ভারত অমসুং সৌদী অরাবিয়ানা ঙসি নুংথিল রিয়াধতা ইলেক্ত্রিকেল ইন্তরকন্নেক্সনশিং, গ্রীন/ক্লীন হাইদ্রোজেন অমসুং সপ্লাই চেনশিংগী লমশিংদা মেমোরেন্দম ওফ অন্দরস্তেন্দিং অমা খুৎয়েক পীনখ্রে। MoU অসি চৎখিবা ভারত সরকারগী পাৱর অমসুং ন্যু এন্দ রিন্যুএবল ইনর্জীগী কেন্দ্র মন্ত্রী, শ্রী আর কে সিংহ অমসুং সৌদী অরাবিয়া সরকারগী ইনর্জী মন্ত্রী, শ্রী অব্দুলাজিজ বিন সলমান অল-সৌদনা ঙসি রিয়াধতা পাঙথোকখিবা  MENA ক্লাইমেৎ ৱীক্কী নাকলদা খুৎয়েক পীনখি।

MoU অসিনা ইলেক্ত্রিক ইন্তরকন্নেক্সন; পীক তাইম অমসুং ইমর্জেন্সীশিংদা ইলেক্ত্রিসিতী একচেঞ্জ তৌবা; প্রোজেক্তশিং কো-দিবেলপমেন্ত তৌবা; গ্রীন/ক্লীন হাইদ্রোজেন অমসুং রিন্যুএবল ইনর্জীগী কো-প্রদক্সন তৌবা; অমসুং গ্রীন/ক্লীন হাইদ্রোজেন অমসুং রিন্যুএবল ইনর্জী সেক্তরদা শীজিন্নবা মচাকশিং সেক্যুর ওইহনবা, রিলাইএবল অমসুং রেজিলিএন্ত ওইবা সপ্লাই চেনশিং এস্তব্লিশ তৌবগী লমশিংদা লৈবাকশিংগী মরক্তা কোওপরেসন পীননবা জেনরেল ফ্রেমৱার্ক অমা শেম্নবা পান্দম থম্মি।

ইনর্জী মন্ত্রী অনিনা মথক্তা পনখ্রিবা ইনর্জী সেক্তরদা কোওপরেসন পীনবগী লমশিংদা মপুং ফাবা সপ্লাই অমসুং ভেল্যু চেনশিং লৈহন্নবা লৈবাক অনিগী মরক্তা B2B বিজিনেস সম্মিৎশিং অমসুং B2B ইন্তরেক্সনশিং চাং নাইনা পাঙথোক্নবা ৱারেপসু লৌখি।

মমাংদা ভারত সরকারগী পাৱর অমসুং ন্যু এন্দ রিন্যুএবল ইনর্জীগী কেন্দ্র মন্ত্রী, শ্রী আর কে সিংহনা লুচিংবা ভারতকী দেলিগেসন অমনা সৌদী অরাবিয়াগী রিয়াধতা ওক্তোবর 8-12, 2023 ফাওবা পাঙথোক্কদবা অসিগী দি মিদ্দল ইস্ত এন্দ নোর্থ অফ্রিকা (MENA) ক্লাইমেৎ ৱীক 2023 গী হায়-লেবেল সেগমেন্তদা শরুক য়াখি। MENA ক্লাইমেৎ ৱীক 2023না COP28গী মাংওইননা ক্লাইমেৎ সোল্যুসনশিং খন্নগনি অমসুং মসি কিংদম ওফ সৌদী অরাবিয়াগী সরকারনা য়ুম্বু ওইদুনা পাঙথোক্লি। মরু ওইবা ইভেন্ত অসিনা গ্লোবেল স্তোকতেক, অমসুং পেরিস এগ্রীমেন্তগী ক্লাইমেৎ এক্সনগী ইকনোমিক অমসুং ইনর্জী সেক্যুরিতীগী হীরমশিং য়াওনা তোপিক কয়াদা স্তেকহোল্দরশিংগী গ্রুপ কয়াগা খন্ননবা অমত্তা ওইনা পুনশিনগনি। মসিনা মরু ওইবা দিকেদ অসিগীদমক লৌশিং অমসুং খ্বাইদগী ফবা প্রেক্তিসশিং শিয়র তৌনবা অমসুং অচৌবা ক্লাইমেৎ স্ত্রেতেজীশিং দিবেলপ তৌনবা কান্নরবা খুদোংচাবা অমা পীগনি।

