وزارت ثقافت وزارت اور ملک بھر میں اس سے منسلک، ماتحت اور خود مختار تنظیموں کے اندر خصوصی سوچھتا مہم 3.0 شروع کر رہی ہے۔ مہم 15 ستمبر سے 30 ستمبر 2023 کے دوران  تیاری کے مرحلے کے ساتھ شروع ہوئی جس کے تحت  مہم کے دوران کچرے کے بندوبست اور صفائی ستھرائی کے اہداف مقرر کیے گئے ہیں۔ مہم کے نفاذ کا مرحلہ 2 اکتوبر 2023 سے شروع ہوا ہے اور یہ 31 اکتوبر 2023 تک جاری رہے گا۔ مہم کے دوران التوا کو کم کرنے، کچرے اور دیگر بے کار سازوسامان سےمقامات کو خالی کرنے اور دفاتر میں کام کی جگہ کے تجربے کو بڑھانے پر خصوصی توجہ دی جا رہی ہے۔

خصوصی مہم کے تیاری کے مرحلے کے دوران حوالہ جات اور 412 عوامی شکایات کے ازالے اوربندوبست کے لئے ، وزارت نے اپنی تنظیموں کے ساتھ ملک بھر میں صفائی کے لیے 449 مقامات کی نشاندہی کی ہے۔ اس کے علاوہ، وزارت نے زیر التواء 176 ایم پی ریفرنسز، 41 پارلیمانی یقین دہانیوں، 33 پی ایم او ریفرنسز، 28 ریاستی حکومتوں کی نشاندہی کی ہے۔ اس کے علاوہ، تقریباً 15,969 فزیکل فائلوں اور 2,133 ای فائلوں کی بھی جائزہ لینے کے لیے شناخت کی گئی ہے۔

سوچھتا پکھواڑے کے دوران 15 ستمبر سے 2 اکتوبر 2023 تک، سوچھتا ہی سیوا مہم کے تحت ملک بھر میں وزارت کے مختلف فیلڈ دفاتر کے ذریعے 194 پروگراموں کا آغاز اور کامیابی کے ساتھ مکمل  کیے گئے۔ یکم اکتوبر 2023 کو صفدر جنگ مقبرہ، سری اوربندو مارگ، نئی دہلی میں سکریٹری (سی) کی قیادت میں "ایک تاریخ - ایک گھنٹہ" کے تھیم کے ساتھ ایک خصوصی پروگرام منعقد کیا گیا جہاں تقریباً وزارت اور اے ایس آئی کے 200 افسران و عملہ نے شرکت کی۔

جگدل  پور، چھتیس گڑھ کی دھروا برادری نے قدرت  کے ساتھ ہم آہنگی کے ساتھ مل کر کوڑے سے پاک بھارت  کو یقینی بنانے کی قوم کی کوششوں کے ساتھ مل کر کام کیا ۔

ایک خصوصی اقدام کے طور پر اے ایس آئی دہلی کے قطب منار  اور مدھیہ  پردیش میں   سانچی استوپا پر ‘سوچھتا ہی سیوا’ کا نعرہ دے رہا ہے۔

وزارت ثقافت میں سکریٹری جناب گووند موہن نے خصوصی مہم 3.0 کی تیاری کا جائزہ لیا اور ملک کو صاف ستھرا اور کوڑا کرکٹ سے پاک بنانے کے لیے تنظیموں کے سربراہان اور وزارت کے عہدیداروں کو سوچھتا کا عہد بھی کرایا۔

محکمہ انتظامی اصلاحات اور عوامی شکایات کے زیر اہتمام ایس سی ڈی پی ایم  پورٹل پر روزانہ کی پیشرفت کی نگرانی اور اپ لوڈ کیا جا رہا ہے۔ تمام منسلک، ماتحت اور خود مختار ادارے اس مہم میں پورے جوش و خروش سے حصہ لے رہے ہیں تاکہ اس مدت کے لیے وزارت کے مقرر کردہ اہداف کو حاصل کیا جا سکے۔

*************

  ش ح۔ا م ۔

U-10562