প্রধান মন্ত্রী শ্রী নরেন্দ্র মোদীগী লুচিং মখাদা ভারত সরকারনা সিক্কিম মীয়ামগীদমক লেপ্পী অমসুং রাজ্য অসিবু হান্নগী ফীভমদা হঞ্জিনহন্নবা অঙম্বা থাক্তা হোৎনগনি। গ্লেসিএল লেক আউৎব্রস্ত ফ্লদ (GLOF)/ক্লাউদ ব্রস্ত/ফ্লাশ ফ্লদকী থৌদোক থোকখিবগী নুমিৎ অদুমক্তদা কেন্দ্রগী গৃহ অমসুং কোওপরেসন মন্ত্রী, শ্রী অমিত শাহনা সিক্কিমদা চৎনবীদমক গৃহগী রাজ্য মন্ত্রী, শ্রী অজয় কুমার মিশ্রা দিপ্যুত তৌখি।

শ্রী অজয় কুমার মিশ্রানা ঙরাং অথেংবদা গেংতোক্তা থুংখি অমসুং ঙসি অয়ুক গেংতোক্তা চীফ সেক্রেতরী অমসুং রাজ্য সরকারগী বিভাগশিংগী মকোকশিং, অমসুং আর্মী, ITBP, BRO, NHIDCL অমসুং NHPCগী মকোক থোংবা ওফিসিএলশিংগা লোয়ননা মীফম অমা পাঙথোকখি।

থৌরম অদুদা ৱা ঙাংলদুনা রাজ্য মন্ত্রীনা হায়খি ভারত সরকারনা সিক্কিমগী ফীভম কুপ্না য়েংশিল্লি অমসুং রাজ্য অসিগীদমক মথৌ তাবা মতেং পুম্নমক পীরি। মহাক্না হায়খি মদুদি প্রধান মন্ত্রী শ্রী নরেন্দ্র মোদী অমসুং কেন্দ্রগী গৃহ মন্ত্রী শ্রী অমিত শাহনা অমাং-অতা থোক্লিবশিং অমসুং মী কনবা অমদি তেংবাং পীবগী থবক্কী মতাংদা রাজ্য অসিগী মুখ্য মন্ত্রীগা লেপ্তনা পাও ফাওনরি।

গৃহগী রাজ্য মন্ত্রীনা মখা তারদুনা হায় ভারত সরকারগী মন্ত্রালয় মঙা মমিং ওইনা পল্লবদা লৌউ-শিংউ, রোদ ত্রান্সপোর্ত এন্দ হায়ৱেজ, জল শক্তি, ইনর্জী অমসুং শেল-থুমগী মকোক থোংবা ওফিসিএলশং য়াওবা ইন্তর-মিনিস্ত্রিএল তীম অমা ভারত সরকারনা শেমখ্রে। ওক্তোবর 8দা গ্রাউন্দ সিচুএসন, অমাং অতা থোক্লিবশিং য়েংশিন্নবা অমসুং মথৌ তাবা তেংবাং পুম্নমক পীনবা রাজ্য অসিদা তীম অসিনা চৎকনি।

রাজ্য মন্ত্রীনা হায় কেন্দ্র সরকারনা রাজ্য অসিদা খুদক্কী মী কনবা, তেংবাং পীবা অমসুং হান্নগী ফীভমদা হঞ্জিন হন্নবা থবক পাইখৎনবা 2023-24গী ওইনা এল্লোকেৎ তৌখিবা SDRFকী এদভান্স সেঙ্কসন অমা পীখ্রে।

কেন্দ্রগী রাজ্য মন্ত্রীনা মহাক্কী ৱারোলদা প্রধান মন্ত্রী শ্রী নরেন্দ্র মোদীগী লুচিং মখাদা ভারত সরকারনা রাজ্য সরকারগী ওফিসিএলশিংদা অতেনবা মতমগী মনুংদা শোকহল্লবা/অমাং অতা থোকখ্রবা ইনফ্রাস্ত্রকচর নৌনা শেমগৎ শাগৎপগী থবক নীংথোনা পাইখৎনবা শোর্ত তর্ম অমসুং লোং-তর্ম প্লান অমা শেম্নবা খঙহনখ্রে।

