مرکزی وزیر ڈاکٹر جتیندر سنگھ نے آج کہا کہ ہندوستان جیسے ملک کے لیے، صحت کی دیکھ بھال میں عالمی معیارات کو پورا کرنے کے واسطے پبلک پرائیویٹ ہم آہنگی ناگزیر ہے۔ انہوں نے کہا کہ دونوں اطراف سے وسائل کی صحت مند تکمیل سے عالمی معیار کی طبی دیکھ بھال سستی قیمتوں پر فراہم کرنے میں بھی مدد مل سکتی ہے۔

سائنس اور ٹکنالوجی کے وزیر مملکت (آزادانہ چارج)، وزیراعظم کے دفتر، عملے، عوامی شکایات، پنشن، ایٹمی توانائی اور خلائی کے وزیر مملکت نے نئی دہلی میں سی آئی آئی کے ذریعہ منعقدہ 15 ویں گلوبل میڈ ٹیک سمٹ 2023 میں افتتاحی خطبہ دیا۔

یہ بتاتے ہوئے کہ اب شکوک و شبہات کی کوئی گنجائش نہیں ہے، ڈاکٹر جتیندر سنگھ نے کہا، وزیر اعظم جناب نریندر مودی کی قیادت میں نو برسوں کے دوران پالیسی منصوبہ بندی میں تبدیلیوں نے پبلک اور پرائیوٹ شعبوں کے درمیان باہمی اعتماد پیدا کیا ہے۔

انہوں نے کہا ‘‘عام طور پر صحت کی دیکھ بھال کے شعبے کے علاوہ میڈ ٹیک اور بائیو ٹیک کے شعبوں میں سرکاری اداروں اور نجی صنعتوں کے درمیان بہت زیادہ ہم آہنگی کی گنجائش موجود ہے۔’’

ڈاکٹر جتیندر سنگھ، جو خود ایک میڈیکل پروفیشنل اور معروف ذیابیطس ماہر ہیں، نے مشن سرکشا کی کامیابی جس نے ہندوستان کو کووڈ  عالمی وبا سے نمٹنے میں مدد کی اور آیوشمان بھارت، دنیا کی سب سے بڑی ہیلتھ انشورنس اسکیم اور اپنی نوعیت کی واحد اسکیم  ہےجو موجودہ بیماری کے خلاف تحفظ فراہم کرتی ہے، کا ذکر کیا۔ انہوں نے کہا، حکومت ہندوستان کو عالمی میڈ ٹیک لیڈر بنانے کے لیے پرعزم ہے۔

انہوں نے کہا ‘‘حکومت نے فارما میڈ ٹیک (پی آر آئی پی) اسکیم میں ریسرچ اینڈ انوویشن کو فروغ دینے، نئی میڈیکل ڈیوائس پالیسی، 2024 تک بیمہ سُگم پورٹل تیار کرنے اور نئے ڈرگز، میڈیکل ڈیوائسز اور کاسمیٹکس بل کی اصلاح جیسی پالیسیاں وضع کی ہیں۔ اس سے ہیلتھ کیئر اور میڈ ٹیک سیکٹر کو فروغ ملے گا’’ ۔

ڈاکٹر جتیندر سنگھ نے کہا کہ وزیراعظم جناب مودی نے حکومت کے اندر صحیح ایکو سسٹم تیار کیا ہے جو اختراع میں مدد کرتا ہے اور اس کو آگے  بڑھاتا ہے۔ اسٹارٹ اپس کی بڑی کامیابی کا حوالہ دیتے ہوئے، ڈاکٹر جتیندر سنگھ نے کہا کہ وزیر اعظم نے انٹرپرینیورشپ اور فروغ پذیر صنعت کے لیے ماحول تیار کیا ہے۔

انہوں نے کہا‘‘نئی دہلی میں  جی 20 سربراہ اجلاس کی کامیابی کے بعد، وزیر اعظم نے عالمی معیارات، عالمی حکمت عملیوں اور عالمی نقطہ نظر کو پورا کرنے کی خواہشات کا تعین کیا ہے۔’’

ڈاکٹر جتیندر سنگھ نے کہاکہ وزیراعظم جناب مودی نے اس بات پر زور دیا ہے کہ سائلو میں کام کرنے کا زمانہ ختم ہو چکا ہے اور ہم نے پرائیویٹ شعبے کے ساتھ مل کر اپنے غیر استعمال شدہ وسائل کے وسیع امکانات کو واضح کرنے کے لیے کام کیا ہے۔ انوسندھان نیشنل ریسرچ فاؤنڈیشن (این آر ایف)، جس کا تصور وزیراعظم جناب مودی نے کیا ہے، اگلے 5 برسوں میں آر اینڈ ڈی کو فروغ دے گا اور ہندوستان کو ایک عالمی آر اینڈ ڈی لیڈر کےمقام پر لائے گا۔

انہوں نے کہا کہ ‘‘انوسندھان این آر ایف سائنس اور ٹیکنالوجی اختراعات اور ہیومینٹیز اور سوشل سائنسز کی حکمت کو یکجا کرے گا۔ اس کی زیادہ تر فنڈنگ غیر سرکاری وسائل سے کی جائے گی۔ انوسندھان، کئی معاملوں میں امریکہ  کے این آر ایف سے بہتر ہو گا’’ ۔

ڈاکٹر جتیندر سنگھ نے کہا کہ امرت کال کے دوران ہندوستان کو آتم نربھر بنانے اور وکست بھارت کے مقصد کو حاصل کرنے کے لیے پرائیویٹ شعبے کو ہر بار حکومت کی طرف دیکھنے کا رجحان  چھوڑنا پڑتا ہے۔

انہوں نے کہاکہ‘‘ہمیں اپنی ذہنیت کو بدلنا ہوگا۔ دو صدیوں کی نوآبادیاتی حکمرانی کے بعد اپنی جڑیں کھو جانے کے بعد، ہمارے سنسکار کو دوبارہ دریافت کرنے میں تین نسلیں لگیں گی’’ ۔

نیتی آیوگ کے رکن ڈاکٹر ونود کے پال  نے اپنے خطاب میں کہا کہ ایک صحت مند ہندوستان تیار  کرنے کی کامیابی کو اصلاح شدہ آر اینڈ ڈی  صلاحیتوں، گھریلو مینوفیکچرنگ پیمانے میں اضافے، صنعت-تعلیمی  ادارے کے تعاون  اور عالمی شراکت داری سے تقویت دی جا سکتی ہے۔

کیمیکل اینڈ فرٹیلائزر کی وزارت کی  سکریٹری (ڈی او پی) محترمہ ایس اپرنا،  ڈرگس کنٹرولر جنرل آف انڈیا، سی ڈی ایس سی او ڈاکٹر راجیو سنگھ رگھوونشی، سی آئی آئی نیشنل ہیلتھ کیئر کونسل کے چیئرمین ڈاکٹر نریش تریہن بھی اس موقع پر خطاب کرنے والے دیگر معززین کے  ساتھ موجود تھے۔

۔۔۔۔۔۔۔۔۔۔۔

ش ح۔ا گ۔ن ا۔

U- 10466