনবা মফম ওইবনা জাঞ্জিবারদা কেম্পস অসি হাংদোক্লিবনি হায়না মহাক্না হায়খি। ইন্সতিত্যুসন অসিনা অফ্রিকা মহাদেশ অপুনবগী ওইবা তেক্নিকেল এজুকেসনগী খ্বাইদগী থাক ৱাংবা মফম ওইবা ঙম্বগী মতিক লৈ হায়না দাঃ জয়শঙ্করনা হায়খি। মহাক্না মখা তাখিবদা, অফ্রিকাগী য়ুনিয়নবু G20গী মপুং ওইবা মেম্বর ওইহনখিবা অসিনা ভারতকী প্রসিদেন্সীগী খ্বাইদগী চাউবা মায় পাকপশিংগী মনুংদা অমা ওইরিবনি। অফ্রিকানা চাউখৎলকপা হায়বসি মালেমগী খল ঙাকপগীদমক্তা য়াম্না তঙাই ফদবনি, অমসুং ভারতনা মসিগীদমক্তা শৌগৎলিবা অসিসু য়াম্না ফবা থৌওং অমনি হায়না মহাক্না ফোংদোকখি।

G20 সম্মিত্তা ভারতনা ফংখিবা মশক নাইবা মায় পাকপা অমসুং নই দিল্লী দিক্লারেসনগী মতাংদা পল্লদুনা, প্রোফেসর শান্তিশ্রী ধুলিপুদি পন্দিতনা থৌওংশিং অসিনা ভারতনা ৱাখল্লোন হৌদোকপা হৈবা, মালেমগী হীরমশিংগী মওং শেম্বা ঙম্বা, খেন্নবশিংবু পুনশিনবা ঙম্বা, অমসুং মীরম লৈবাকশিংগী মরক্তা য়ানবা পুরকহনবা ঙম্বগী তোপ-তোপ্পা মতিক মগুন উৎলি হায়খি। JNUদা ইং 1969দা হৌদোকখিবা অফ্রিকান স্তদীজকী সেন্তর অমা লৈ, অমসুং এক্সতর্নেল এফিয়র্স মন্ত্রালয়না ইং 2009দা মসিবু অখন্নবা সেন্তর অমা ওইহন্দুনা নেলসন মন্দেলা চেয়র লিংখৎখি হায়না মহাক্না পাউদমখি।

***