ঙসি রিয়াথতা MENA ক্লাইমেৎ ৱীক্কী ‘গ্লোবেল স্তোকতেক ওফ দি পেরিস এগ্রীমেন্ত (GST) রিজনেল রিজনেল দাইলোগ: হাইলাইৎতিং ইনেব্লর্স এন্দ তেক্নোলোজীস ফোর এম্বিসন এন্দ জস্ত এন্দ ইনক্লুসিব ত্রাঞ্জিসন্স” হায়বা সেসন অসিদা ৱা ঙাংবদা ভারত সরকারগী পাৱর অমসুং ন্যু এন্দ রিন্যুএবল ইনর্জীগী কেন্দ্র মন্ত্রী, শ্রী আর কে সিংহনা হায়খি মদুদি MENA ক্লাইমেৎ ৱীক অসি গ্লোবেল স্কেলদা ইনর্জী প্রদক্সন, কঞ্জুম্পসন অমসুং সস্তেনেবিলিতীগী তুংলমচৎ লেপ্নবা খুদোংচাবশিং থীদোকপা অমসুং শিয়র তৌবদা য়াম্না মরু ওই। মহাক্না হায়খি মদুদি MENA CWগী মীফম অসি MENA রিজনগীদমক য়াম্না মরু ওই অমসুং ইনর্জী ত্রাঞ্জিসনগী হৌজিক অমদি তুংলমচৎকী নরেতিব ইনফ্ল্যুন্স তৌনবা অচৌবা মতিক ময়াই চেল্লি।

মন্ত্রীনা গ্লোবেল কম্ম্যুনিতীদা হায়খি মদুদি ভারতনা ঙসি ইনর্জী লেন্দস্কেপতা মালেমগী খ্বাইদগী মরু ওইবা ভোইসশিংগী মনুংদা অমা ওইরি অমসুং ইনর্জী ত্রাঞ্জিসন্দা লুচিংবা অমা ওইরি। “ভারত্তা মালেমগী মীশিংগী 17% লৈ অমসুং মালেমগী মঙাশুবা খ্বাইদগী চাউবা ইকনোমী ওইরিম ভারতনা 2030 ফাওবদা মাগী GDPগী ইমিসন ইন্তেন্সিতী 45% হন্থহন্নবা অমসুং 2070 ফাওবদা নেৎ জিরোগী পান্দম ফংনবা অচৌবা খোঙথাংশিং লৌখৎলি”।  মহাক্না ভারতকী ইনর্জী সেক্তরনা মাগী মীয়ামদা রিলাইএবল, এফোর্দেবক অমসুং সস্তেনেবল ইনর্জী ফংহন্নবা পান্দমদা অচৌবা ত্রান্সফোর্মেসন অমা তৌখি হায়না নীংশিংখি। “লৈবাক অসিনা নন-ফোসিল ফ্যুলশিংদগী পাৱর জেনরেসন কেপাসিতী হেনগৎহন্নবা অচৌবা খোঙথাংশিং লৌখৎখি, য়ুনিফাইদ নেস্নেল গ্রীদ অমা এস্তাব্লিশ তৌখি অমসুং দিস্ত্রিব্যুসন নেৎৱার্ক মপাঙ্গল কনখৎহনখি, রিন্যুএবল ইনর্জী প্রমোৎ তৌখি, ইনর্জী এক্সেস তৌবা হেনগৎহনখি অমসুং য়ুমথোং 100% ইলেক্ত্রিফিকেসন তৌবা ঙমখি অমসুং ইন্নোবেতিব পোলিসীশিং ইমপ্লিমেন্ত তৌরি”।

শ্রী সিংহনা হায়খি মদুদি গ্রীন হাইদ্রোজেন অসি ভারতকী ইনর্জী ত্রাঞ্জিসন খোঙজেল য়াংশিনহন্নবা অফবা অলতর্নেতিব অমনি। “ভারত সরকারনা হাইদ্রোজেন ইনর্জী শীজিন্ননবা নেস্নেল গ্রীন হাইদ্রোজেন মিসন হৌদোকখি অমসুং মিসন অসিগীদমক US $ 2.3 বিলিয়নগী ইনিসিএল আউৎলে অয়াবা পীখ্রে লাউথোকচবদা ঐহাক্না নুংঙাইবা পোকই”।

মন্ত্রীনা MENA লৈবাকশিংদা গ্লোবেল বাইওফ্যুল এলাইন্স য়াওশিন্দুনা এলাইন্স অসিগী মপুং ফাবা পোতেন্সিএল পুথোক্নবা সস্তেনেবল বাইওফ্যুল্সতা ইন্তর্নেস্নেল কোওপরেসন পীনবা হেনগৎহন্নবা য়াওশিল্লক্নবা হায়খি। মহাক্না হায়খি এলাইন্স অসিনা ইন্তর্নেস্নেল বাইওফ্যুল্স ওর্গনাইজেসনশিংগা চুংশিন্নদুনা সস্তেনেবল বাইওফ্যুলশিংগী দিবেলপমেন্ত অমসুং দিপ্লোইমেন্ত তৌবা হেনগৎহনবদা কোপরেসন পীনবদা মতেং পাংনবা, বাইওফ্যুলগী ত্রেদ হেনগৎহন্নবা পান্দম থম্মি।

