કેન્દ્રીય ગૃહ મંત્રી અને સહકારિતા મંત્રી શ્રી અમિત શાહે મુખ્યમંત્રીઓ અને નાયબ મુખ્યમંત્રીઓ તથા ડાબેરી ઉગ્રવાદથી અસરગ્રસ્ત રાજ્યોના અન્ય સંબંધિત અધિકારીઓ સાથે આજે નવી દિલ્હીમાં ડાબેરી ઉગ્રવાદ પર સમીક્ષા બેઠકની અધ્યક્ષતા કરી હતી. કેન્દ્રીય મંત્રીઓ, રાષ્ટ્રીય સુરક્ષા સલાહકાર, કેન્દ્રીય ગૃહ સચિવ, કેન્દ્રીય સશસ્ત્ર પોલીસ દળ (સીએપીએફ)ના મહાનિર્દેશક, કેન્દ્ર સરકારના સચિવો, રાજ્યોના મુખ્ય સચિવો, પોલીસ મહાનિર્દેશકો અને અન્ય વરિષ્ઠ અધિકારીઓ પણ આ બેઠકમાં સામેલ થયા હતા.

કેન્દ્રીય ગૃહ મંત્રીએ પોતાનાં સંબોધનમાં કહ્યું હતું કે, પ્રધાનમંત્રી શ્રી નરેન્દ્ર મોદીનાં નેતૃત્વમાં છેલ્લાં થોડાં વર્ષોમાં ડાબેરી ઉગ્રવાદને નિયંત્રણમાં લેવામાં સફળતા મળી છે અને હવે આ લડાઈ નિર્ણાયક તબક્કામાં પહોંચી ગઈ છે. તેમણે કહ્યું કે પ્રધાનમંત્રી મોદીના દ્રઢ નિશ્ચય અને વામપંથી ઉગ્રવાદથી પ્રભાવિત તમામ રાજ્યોના સહયોગથી 2022 અને 2023માં તેની સામે મોટી સફળતાઓ પ્રાપ્ત થઈ છે. તેમણે કહ્યું હતું કે, આ આગામી 2 વર્ષમાં ડાબેરી પાંખનાં કટ્ટરવાદને સંપૂર્ણપણે નાબૂદ કરવા માટે સમાધાન લેવાનું વર્ષ છે.

શ્રી અમિત શાહે જણાવ્યું હતું કે, વર્ષ 2019થી અત્યાર સુધી વેક્યૂમ એરિયા ઘટી રહ્યાં છે, અમે સીએપીએફની 195 નવી શિબિરોની સ્થાપના કરી છે, વધુ 44 નવા કેમ્પોની સ્થાપના કરવામાં આવશે. શ્રી શાહે જણાવ્યું હતું કે, ડાબેરી ઉગ્રવાદ સામે કેન્દ્રીય સશસ્ત્ર પોલીસ દળ (સીએપીએફ)ની તૈનાતી, વિકાસને તર્કસંગત બનાવવા અને શૂન્યાવકાશ ધરાવતાં વિસ્તારોમાં શિબિરોની સ્થાપના એ મોદી સરકારની પ્રાથમિકતા છે.

કેન્દ્રીય ગૃહમંત્રી અને સહકારિતા મંત્રીએ કહ્યું હતું કે, ડાબેરી ઉગ્રવાદથી મુક્ત થયેલા વિસ્તારોમાં સતત દેખરેખ રાખવાની જરૂર છે, જેથી ત્યાં આ સમસ્યા ફરી થી પુનર્જીવિત ન થાય. તેમણે કહ્યું કે, એ વાત પર પણ નજર રાખવાની જરૂર છે કે જે વિસ્તારોમાં આ સમસ્યા દૂર કરવામાં આવી છે ત્યાંથી ડાબેરી ઉગ્રવાદીઓ અન્ય રાજ્યોમાં આશ્રય લેતા નથી.

શ્રી અમિત શાહે જણાવ્યું હતું કે, મોદી સરકારે વર્ષ 2014થી ડાબેરી ઉગ્રવાદ સામે શૂન્ય સહિષ્ણુતાની નીતિ અપનાવી છે. તેમણે કહ્યું કે અમારી ઝીરો ટોલરન્સ નીતિના પરિણામ સ્વરુપે છેલ્લા 4 દાયકામાં 2022માં હિંસા અને મૃત્યુનું સૌથી નીચું સ્તર નોંધાયું છે. 2005થી 2014ના સમયગાળાની તુલનામાં 2014થી 2023 ની વચ્ચે ડાબેરી ઉગ્રવાદ સંબંધિત હિંસામાં 52 ટકાથી વધુ, મૃત્યુમાં 69 ટકા, સુરક્ષા દળોના મૃત્યુમાં 72 ટકા અને નાગરિકોના મૃત્યુમાં 68 ટકાનો ઘટાડો થયો છે.

