প্রধান মন্ত্রী শ্রী নরেন্দ্র মোদীনা ময়াই তাংবল লৌখিবা কেবিনেত কম্মিতী ওন একনোমিক এফিয়র্সনা দিপার্ত্মেন্ত ওব ৱাতর রিসোর্স, রিভর দিবেলপমেন্ত অমসুং গঙ্গা রিজুবেনেসন, জল শক্তি মন্ত্রালয়না নোর্থ কোল রিজর্ভর প্রোজেক্তকী বেলেন্স ৱার্ক লোইশিন্নবা হান্না ওগস্ত ২০১৭দা অয়াবা পীরম্বা লুপা করোর ১,৬২২.২৭ (সেন্ত্রেল শেয়রঃ লুপা করোর ১,৩৭৮.৬০) অদু নৌনা শেমদোক্লবা শেনফম লুপা করোর ২,৪৩০.৭৬ (সেন্ত্রেল শেয়রঃ লুপা করোর ১,৮৩৬.৪১) দা অয়াবা পীখ্রে।

বেলেন্স ৱার্ক লোইরকপদা, প্রোজেক্ত অসিনা ঝার্খন্দ অমসুং বিহারগী ইকং থোক্কনবা জিলা মরিদা লৈবা হেক্তর ৪২,৩০১ দা অহেনবা ইথৈ লৌখোংগী খুদোংচাবা পীগনি।

নোর্থ কোল রিজর্ভর প্রোজেক্ত অসি ইন্তর স্তেত ওইবা মরুওইবা ইথৈ লৌখোংগী প্রোজেক্ত অমনি, মসি বিহার অমসুং ঝার্খন্দ রাজ্য অনিগী মরক্তা লৈবা কম্মান্দ এরিয়াদা লৈ। প্রোজেক্ত অসিদা কুতকু খুঙ্গং (লাতেহর, ঝার্খন্দ জিলা)গী ময়াদা লৈবা নোর্থ কোল তুরেলদা দাম অমা, (ঝার্খন্দগী পালামু জিলাগী মোহমদগঞ্জ)দা লৈবা দাম অসিগী কিলোমিতর ৯৬ শাংবা বেরেজ অমা, রাইত মেন কেনেল (আর.এম.সি.) অমসুং লেফ মেন কেনেল (এল.এম.সি.) বেরেজ অসিদগী থাদোক্লকপা য়াওরি। দাম অমসুং এন্সিলিয়রীগী থবকশিং অসি বিহার লৈঙাক্না মশাগী রিসোর্সশিং শীজিন্নদুনা ১৯৭২ দগী শাবা হৌখি। থবক অসি ১৯৯৩ ফাওবা মখা চত্থরম্মি মসিগী মতুংদা বিহার লৈঙাক্কী ফোরেস্ত দিপার্ত্মেন্তনা চহি অসিমক্তদা শিংজিনখি। মসিগী মরুওইবা মরমদি, দাম অসিনা থুমগৎহল্লক্লবা ঈশিং অসিনা বেতলা নেসনেল পার্ক অমসুং পালামু তাইগর রিজর্বতা অকাইবা থোকহল্লকদ্রা হায়বগী অকিবা লৈবননি, দামগী থবকশিং অদু লেপতুনা লৈখি। লেপতুনা লৈরবা প্রোজেক্ত অসিনা লম হেক্তর ৭১,৭২০ দা ইথৈ লৌখোং পীরম্মি। নবেম্বর ২০০০ দা বিহারবু অনি থোক্না খাইদোকখিবা মতমদা, হেদ ৱার্ক হায়বদি, দাম অমসুং বেরেজ অসি ঝার্খন্দলোমদা লৈখি। মসিগী মথক্তা, মোহমদগঞ্জদগী লাকপা লেফ মেন কেনেল (এল.এম.সি.)গী কিলোমিতর ১১.৮৯ গী অপুনবা লম অসি অসি ঝার্খন্দদা তাখি। অদুমওইনমক, রাইত মেন কেনেল (আর.এম.সি.) গী কিলোমিতর ১১০.৪৪ গী অহানবা কিলোমিতর ৩১.৪০ না ঝার্খন্দদা লৈহৌরগা লেমহৌরিবা কিলোমিতর ৭৯.০৪ না বিহারদা লৈখি। ২০১৬ দা ভারত সরকারনা নোর্থ কোল রিজর্ভরগী থবকশিং অসি মসিনা পীরিবা কান্নবশিং অসি য়েংলগা মখা তানা লোইশিন্নবা মতেং পাংনবা লেপখি। পালামু তাইগর রিজর্বতা শোক্তনবা রিজর্ভর লেভেল অদু হন্থনবা ৱারেপ লৌখি। প্রোজেক্ত অসিগী বেলেন্স ৱার্ক অসি লোইশিন্নবগী প্রোপোজেল অসি কেন্দ্রগী কেবিনেতনা ওগস্ত ২০১৭দা লুপা করোর ১৬২২.২৭ দা লেপখি।

মসিগী মখা তারকপদা, রাজ্য সরকার অনিদগী হায়জরকপগী মতুং ইন্না, প্রোজেক্ত অসিদা অতৈ মচাক অহেনবা কয়া অমা হাপ্পা তঙাইফদবা লৈরম্মি। আর.এম.সি. অমসুং এল.এম.সি.গী মপুং ফাবা লাইনিং অসিসু ইথৈ লৌখোংগী খুদোংচাবা অসি ফংনবগীদমক তেক্নিকেলগী ওইবা মীৎয়েংদগী তঙাইফদবা ওইরম্মি। অসুম্না গায়া দিস্ত্রিব্যুসন সিস্তেম, আর.এম.সি. অমসুং এল.এম.সি.গী লাইনিং, এন্রুত স্ত্রকচর, অনৌবা স্ত্রকচর খরা শাবা অমসুং প্রোজেক্ত এফেক্তেদ ফেমিলিস (পি.এ.এফ.)কী আর.এন্দ আর.গী অমুক্তদা পীবা স্পেসল পেকেজসু শেমদোক্লবা কোস্ত এস্তিমেত অসিদগী পীগদবনি।

মসিগী মতুং ইন্না, প্রোজেক্ত অসিগী রিভাইস কোস্ত এস্তিমেত অসি শেমখিবনি। বেলেন্স ৱার্ককী লুপা করোর ২৪৩০.৭৬ তগী কেন্দ্র সরকারনা লুপা করোর ১৮৩৬.৪১ পীগনি।

****