ঙসি য়ুনিয়ন মিনিস্তর দোক্তর জিতেন্দ্র সিংহনা হায়খ্রে ভারতগুম্বা লৈবাক অমদা, অনা-লায়য়েংগী লমদা মালেমগী থাকশিং য়ৌনবা সরকার-লনাই পুন্না থবক তৌমিন্নবা তঙাইফদে। নাকল অনিমক্তদগী মচাক-মথুমশিং হাপচিল্লকপনা মমল হোংনা মালেম থাক্কী অনা-লায়য়েংগী খুদোংচাবা ফংহনবদা মতেং পাংগনি।

নিউ দিল্লিদা সি.আই.আইনা শীনবা ১৫শুবা গ্লোবেল মেদতেক সম্মিৎ হৌদোকপদা সাইন্স অমসুং তেক্নোলোজিগী রাজ্য মন্ত্রী(মনিংতম্বা), পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা ৱা ঙাংখ্রে।

মহাক্না হায়খি থাজনবদগী মফম অমতা লৈতে; প্রধান মন্ত্রী শ্রী নরেন্দ্র মোদীগী চহি ৯গী লমজিং মখাদা থৌশিল-থৌরাংদা অহোংবশিং পুরকপদগী সরকার অমসুং প্রাইভেদ সেক্তরশিংগী মরক্তা অমনা অমবু থাজনরে। অনা-লায়য়েংগী হিরমদা মতেং পাংনবগী মথক্তা মেদতেক অমসুং বাইওতেক সেক্তরশিংদা সরকারগী ইন্সতিতুৎশিং অমসুং লনাই উদোগশিংগী মরক্তা মতেং পাংনবগী অচৌবা খুদোংচাবা লৈরি।

মশামক দোক্তর অমা ওইনা অমসুং দাইবেতোলোজিস্ত অমা ওইনা শকখঙনরিবা দোক্তর জিতেন্দ্র সিংহনা হায়খি মিসন সুরক্ষা মাইপাকপা অসিনা ভারতনা কোবিদ লাইচৎ লাকশিনবদা মতেং পাংখি অমসুং মালেমদা খ্বাইদগী চাউবা হেল্থ ইন্সুরেন্স স্কিম অয়ুস্মান ভারতনা হৌজিক লৈরিবা অনাবা মখল খুদিংমক কোনশিল্লি। ভারত মালেমগী মেদ-তেক লুচিংবা অমা ওইনবা সরকারনা থবক পায়খৎলে।

য়ুনিয়ন মিনিস্তরনা হায়খি সরকারনা থৌশিলশিং হায়বদি প্রোমোসন ওফ রিছার্স এন্দ ইন্নোবেসন ইন ফার্মা মেদতেক স্কিম(পি আর আই পি) স্কিম, নিউ মেদিকেল দিভাইন পোলিসি, ২০২৪ ফাওবদা বিমা সুগম পোর্তল হাংদোকপা অমসুং নিউ দ্রগস, মেদিকেল দিভাইসেস এন্দ কোসমেতিক্স বিল অমুক ফগৎহনবা অসিনা অনা লায়য়েং অমসুং মেদতেক সেক্তর ফগৎহনগনি।

য়ুনিয়ন মিনিস্তরনা হায়খি সরকারনা অফবা ফিবম শেমগৎপা অসিনা অনৌবা থবকশিং পাংথোকপা ঙমহল্লি। স্তার্দঅপশিং মাইপাকপা অসিগা লোয়ননা প্রধান মন্ত্রীনা ওন্ত্রেপ্রেনিউয়রশিপ অমসুং উদোগ চাউখৎহল্লে। নিউ দিল্লিদা জি-২০ মীফম মাইপাক্না পাংথোকখ্রবা মতুংদা, মালেমগী থাকশিং, মালেমগী লাল্লোংশিং অমসুং মালেমগী মীৎয়েং ফংহন্নবগী মতাংদা প্রধান মন্ত্রীগী অনিংবশিং লৈরে।

য়ুনিয়ন মিনিস্তরনা হায়খি থবক তৌবদা পাউ ফাওন্দবগী মতম লোইরে হায়না প্রধান মন্ত্রীনা ফোঙদোক্লি অমসুং থিদোক্তনা লৈরিবা পাক-চাউনা লৈরিবা ঐখোয়গী লন-থুমশিং মশক খঙদোক্নবা ঐখোয়না লনাই সেক্তরগা পুন্না থবক তৌমিন্নরে। প্রধান মন্ত্রী মোদীনা হৌদোকখিবা অনুসান্ধান নেসনেল রিছার্স ফাউন্দেসন ভারত্তা রিছার্স অমসুং দিবলপমেন্ত চাউখৎহনগনি অমসুং মথং চহি ৫দা রিছার্স অমসুং দিবলপমেন্তদা মালেমগী লুচিংবা অমা ওইগনি।

মহাক্না হায়খি অনুসান্ধান নেসনেল রিছার্স ফাউন্দেসন্না সাইন্স অমসুং তেক্নোলোজিগী অনৌবশিং অমসুং মীওইবা অমসুং খুন্নাইগী লৌশিং কয়া পুনশিনগনি। মসি নন-গভর্নমেন্ত রিছোর্সশিংনা মরুওইনা শেন থাগদনি। অনুসান্ধান নেসনেল রিছার্স ফাউন্দেসন্না হিরম কয়াদা য়ু.এস.এগী রিছার্স ফাউন্দেসনশিংদগী হেন্না ফরে।

য়ুনিয়ন মিনিস্তরনা হায়খি অমৃত কাল মনুংদা ভারত অত্মানির্ভর ওইনবা অমসুং চাউখৎলবা লৈবাক অমগী পান্দম ফংবা ঙম্নবা প্রাইভে সেক্তরনা মতম খুদিংমক্তা সরকারদা তাইনবগী থবক লেপকদবনি। ঐখোয়না ঐখোয়গী ৱাখল্লোন হোঙগদবনি। চহি ২০০ হেন্না লোয়লম লৈঙাক্কী মখাদা লৈখিবদগী ঐখোয়গী হৌরকফমশিং মাঙহনখি, ঐখোয়গী সংস্কার অমুক হন্না থিদোকপদা মীরোল অহুম চঙখি।

নিতি অয়োগকী মেম্বর, দোক্তর বিনো কে পাউলনা হায়খি রিছার্স অমসুং দিবলপমেন্তগী তৌবা ঙম্বশিংদা অওনবা পুরকপা, লৈবাক মনুংগী মেনুফেকচরিংগী থবক হেনগৎহনবা, উদোগ-মহৈলোয়শং মতেং পাংনবা অমসুং মালেমগী ওইনা মতেং পাংনবা অসিনা মশা-মউ ফবা ভারত অমা শেমগৎপদা মতেং পাংগনি।

থৌরম অদুদা কেমিকেলস অমসুং ফর্তিলাইজরস মিনিস্ত্রিগী সেক্রেতরি এস. অর্পনা, দ্রগস কন্ত্রোল্লর ওফ ইন্দিয়াগী দোক্তর রজিব সিংহ রঘুভান্সি, সি.আই.আই নেসনেল হেল্থকিয়ার কাউন্সিলগী চিয়ারমেন দোক্তর নরেস ত্রেহান ৱা ঙাংখি।

***