কেন্দ্রগী গৃহ অমসুং কোওপরেসন মন্ত্রী, শ্রী অমিত শাহনা লুচিংদুনা মুখ্য মন্ত্রী, উপ-মুখ্য মন্ত্রী অমসুং লেফ ৱিং এক্সত্রিমিজম্না চৈথেং পীরবা রাজ্যশিংগী মরী লৈনবা ওফিসিএলশিংগা লোয়ননা ঙসি নই-দিল্লীদা লেফ ৱিং এক্সত্রিমিজমগী ফিভম হঙ্গৎনা য়েংশিনবগী মীফম অমা ফমখ্রে। কেন্দ্রগী মন্ত্রী, নেস্নেল সেক্যুরিতী এদভাইজর, কেন্দ্রগী হোম সেক্রেতরী, সেন্ত্রেল আর্ম্দ পুলিস ফোর্স (CAPF)কী দাইরেক্তর জেনেরেল, কেন্দ্র সরকারগী সেক্রেতরী, রাজ্যশিংগী চীফ সেক্রেতরী, পুলিসকী দাইরেক্তর জেনেরেল অমসুং অতোপ্পা সেনিয়র ওফিসরশিংসু মীফম অসিদা শরুক য়াখি।

প্রধান মন্ত্রী, শ্রী নরেন্দ্র মোদীগী লুচিং মখাদা হৌখিবা চহি খরসিদা লেফতিস্ত এক্সত্রিমিজম মায় পাক্না লাকশিনবা ঙমখি অমসুং হৌজিক্তি, থৌওং অসিনা অরোইবা ৱারোইশিন ফংবগী থাক্তা লৈরে হায়না কেন্দ্রগী গৃহ মন্ত্রীনা মহাক্কী ৱারোলদা পনখি। প্রধান মন্ত্রী মোদীগী খোঙফম চেৎপা অমসুং লেফ ৱিং এক্সত্রিমিজম্না চৈথেং পীরবা রাজ্যশিংনা তেংবাংলকপদগী মসিগী মাইয়োক্তা থেংনরিবা থৌওংশিংদা ইং 2022 অমসুং 2023দা অচৌবা মায় পাকপা ফংখি হায়না মহাক্না হায়খি। লোয়ননা, হৌজিক্কী চহি অসিদি মথংগী চহি 2গী মনুংদা লেফ ৱিং এক্সত্রিমিজম্বু মরু ফংনা মুত্থৎনবা ৱারেপ লৌবগী চহিনি হায়না মহাক্না মখা তাখি।

শ্রী উমিত শাহনা হায়খিবদা, ইং 2019দগী হৌনা ভেক্ক্যুম এরিয়া পীকশিল্লক্লি, ঐখোয়না CAPFকী অনৌবা কেম্প 195 লিংখৎখ্রে, অহেনবা কেম্প 44 অমগসু লিংখৎখিগনি হায়বসিনি। লেফ ৱিং এক্সত্রিমিজমগী মাইয়োক্তা সেন্ত্রেল আর্ম্দ পুলিস ফোর্স (CAPF) শিজিন্নবা, দিভেলপমেন্তশিংবু রেস্নেলাইজ তৌবা অমসুং ভেক্ক্যুম এরিয়া শেমগৎপনা মোদী সরকারগী প্রাইওরিতীনি হায়না শ্রী শাহনা মখা তাখি।

লেফ ৱিং এক্সত্রিমিজমদগী মনিং তমহল্লবা মফমশিংদা শিংনবা অসি অমুক্কা হন্না লাক্তনবা মফমশিং অসিবু লেপ্তনা য়েংশিনবগী মথৌ তাই হায়না কেন্দ্রগী গৃহ অমসুং কোওপরেসন মন্ত্রীনা ফোংদোকখি। মসিগুম্বা শিংনবশিংবু মুত্থৎখ্রবা মফমশিংগী লেফ ৱিং এক্সত্রিমিস্তশিংনা অতোপ্পা রাজ্যদা চঙজদুনা লোৎপা য়াহন্দনবগীদমক্তা মখোয়বু মীকুপ নাহুম শিংনা শেন্নবগী মথৌসু তাই হায়না মহাক্না মখা তাখি।