মমাংদা সিক্কিমগী চীফ সেক্রেতরীনা কেন্দ্রগী রাজ্য মন্ত্রীনা খুদোংথিবা থোকহনখিবা ওক্তোবর 4গী অয়ুক অঙনবদগী থোকখিবা থৌদোকশিং মথং-মথং পাউদমখি অমসুং অমাং অতা থোক্লিবশিংগী মতাংদা পাউদমখি। মহাক্না কেন্দ্রগী MoSতা লম্বী-থোং অমসুং তেলিকম্ম্যুনিকেসন, ৱাতর অমসুং ইলেক্ত্রিসিতীগুম্বগী মরু ওইবা ইনফ্রাস্ত্রকচরশিংদা চাউনা অমাং অতা থোক্লিবা অসিগী মতাংদা পাউদমখি। মহাক্না কেজুএলিতীশিং অমসুং রিলিফ কেম্পশিংগী ওইরিবা ফীভমগী মতাংদা পাউদমখি। মখা তারদুনা মহাক্না আর্মী, NDRF, BRO, ITBP অমসুং অতোপ্পা এজেন্সীশিংগা লোয়ননা খুৎশম্নদুনা রাজ্য সরকারনা পাইখৎলিবা খোঙথাংশিংগী মতাংদা পুম্নমক শুনবা য়াওবা ৱারোল অমা থমখি।

ঙসি অঙনবদা কেন্দ্রগী রাজ্য মন্ত্রী, শ্রী অজয় কুমার মিশ্রানা সিক্কিমগী রাজ্যপাল, শ্রী লক্ষমন প্রসাদ অচার্য়াগা রাজ ভবন্দা উনখি অমসুং খুদোংথিবা অসি মায়োক্নবা ঙম্নবা কেন্দ্র সরকারদগী পাংবা য়াবা মতেং পুম্নমক পাংগনি হায়না থাজবা পীখি।

নুংথিলদা শ্রী মিশ্রানা কেজুএলিতী খ্বাইদগী নংখিবা বুরদোংদা লৈবা আর্মী কেম্পতা চৎখি। কেন্দ্রগী রাজ্য মন্ত্রীনা ওক্তোবর 8দা সিক্কিমগী মুখ্য মন্ত্রীগা উন্নগনি অমসুং শোকহল্লবা মফমশিং অমসুং রিলিফ কেম্পশিং য়েংশিনগনি।

ITBPনা ওক্তোবর 3গী নুমিদাংদগী হৌনা মী কনবগী থবক পাইখৎখি, অমসুং মীওই 175 হেন্না হোন্দোরকখি অমসুং মখোয়গী তোঙান-তোঙানবা কেম্পশিংদা  রিলিফ সেন্তর চল্লাইরি। মীওই 40 ফাওনবা ঙমদ্রবা মফম অমদা পন্দুনা লৈখি, য়াম্না খুদোংথিনীংঙাই ওইবা তেরনদগী মখোয়বু কনবা ঙমখি অমসুং কেবল অমসুং থৌরি শীজিন্নদুনা ইরৈ কনবা তুরেলশিংদগী হোন্দোরকখি। মখা তানা দাম তনেলগী অতোপ্পা নাকলদা পনদুনা লৈরম্বা মীওই 6 অমগা কনবা ঙমখি। ফীত  16,000 ৱাংবা, জানাক্তা মীওই 68 পন্দুনা লৈরমখি, মখোয় খুদিংমকপু শাফবা মওংদা কনবা ঙমদুনা গোমাদা লৈবা ITBP কেম্পতা পুরকখি। পন্দুনা লৈরম্বা ইমুং মরি ITBPগী লাচুং BOPদা পুরকখি অমসুং মখোয়না মফম অদুদা কেম্প তৌদুনা লৈরি।

NDRFকী তীম মরি দিপ্লোই তৌরি অমসুং মখোয়না মীওই 178 কনবসু ঙমখি। লমকোইবশিংবু লাচুংদগী অমসুং ITBP অমসুং ইন্দিয়ন আর্মীগী তোঙান-তোঙানবা লোকেসন 2দগী সেতলাইৎ ফোনশিংগী খুত্থাংদা মখোয়গী মরী মতাশিংগা পাও ফাওনহল্লি। ৱেদর কন্দিসনগী মতুং ইন্না ইন্দিয়ন এয়র ফোর্সকী হেলিকোপ্তরশিং নোংথক্তগী মী কনবগী থবক পাইখৎনবা স্তেন্দবাইদা থম্মি। মথৌ তাবা সর্চ অমসুং রেস্ক্যু ইক্বিপমেন্তশিংগা লোয়ননা আর্মী পর্সনেলনা হান্নগী ফীভমদা হঞ্জিনহন্নবা থবক্তা রাজ্য সরকারগী মতেং পাংলি।

*****