جانوروں کی فلاح وبہبود کا ہندوستانی بورڈ (اے ڈبلیو بی آئی ) ، جو مویشی پروری  اورڈیری  کا محکمہ، ماہی پروری ، مویشی پروری اور ڈیری کی وزارت کا ایک قانونی ادارہ ہے، نے آج نئی دلی میں عالمی یوم حیوانات 2023 منایا۔اس موقع پر ماہی پروری ، مویشی پروری اور ڈیری کے مرکزی وزیر جناب پرشوتم روپالہ اور ماہی پروری ،مویشی پروری اورڈیری کے وزیر مملکت ڈاکٹر سنجے بالیان  موجود تھے۔ اس کے علاوہ  مویشی پروری کے کمشنر ڈاکٹر ابھیجیت مترا اور اے ڈبلیو ڈی آئی کے چیئر مین ڈاکٹر اوپی چودھری  بھی موجود تھے۔

مرکزی وزیر جناب روپالہ نے مجمع سے خطاب کرتے ہوئے کہا کہ ملک میں جانوروں سے متعلق بہت سی روایات ہیں، جو سماج کے لئے قیمتی ہیں۔ انہوں نے روایتی طورطریقوں کو سامنے لا نے کی ضرورت پر زور دیا جو جانوروں  کے تئیں  احترام اور منسلک ہونے اور ان سے لگاؤ کو ظاہر کرتا ہے ۔ جناب روپالہ نے دیسی گایوں  کی اہمیت پرزوردیتے ہوئے  ہماری دیہی معیشت کی ریڑھ کی ہڈی قراردیا۔

انہوں نے گائے کے گوبر سے بننے والی مصنوعات اور پنچا گوویا کے بہتر  استعمال کی ضرورت  کی اپیل کی ۔ اس موقع  پر مرکزی وزیر نے پَرانی مترا اور جیودیا ایوارڈ  بھی پیش کئے ۔

اپنے خطاب میں ڈاکٹر سنجے بالیان نے کہا کہ انسان اور جانوروں کے درمیان توازن رکھنا بہت اہم ہےاور ہم سبھی کو سماج میں   دونوں  کے مشترکہ وجود کے بارے میں سوچنا ہوگا۔ ڈاکٹر بالیان نے کہا کہ کچھ ادارے جانوروں کے لئے بہت اچھا کام کررہے ہیں۔ انہوں نے گاؤوں میں  اس طرح کے کام کرنے کی ضرورت پر زوردیا ۔ آوارہ جانوروں کے مسئلے پر انہوں نے کہا کہ آوارہ جانوروں کو روکنا پورے سماج کی ذمہ داری ہے اور اس معاملے سے نمٹنے کے لئے عوامی تعاون درکا ر  ہے۔

تکنیکی سیشن کے دوران مختلف مقررین نے فضلہ کو دولت میں تبدیل کرنے سے متعلق اختراعی ٹکنالوجی کے مسئلے پر  انتہائی اہمیت کے حامل  مختلف معاملات  ،  پائیداریت اور گؤشالہ کے شیلٹر مینجمنٹ ، پنچگاویاسے متعلق سائنسی حقائق پرتبادلہ خیال کیا ۔اس کے علاوہ  جناب جیش  پاریکھ  ، جناب گریش جے شاہ  ، پروفیسر آر ایس چوہان اور وکیل  محترمہ منیشا ٹی  کاریا نے  بالترتیب  انسان اور جانوروں کے درمیان  تنازعات  سے نمٹنے کے مسائل پرتبادلہ خیال کیا۔نامور مقررین نے جانوروں  کی فلاح وبہبود سے متعلق سرگرمیوں میں حصہ لینے اور جانوروں کے لئے بیداری اور ہمدردی کا جذبہ  پیدا کرنے کے لئے ہرایک کی حوصلہ افزائی کی۔

اس تقریب میں جانوروں کی فلاح وبہبودکے شعبے میں افراد ، تنظیموں اور کمیونٹیز  کی ان تھک کوششوں کا اعتراف کیا گیا۔ایوارڈ  حاصل کرنے والوں کی تفصیلات  ، جن کو مختلف زمروں میں ایوارڈ سے نوازا گیا، ذیل میں دی گئی  ہیں:

پس منظر:

ہرسال 4 اکتوبر کو عالمی سطح پر جانوروں کا عالمی دن منایا جاتا ہے ، جو زمین پر زندگی کے نمایاں تنوع  اور ہماری ایکوسسٹم  میں  جانوروں کے اہم کردار کو پہچاننے کا موقع فراہم کرتا ہے۔اے ڈبلیو بی آئی نےاس اہم دن پر  اجتماعی طورپردنیا کے لئے کام کرنے  کے تعلق سے اس تقریب کا اہتمام کیا ہے، جہاں جانورو  ں کی نہ صرف حفاظت کرنی ہے بلکہ ان کی پرورش  بھی کرنی ہے۔ آئیے مل کر تبدیلی لانے کی کوشش کریں   اور ایک ایسی دنیا کے لئے کام کریں جہاں جانوروں کا احترام ہو ، ان کی حفاظت ہو اور ان کی پرورش کی جائے۔

*************

  ش ح۔ع ح۔رم

U-10387