শ্রী অমিত শাহনা হায়খিবদা, মোদী লৈঙাক্না ইং 2014দা লেফ ৱিং এক্সত্রিমিজমগী মাইকৈদা জিরো তোলরেন্স পোলিসী চৎনবগী ৱারেপ লৌখি। মসিগী জিরো তোলরেন্স পোলিসীগী মহৈ ওইনা, খৎন চৈনবা অমসুং মী শিবগী থাক্না দিকেদ 4গী মতুংদা ইং 2022দা খ্বাইদগী নেমখি হায়না মহাক্না হায়খি। ইং 2005তগী 2014 ফাওবগী মতমগা চাংদম্নবদা ইং 2014 অমসুং 2023গী মতমদা লেফ ৱিং এক্সত্রিমিজমগা মরী লৈনবা খৎন চৈনবগী থৌদোক্তা চাদা 52 হেন্না, মী শিবগী চাংদা চাদা 69, সেক্যুরিতী ফোর্সকী মীওই শিবগী চাংদা চাদা 72 অমসুং মীচম শিবগী চাংদা চাদা 68 হন্থখি হায়না মহাক্না মখা তানা পাউদমখি।

লেফ ৱিং এক্সত্রিমিজমগী ফাইনান্সিং লাকশিন্নবগীদমক্তা নেস্নেল ইনভেস্তিগেসন এজেন্সী (NIA) অমসুং ইনফোর্সমেন্ত দাইরেক্তোরেত (ED)না রাজ্যগী এজেন্সী খুদিংমক্কা নক্না থবক তৌমিন্নরি হায়না কেদ্রগী গৃহ মন্ত্রীনা হায়খি। ইরাং অসিনা চৈথেং পীরবা রাজ্যশিংনা সিভিল অমসুং পুলিস এদমিনিস্ত্রেসনগী অপুনবা তীম অমা শেমদুনা লেফ ৱিং এক্সত্রিমিজম্না শেলগী মতেং ফংলিবা অসিবু লেপহন্নবা হোৎনগদবনি হায়না মহাক্না মখা তাখি। লেফ ৱিং এক্সত্রিমিজমগী ভিক্তিমশিংদা পীবা খেতী পুরোনগী শেনফম্বু মোদী লৈঙাক্না ইং 2017দা লুপা লাখ 5তগী লুপা লাখ 20দা হেনগৎখি, হৌজিক্তি মসি মখা তানা লাখ 40দা হেনগৎলে হায়বা ৱাফমসু মহাক্না পাউদমখি।

লেফ ৱিং এক্সত্রিমিজম্না চৈথেং পীরবা রাজ্যশিংদা চাউখৎ থৌরাংগী থবকশিংগী খোঙজেল য়াঙখৎহন্নবা মোদী লৈঙাক্না খোঙথাং কয়া পায়খৎলি হায়না শ্রী অমিত শাহনা হায়খি। লম্বী শোরোক শেম্বা, তেলিকম্ম্যুনিকেসন, ফাইনেন্সিএল ইনক্লুজন, স্কিল দিভেলপমেন্ত অমসুং এজুকেসনগুম্বা হীরমশিংদা অহেনবা মিৎয়েং চঙলি হায়না মহাক্না হায়খি। হায়রিবা মফমশিং অসিগী চাউখৎ থৌরাং হেন্না খুমাং চাউশিলহন্নবা কেন্দ্র সরকারনা স্পিসিএল সেন্ত্রেল এসিস্তেন্স (SCA)গী মখাদা প্রোজেক্ত 14,000 হেন্না হৌদোকখ্রে হায়না শ্রী অমিত শাহনা হায়খি। প্রোজেক্তশিং অসিগী 80%দি লোইশিল্লে অমসুং স্কিম অসিগী মখাদা হায়রিবা মফমশিং অসিদা লুপা করোর 3,296 থাদখ্রে হায়না মহাক্না পাউদমখি। ফোর্তিফাইদ পুলিস স্তেসন শানবা, স্তেত ইন্তেল্লিজেন্স ব্রাঞ্চকী মপাঙ্গল হেনগৎহন্নবা অমসুং লেফ ৱিং এক্সত্রিমিজম্না চৈথেং পীরবা রাজ্যশিংগী স্পিসিএল ফোর্স শেম্নবগীদমক্তা স্পিসিএল ইনফ্রাস্ত্রকচর স্কিম (SIS)কী মখাদা, লুপা করোর 992গী প্রোজেক্তশিংগী অয়াবা পীখ্রে হায়না মহাক্না হায়খি। হৌখিবা চহি 9দা মোদী লৈঙাক্না সেক্যুরিতী রিলেতেদ এক্সপেন্দিচর (SRE)বু হান্নগী মতমগা চাংদম্নবদা শরুক অনিদগী হেন্না হেনগৎখ্রে।

ইং 2005তগী 2014 ফাওবগী মতমগা চাংদম্নবদা ইং 2014 অমসুং 2023গী মতমদা লেফ ৱিং এক্সত্রিমিজমগা মরী লৈনবা খৎন চৈনবগী থৌদোক হন্থরকপগী দেতাদা মিৎয়েং চঙবা -

লেফ ৱিং এক্সত্রিমিজমগা মরী লৈননা সেক্যুরিতীগী ফিভমদা মায় পাকখিবশিং

***