মন্ত্রীনা ভারতনা লৈবাক খুদিংমক্না চাউখৎলক্লিবা অমসুং মরু ওইনা গ্লোবেল সাউথকী ওইনা ইনর্জী ত্রাঞ্জিসন্না তোঙান-তোঙানবা শীংনবশিং মায়োক্নগনি অমসুং খুদোংচাবশিং ফংগনি হায়বা অসি খঙবীগনি হায়বগী অচেৎপা থাজবা লৈ। “মরম অসিনা ঐখোয়না ত্রাঞ্জিসন অসিদা অমনা অমগী মতেং পীননবা পুন্না থবক তৌবা তাই”। MENA ক্লাইমেৎ ৱীকতা শ্রী সিংহনা হায়খি মদুদি মীওই অমগী এক্সনশিং অমসুং সস্তেনেবল বিহেবিয়রেল চোইসশিং অসি সস্তেনেবল ওইবা মওংদা ইনর্জী ত্রাঞ্জিসন পুরক্নবা মরু ওই। “হীরম অসিদা ঐহাক্না MENA রিজনশিংদা ভারতকী লাইফস্তাইল ফোর এনভাইর্নমেন্ত (LiFE)গী ইনিসিএতিবশিংদা য়াওশিন্নবা ঐহাক্না হায়জরি,” মন্ত্রীনা ফোঙদোকখ্রে।

MENA ক্লাইমেৎ ৱীক্কী হৌদোকপগী থৌরম য়েংনবা মসিদা নম্বীয়ু।

পেরিস এগ্রীমেন্তকী গ্লোবল স্তোকতেক

মিদ্দল ইস্ত অমসুং নোর্থ অফ্রিকা (MENA) ক্লাইমেত ৱীক পাংথোক্লিবা অৱাংবা থাক্কী GST (পেরিস এগ্রীমেন্তকী গ্লোবল স্তোকতেক) রিজনেল দাইলোগ অসিনা GST আউৎকম থবক্তা ওন্থোক্নবা ৱাখল্লোনগা লোয়ননা মরুওইবা মেসেজশিং খন্ননবা ইন্তরগভর্নমেন্তল প্রোসেস অমা ওইনা পোলিসী মেকরশিং, মরুোইবা স্তেকহোল্দরশিং অমসুং পার্তনরশিং অমত্তা ওইনা পুনশিনবা ঙম্লগনি। দাইলোগ অসিনা মখাতানা ক্লাইমেত এক্সন হেনগৎহন্নবা অমসুং MENAগী কন্তেক্স মনুংদা অমগা অমগা মতেং পাংননবা অমসুং মালেমগী থাক্তা অমগা অমগা মতেং পাংনবা হেনগৎহন্নবা শিংনবশিং, অপনবশিং, সোলুসনশিং অমসুং খুদোংচাবশিং খন্ননবা প্লেতফোর্ম অমা ওইনা মথৌ তৌরি।

GSTনা পেরিস এগ্রীমেন্তকী পর্পজ অমসুং মসিগী মতম শাংনা চৎকদবা পান্দমশিংগী ফংনবা মাইকৈদা অপুনবগী খুমাং চাউশিনবা অদু এক্সেস তৌনবা লৈবাকশিংনা মতম মতমগী ওইনা এগ্রীমেন্ত অসি ইম্প্লিমেন্তেসন তৌবগী মতাংদা য়েংশিল্লি। মসি মিতিগেসন, এদাপ্তেসন অমসুং ইম্প্লিমেন্তেসনগী পাম্বৈশিং অমসুং সপোর্ত য়েংলগা অমসুং ইক্বিতী অমসুং খ্বাইদগী মতিক চাচা সাইন্সকী খুত্থাংদা কম্প্রিহেন্সিব অমসুং ফেসিলিতেতিব ওইবা মওং অমদা পাংথোকই। অহানবা GST অসি 2021দা গ্লাসগোদা পাংথোকখি অমসুং দুবাই, UAE (COP 28দা) লোইশিনগনি। GSTগী আউৎকমশিং অসি ইন্তরনেস্নেল কোওপরেসন এনগৎহন্নবা অমসুং ক্লাইমেত এক্সনগী পার্তিশিংদা খংহনগনি।

অহানবা গ্লোবল স্তোকতেক্কী ৱারোইশিন অসি পেরিস এগ্রীমেন্ত প্রোবিজনশিং অমসুং পান্দমশিং ফংনবা মাইকৈদা চংশিল্লিবা মালেমগী অপুনবা খোঙথাং অদু উৎনবা মরুওইবা রাজনিতীগী খোঙথাং অমনি। মসি শিংনবশিং মায়োক্ননবা মরুওইবা খোঙথাং অমনি অদুবু রিজনেলগী ওইনা অহানবা মীৎয়েং চংগদবশিং য়াওনা ক্লাইমেত এক্সন খোঙজেল য়াংখৎনবা খুদোংচাবা কয়ামরুম অমসুনি। মসিনা মালেমদা পুন্না চৎমিন্নবা অমসুং অমগা অমগা মতেং পাংনবগী পোজিতিব মেসেজগী সিগনেল অদু উৎপা মথৌ তাই।

***