કેન્દ્રીય ગૃહ મંત્રીએ કહ્યું કે રાષ્ટ્રીય તપાસ એજન્સી (એનઆઈએ) અને એન્ફોર્સમેન્ટ ડિરેક્ટોરેટ (ઇડી) ડાબેરી ઉગ્રવાદના ફાઇનાન્સિંગ પર હુમલો કરવા માટે રાજ્યની તમામ એજન્સીઓ સાથે મળીને કામ કરી રહ્યા છે. તેમણે ઉમેર્યું હતું કે, ડાબેરી ઉગ્રવાદના નાણાકીય સમર્થનના નેટવર્કને નાબૂદ કરવા માટે તમામ અસરગ્રસ્ત રાજ્યોએ નાગરિક અને પોલીસ વહીવટીતંત્રની સંયુક્ત ટીમ બનાવીને પ્રયાસો કરવાની જરૂર છે. તેમણે કહ્યું કે મોદી સરકારે 2017માં ડાબેરી ઉગ્રવાદના પીડિતો માટે અનુગ્રહ રાશિ 5 લાખ રૂપિયાથી વધારીને 20 લાખ રૂપિયા કરી દીધી હતી, હવે તેને વધુ વધારીને 40 લાખ રૂપિયા કરવામાં આવી છે.

શ્રી અમિત શાહે જણાવ્યું હતું કે, મોદી સરકારે ડાબેરી ઉગ્રવાદથી અસરગ્રસ્ત રાજ્યોમાં વિકાસને વેગ આપવા કેટલાંક પગલાં લીધા છે. તેમણે કહ્યું હતું કે, માર્ગ નિર્માણ, દૂરસંચાર, નાણાકીય સર્વસમાવેશકતા, કૌશલ્ય વિકાસ અને શિક્ષણ જેવા ક્ષેત્રો પર વિશેષ ધ્યાન આપવામાં આવી રહ્યું છે. શ્રી શાહે જણાવ્યું હતું કે, કેન્દ્ર સરકારે ડાબેરી ઉગ્રવાદથી સૌથી વધુ અસરગ્રસ્ત જિલ્લાઓમાં વિકાસને વેગ આપવા માટે વિશેષ કેન્દ્રીય સહાયતા (એસસીએ) યોજના હેઠળ 14,000થી વધારે પ્રોજેક્ટ શરૂ કર્યા છે. તેમણે જણાવ્યું હતું કે, આ યોજનાઓમાંથી 80 ટકાથી વધારે પરિયોજનાઓ પૂર્ણ થઈ ગઈ છે અને આ યોજના હેઠળ ડાબેરી ઉગ્રવાદથી અસરગ્રસ્ત રાજ્યોને રૂ. 3,296 કરોડ આપવામાં આવ્યાં છે. તેમણે જણાવ્યું હતું કે, વિશેષ માળખાગત સુવિધા યોજના (એસઆઇએસ) હેઠળ ફોર્ટિફાઇડ પોલીસ સ્ટેશનોનાં નિર્માણ, રાજ્યની ઇન્ટેલિજન્સ શાખાઓને મજબૂત કરવા અને ડાબેરી ઉગ્રવાદથી અસરગ્રસ્ત રાજ્યોની વિશેષ સેનાઓ માટે રૂ. 992 કરોડનાં પ્રોજેક્ટ્સને મંજૂરી આપવામાં આવી છે. છેલ્લા 9 વર્ષમાં મોદી સરકારે સુરક્ષા સંબંધિત ખર્ચ (એસઆરઈ)માં અગાઉના સમયગાળાની તુલનામાં બમણાથી વધુનો વધારો કર્યો છે.

વર્ષ 2005થી 2014ની સરખામણીમાં વર્ષ 2014થી 2023 દરમિયાન ડાબેરી ઉગ્રવાદની હિંસક ઘટનાઓમાં નોંધપાત્ર ઘટાડો થયો છે.

ડાબેરી ઉગ્રવાદ સાથે સંબંધિત સુરક્ષા સિદ્ધિઓ

CB/GP/JD